Connect with us

Infrastrukturë

Kuvendi i Shqipërisë miratoi dy projektligje për ndërtimin e urës mbi Bunë

Published

on

Seanca plenare e Kuvendit u zhvillua paraditen e sotme, ku në nisje kryetarja e Kuvendit, Lindita Nikolla ftoi deputetët e rinj që morën mandatin nga KQZ për shkak të vakancave të krijuara në Kuvend, të bëjnë betimin. Deputetët Ludovik Hasani, Asllan Dogjani, Frrok Gjini dhe Qani Xhafa u betuan në Kuvend.

Më pas, Kuvendi votoi dy projektligje, të cilat ishin diskutuar në seancën e datës 13 prill 2023.

Projektligji “Për ratifikimin e marrëveshjes së huas, ndërmjet Republikës së Shqipërisë (Huamarrësi), përfaqësuar nga Ministria e Financave dhe Ekonomisë, dhe KFW Frankfurt am Main (KFW) e Fondit Shqiptar te Zhvillimit (FSHZH). (“Agjencia e zbatimit te projektit”), për projektin “Zhvillimi i integruar rajonal””, u miratua me 72 vota pro, 28 kundër dhe 1 abstenim.

Projektligji “Për ratifikimin e marrëveshjes ndërmjet Këshillit të Ministrave të Republikës së Shqipërisë dhe qeverisë së Malit të Zi, për ndërtimin e urës ndërkufitare mbi lumin Buna/Boiana”, u miratua me 97 vota pro, asnjë kundër dhe asnjë abstenim.

Pas diskutimet me çështje jashtë rendit të ditës, seanca plenare i mbylli punimet rreth orës 11:00./Media Ndërtimi.

Infrastrukturë

Themeluesi i “Fondacionit Valon Vataj”: Institucioni “Duje” model i solidaritetit dhe dashurisë për vendin

Published

on

Valon Vataj, themeluesi i Fondacionit “Valon Vataj”, gjatë ceremonisë të hapjes së Qendrë Rekreative “Duje” në Suharekë, e cila është ndërtuar për t’iu shërbyer personave me Sindromen Down dhe Autizëm, deklaroi se ndihet i plotësuar shpirtërisht me ndërtimin e këtij objekti.

Ai falënderoi bashkëpunëtorët, teksa shtoi se me ndërtimin e kësaj qendre, është plotësuar ëndrra e tij. Sipas tij, “Duje” do t’i qëndrojë kohës.

Fjalimi i plotë i themeluesit të “Fondacionit Valon Vataj”

Në jetën time jam ballafaquar me sfida e suksese të ndryshme, mirëpo ajo që sot po e përjeoj është ndjena më e mirë, ndjenja e cila më mbush shpirtin plot!

Fal Zotit, puna dhe mundi jonë, sot po rezulton me inaugurim e këtij objekti për këta njerëz që për mua janë pikë e dobët dhe me këtë vepër po arrij të ua kthej buzëqeshjen këtyre personave të cilët Qendrën Rekreative “Duje” do ta kenë shtëpinë e tyre të dytë.

Faleminderit nga të gjithë ju, që ju bashkuat iniciativës time që ky projekt të inaugurohet në ditën e më të dashurve tanë, Ditën Ndërkombëtare të Fëmijëve, 1 qershor.

Faleminderit kryetar Bali Muharremaj i cili arrite që për një afat rekord të na siguroni parcelën për ndërtim si dhe lejen ndërtimore të këtij objekti. Faleminderit për mirënjohjen dhe përkrahjen e pakursyer që ky projekt të realizohet në afat rekord. Ju jeni ata që morët iniciativën që ku projekt të realizohet në Suharekë.

Faleminderit të gjithë atyre të cilët dhanë kontributin e tyre dhe u bashkëngjitën rrugës bashkë me mua duke më përkrahur në mënyrat dhe mundësitë e veta në këtë projekt.

Faleminderit Bajram Halitjaha, partnerit tonë në Gjermani, pastaj Arsim Kabashit, Naser Morina, Valmir Kryeziu, Pajtim Gashi.

