Connect with us

Infrastrukturë

Me ndihmën e USAID-it, Qeveria hapë ankandin e parë për energji solare

Published

on

Me përkrahjen e organizatës amerikane USAID, Qeveria e Kosovës ka prezantuar të enjten ankandin e parë për energji solare.Në konferencën e mbajtur për prezantimin e ankandit kanë marrë pjesë ambasadori amerikan në Kosovë, Jeff Hovenier, kryeministri Albin Kurti si dhe ministrja e Ekonomisë, Artane Rizvanolli.

Kryeministri i Kosovës, Albin Kurti tha se ky është një hap madhor për Kosovën, që sipas tij  ndodhë për herë të parë për të luftuar ndryshimet klimatike dhe zvogëlimin e varësisë nga derivatet fosile.

“Kjo është pjesë e Strategjisë Kombëtare e cila ka të bëjë me pavarësi energjetike dhe përdorimin e energjisë së gjelbër. Jam shumë i kënaqur që ministrja Rizvanolli dhe ekipi i saj kanë arritur që të zhvillojnë këtë iniciativë dhe të krijojnë një proces ofertimit të hapur, në përputhje me standardet ndërkombëtare” – tha ndër të tjera kryeministri, raporton Kallxo.com.

Kurse, Ambasadori amerikan, Hovenier tha se ky është një hap i rëndësishëm për Kosovën për tu përballur me ndryshimet klimatike.

Ai deklaroi se është i lumtur që bashkëpunon me popullin e Kosovës, për të ndihmuar në përshpejtimin e ardhmes së pastër energjetike të Kosovës.

“Përfshirja e energjisë së ripertrishme paraqet një hap të rëndësishëm që është i domosdoshëm për tu përballur me ndryshimet klimatike, që është çështje përcaktuese e kohës tonë. Por ky park, ky ankand paraqet një hap të rëndësishëm përpara drejt integrimit të plotë evropian të Kosovës, duke ndihmuar Kosovën për të ecur një hap përpara për t’i përmbushur standardet dhe kërkesat e BE-së për energji të ripërtrishme” – tha ambasadori.

Ndërsa ministrja e Ekonomisë, Artane Rizvanolli deklaroi se kapacitetet e ripërtrishme janë kyçe për pavarësinë energjetike, si dhe për të siguruar zhvillim ekonomik në vend.

“Është e rëndësishme që të mbështesim një proces me konkurencë të mirëfilltë për të ofruar një çmim më të mirë për qytetarët. Opsionin e parë që do ta kemi është 100 Megavat të prodhimit të rrymës, duke bërë zgjidhje në inovacion dhe në sektorin e prodhimit të energjisë, e me këtë edhe përmirësimin e jetës së qytetarëve” – tha Rizvanolli.

Parku për energji solare është një investim në vlerë prej 75 milionë euro dhe pritet të prodhojë deri në 100 megavat energji.

Infrastrukturë

Prokuroria Themelore në Gjakovë në aksion kundër shkatërruesve të mjedisit

Published

on

Një kamion transportues dhe një ekskavator janë sekuestruar për shkak të aktivitetit ilegal të nxjerrjes së zhavorrit përgjatë shtratit të lumit Drini i Bardhë.

Lajmin e ka bërë të ditur Prokuroria Themelore në Gjakovë, përmes një njoftimi për media, teksa ka bërë të ditur se në disa fshatra të Komunës së Rahovecit, është duke u degraduar ambienti për shkak të aktivitetit të tillë ilegal.

“Prokurori koordinator për hetimin e krimeve kundër mjedisit, Kastriot Memaj, ka urdhëruar inicimin e rastit për veprën penale ‘Ndotja, degradimi ose shkatërrimi i mjedisit’ nga neni 338 i KPRK-së. Njëkohësisht, në koordinim me policinë, janë duke u ndërmarrë veprime aktive në drejtim të kapjes së kryesve të kësaj vepre penale”, thuhet në njoftim.

Tutje, thuhet se prokuroria mbetet e përkushtuar maksimalisht në luftimin e dukurive të tilla të kundërligjshme që degradojnë ambientin dhe u bëhet thirrje qytetarëve për bashkëpunim në luftimin e këtyre dukurive./Media Ndërtimi

Continue Reading

Infrastrukturë

Ura e Kukësit pritet të hapet më 1 qershor

Published

on

Segmenti tre kilometra i aksit Kukës-Morinë, pjesë e Rrugës së Kombit nga mbikalimi i Gostilit deri te ura e Kukësit tashmë është hapur për qarkullimin e mjeteve.

Plot tri javë iu deshën kompanisë koncensionare për vendosjen e shtresave të stabilizantit dhe asfaltimin e njërit segment rrugor që lidh dy anët e Urës së Re me Rrugën e Kombit, ndërsa po punohet për përgatitjen për asfaltimin e segmentit tjetër rrugor në hyrje të Urës së Re.

Konstrukti metalik i urës së re mbi Drin, tashmë është pozicionuar në bazamentin përfundimtar të saj ndërsa po punohet për montimin e pjesëve dhe vendosjen e shtresave të nevojshme drejt përmbylljes së projektit dhe vënien në funksion të plotë brenda muajit qershor, e gatshme për sezonin e verës.

I gjithë trafiku i mjeteve nga Shqipëria drejt Kosovës dhe anasjelltas, përgjatë tri javëve u devijua në qytetin e Kukësit përmes tri hyrjeve dhe një dalje.

Gjatë gjithë kësaj periudhe, nuk u shënuan incidente që kishin të bënin me pengesa në qarkullim për shkak të fluksit, ndërsa u arrit të mirëmenaxhohej siç duhet e me një orar të paracaktuar për mjetet e vogla dhe ato të transportit të mallrave.

Ura e Madhe lidh Rrugën e Kombit dhe dy brigjet e liqenit të Fierzës dhe konsiderohet si një nga urat me hapësirën më të madhe në Ballkan në tipologjinë e saj./Media Ndërtimi

Continue Reading

Infrastrukturë

Inspektorati aksion për lirimin e hapësirave publike në Prishtinë

Published

on

Kryetari i Komunës së Prishtinës, Përparim Rama, ka njoftuar se Inspektorati i Kryeqytetit po vazhdon me lirimin e hapësirave publike.

Rama përmes një postimi në ‘Facebook’, ka bërë me dije se po lirohen hapësirat që janë zënë me terrasat e lokaleve, në qendër në afërsi të “Pallatit të Rinisë”.

“Nuk lejohet uzurpimi i pronës publike! Inspektorati i Kryeqytetit po vazhdon me lirimin e hapësirave publike të cilat ishin nxënë dhe po shfrytëzoheshin si pjesë (terrasa) të lokaleve. Këto ditë një e tillë është duke u larguar në zonën qendër në afërsi të “Pallatit të Rinisë””, ka shkruar Rama./Media Ndërtimi

Continue Reading

Trending