Connect with us

Aktuale

Mosshfrytëzimi i mbi dhe nënkalimeve, 113 të vdekur dhe 3640 të lënduar gjatë tri viteve

Published

on

Mbikalimet dhe nënkalimet në Kosovë vazhdojnë të projektohen, ndërtohen dhe të mos shfrytëzohen nga qytetarët, pasi sipas ekspertëve nuk bëhet një studim i mirëfilltë para vendosjes së tyre dhe si rezultat i vendosjes në vende jo adekuate, qytetarë detyrohen t’i shmangin dhe të kalojnë rrugën edhe aty ku nuk është paraparë kalimi për ata.

E pikërisht nga shmangia dhe mos shfrytëzimi i nën dhe mbi kalimeve, këmbësorët po bëhen shkaktar i një numri të madh të aksidenteve në trafik.

Sipas Policisë së Kosovës, aksidentet e trafikut në të cilat kanë qenë të përfshirë këmbësorët, janë në numër të lartë. Në vitin 2017 nga aksidentet e trafikut kanë mbetur 44 persona të vdekur, në vitin 2018, janë 29 të vdekur, kurse, në vitin 2019 janë 40 persona të vdekur.

Kurse sa i përket këmbësorëve të cilët kanë pësuar lëndime nga aksidentet në trafik, numri është akoma më i madh, në vitin 2017 kanë qenë 1322 raste, në vitin 2018, 1225 raste, kurse në vitin 2019, gjithsej 1093 raste të lënduar.

Sipas ekspertit të komunikacionit, Visar Baxhuku arsyeja që këmbësoret nuk i shfrytëzojnë vendet adekuate për kalimin e rrugës është për shkak të mos planifikimit të duhur të vendosjes së nën dhe mbi kalimeve.

Baxhuka theksoi për KosovaPress, se masat represive nuk funksionojnë, detyrimi i kalimit nga policia nuk jep rezultat, por që sipas tij, paraprakisht para vendosjes së këtyre vendeve është dashur të bëhet analiza e duhur, në mënyrë që siç tha ai të mos vije puna deri këtu ku jemi sot, ku nën dhe mbi kalimet kanë mbetur të pa shfrytëzueshme.

“Masat represive nuk funksionojnë, vendosja e pengesave detyrimi i kalimit nuk jep rezultat. Para se të ndërtohen ata duhet të shikohet arsyeshmëria ndaj ndërtimit, zonat që lidhin pastaj edhe pjesën e asaj se a është i nevojshëm në një masë të tillë, kur studiohen këto arrihet në një përfundim dhe i vendosët një atraksion, nuk ka ma vendkalime, nënkalime apo mbikalime të destinuara vetëm për mbikalim ose nënkalim, duhet t’i vendoset edhe elementi i atraksionit që njerëzit të jenë të tërhequr për me realizuar kalimin në atë zonë në mënyrë të sigurt në aspektin e sigurisë publike, për shkak se shumë nënkalime që janë të ndërtuara në Kosovë, sidomos jashtë zonave të banuara te rrugët e karakterit më të lartë janë të pa shfrytëzueshme dhe kur pyesim banorët përreth pse nuk shfrytëzohen e përmendin aspektin e sigurisë”, u shpreh Baxhuku.

Sipas Baxhukut, mos shfrytëzimi i vendeve adekuate për kalimin e rrugës nga këmbësorët, po e rrit numrin e aksidenteve në trafik, e që prej 10 0 të vdekurve 25 përqind janë këmbësorë.

“Detyrimisht pamundësia me bo diferencimin ndarjen e qarkullimit, kalimit të rrugës së këmbësorëve pa pengesa me automjete dhe anasjelltas e rrit shkallën e ekspozimit dhe mundësin e aksidenteve, kjo është vërejtur vetëm në statistikat e fundit ku prej 100 të vdekurve diku 24-25 llogaritën që janë këmbësorë, masa e vdekshmërisë në aksidente prekës apo përfshirë në aksident është 25 përqind te këmbësorët”, u shpreh Baxhuku.

Të njëjtin mendim kanë edhe qytetarët, të cilët thonë se i shmangin nënkalimet dhe mbikalimet, për shkak të vendosjes në vendet e gabuara, rrezikshmërisë dhe papastërtisë.

Qytetari Qemajl Ahmeti, thotë për KosovaPress, se para vendosjes së nën apo mbikalimeve duhet të testohet se sa ka qarkullim të qytetarëve në atë zonë. Sipas tij, vendkalimet në Kosovë janë vendosur pa e bërë analizën e duhur të vendit dhe se për këtë arsye shmangen nga këmbësoret dhe kanë mbetur material i shpenzuar kot.

