Connect with us

Infrastrukturë

Lekaj: Abdixhiku u tregua euforik dhe i pasaktë, autostrada e Gjilanit është vendim i Kuvendit

Published

on

Ministri i Infrastrukturës dhe Ambientit, Lumir Abdixhiku, ditë më parë ka paralajmëruar se do të nisë procedurat për anulimin e tenderit prej 110 milionë euro për autostradën Prishtinë – Gjilan – Dheu i Bardhë.

Por ish-ministri i Infrastrukturës, Pal Lekaj, në një intervistë për Ekonomia Online po e konsideron të padrejtë dhe euforik vendimin e ministrit Abdixhiku për anulimin e këtij tenderi.

Lekaj thotë se vendimi për këtë autostradë është projektuar me buxhet dhe është vendim i Kuvendit të Kosovës.

“Sa i përket vendimit të Ministrit Abdixhiku mendoj që është i pa vend sepse nuk ndryshon bota me ardhjen e një qeverie apo të një ministri dhe ne duhet të vazhdojmë kontiunitetin ashtu siç e kam vazhduar dhe unë. Ministri mendoj që ka qenë jo fort i saktë në këtë drejtim pa analizuar, sepse ajo autostradë është e projektuar me buxhet dhe është vendim në parlamentin e Kosovës. Ta quaj është ligj dhe që tani ministri të përzihet ne procedurat e prokurimit është i pavend dhe mendoj që ka qenë pak euforik”, thotë ai.

Ndërsa sa i përket pretendimeve të Lëvizjes Fol për parregullsitë në këtë autostradë, Lekaj thotë se nuk ka pas shkelje në këto procedura, në të kundërtën thotë se janë organet kompetente që duhet të merren më këto konstatime.

“Të jeni të bindur që tani do të bindet edhe ministri dhe nuk do t’i ndjek procedurat dhe nuk guxon të përzihet në zyrën prokurimit por unë nuk mendoj që ka pas shkelje në procedurat sepse buxheti ka qenë por nëse dikush ka diçka të tillë atëherë janë organet kompetente dhe i lus që të informojnë dhe të fillojnë procedurat sipas ligjit”, thotë ai.

Sa i përket zgjedhjeve të brendshme të AAK-së, Lekaj pohoi se kanë filluar përgatitjet për ndryshimin e statutit të AAK-së.

Ai shtoi se asnjë anëtar nuk do të ketë pengesë të kandidojë në pozitat e caktuara.

“Sa i përket zgjedhjeve të brendshme të Aleancës për Ardhmërinë e Kosovës ne kemi bërë të gjitha përgatitjet dhe jemi munduar që të ndryshojmë statutin e Aleancës dhe na ja kemi arrit që me të vërtet që të zhvillohet një proces demokratik i brendshëm ku lejohet konkurrenca dhe mund të them që nuk ka asnjë pengesë asnjë anëtar i Aleancës të kandidojë në pozitat e caktuar dhe që të fitojë dhe prandaj ky është një proces demokratik dhe mendoj që do të dalim të fortë dhe edhe më të fortë në këtë proces zgjedhor”, thotë ai për EO.

Ai për përbërjen e kabinetit qeveritar të qeverisë Kurti tha se çdo kush i zgjedh njerëzit më të mirë që të ndikojnë në procese pozitive, por Lekaj nuk mund të vlerëson në diçka që nuk njeh.

“Unë nuk kam shumë njohuri të madhe për personat që kanë ardhur por çdo kush i zgjedh njerëzit më të mirë që do të ndikojnë në proceset pozitive të zhvillimit ekonomik dhe gjithëmbarshëm në Kosovë dhe prandaj është detyrë e tyre dhe nuk mund të vlerësojë në dikë që nuk e njoh”, thotë ai.

Click to comment

You must be logged in to post a comment Login

Leave a Reply

Infrastrukturë

Tuneli spirale i ndërtuar në Kinë, njihet zyrtarisht si më i gjati në botë

Published

on

Një tunel spirale në Kinë, i ndërtuar nga gjigandi kinez i ndërtimit China State Construction (CSCEC), është njohur si më i gjati në botë.

Guinness World Records ka lëshuar një certifikatë për të konfirmuar statusin e tunelit Hankou në autostradën Xinxiang-Jincheng, e cila është 4,457 metra e gjatë, si pjesa më e gjatë e tunelit rrugor spirale në botë.

Autostrada Xinxiang-Jincheng përfshin 69.8 km që lidh provincat Henan dhe Shanxi nëpërmjet maleve Taihang.

