Connect with us

Aktuale

Mehmeti: Coronavirusi do të ndikojë në rënien ekonomike deri në minus 4 për qind

Published

on

Guvernatori i Bankës Qendrore të Kosovës, Fehmi Mehmeti në një konferencë për media ka thënë se në kuadër të masave për parandalim të përhapjes së coronavirusit, Kosova po aplikon një shkallë të lartë të mbylljes duke lejuar funksionimin vetëm për ato biznese që ofrojnë shërbime dhe mallra të cilat janë të domosdoshme për qytetarët.

Mehmeti ka thënë se në këto kushte kur kërkesa për kredi bie dhe pasiguria për të ardhmen rritet, pritet që të ketë rënie të kreditimit nga institucionet financiare.

“Një kanal tjetër i rëndësishëm i goditjes nga kriza pandemike është edhe sektori i jashtëm. Kosova ka një varësi të lartë nga remitencat duke pranuar një shumë mbi 10% në raport me GJDP-në në baza vjetore .Kosova është e varur nga remitencave, kemi rënie të këtij burimi që ka rëndësi për ekonominë e vendit. Nga 4.5% kemi rënie në 3.6% të remitencave”, ka thënë Mehmeti, duke shtuar se me rënie pritet të karakterizohen edhe eksportet tona dhe si dhe do të ketë edhe ulje të investimeve të huaja.

Guvernatori i BQK-së, ka shtuar se kategoria e cila pritet t’i bëjë ballë kësaj situate janë shpenzimet publike, të cilat pritet të zbusë deri në një masë efektet negative për kanalet të cilat i përmendi më lartë.

“Kushtet nëpër të cilat po kalon ekonomia e vendit nuk do të lë pa e sfiduar edhe financat publike, duke ndikuar negativisht në uljen e të hyrave buxhetore përderisa nevoja për rritje të shpenzimeve dhe formë të tranasfereve të ndryshme do të ndikojë negativisht në investimet publike e kapitale që janë shumë të nevojshme”, shtoi Mehmeti.

Ai tha se me qëllim të zbutjes së pasojave të kësaj krize në ekonominë tonë, si BQK kemi marrë një sërë masash me qëllim që të sigurojnë një sistem financiar stabil.

“Kemi qenë në kontakt të vazhdueshme me Bankën Evropiane dhe Odat Ekonomike e Qeverinë sa i përket pasojave ekonomike nga kjo krizë”, ka thënë Mehmeti.

Mehmeti siguroj qe vendi nuk do të ketë problem me paratë e gatshme. Derisa u bëri thirrje qytetarëve që mos të bëjnë përdorimin e tyre, por të bëjnë pagesa përmes kartelave bankare.

“Do të sigurojmë një sistem efikas të pagesave përfshirë edhe komunat e izoluara. Kemi një buxhet të mirë me paratë të gatshme. Bankat kanë likuiditet të mjaftueshëm dhe nuk do të ketë problem me parat të gatshme. Kemi bërë edhe dizenfektimin e tyre duke e ditur se ka transfer të shumëfishtë. Lus qytetarët që sa më pak të përdorin paratë e gatshme dhe të paguajnë përmes kartelave”, u shpreh Mehmeti.

Ai tutje shtoi se kësti i kredive do të shtyhet edhe për muajin prill, siç tha ai pas krizës këstet do të shpërndahen në proporcion përgjatë muajve.

“Për të gjithë qytetarët kësti i kredive do të shtyhet edhe për muajin prill, nëse vazhdon kjo situatë do të shtyhet edhe për muajt tjerë. Kësaj llogaritet, por do të ndahet në proporcion gjatë muajve në vijmë pas krizës. Gjatë kësaj periudhe nuk aplikohet për kredi. Bankat nuk do të rrisin tarifat në këtë kohe. Ekonomia në Kosovë do të ketë rënie të rritjes reale ekonomike nga -2 deri në minius -4%. Do të vazhdojmë të qëndrojmë nga afër për të kontribuar në shërbimet e ekonomisë”, u shpreh Mehmeti. /Telegrafi/

Aktuale

Shtyhet gjykimi në Prizren ndaj dy gjeodetëve të akuzuar për keqpërdorimin e detyrës

Published

on

Bajram Selmani dhe Luljeta Rizanaj, të akuzuar për keqpërdorim të detyrës zyrtare janë ulur në bankën e të akuzuarve në Gjykatën e Prizrenit.