“Janë të vendosura në vend të keq, së pari duhet të testohet qarkullimi i njerëzve e pastaj duhet me u bo vendkalimi, disa vend kalime në Kosovë janë vendosur vetëm sa për, unë i njoh i di shumë vende, në pjesën e Gjilanit janë 2 kurrë nuk përdoren, mbi kalimi këtu te shkolla e mjekisë është kot shpenzim i pa nevojshëm në emër të sigurimit është bërë por fatkeqësisht e keni pa asnjë nxënës nuk hip aty ose duhet me i mbyllë rruga që me i detyru ose duhet me i hekë, ajo realisht sot për sot është material shpenzues që ka mbet aty”, u shpreh Ahmeti.

Edhe qytetari Daut Morina ndan të njëjtin mendim. Ai se nënkalimet që i bie t’i frekuentojë kanë shumë papastërti dhe në mbrëmje nuk ka ndriçim.

Kurse për mbikalimet, ai theksoi se janë vendosur shumë lartë dhe se përmbajnë rrezikshmëri për këmbësorët.

“Unë në 2-3 vende që kaloj për shembull në nënkalim është papastër dhe nuk ka drita, mbikalimet janë të larta dhe nuk janë adekuate të kalohen realisht, nuk janë të punuara as njëra, as tjetra me vend”, tha Morina.

E Zef Morina thotë se nën dhe mbikalimet i shmang për shkak të papastërtisë dhe mënyrës siç thotë ai që janë ndërtuar. Sipas tij, materiali me të cilin janë punuar nuk është i sigurt për kalimin e qytetarëve.

“Përndryshe mbikalimet dhe nën kalimet nuk po mirëmbahen si duhet, sidomos mbi kalimet të cilat janë të punuara pikat kryesore, sistemi konsultiv dhe forma e ndërtimit nuk është si duhet ndërsa nën kalimet nuk kanë mirëmbajtje dhe frika e qytetarëve është pikërisht për këtë arsye”, u shpreh Morina.

Se nënkalimet dhe mbikalimet janë vendosur në vende të gabuara nuk mendon edhe Habib Qorri, nga sektori për shërbime publike në Komunën e Prishtinës, i cili deklaroi se para vendosjes së këtyre të fundit është bërë një analizë dhe pastaj janë vendosur.

Ai thotë se janë vendosur në vendet më adekuate të mundshme dhe se sipas tij, të gjitha nënkalimet lidhin lagjet dhe pjesët ku qytetarët i frekuentojnë më shumë.

“Në asnjë mënyrë nuk pajtohem me atë që janë në vendin jo adekuat, për shkak se dy nënkalimet janë pasi të lirohet prej rrethit dhe nënkalimi që është apo tuneli t’i them më qartë që shkon në drejtim të Veternikut dhe anasjelltas dhe në përfundimin e këtij segmenti janë të ndërtuara dy nën kalime të cilat e lidhin lagjen e Kalabrisë me pjesën tjetër të qytetit dhe nëse e marrim në atë aspektin e shtrirjes të dy nënkalimet, kjo që është te Termokosi që e lidh atë pjesën e Kalabrisë me Dardaninë dhe po ashtu tjetri nënkalim që e lidh QKUK me pjesën tjetër, qoftë lagjen e spitalit apo edhe kalimin te rrethi i flamurit dhe orientimet tjera për qytet, që njëherësh kjo pikë është që i lidh linjat e autobusëve të cilat munden me i marrë qytetarët varësisht prej destinacioneve se ku kanë me shku, kurse sa i përket asaj se sa shfrytëzohen është në të mirën e qytetarëve për arsye se nënkalimet deri te hyrja dhe dalja janë të ndërtuar trotuare të sigurta janë mbrojtëset nga metali të cilat nuk mundet drejtpërdrejt me u përplas automjeti te këmbësori dhe kalimi mundët me u bë shumë i sigurt për të gjithë këmbësoret që i shfrytëzojnë këto dy nënkalime”, deklaroi Qorri.

Sa i përket shmangies së këtyre vendeve që janë paraparë për kalim të qytetarëve, Qorri tha se është zgjedhje e qytetarëve nëse dëshirojnë t’i shfrytëzojnë ose të vendosin jetën në rrezik nga shmangia e tyre.

Aktuale

Prokuroria e Pejës sekuestron ekskavatorë e kamionë nga një eksploatues i zhavorrit

Published

on

Pesë bagerë, tre nga ta ekskavatorë dhe dy lugë ngarkuese si dhe katër kamionë janë sekuestruar gjatë një aksioni që është realizuar të mërkurën, më 12.06.2024, me urdhër të Prokurorisë së Pejës.