Sistemi spirale i tunelit të autostradës së shpejtë përbëhet nga nëntë tunele që kalojnë nëpër vargmalin malor, me një gjatësi totale prej 28 km.

Tuneli Hanko varion në lartësi nga 784m deri në 893m, me një diferencë maksimale në lartësi ndërmjet hyrjes dhe daljes së tunelit prej 109m, dhe ka një rreze minimale prej 70m.

CSCEC përdori BIM për projektin, si dhe kodet e identifikimit për materialet në kantierin e ndërtimit për të minimizuar humbjet. Ai përdori gjithashtu sensorë IoT në të gjithë vendin e ndërtimit për të mbledhur të dhëna në kohë reale mbi vendosjen e tokës, uljen e harkut dhe matje të tjera.

Autostrada e shpejtë u hap në vitin 2022./Media Ndërtimi

Continue Reading

Infrastrukturë

Marrëveshje prej 302 milion € për ndërtimin e fabrikës hekurudhore zvicerane

Published

on

Një konsorcium i udhëhequr nga kompania zvicerane e ndërtimit CSC Costruzioni ka fituar një kontratë me vlerë 302 milionë euro (327 milionë dollarë amerikanë) për të ndërtuar një fabrikë të re hekurudhore në Zvicër.

CSC Costruzioni, një degë e Webuild, mban një aksion prej 67% në konsorciumin që do të ndërtojë projektin Nuovo Stabilimento Industriale Ferroviario (NSIF) në Ticino, Zvicër.

Konsorciumi i quajtur Consorzio Officine Ticinesi OFT do të zbatojë punimet përgatitore dhe punimet e gërmimit për FFS (Ferrovie Federali Svizzere) përpara se të ndërtojë godinën kryesore, ndërtesat teknike pranë dhe të gjitha punimet për zonat e jashtme.

Puna pritet të nisë në korrik të këtij viti, përpara përfundimit në vitin 2027./Media Ndërtimi

Continue Reading

Infrastrukturë

Korsi për autobusët dhe rehabilitimi i stacioneve në Tiranë, lidhet kontrata

Published

on

Projekti për ndërhyrjen në disa rrugë në Tiranë për të mundësuar korsi të dedikuar për autobusët si dhe rehabilitimin e disa stacioneve ka tashmë një kontratë të finalizuar.

Bashkia e Tiranës njoftoi në sistemin e prokurimeve se procedura që ka këtë objekt është fituar nga kompania “Liqeni VII” për një vlerë 95.2 milionë lekë me TVSH dhe punimet do të kryhen në harkun kohor të 9 muajve.

Referuar dokumenteve të bëra publikë në fazën e parë të prokurimit parashikohen ndërhyrje në disa segmente. Kështu projekt zbatimi i korsive të dedikuara për autobus përfshin rrugët:

– Unaza e mesme (nga kryqëzimi i “Brrylit” deri te ura “Vasil Shanto” në të dyja anët e lumit “Lana”).

– E “Kavajës” (segmenti nga sheshi “Mustafa Qemal Ataturku” – kryqëzimi me “Ibrahim Rugova”)

– “Muhamet Gjollesha” (segmenti nga ura “Vasil Shanto” – sheshi “Karl Topia”)” thuhet në dokument.

Të njëjtat dokumente parashikojnë edhe rehabilitim të stacioneve ku përfshihen 3 korridoret e linjave të transportit publik qytetës si dhe zonën përreth qendrës ku dhe përqendrimi i udhëtarëve dhe kërkesa për transit është më e madhe:

– Linja “Kinostudio Kombinat”

– Linja “Tirana e Re”

– Linja “Unaza,

“Rrugët janë kryesisht në gjendje të mirë. Ka dëmtime të riparueshme në pjesën e asfaltit në disa segmente ku aktualisht janë vend parkime për automjete.

Sipas detyrës së projektimit rrjeti i kanalizimeve te ujërave dhe bardha dhe te zeza është funksional dhe ne gjendje te mire.

Në stacionet e urbaneve mungojnë tabelat informuese për qytetarët. Në mungesë të një korsie të dedikuar autobusëve kemi vonesa në frekuencën e tyre, trafik, tejmbushje e tyre.

Gjithashtu është i nevojshëm rehabilitim i kurorave të gjelbërta përgjatë segmenteve të projektit, vend grumbullim të mbetjeve urbane dhe elementit ndarës/mbrojtës të kësaj korsie të përshtatshme për evitimin e “kërcimit të gomave” nënvizonte dokumenti./Media Ndërtimi

Continue Reading

Trending