Connect with us

Ndërtim

“Kurti të kërkoj llogari nga zyrtarët që nënshkruan marrëveshjen për hekurudhat me Serbinë”

Published

on

Dy marrëveshjet e nënshkruara mes Kosovës dhe Serbisë për autostrada dhe hekurudha po cilësohen si jotransparente. Përkundër se në letrat e interesit, dy palët të premten e javës së kaluar në Munih të Gjermanisë, kanë hedhur nënshkrimet për të shprehur gatishmërinë e tyre për hapjen e rrugëve ekzistuese dhe ndërtimin e rrugëve të reja, ende nuk dihet saktë për përmbajtjen e tyre. Derisa për të dhënë sqarimet mbi këto marrëveshje ministri i Infrastrukturës dhe Ambientit, Lumir Abdixhiku ka qenë i paqasshëm për KosovaPress.

 

Analisti politik Arton Demhasaj thotë se kryeministri, Albin Kurti duhet të kërkoi llogari nga dy zyrtarët e Ministrisë së Infrastrukturës që e nënshkruan marrëveshjet. Sipas tij, është skandal në veti që Qeveria e re mos me qenë në dijeni për këto dy marrëveshje me Serbinë.

“Fillimisht ne nuk e kemi ditur as që është diku u negociuar për këto marrëveshje, as për marrëveshjen e linjës ajrore e njëkohësisht e as për këto dy marrëveshje të reja. Pra një proces që ka qenë jotransparent sepse nuk e kemi ditur kush po negocion dhe me autorizimin e kujt po negociojnë… tashmë zotëri Kurti është udhëheqës i qeverisë, kryeministri i vendit, në mënyrë indirekte mundet me kërku llogari nga ministri i Infrastrukturës, Lumir Abdixhiku që me kërku llogari nga zyrtarët që kanë nënshkruar këto marrëveshje. Përnjëmend është e paprecedent dy zyrtarë të një ministrie me nënshkru marrëveshje në emër të Kosovës e në ato marrëveshje mos me qenë në dijeni as qeveria e as ministrat. Nëse kështu ka qenë e vërteta, atëherë është skandal i llojit të vet”, thotë ai

Por krahas saj, Demhasaj thotë se çdo hapje e linjës së hekurudhës d he autostradave që lidhen me secilin vend fqinjë i kontribuon zhvillimit ekonomik.

“Duke mos pa përmbajtjen dhe dokumentin origjinal të këtyre marrëveshje është problem me analizu se a janë të mira, apo të këqija për Kosovën këto marrëveshje. Pasi akoma nuk janë publikuar. Por në parim çdo hapje e linjës së hekurudhës dhe autostradave që lidhen me secilin vend fqinjë i kontribuon zhvillimit ekonomik dhe lëvizjes së lirë të mallrave, kapitalit dhe të gjitha tjerave. Çdo investim që bëhet në përmirësimin e hekurudhave, rrugëve dhe gjithçka tjetër shkon në zhvillimin ekonomik”, u shpreh Demhasaj.

Fjalë të mira për këto marrëveshje, ka njohësi i rrethanave politike, Faton Abdullahu, i cili thotë kjo marrëveshje tashmë ekziston dhe duhet të vazhdohet më tutje.

“Marrëveshja ekziston është mirë që është nënshkruar duhet të vazhdojnë që të jetë transparente me shumë që të involvohet qeveria më shumë. Të mos fajësojë qeveritë e kaluara. Të koordinohen partnerët ndërmjet veti që të ndihmojnë më në fund procesin për të përshpejtuar çdo gjë. Të mos ngecet, por të ndihmojmë ShBA-të, Aleancës euro-atlantike për t’i përshpejtuar punët në shumë sfera e sidomos në raport me Serbinë”, thotë ai.

Për palën kosovare letrat e interesit, përkatësisht marrëveshjet i kanë nënshkruar Xhemë Veseli, drejtor i Transportit Rrugor dhe Ramë Qupeva, drejtor i Infrastrukturës Rrugore. Kurse nga pala serbe, të dy marrëveshjet i ka nënshkruar drejtori i të ashtuquajturës Zyrë për Kosovën në Qeverinë e Serbisë, Marko Gjuriq.

Këto marrëveshje, por edhe ajo për linjën ajro re, janë bërë me ndërmjetësimin e dërguarit të posaçëm të presidentit Donald Trump për bisedimet Kosovë – Serbi, Richard Grenell.

Ndërtim

Mercedes-Benz dhe Binghatti do të ndërtojnë një rrokaqiell super të lartë në Dubai

Published

on

Mercedes-Benz do të bashkëpunoj me firmën Binghatti Properties për të ndërtuar një rrokaqiell super të lartë në Dubai, Emiratet e Bashkuara Arabe.