Makineritë e rënda për përpunimin e zhavorrit e gurit dyshohet se janë përdorur për të shkatërruar apo degraduar natyrën.

Kallxo.com ka kontaktuar me zëdhënësin e Prokurorisë së Pejës, Shkodran Nikçin, i cili konfirmoi aksionin e të mërkurës.

Sipas tij, një kompani po kryente vepër penale në seperacionin i cili gjendet në fshatin Ozdrim të Pejës.

Pronari i kompanisë dyshohet se ka kryer veprën penale të ndotjes, degradimit ose shkatërrimit të mjedisit.

Në fotografitë të cilat i ka siguruar Kallxo.com janë disa prej makinerive që janë sekuestruar nga njëri nga prokurorët e Pejës në një rast që ka trajtuar ditëve të fundit.

“Janë në kuadër të veprimeve të shumta hetimore që janë bërë në lidhje me këto çështje që prekin degradimin e natyrës. Mund të ju konfirmoj se janë sekuestruar makineri nga një kompani në lidhje me këtë rast” – tha Nikçi./Media Ndërtimi

 

Continue Reading

Aktuale

Pritet marrëveshja për ndërtimin e objektit për degën e Farmacisë në hapësirat e QKUK-së

Published

on

Ministria e Shëndetësisë dhe Universiteti i Prishtinës, Hasan Prishtina, do të nënshkruajnë marrëveshje për ndërtimin e objektit të degës së Farmacisë të Fakultetit të Mjekësisë, raporton Ekonomia Online. Kjo u bë e ditur pas një takimi që ka pasur ministri i Shëndetësisë, Arben Vitia, me takim Rektorin e Universitetit të Prishtinës, Prof. Dr. Qerim Qerimi dhe drejtues të QKUK-së e Fakultetit të Mjekësisë.

“Gjatë takimit, Rektori i Universitetit të Prishtinës, Dr. Qerimi dhe U.D. Dekani i Fakultetit të Mjekësisë, Dr. Fatos Sada, i dorëzuan Ministrit Vitia kërkesën për lejimin e shfrytëzimit të hapësirës brenda QKUK-së për ndërtimin e objektit për degën e Farmacisë të Fakultetit të Mjekësisë.

Gjithashtu, në këtë takim është diskutuar dhe dakorduar që të nënshkruhet një marrëveshje bashkëpunimi, e cila do të rregulloj punën e integruar të stafit akademik brenda dy institucioneve gjegjëse (FM-UPHP dhe SHSKUK-së)”, thuhet në njoftimin e Ministrisë së Shëndetësisë./Media Ndërtimi

Continue Reading

Aktuale

Kosovë – Shqipëri, nis zbatimi i regjimit të lirë të trafikut ndërkufitar

Published

on

Ministri i Brendshëm i Shqipërisë Taulant Balla njoftoi se sot (e mërkurë) ka hyrë në fuqi regjimi i lirë i trafikut në kufirin mes Shqipërisë dhe Kosovës, pjesë e marrëveshjeve të nënshkruara mes dy qeverive.

Balla, përmes një postimi në rrjetet sociale Facebook, se në pikat e kalimit kufitarë në Morinë dhe Vermicë do të ketë korsi të dedikuara për kalimin e lehtësuar të kufirit.

“Sot fillon zbatimi i regjimit të lirë të trafikut lokal të kufirit në hapësirën prej 30 km nga të dy anët e kufirit mes Shqipërisë dhe Kosovës, në pikat e veçanta të kalimit kufitar. Ndërsa në Pikat Kufitare të Morinës dhe Vermicës do të ketë korsi të dedikuara për kalimin e lehtësuar të kufirit”, shkruan Balla në Facebook.

Në bazë të kësaj marrëveshjeje të nënshkruar më 26 nëntor 2021, zona kufitare e lëvizjes së lirë të banorëve me leje të trafikut lokal kufitar është deri në 30 km brenda territorit të palëve nënshkruese.

Marrëveshja parashikon ekzistencën e një entiteti territorial-administrativ, 30 km në brendësi të Shqipërisë dhe 30 km në brendësi të Kosovës, ku shtetasit në të dyja anët do të përfitojnë shërbime të njëjta si në Kosovë, ashtu edhe në Shqipëri, sikur të jenë shtetas të të dyja vendeve.

Nga kjo marrëveshje përfitojnë rreth 300 mijë banorë, të cilët mund të ndjekin lirisht shkollën që nga fillorja e deri në të mesmen, në varësi të vendndodhjes së institucioneve arsimore në të dy anët e kufirit. Mund të shkojnë të punojnë në të dy anët e kufirit./Media Ndërtimi

Continue Reading

Trending