Connect with us

Infrastrukturë

Kushte të dobëta për banim në shtëpinë e dytë të studentëve në Prishtinë

Published

on

Mungesa e ujit të nxehtë, papastërtia në banja, mungesa e internetit të rregullt, janë disa nga problemet që hasin në përditshmëri studentët e Universitetit të Prishtinës që banojnë në konviktet në Prishtinë.

Qendra e Studentëve në Prishtinë ka tetë konvikte me kapacitet për 3.865 studentë.

Financohet nga buxheti i Republikës së Kosovës dhe nga të hyrat vetjake që paguajnë studentët.

Buxheti vjetor i Qendrës për vitin 2023, i ndarë nga shteti i Kosovës, është rreth 5.4 milionë euro.

Në këtë qendër mund të jetojnë studentët e rregullt të studimeve bazë nga komunat të paktën 25 kilometra larg Prishtinës, të cilët e kanë mesataren mbi 9.00.

Por, studentët me të cilët ka biseduar Radio Evropa e Lirë, nuk janë të kënaqur me kushtet të cilat i ofron kjo qendër.

Konvikti numër 5 po cilësohet si një nga më të vjetërit dhe me kushte më të dobëta.

Studentja Floriana Alija, e cila jeton në këtë konvikt, thotë se fakti që të gjitha vajzat ndajnë banjë kolektive e bën më të vështirë menaxhimin e saj.

“Pastrohen, por vetëm një herë, më së shumti dy herë në javë. Korridoret po ashtu nuk pastrohen, kur hynë në katin e parë, e sheh që nuk është diçka në rregull se vjen shumë erë e keqe prej banjave. Ndriçim nuk ka në banja… janë munduar për t’i rregulluar pak, edhe dyert nuk mbylleshin, shumica e dyerve të banjave nuk mbyllen fare”, u shpreh 21-vjeçarja për Radio Evropa e Lirë.

Edhe studentja E.Ç, e cila po ashtu banon në konviktin numër 5, përveç shqetësimit për mungesën e higjienës në banja, u ankua edhe për internetin jo të rregullt, pasi kjo i paraqet vështirësi për të kryer angazhimet universitare.

“Uji i nxehtë në banja që nuk është 24/7, por është prej orës 08:00 deri në 17:00 më duket”, u shpreh 18-vjeçarja për REL-in.

Studentët tregojnë se në raste kur ka mungesë të internetit, që sipas tyre ndodh shpesh, detyrohen që të abonohen në pako interneti mobil, ndërsa gjatë kohës kur nuk ka ujë të ngrohtë, pavarësisht situatës urgjente, ata duhet të presin deri në ditën e nesërme.

Në anën tjetër, këto pretendime i mohon drejtori i Qendrës së Studentëve, Fatmir Sfishta.

“Për pastërti unë jam i sigurt dhe me masa 100 për qind i demantoj, sepse pastërtia është diçka që shihet, dhe ne kemi kompani e cila është e kontraktuar, e cila ku janë banjat kolektive, nëpër korridore, kompania është e obliguar t’i pastrojë. Ku janë dy dhoma që e kanë një banjë, studentët janë të obliguar ta pastrojnë atë dhe ne u japim mjetet higjienike…. [Banjat pastrohen] çdo ditë, madje edhe të shtunën. Vetëm të dielën nuk punojnë pastruesit, punëtorët e higjienës”, thotë Sfishta për REL-in.

Ai thotë se jetesa në konvikte është e përballueshme sa i përket çmimit, me 20 euro për akomodim dhe 15 euro për mensë.

Çmimi jo i lartë i konviktit është pikërisht njëra nga arsyet pse studentët me të cilët bisedoi Radio Evropa e Lirë kanë vendosur të jetojnë në të.

“E kemi më afër fakultetin, dhe që është edhe më lirë se banesat”, thotë studentja nga Deçani, Leontina Cacaj.

Studentët kanë mundësinë e paraqitjes së ndonjë ankesë ose kërkese përmes një kutie, ku ata mund të shprehin pakënaqësitë e tyre në mënyrë anonime apo publikisht.

“Sigurisht që çdo kërkesë, çdo shqetësim i çdo studenti ne e marrim seriozisht, e shqyrtojmë edhe nëse ka mundësi i bëjmë zgjidhje. Nëse nuk ka mundësi, studentin në fjalë e ftojmë dhe i tregojmë pse nuk ka mundësi që të mos realizohet”, thotë drejtori i Qendrës së Studentëve, Fatmir Sfishta.