Një falënderim edhe për stafin e mrekullueshëm si KAWA Group që punuat pa pushim, edhe përkundër periudhës së dimrit dhe pranverës së hershme me shi. Ky projekt arrit me u realizua në ditën e premtuar.

Iniciativat e “Fondacionit Valon Vataj” nuk do të ndalen. Ato do të vazhdojnë edhe në të ardhmen, duke shpresuar që edhe vendet tjera sikur Suhareka që dhjetëra projekte realizohen nga ndërmarrësit tanë duke e bërë qytetin tonë model i solidaritetit dhe dashurisë për vendin!

“Duje” do t’i qëndroj kohës dhe do të jetë një vepër e cila do të jetoj me të duke e plotësuar ëndrrën time jetësore, kontribut në shoqëri!

Suharekë, 1 qershor 2023./Media Ndërtimi.

Continue Reading

Infrastrukturë

Hapet Qendra Rekreative “Duje” në Suharekë, u shërben personave me Sindromen Down dhe Autizëm

Published

on

Në Ditën Ndërkombëtare të Fëmijëve 1 Qershori, të enjten është përuruar Qendra Rekreative “Duje”, e cila është ndërtuar për t’iu shërbyer personave me Sindromen Down dhe Autizëm. Ky projekt është financuar nga Fondacioni “Valon Vataj”.

Aty u tha se ndërtimi i kësaj qendre, ka për synim krijimin e kushteve sa më të mira për fëmijët me nevoja të veçanta dhe mundësive për integrimin e tyre në shoqëri.

Objekti ka një hapësirë prej 400 metra katror dhe së ndërtuari ka filluar para gjashtë muajsh.

Kryetari i Komunës së Suharekës, Bali Muharremaj, ndonëse tha se komuna që ai e drejton ka donacione të shumta, këtë e veçoi më shumë. Ai shtoi se arsyeja është se kjo kategori po bëhet me qendër rekreative.

“Me të vërtetë qytetarët e Suharekës duhet me u krenuar për gjithë bizneset. Për neve është një festë për Komunën e Suharekës, pasi kemi pas nevojë që edhe këtë kategori siç kemi bërë edhe me kategoritë tjera, kështu që po e përmbyllim edhe me këtë kategori”, tha Muharremaj.“Kur mw ke thënë vitin e kaluar se me disa biznese do ta marrësh me ndërtuar këtë për gjashtë muaj, kam qenë shumë skeptik”, tha ai.

Valon Vataj, themeluesi i Fondacionit “Valon Vataj”, tha se ndihet i plotësuar shpirtërisht me ndërtimin e këtij objekti.

Ai falënderoi bashkëpunëtorët, teksa shtoi se me ndërtimin e kësaj qendre, është plotësuar ëndrra e tij. Sipas tij, “Duje” do t’i qëndrojë kohës.

“Në jetën time jam ballafaquar me sfida e suksese të ndryshme mirëpo ajo që sot po e përjetoj është ndjenja më e mirë, ndjenë e cila ma mbush shpirtin plot”.

“Iniciativat e Fondacionit ‘Valon Vataj’ nuk do të ndalen, ato do të vazhdojnë edhe në të ardhmen, duke shpresuar që edhe vendet tjera sikur Suhareka që dhjetar projekte realizohen nga ndërmarrësit tanë duke e bërë qytetin tonë model i solidaritetit dhe dashurisë për vendin. ‘Duje’ do t’i qëndrojë kohës dhe do të jetë një vepër e cila do të jetoj me të duke e plotësuar ëndrrën time jetësore, kontributin në shoqëri”, tha Vataj./Media Ndërtimi.

Continue Reading

Infrastrukturë

Fillojnë punimet për administrimin e tokës dhe infrastrukturën hapësinore

Published

on

Ka filluar zyrtarisht punimet në takimin e parë koordinues, Komiteti për Administrimin e Tokës dhe Infrastrukturën Kombëtare për Informacion Hapësinor (IKIH) në Republikën e Kosovës.