Seanca e sotme nuk është mbajtur pasi sipas kryetares së trupit Teuta Krusha në mungesë të ekspertit të gjeodezisë Faton Bajselmani nuk janë plotësuar kushte ligjore që të vazhdohej seanca.Gjithashtu, në seancë nuk ishte prezent as përfaqësuesi nga Prokuroria e Prizrenit.

Sipas Prokurorisë i akuzuari Bajram Selmani më datë 10.12.2017 në kohë të pacaktuar në cilësinë e personit zyrtar, gjeodet i licencuar, ka keqpërdorur detyrën e tij duke bërë ndarjen e parcelave pa lejen, dokumentin dhe kërkesën e njërit bashkëpronar, këtu njëherit edhe i dëmtuari Gjek Gjevlekaj, e me ç’rast parashtron kërkesën dhe realizon regjistrimin me ndryshime të pronës.

Sipas dosjes, thuhet që i akuzuari Bajram Selmani “me qëllim që të përfitoj çfarëdo dobie për persona të tjerë, vëllezërit Pran, Gjon dhe Mihil Gjevlekaj, e që pretendohet të ketë shkelur të drejtat e personit tjetër bashkëpronar Gjek Gjevlekaj ka ndërmarrë veprimet e lartcekura”.

Ndërsa, e akuzuara e dytë Luljeta Rizanaj pretendohet se më datë 12.02.2018 në Prizren në kohë të pacaktuar, si gjeodete në Drejtorinë për Gjeodezi dhe kadastër bën regjistrimin me ndryshime të pronës së bashkëpronarit Gjek Gjevlekaj në Kadastral-Map.E akuzuara në fjalë pretendohet që regjistrimin në Kadastral-Map, e ka bërë edhe pse lënda nuk ishte e kompletuar, mungonte dokumenti i identifikimit si dhe kërkesa dhe autorizuari i bashkëpronarit Gjek Gjevlekaj, pa pëlqimin e tij bën ndarjen e parcelave.

Continue Reading

Aktuale

Aktakuzë ndaj dy zyrtarëve të Komunës së Suharekës për projektin e Ndërtimit dhe renovimit të objekteve sportive e kulturore

Published

on

Prokuroria Themelore në Prizren, Departamenti i Krimeve të Rënda, sot më datë 20.06.2024, ka ngritur aktakuzë kundër të pandehurve B. B., dhe B. K., për shkak se sipas Prokurorisë në bashkëkryerje kanë kryer veprën penale “Keqpërdorimi i pozitës apo autoritetit zyrtar”.

Sipas aktakuzës, të pandehurit B. B., dhe B. K., kanë cilësinë e personave zyrtarë.

Sipas Prokurorisë i pandehuri B. B. në cilësinë e menaxherit të kontratës, për projektin: “Ndërtimi dhe renovimi i objekteve sportive dhe kulturore”, ndërsa i pandehuri B. K. në cilësinë e Mbikëqyrësit të projektit të njëjtë.

Gjithnjë sipas aktakuzës prej datës 22.05.2018  e deri më datë 22.10.2018, në Suharekë, të akuzuarit i kanë tejkaluar detyrat e tyre zyrtare lidhur me këtë projekt.

“Gjatë kësaj kohe në kundërshtim me Rregullat dhe udhëzuesit operativ të Prokurimit Publik, pa miratimin e kryetarit të Komunës së Suharekës, i pandehuri B. K., ndryshon, ndërsa i pandehuri B. B., i aprovon paramasat dhe parallogaritë gjatë ekzekutimit të punimeve”.

