Connect with us

Infrastrukturë

Kosova dhe Shqipëria të përgatisin një strategji të përbashkët energjetike afatgjate

Published

on

Kosova dhe Shqipëria të intensifikojnë procesin e bashkimit energjetik përmes angazhimit në nisma rajonale, koordinimit me ENTSO-e dhe bashkëpunimit në nivel bilateral, shkruan në raportin e Institutit për Politika Zhvillimore (INDEP) “Bashkimi Energjetik Kosovë-Shqipëri – Sfidat dhe Mundësitë për të Ardhmen”.

Bashkimi energjetik Kosovë-Shqipëri duhet të jetë temë e takimeve të ardhshme të dy qeverive për çka duhet të ndërtohen afate, të angazhohen institucione të përbashkëta dhe të alokohen kosto përkatëse. Procesi i bashkimit energjetik kombëtar duhet të shpallet prioritet në të dy anët e kufirit, shkruan në këtë raport.

Kosova dhe Shqipëria të angazhohen për hartimin e një strategjie të përbashkët të energjisë. Hartimi i Strategjisë së përbashkët do t’u lejonte të dy shteteve të ndërtojnë modele të realizimit të kërkesës dhe realizimit të investimeve të përbashkëta, në atë mënyrë që të rritet efiçienca dhe të lehtësohet planifikimi i investimeve. Strategjia e përbashkët që doli edhe si rekomandim në bazë të intervistave të realizuara për këtë punim, do të maksimizonte potencialin planifikues të politikave në të dy anët e kufirit dhe do të krijonte sinergji të bashkëpunimit për të përmbushur objektiva si dekarbonizimi dhe tranzicioni i energjisë.

Kosova dhe Shqipëria të përgatisin një strategji të përbashkët energjetike. Strategjia e përbashkët e energjisë është në të mirë të planifikimeve të përbashkëta të tregut dhe rajonit të përbashkët gjeografik. Për më tepër, një bashkim i tillë i kontribuon edhe planifikimeve për vijim të integrimit të tregut me rajonin. Sa më i madh tregu, përfitimet, siguria si dhe fleksibiliteti rriten. Andaj, bashkimi mes dyja vendeve nuk duhet të paraqet synimin e vetëm, por duhet të jetë fillimi i një procesi të domosdoshëm të lidhjes së rajonit me tregun evropian.

KOSTT, në bashkëpunim me OST të bashkërendoj aktivitetet me ENTSO-e ashtu që të shikohen mundësitë e investimeve në kapacitetet kufitare me shtetet e tjera. Kjo në funksion të zhvillimit të infrastrukturës dhe rritjes së shkëmbimeve të strukturës së re të përbashkët Kosovë Shqipëri me vendet e rajonit. Investimet kapitale duhet të fokusohen në kufinjtë ku shkëmbimet janë më të vogla dhe ku potenciali i zhvillimit të zonës energjetike është më i madh.

Të rriten kapacitetet e stafit në nivelin e dy operatorëve të transmisionit përmes trajnimeve, vizitave studimore dhe investimeve në përmirësimin e kushteve të punës. Ndonëse profesionalizmi i punonjësve të dy operatorëve është i lartë, tregjet e përbashkëta dhe integrimi i tregut janë ndërmarrje të reja, për të cilat përvoja kryesisht mungon. Në këtë aspekt, një program i përbashkët trajnimi dhe aftësimi i punonjësve të të dy palëve është i nevojshëm.

Bursa kombëtare e energjisë të funksionalizohet pa vonesa të mëtejme. Ajo duhet të ofroj të dhëna në kohë reale dhe të respektohen standardet e transparencës dhe barazisë së pjesëmarrësve në bursë. Qasja në të dhëna duhet të jetë po ashtu e lehtë dhe të shfrytëzohen në maksimum përparësitë e teknologjisë informative për të parashikuar kërkesën, zhvilluar modele të kapaciteteve që nevojiten dhe për të rritur kujdesin ndaj konsumatorëve.

Kosova të përfundoj procesin e liberalizimit të tregut të energjisë dhe të sigurohet hapja e plotë e tregut në mënyrë që të rritet konkurrenca në bursën e energjisë. Ky proces duhet të shoqërohet me investime në efiçiencën e energjisë dhe në përkrahje për sektorin privat, i cili në planin afatshkurtë mund të përballet me çmime më të larta. Liberalizimi i tregut është parakusht për funksionimin e konkurrencës në shkëmbimet e energjisë në tregun e përbashkët Kosovë-Shqipëri dhe në tregun rajonal kurdo kur një i tillë të funksionalizohet.

Kosova dhe Shqipëria të marrin shembull nga tregu nordik për të rritur transparencën, avancuar konkurrencën dhe për të rritur kapacitetet menaxhuese. Modeli i tregut nordik të energjisë është një ndër modelet ku bashkimi ka sjellë rritje të konkurrencës, ulje të nevojës për prodhim dhe rritje të sigurisë së furnizimit. Me modelin e tregut nordik, do të mund të përfitonim nga përvoja duke rritur krahas kësaj edhe transparencën dhe shkëmbimin e të dhënave në përgjithësi./Media Ndërtimi.

Infrastrukturë

Pjesa e jashtme e klimës vendoset brenda objektit të Spitalit në Ferizaj (VIDEO)

Published

on

Një pamje e pazakontë është raportuar nga Spitali i Ferizajt. Pajisja e klimatizimit, e cila vendoset jashtë objekteve, është parë e vendosur brenda hapësirës së spitalit në njërin repart.

