Connect with us

Aktuale

Memoriali i Brigadës 137 të Gjakovës, mes konceptit patriotik dhe kritikave të arkitektëve

Published

on

Në Çabrat të Gjakovës, të hënën, në 12-vjetorin e shpalljes së pavarësisë së Kosovës, u hodh gurthemeli i lapidarit, në nderim të dëshmorëve të Brigadës 137 “Gjakova”.

Kryetari i Komunës së Gjakovës, Ardian Gjini, por edhe përfaqësues të organizatave të dala nga lufta, luftëtarë e familjarë të dëshmorëve, morën pjesë në ceremoninë e nisjes së punimeve të memorialit. Projekti i zgjedhur është dizajnuar nga arkitektët Arben Duraku, Ledri Duraku dhe Leart Duraku nga studio “Shkambcons”.

Ndjenja e etjes për liri, është ideja e cila qëndron prapa detajeve arkitektonike që janë përfshirë në projekt. Dy kupolat me sipërfaqe 1200 metra katrorë janë ato që sipas arkitektit Ledri Duraku, simbolizojnë kompaktësinë dhe fuqinë.

Në këtë projekt do të ngrihet edhe një obelisk i cili do të ketë një lartësi prej 25 metrash dhe diametër 5 metra.

“Obelisku do ngrihet në 25metra lartësi me diametër 5 metra me materie metalike të zinkuar gjë që merr formën vizuale të një nëne që mbanë trimin për herë të fundit në supet e saj”, tregon Duraku.

Projekti parasheh edhe ndërtimin e një amfiteatër me flakadanë të cilët ndodhen në pjesën e bërthamës, e që do të funksionojnë gjatë manifestimeve.

“Në anën veriore përshkruhet një rrugë e pasuruar me vegjetacion dhe ulëse e aksesor uji, ku rruga të drejton drejt qendrës së kupolës, gjegjësisht mauzoleut, ku do ketë gjësende të ekspozuara që u përdorën gjatë luftës së fundit, instalacione që do të formësojnë një tërësi të galerisë. Atriumet në dy skajet e kupolës do t’i japin një gjallëri dy formave gjeometrike që tentojnë të shpërthejnë kupolën. Në anën jugore shtrihen varrezat e dëshmorëve”, shpjegon Duraku.

Për finalizimin e projektit, studio ka punuar për rreth 16 muaj. Vlera investive e projektit është rreth 1 milion e 250 mijë euro. Disa arkitektë kanë kritikuar projektin si jo më i miri i zgjedhur për këtë memorial, mirëpo nuk kemi mundur të marrim vesh nëse ka pasur ose jo një konkurs arkitektonik për këtë projekt.

Megjithatë, ish-luftëtarët e Brigadës 137 – Gjakovë, janë shprehur shumë të kënaqur me këtë memorial. Kjo pasi ata e kanë pritur për shumë vite.

Aktuale

Nis Konferenca Shkencore Ndërkombëtare e arkitekturës në AAB

Published

on

Edicioni i pestë i Festivalit të studentëve të Artit dhe Arkitekturës do të organizohet mes datave 24-28 Maj në Kolegjin AAB.

Kemi nderin dhe kënaqësinë të ju njoftojmë me Folësit kryesorë të Konferencës Shkencore Ndërkombëtare të arkitekturës

“Në mes të identitetit, transformimit dhe teknologjisë”, e cila mbahet me 24 Maj, në Kolegjin AAB, Objekti #5, në sallën QENDRA MEDIALE, nga ora 11:00.

Ju prezantojmë folësitë e mirënjohur ndërkombëtar si:

🔸FILIP CLAES, dizajner i enterierit dhe profesor në Thomas More University of Applied Sciences, Mechelen, Belgjikë,

🔸DIJANA VUČINIĆ, arkitekte dhe themeluese e Institutit APSS, DVARP

🔸ANDREA GRILETTO, arkitekt, drejtor i Assorestauro, Shoqatës Kombëtare Italiane për restaurimin urban, arkitekturor, arkeologjik dhe artistik./Media Ndërtimi

Continue Reading

Aktuale

Në Fakultetin e Inxhinierisë mbajti ligjëratë zv. Ambasadori i Kroacisë Dr.sc. Nedeljko Špilek

Published

on

Nën organizimin e Departamentit të Komunikacionit dhe Transportit të Fakultetit të Inxhinierisë Mekanike, në ambientet e Qendrës së Inovacionit të FIM u mbajt ligjëratë e hapur nga Dr.sc. Nedeljko Špilek, zëvendës Ambasador i Republikës së Kroacisë.

Ai prezantoi temën: “Përzgjedhja e vendndodhjes së terminalit intermodal në kryqëzimet hekurudhore të Zagrebit me metodën AHP duke përdorur kriteret teknologjike.”

Gjatë prezantimit të tij, Dr. Špilek shpjegoi qartë rëndësinë e planifikimit strategjik dhe qasjes shkencore në përzgjedhjen e vendndodhjes për terminalet intermodale. Ai theksoi se metoda AHP (Analytic Hierarchy Process) mundëson marrjen e vendimeve komplekse përmes analizës së disa kritereve, ku faktorët teknologjikë janë thelbësorë për zgjedhjen optimale të vendndodhjes.

Ligjërata u prit me interes të madh nga pjesëmarrësit dhe nxiti diskutime të frytshme mbi aplikimet praktike të kësaj metodologjie në fushën e logjistikës dhe transportit./Media Ndërtimi

Continue Reading

Aktuale

UP-ja renditet në vendin e 14-të në renditjen botërore për arkitekturë dhe inxhinieri civile

Published

on

Universiteti i Prishtinës është renditur i 14-ti në renditjen botërore universitare të platformës ndërkombëtare INSPIRELI për arkitekturë dhe inxhinieri civile, në një renditje që ka përfshirë 1320 universitete nga e mbarë bota.

Kjo renditje është falë suksesit të vitit të kaluar të studentëve të vitit të pestë të Fakultetit të Arkitekturës të UP-së, të cilët arritën rezultate të shkëlqyeshme në konkursin ndërkombëtar të studentëve “Inspireli”, duke fituar vendin e parë në tri nga gjashtë kategoritë me projektet e tyre në kuadër të resortitturistik “Miris Garden” në Zarë të Kroacisë.

Projektet fituese, të cilat u përzgjodhën nga 163 projekte konkurruese prej 38 vendeve të ndryshme, u punuan nga Besjana Ramadani, Alma Sylejmani dhe Adissa Hajdari – qendër tregtare (mentore: prof. ass. dr. Arta Xhambazi); Era Pelaj, Ermonda Gashaj dhe Elton Bajramaj – projekti i hotelit (mentore: prof. ass. dr. Rozafa Basha); si dhe Lendrit K. Krasniqi, Lirigzon Olluri dhe Albion Hetemi – projekti i apartamenteve (mentore: prof. ass. dr. Rozafa Basha).

Ky konkurs, i nisur nga “Inspireli”, ofroi jo vetëm një mundësi të rëndësishme arsimore, por edhe rriti ndjeshëm ekspozimin global të studentëve ndaj zhvillimit të praktikës arkitekturore.

“INSPIRELI World Architecture University Ranking” mbështetet në aktivitetin e studentëve dhe suksesin ndërkombëtar në kontekst krahasimtar global./Media Ndërtimi

Continue Reading

Trending