Connect with us

Trashëgimia Kulturore

Ministri Çeku viziton studentët e arkitekturës që po restaurojnë xhaminë “Osman Efendi” në Novobërdë

Published

on

Xhamia “Osman Efendi” në Novobërdë po restaurohet nga studentë të arkitekturës dhe fushave të ngjashme në Kosovë, të cilët po vënë përpjekjet e tyre në hapat e parë të këtij procesi dhe po fitojnë përvojë të vlefshme gjatë rrugës.

UNDP Kosova së bashku me Ministrinë e Kulturës, Rinisë dhe Sportit dhe Bashkimin Evropian të martën në Novobërdë patën rastin të shohim punën e mahnitshme që po bëhet nga studentët dhe zejtarët.

Për gati dy javë, të rejat dhe të rinjtë po fitojnë përvojë në fushat e ruajtjes, restaurimit dhe ringjalljes së vendeve të #Trashëgimisë Kulturore – në një kombinim të ligjëratave dhe punës praktike në Kampin e Restaurimit – organizuar nga UNDP Kosova dhe CHwB Kosova përmes tonë ” Projekti Trashëgimia Kulturore si nxitës për dialogun ndërkomunitar dhe kohezionin social”./Media Ndërtimi.

Trashëgimia Kulturore

Kërkohet një kontraktues profesional për të përmirësuar Lokalitetin Arkeologjik në Prizren

Published

on

UN-Habitat është në kërkim të një kontraktuesi të aftë për të zbatuar përmirësimin dhe zhvillimin e hapësirës publike të lidhur me Lokalitetin Arkeologjik në Prizren për të rivitalizuar hapësirën brenda sheshit kryesor në Prizren.
Prezantimi dhe promovimi i Lokalitetit Arkeologjik si një vend me vlera historike, shkencore, kulturore dhe arsimore synon të rrisë ndërgjegjësimin për rëndësinë e këtij vendi si dhe të promovojë trashëgiminë kulturore nëpërmjet zhvillimit të turizmit kulturor.
Zona brenda projektit kërkon një përmirësim të hapësirave ekzistuese përreth, duke përfshirë rimbjelljen e pemëve dhe shtimin e oazeve të gjelbër, shtrimin e shtegut të këmbësorëve në pikat kyçe, instalimin e ndriçimit për të krijuar një hapësirë publike të sigurt dhe integrimin e mobiliarit urban në “oaze” specifike për të nxitur aktivitetet në zonë.
Palët e interesuar për të marrë pjesë në procesin e planifikuar të thirrjes duhet të dorëzojnë formularin e përgjigjes të kësaj EOI në mënyrë elektronike përpara datës 15 dhjetor 2022.
Klikoni në vegëzën e mëposhtëm 👇 për të lexuar detajet e EOI:

Continue Reading

Trashëgimia Kulturore

Rahimaj: Kamenica duhet të jetë në hartën turistike kosovare

Published

on

Kryetari i Komunës së Kamenicës, Kadri Rahimaj së bashku me zyrtarin për Trashëgimi Kulturore, Petrit Matoshi, kanë pritur në takim përfaqësuesit e GUIDEKS – Asociacioni i Guidave Turistike të Kosovës.
Në këtë takim është diskutuar për përfshirjen e Komunës së Kamenicës në hartën turistike kosovare, promovimin e aseteve të Kamenicës në GuideKS dhe nëpërmjet tyre edhe në rrjetin e guidave evropiane, si dhe për mundësinë e trajnimit dhe certifikimit të të rinjëve kamenicas për guida turistike.
I pari i komunës, Kadri Rahimaj ka thënë se do të shqyrtojnë mundësinë e bashkëpunimit në mënyrë që Kamenica të promovohet sa më shumë dhe të tërheq vizitorë të vendeve të tjera.
GUIDEKS, është shkurtesa e Shoqatës së Guidave Turistike të Kosovës dhe përfaqëson organizimin ombrellë të të gjithë guidave turistike në vendin tonë, atë të profilit kulturor dhe natyror. GUIDEKS është organizata e parë anëtare e këtij profili në Kosovë dhe ka një gamë të gjerë anëtarësimi në shumë komuna të Kosovës me më shumë se 70 anëtarë. GUIDEKS është gjithashtu përfaqësuesi i vetëm kombëtar nga Kosova në FEG (Federata Evropiane e Shoqatave të Guidave Turistike).

Continue Reading

Trashëgimia Kulturore

Gjurmë arkeologjike në Prizren, mendohet të jetë vilë romake

Published

on

Në mes të qendrës historike të Prizrenit, pas tetë vitesh lokaliteti arkeologjik po bëhet gati për konservim, zbulim ky që nga arkeologët mendohet të jetë pagëzimore e kishës paleokristiane ose vilë romake e shekullit të katërt – IV.

Derisa në këtë destinacion ishte planifikuar të ndërtohej një fontanë, në mënyrë rastësore u hasën gjurmë arkeologjike për të cilat u ndalën punimet dhe filluan matjet e zonës së tanishme të zbuluar.Vesel Hoxhaj një ndër arkeologët që po hulumton këtë terren tregon se kanë dy mendime për lokalitetin, njëri variant është mundësia për të qenë një pagëzimore dhe varianti tjetër vilë romake.

“Ky lokalitet mendohet që gjatë periudhës romake, supozohet në dy variante por në bashkëpunim me arkeologët e fushës me njerëz adekuat të periudhës përkatëse do ta vendosim se a ka qenë një baptisteri apo një pagëzimore e një kishe paleokristiane apo një vilë romake, pra dilemat janë mes këtyre dy varianteve”- tha ai.

Sipas ekipit të arkeologëve të lokalitetit më shumë mund të jetë pagëzimore se sa varianti i dytë.“Idea më shumë që për shembull unë dhe disa kolegë të mi mendojmë është një baptisteri apo një pagëzimore e shekullit IV”- bën të ditur Hoxhaj.

Po ashtu ai tregoi se si në gjithë qytetet e tjera edhe ky zbulimi është vazhdimësi e gjurmëve ilire por që gjurmët i takojnë periudhës romake, shkruan Kallxo.com.

Samir Hoxha që drejton Qendrën Rajonale për Trashëgimi Kulturore në Prizren, thotë se pas gërmimit kanë filluar me procesin e pastrimit deri tek prezantimi i planit të gjetjeve arkeologjike.

“Lokaliteti i cili gjendet në sheshin e Lidhjes Shqiptare të Prizrenit është një gjetje rastësore e cila është gjetur gjatë zbatimit të projektit nga ana e komunës së Prizrenit për rregullimin të lidhjes Shqiptare të Prizrenit, dhe gjatë zbatimit të punimeve janë hasur gjurmë arkeologjike, të cilat sipas raporteve të para të Institutit Arkeologjik dhe arkeologëve të cilët kanë qenë të involvuar në këtë proces datojnë që nga antikiteti i hershëm dhe periudha romake, janë disa variante të cilat arkeologët i kanë shpërfaqur”- thotë ai./Media Ndërtimi.

Continue Reading

Trending