Një qytetar ka dërguar në adresë të Kallxo.com pamje të pajisjes.

Sipas qytetarit anonim, brenda objektit është temperatura e lartë nga pajisja në fjalë.

Kallxo.com ka kontaktuar me ushtruesin e detyrës së drejtorit të Spitalit të Përgjithshëm në Ferizaj, Fikret Arifi i cili thotë se pajisja ka kohë që është e vendosur aty.

Sipas tij, në hapësirën e brendshme të spitalit është i vendosur “Autoklavi” pajisje kjo e cila kryen sterilizimin e manteleve, fashave e pajisjeve të tjera kirurgjike.

https://www.facebook.com/watch/?ref=embed_video&v=2115359122163589

Arifi shtoi se kjo pajisje ka nevojë që të ketë hapësirë të ftohtë dhe objekti ua ka pamundësuar që pajisjen e jashtme të klimatizimit ta vendosin jashtë objektit.

“Objekti i Ferizajt është veç i adaptuar. Nuk është spital ai, ajo ka qenë Mjekësi Familjare dhe tërë kohën vetëm është meremetu.

Qajo pjesa e ‘Autklavit’ i bie bash në mes të Spitalit, nuk ka shansë këto gypat a çka janë me i qitë jashtë. Ata e kanë qitë me e zbut situatën për një ‘Autoklav’ që është aty e temperaturat e larta që po bëhen brenda aty kanë bërë defekte të shpesha”- deklaroi Arifi.

Ai shtoi se presin një pajisje të re të ‘Autoklavit’ dhe se planifikojnë për ta vendosur në një objekt jashtë spitalit.“

Dje (27.05.2024) e dhamë idenë që me e shpu tavanin dhe me e qitë krejt naltë, punëtorët na thanë që s’munden me dhanë garancion që nuk pikë shiu”- shtoi Arifi./Media Ndërtimi

Continue Reading

Infrastrukturë

Banorët e Sibovcit e Shipitullës në hall me shpronësimet: Thonë se po u vështirësohet jeta me mbylljen e rrugës

Published

on

Banorët e fshatrave që janë afër hapësira të mihjes së KEK-ut, vazhdojnë të kenë probleme të shumta.

Shipitulla e Sibovci tash janë në hall me mbylljen e rrugës.

Sipas tyre, në këtë formë, jeta po u bëhet e pamundur.

Continue Reading

Infrastrukturë

Qasje e pamundur nëpër objektet publike, sfidat e personave me Aftësi të Kufizuara në Kosovë e Shqipëri

Published

on

Stigmatizimi në shoqëri, mos trajtimi adekuat në institucionet shëndetësore shtetërore dhe mungesa e hapësirave për të gjetur një vend pune, janë vetëm disa prej problemeve me të cilat ballafaqohet personat me aftësi të kufizuara në Shqipëri e Kosovë.

Të dhëna e grumbulluara në Shqipëri e Kosovë tregojnë se institucionet publike nuk ju ofrojnë shërbimet e nevojshme shëndetësore, e madje në shumë prej objekteve të institucioneve publike as nuk është ofruar mundësia për qasje fizike nga këta persona.

Në anën tjetër, një nga sfidat kryesore të identifikuar në Shqipëri është edhe mungesa e infrastrukturës së përshtatshme në shërbimet shëndetësore.

Spitalet dhe qendrat shëndetësore shpeshherë nuk janë të pajisura me rampa dhe ashensorë, duke bërë që personat me aftësi të kufizuara të kenë akses të pamjaftueshëm ose të pamundur në këto ambiente.

“Ende vazhdoj të has probleme në qendrat shërbimeve shëndetësore. Mbaj mend që në një rast ne një zonë tjetër të Tiranës, më është dashur qe të bëj një nga vaksinat në oborrin e qendrës shëndetësore sepse qendra nuk ishte e aksesueshme”- shprehet zonja Lala.

Mënyra e trajtimit të këtyre personave ndikon edhe në aspektin psikologjik. Sipas psikologes Manjola Çollaku, mungesa e këtyre aseteve dhe infrastrukturës, mund të ndikojë negativisht në gjendjen emocionale të personave me aftësi të kufizuara.

“Kufizimet në qasjen në shërbime shëndetësore dhe asistencën sociale, mungesa e mundësive për arsim dhe punësim, si dhe stigma sociale dhe diskriminimi, të gjitha këto mund të përkeqësojnë gjendjen emocionale dhe të rrisin ndjenjën e izolimit dhe mungesës së vetëbesimit, mungesa e infrastrukturës gjithashtu mund të krijojë pengesa për të arritur qasjen në shërbimet dhe resurset që ata kanë nevojë, duke rritur ndjesinë e izolimit dhe ndjenjën e pakënaqësisë me situatën e tyre.”- u shpreh ajo.

Ky artikull është prodhuar me përkrahjen financiare të Bashkimit Europian në kuadër të projektit “Fuqizimi i lajmeve cilësore dhe gazetarisë së pavarur në Ballkanin perëndimor dhe Turqi II”. Përmbajtja e këtij botimi është përgjegjësi e BIRN Kosova dhe në asnjë mënyrë nuk mund të konsiderohet si qëndrim i Bashkimit Europian./Media Ndërtimi

Continue Reading

Trending