Anëtaret e Komitetit janë caktuar mbi bazën e vendimit të Qeverisë së datës 24.08.2022 Nr.10/94. Anëtarë të Komitetit, janë përfaqësuesit e institucioneve nga ministritë e linjës në Republikën e Kosovës, si dhe përfaqësues nga Agjencitë Ekzekutive të Pavarura, të përcaktuara sipas vendimit qeveritar. Komiteti Ndërministror, kryesohet nga Ministri i Mjedisit, Planifikimit Hapësinor dhe Infrastrukturës z. Liburn Aliu..

Në hapje të punimeve të Komitetit, në fjalën e tij hyrëse ministri Aliu tha që Administrimi i tokës dhe i informacionit mbi tokën, realizohet përmes një sistemi funksional të gjeoinformacionit dhe informacionit hapësinor në tërë territorin e vendit, për të mundësuar planifikimin adekuat hapësinor si komponentë kyç në cilësinë dhe kushtet e jetesës, dhe matjes së progresit shoqëror të një vendi të zhvilluar demokratik. Tutje ai, përmendi rëndësinë e bashkëpunimit dhe koordinimit të Komitetit për funksionimin e plotë të tij në përputhje me mandatin ligjor.

“Ky takim shënon prioritizimin dhe qasjen serioze të qeverisë ndaj Administrimit të Tokës, krijimin e Infrastrukturës Kombëtare për Informacion Hapësinor, si dhe ofrimin e mbështetjes së plotë për Agjencinë Kadastrale të Kosovës, Komitetin Ndërministror dhe entiteteve të tjera institucionale që përbëjnë strukturën koordinuese kombëtare të Informacionit Hapësinor në Republikën e Kosovës” u shpreh ministri Aliu.

Zv. Drejtori i Përgjithshëm i Agjencisë Kadastrale të Kosovës- z. Avni Ahmeti, në fjalën e tij tha që Republika e Kosovës, është duke e implementuar një infrastrukturë moderne të Administrimit të Tokës, dhe po ndjekë praktikat më të mira të vendeve anëtare në Bashkimin Evropian. “ Deri më tani AKK ka ndërmarrë një sërë masash dhe veprime konkretë në avancimin e Infrastrukturës Kombëtare për Informacion Hapësinor, ku edhe organizimi i këtij komitetit përbën një nismë të rëndësishme.

Është përmirësuar dukshëm shpërndarja e shërbimeve në kohë, dhe lehtësimi i qasjes në rrjet.

Janë mbajtur takime ndërinstitucionale për verifikim të të dhënave dhe identifikim të mundësive për harmonizimin e të dhënave në vend, është krijuar korniza ligjore për menaxhimin e tokës dhe IKIH. AKK ka intensifikuar angazhimin në draftimin e UA që të krijojnë implementimin sa më efikas të Ligjit për Krijimin e Infrastrukturës Kombëtare të Informacionit Hapësinor. Gjithashtu, është duke u përditësuar Strategjia Kombëtare për Informacion Hapësinor në vend, ku drafti fillestar cilës do të prezantohet gjatë takimit” u shpreh Ahmeti.

Komiteti, do të ushtroj veprimtarinë e tij në fushat e rëndësishëm si: identifikimi i politikave dhe çështjeve strategjike, ofrimin e propozimeve të reja lidhur me politikat e administrimit ë tokës dhe Infrastrukturën Kombëtare për Informacion Hapësinor, si dhe koordinimin dhe monitorimin e të gjitha iniciativave brenda fushës së administrimit të tokës dhe IKIH-së.

Anëtarët e Komitetit, dhe të pranishmit e tjerë vazhduan punimet duke shqyrtuar draft rregulloren e punës së komitetit, draft Strategjinë Kombëtare për Informacion Hapësinor, dhe kornizën ligjore rregullative për IKIH. Në takim të pranishëm ishin edhe përfaqësues të Bankës Botërore, USAID- Aktiviteti i Qeverisjes së Pronës, JICA, GIZ, OSCE, dhe Duch Kadaster.

Komiteti Ndërministror për Administrimin e Tokës, dhe Infrastrukturën Kombëtare për Informacionin Hapësinor në Republikën e Kosovës, do të vazhdoi aktivitetet të cilat do të prezantohen në sesionin vjeshtor të punimeve të Komitetit./Media Ndërtimi

Continue Reading

Trending