Mirëpo, për dallim nga pohimet e drejtorit të qendrës se kushtet në konvikte janë të favorshme për të jetuar, banorët kanë vështirësi të jetojnë me probleme të tilla./Media Ndërtimi.

Infrastrukturë

Prokuroria Themelore në Gjakovë në aksion kundër shkatërruesve të mjedisit

Published

on

Një kamion transportues dhe një ekskavator janë sekuestruar për shkak të aktivitetit ilegal të nxjerrjes së zhavorrit përgjatë shtratit të lumit Drini i Bardhë.

Lajmin e ka bërë të ditur Prokuroria Themelore në Gjakovë, përmes një njoftimi për media, teksa ka bërë të ditur se në disa fshatra të Komunës së Rahovecit, është duke u degraduar ambienti për shkak të aktivitetit të tillë ilegal.

“Prokurori koordinator për hetimin e krimeve kundër mjedisit, Kastriot Memaj, ka urdhëruar inicimin e rastit për veprën penale ‘Ndotja, degradimi ose shkatërrimi i mjedisit’ nga neni 338 i KPRK-së. Njëkohësisht, në koordinim me policinë, janë duke u ndërmarrë veprime aktive në drejtim të kapjes së kryesve të kësaj vepre penale”, thuhet në njoftim.

Tutje, thuhet se prokuroria mbetet e përkushtuar maksimalisht në luftimin e dukurive të tilla të kundërligjshme që degradojnë ambientin dhe u bëhet thirrje qytetarëve për bashkëpunim në luftimin e këtyre dukurive./Media Ndërtimi

Continue Reading

Infrastrukturë

Ura e Kukësit pritet të hapet më 1 qershor

Published

on

Segmenti tre kilometra i aksit Kukës-Morinë, pjesë e Rrugës së Kombit nga mbikalimi i Gostilit deri te ura e Kukësit tashmë është hapur për qarkullimin e mjeteve.

Plot tri javë iu deshën kompanisë koncensionare për vendosjen e shtresave të stabilizantit dhe asfaltimin e njërit segment rrugor që lidh dy anët e Urës së Re me Rrugën e Kombit, ndërsa po punohet për përgatitjen për asfaltimin e segmentit tjetër rrugor në hyrje të Urës së Re.

Konstrukti metalik i urës së re mbi Drin, tashmë është pozicionuar në bazamentin përfundimtar të saj ndërsa po punohet për montimin e pjesëve dhe vendosjen e shtresave të nevojshme drejt përmbylljes së projektit dhe vënien në funksion të plotë brenda muajit qershor, e gatshme për sezonin e verës.

I gjithë trafiku i mjeteve nga Shqipëria drejt Kosovës dhe anasjelltas, përgjatë tri javëve u devijua në qytetin e Kukësit përmes tri hyrjeve dhe një dalje.

Gjatë gjithë kësaj periudhe, nuk u shënuan incidente që kishin të bënin me pengesa në qarkullim për shkak të fluksit, ndërsa u arrit të mirëmenaxhohej siç duhet e me një orar të paracaktuar për mjetet e vogla dhe ato të transportit të mallrave.

Ura e Madhe lidh Rrugën e Kombit dhe dy brigjet e liqenit të Fierzës dhe konsiderohet si një nga urat me hapësirën më të madhe në Ballkan në tipologjinë e saj./Media Ndërtimi

Continue Reading

Infrastrukturë

Inspektorati aksion për lirimin e hapësirave publike në Prishtinë

Published

on

Kryetari i Komunës së Prishtinës, Përparim Rama, ka njoftuar se Inspektorati i Kryeqytetit po vazhdon me lirimin e hapësirave publike.

Rama përmes një postimi në ‘Facebook’, ka bërë me dije se po lirohen hapësirat që janë zënë me terrasat e lokaleve, në qendër në afërsi të “Pallatit të Rinisë”.

“Nuk lejohet uzurpimi i pronës publike! Inspektorati i Kryeqytetit po vazhdon me lirimin e hapësirave publike të cilat ishin nxënë dhe po shfrytëzoheshin si pjesë (terrasa) të lokaleve. Këto ditë një e tillë është duke u larguar në zonën qendër në afërsi të “Pallatit të Rinisë””, ka shkruar Rama./Media Ndërtimi

Continue Reading

Trending