Connect with us

Aktuale

Ministria e Kulturës në bllokadë për përzgjedhjen e projektit të teatrit të operës

Published

on

Ministria e Kulturës nuk e di ende saktë se çfarë do të bëjë me çështjen e përzgjedhjes së projektit për teatër të operës dhe baletit, “Dr.Ibrahim Rugova”.

Institucioni më i lartë kulturor në vend këmbëngul se nuk heq dorë nga hapësira afër Fakultetit Teknik për ndërtimin e këtij objekti. Por Komuna e Prishtinës ka kohë që ka nisur me procedurat që në atë pjesë t’i hapet rrugë ndërtimit të një kampusi universitar. Kjo çështje për institucionin lokal është punë e kryer.

Qeveria e re ka në plan ndërtimin e teatrit të operës dhe baletit. Ministrja e Kulturës, Rinisë dhe Sportit, Vlora Dumoshi, ka thënë se parcela afër Fakultetit Teknik mbetet synimi i tyre. Por për vendin, ku në dhjetor të vitit 2009 është vënë guri themeltar për këtë projekt, duhet një ujdi e re me Komunën e Prishtinës. E institucioni që udhëhiqet nga ajo duhet të bëjë rivlerësimin e projekteve që ka pranuar në konkurs ndërkombëtar.

“Shumë shpejt do të ndodhë një takim zyrtar me kryetarin e Komunës së Prishtinës, Shpend Ahmeti. Ne jemi në rivlerësim të projektit. Ne duhet t’i shohim procedurat e parcelës. Nuk mund të bëjmë projekt pa e pasur parcelën”, ka thënë Dumoshi. Sipas saj, Ministria e Kulturës duhet ta çojë përpara projektin për teatër të operës dhe baletit pikërisht në parcelën ku e ka paraparë.

“Ekzistojnë dokumente, si Plani zhvillimor që ende janë valide dhe në atë vend është paraparë teatri i operës dhe baletit ‘Dr.Ibrahim Rugova’. Nuk mund t’iu ikim planeve që janë dokumente shumë të rëndësishme të Komunës”, ka thënë Dumoshi.

Kryetari i Komunës së Prishtinës, Shpend Ahmeti, ka thënë se ministrja Dumoshi nuk ka kërkuar takim me të. Sipas tij, vendimi për caktimin e lokacionit për teatrin e operës dhe baletit është mbi 10 vjet i vjetër. Sipas tij, në ndërkohë, në vitin 2013, është miratuar Plani Zhvillimor Urban që atë pjesë e identifikon për destinim të institucioneve publike.

Aktuale

Nis Konferenca Shkencore Ndërkombëtare e arkitekturës në AAB

Published

on

Edicioni i pestë i Festivalit të studentëve të Artit dhe Arkitekturës do të organizohet mes datave 24-28 Maj në Kolegjin AAB.

Kemi nderin dhe kënaqësinë të ju njoftojmë me Folësit kryesorë të Konferencës Shkencore Ndërkombëtare të arkitekturës

“Në mes të identitetit, transformimit dhe teknologjisë”, e cila mbahet me 24 Maj, në Kolegjin AAB, Objekti #5, në sallën QENDRA MEDIALE, nga ora 11:00.

Ju prezantojmë folësitë e mirënjohur ndërkombëtar si:

🔸FILIP CLAES, dizajner i enterierit dhe profesor në Thomas More University of Applied Sciences, Mechelen, Belgjikë,

🔸DIJANA VUČINIĆ, arkitekte dhe themeluese e Institutit APSS, DVARP

🔸ANDREA GRILETTO, arkitekt, drejtor i Assorestauro, Shoqatës Kombëtare Italiane për restaurimin urban, arkitekturor, arkeologjik dhe artistik./Media Ndërtimi

Continue Reading

Aktuale

Në Fakultetin e Inxhinierisë mbajti ligjëratë zv. Ambasadori i Kroacisë Dr.sc. Nedeljko Špilek

Published

on

Nën organizimin e Departamentit të Komunikacionit dhe Transportit të Fakultetit të Inxhinierisë Mekanike, në ambientet e Qendrës së Inovacionit të FIM u mbajt ligjëratë e hapur nga Dr.sc. Nedeljko Špilek, zëvendës Ambasador i Republikës së Kroacisë.

Ai prezantoi temën: “Përzgjedhja e vendndodhjes së terminalit intermodal në kryqëzimet hekurudhore të Zagrebit me metodën AHP duke përdorur kriteret teknologjike.”

Gjatë prezantimit të tij, Dr. Špilek shpjegoi qartë rëndësinë e planifikimit strategjik dhe qasjes shkencore në përzgjedhjen e vendndodhjes për terminalet intermodale. Ai theksoi se metoda AHP (Analytic Hierarchy Process) mundëson marrjen e vendimeve komplekse përmes analizës së disa kritereve, ku faktorët teknologjikë janë thelbësorë për zgjedhjen optimale të vendndodhjes.

Ligjërata u prit me interes të madh nga pjesëmarrësit dhe nxiti diskutime të frytshme mbi aplikimet praktike të kësaj metodologjie në fushën e logjistikës dhe transportit./Media Ndërtimi

Continue Reading

Aktuale

UP-ja renditet në vendin e 14-të në renditjen botërore për arkitekturë dhe inxhinieri civile

Published

on

Universiteti i Prishtinës është renditur i 14-ti në renditjen botërore universitare të platformës ndërkombëtare INSPIRELI për arkitekturë dhe inxhinieri civile, në një renditje që ka përfshirë 1320 universitete nga e mbarë bota.

Kjo renditje është falë suksesit të vitit të kaluar të studentëve të vitit të pestë të Fakultetit të Arkitekturës të UP-së, të cilët arritën rezultate të shkëlqyeshme në konkursin ndërkombëtar të studentëve “Inspireli”, duke fituar vendin e parë në tri nga gjashtë kategoritë me projektet e tyre në kuadër të resortitturistik “Miris Garden” në Zarë të Kroacisë.

Projektet fituese, të cilat u përzgjodhën nga 163 projekte konkurruese prej 38 vendeve të ndryshme, u punuan nga Besjana Ramadani, Alma Sylejmani dhe Adissa Hajdari – qendër tregtare (mentore: prof. ass. dr. Arta Xhambazi); Era Pelaj, Ermonda Gashaj dhe Elton Bajramaj – projekti i hotelit (mentore: prof. ass. dr. Rozafa Basha); si dhe Lendrit K. Krasniqi, Lirigzon Olluri dhe Albion Hetemi – projekti i apartamenteve (mentore: prof. ass. dr. Rozafa Basha).

Ky konkurs, i nisur nga “Inspireli”, ofroi jo vetëm një mundësi të rëndësishme arsimore, por edhe rriti ndjeshëm ekspozimin global të studentëve ndaj zhvillimit të praktikës arkitekturore.

“INSPIRELI World Architecture University Ranking” mbështetet në aktivitetin e studentëve dhe suksesin ndërkombëtar në kontekst krahasimtar global./Media Ndërtimi

Continue Reading

Trending