Tutje, në aktakuzë thuhet se të akuzuarit – poligonet sportive në fshatin Peqan, Sllapuzhan dhe Buzhalë, në vend të rrethojave të poligoneve sportive me profil metalik të plastifikuar ndryshojnë paramasat në rrethoja – profile metalike të zinkuara, në poligonin sportiv në fshatin Buzhalë, ndryshojnë paramasën dhe parallogarinë, ashtu që në vend të shtrimit të fushës sportive me beton, bëjnë shtrimin e fushës sportive me barë natyror.

“Me këto veprime Komunës së Suharekës i shkaktojnë dëm të material në shumë prej 6 mijë e 839 euro, ndërsa operatorit ekonomik me seli në Prishtinë, i mundësojnë përfitim të dobisë materiale në shumë prej 6 mijë e 839 euro|.

Lidhur me çështjen, prokurori i ka propozuar Gjykatës që pas mbajtjes së shqyrtimit gjyqësor, administrimit të provave dhe vlerësimit të tyre, të pandehurit e lartcekur për veprën penale për të cilën akuzohen të shpallen fajtorë dhe të dënohen sipas ligjit./Media Ndërtimi

Continue Reading

Aktuale

Shpëlarja e parave e financimi i terrorizmit, rrezik nga Projektligji për kripto-asetet – BQK-ja do t’i mbikëqyr

Published

on

Komisioni për Ekonomi, Industri, Ndërmarrësi dhe Tregti të enjten ka mbajtur dëgjim publik për Projektligjin për kripto-asetet, me ç’rast u theksua nevoja për  miratimin e ligjit në Kuvend, raporton Ekonomia Online. Anëtarja e Komisionit për Ekonomia, Mimoza Kusari-Lila, tha se ky projektligj ka filluar nismën me dëgjimin e parë publik në muajin gusht të vitit 2021, ndërsa ka vazhduar në korrik 2022, teksa shtoi se këtë projektligj e ka mbështetur edhe Këshilli i Evropës.

“Janë bërë më shumë se dy vite kur nisma për kripto-asetet është filluar, deri më tani në këtë proces janë mbajtur dy dëgjime publike, i pari është mbajt në gusht 2021 për të diskutuar për idenë, i dyti është mbajt një vit më pas në korrik 2022-ës për një draft. KE-ja, përmes ekspertëve ka mbështetur grupet e punës, fokusi ka qenë të punohet kundër pastrimit të parave. Ky ligj ka për qëllim ruajtjen e kripto-aseteve”, tha Kusari-Lila.

Përfaqësuesi i BQK-së, Ervin Mala, tha se kanë filluar diskutimet për organizimin dhe ndarjen e resurseve dhe akteve ligjore.“Banka Qendrore do të ketë rolin për monitorimin e të gjithë operatorëve që do të merren në këto asete”, tha ai.

Deputeti nga AAK-ja, Pal Lekaj, tha se Qeveria duhet të ketë monitorimin e kësaj paraje në mënyrë që të mos keqpërdoret.

“Sa i përket kriptove, janë globale dhe ne duhet patjetër t’i standardizojmë ligjet në fjalë, ne duhet të kemi një licencim të tyre e kontroll, nuk besoj se ka dikush kompetencë tjetër përveç BQK-së. Qeveria duhet të ketë monitorim të parasë, të mos ketë shpëlarje të parave dhe të mos financohet terrorizmi. Duhet të regjistrohen individët qe kanë të bëjnë me asetet të mbrohen të dhënat dhe të ruhen transaksionet”, tha Lekaj.

Vyrtyt Ibrahimaga, avokat, tha se në draftin e parë janë përfshirë kushte që iu mungon rregullimi me akte nënligjore./Media Ndërtimi

Continue Reading

Trending