Projekti është emëruar zyrtarisht Mercedes-Benz Places në Dubai; Struktura 65-katëshe do të arrijë 341 metra.

Hiper-pronat e Binghatti janë projektuar posaçërisht për ata që vlerësojnë vërtetë arkitekturën e shkëlqyer, duke u dhënë banorëve të tyre përvojën sesi dizajni modern dhe i menduar, i kombinuar me teknologjinë e fundit mund të bëjë një pronë më shumë sesa thjesht një vend ku jetoni.

Siç mund ta shohim nga imazhi i paraqitur, ndërtesa do të ketë një vijë çati të lakuar dhe fasada do të shfaqë logon e kompanisë së automobilave.

“Me Mercedes-Benz Places në Dubai, ne po e kapërcejmë fushën e automobilave për të krijuar përvoja të jashtëzakonshme të markës. Partneriteti me Binghatti, i cili mburret me ekspertizë të gjerë në zhvillimin e pasurive të paluajtshme, është një ndeshje ideale për ne. Kulla jonë rezidenciale e markës inauguruese synon të krijojë baza të reja, të lakmuara që përmbledhin thelbin e markës sonë, duke u ofruar klientëve tanë një vend të shenjtë për të mbërritur, për t’u çlodhur dhe për ta thirrur me të vërtetë në shtëpi.”, thotë Britta Seeger, një anëtare e bordit të Mercedes-Benz Group AG.

“Ne jemi të emocionuar të bashkëpunojmë me Mercedes-Benz, një emër ikonë, për të aktualizuar rezidencën e parë luksoze të markës Mercedes-Benz në botë. Mercedes-Benz Places në Dubai kapërcen të qenit thjesht një zhvillim i pasurive të paluajtshme; është gati t’i japë prioritet komunitetit dhe lëvizshmërisë, duke vendosur një standard të ri për jetesë inteligjente.”, kryetari i Binghatti Properties Muhammed Binghatti.

Detaje të mëtejshme do të njoftohen më 24 janar 2024, gjatë një ngjarjeje në Dubai.

Continue Reading

Ndërtim

Pas 24 vitesh, filloi ndërtimi i shtëpive të shqiptarëve në Veri

Published

on

Ministri i Infrastrukturës, Liburn Aliu, deklaroi në gusht të 2023, se tashmë ka marrë rrugën e duhur ndërtimi dhe renovimi i shtëpive në veri të Kosovës.

“Tashmë janë marrë të gjitha hapat për fillimin e ndërtimit të dhjetë (10) Shtëpive në Veri të Republikës së Kosovës, me ç’rast me datë 23.08.2023, është realizuar takimi i parë në zyrën e Kryetarit të Komunës së Mitrovisë së Veriut, z. Erden Atiq, bashkë me kryefamiljarët, njëherit përfituesit e shtëpive, ku edhe është realizuar vizita në lokacionet e caktuara për ndërtimin e shtëpive.”, deklaroi ministri Aliu.

Ndërtimi dhe renovimi i shtëpive në veri të Kosovës, ka qenë i ndarë në 3 LOTE: LOT 1: Ndërtimi i 10 shtëpive, që tashmë ka marrë rrugën e duhur, si dhe LOT 2: Ndërtimi i 11 shtëpive dhe LOT 3: Renovimi i 4 shtëpive, që shumë shpejtë pritet që të përfundojnë procedurat edhe për këto dy LOT-et e tjera, në mënyrë që projekti të përfundojë në tërësi sa më parë./Media Ndërtimi

Aliu: Ndjenjë e veçantë tek po rindërtohen shtëpitë e shqiptarëve në Veri

Continue Reading

Ndërtim

10 familje do të bëhen me shtëpi të reja në Malishevë

Published

on

Kryetari i Komunës së Malishevës, Ekrem Kastrati ka bërë të ditur se shumë shpejt 10 familje me kushte të rënda ekonomike të kësaj komune do të bëhen me shtëpi të reja.

Kjo falë bashkëpunimit të kësaj komune me organizatën “Qatar Charity”.

“Një lajm i mirë! Po shkon drejt finalizimit ndërtimi i 10-të shtëpive për familjet në kushte të rënda ekonomike. Është kënaqësi e madhe që në prag të festës së fundvitit, të takoja nga afër disa nga 10-të familjet, të cilat shumë shpejt jetesën e tyre do ta vazhdojnë në shtëpitë e reja të banimit, shtëpi të cilat do të jenë të pajisura me të gjitha elementet e nevojshme për një familje. Ndërtimi i këtyre shtëpive po bëhet falë një bashkëpunimi të mirë të Komunës sonë me organizatën “Qatar Charity”, të cilës përzemërsisht i jemi tejet mirënjohës e falenderues”, ka shkruar Kastrati në Facebook.

Continue Reading

Trending