Connect with us

Ambienti

Kosova dhe Shqipëria me bashkëpunimin ndërkufitarë në mbrojtjen e natyrës

Published

on

Një delegacion i Institutit të Kosovës për Mbrojtjen e Natyrës, i kryesuar nga Drejtori Fadil Bajraktari, kanë vizituar sot Administratën Rajonale të  Zonave të Mbrojtura për Qarkun e Kukësit, ku është pritur nga përfaqësuesit e kësaj Drejtorie.

Qëllimi i këtij takimi ishte rritja e bashkëpunimit ndërkufitar mes Kosovës dhe Shqipërisë për mbrojtjen e natyrës, shkëmbimin e informacionit mes dy drejtorive në kuadër të menaxhimit të qëndrueshëm ndërkufitar të këtyre zonave si dhe diskutimi për mundësitë e tjera të bashkëpunimit në monitorimin e faunës  dhe florës së egër.

Ky aktivitet realizohet në kuadër të Memorandumit të

Bashkëpunimit ndërmjet Ministrisë së Mjedisit dhe Planifikimit Hapësinor të Kosovës dhe Ministrisë së Turizmit dhe Mjedisit të Shqipërisë të nënshkruar në vitin 2017./Media Ndërtimi.

Ambienti

Në Ulqin zhvillohet një aksion i madh pastrimi

Published

on

Me rastin e Ditës Botërore të Mjedisit, Komuna e Ulqinit organizon fushatën e pastrimit të qytetit të quajtur “Sepse ne e duam Ulqinin” nga ora 09:00 deri në 13:00, njëkohësisht në gjashtë lokacione.

I lokacioni: Qyteti i vjetër – Pristan – pylli i Borovës;

Vendndodhja II: rruga Nova Mëhallë – Valdanos;

Vendndodhja III: Bijela Gora;

Lokacioni IV: qendra e Shtojit;

Vendndodhja V: qendra e Vladimir;

Vendndodhja VI: Midin Potok.

“Aksioni i pastrimit synon të rrisë ndërgjegjësimin e komunitetit lokal për rëndësinë e ruajtjes së hapësirës së përbashkët të banimit. Aksioni synon të përfshijë sa më shumë individë, institucione dhe organizata nga komuna e Ulqinit. Komuna e Ulqinit fton të gjithë individët, organizatat dhe institucionet e interesuara që të na bashkohen dhe të japin kontributin e tyre në realizimin me sukses të këtij aksioni të rëndësishëm për qytetin tonë”, kanë thënë nga Komuna e Ulqinit./Media Ndërtimi

Continue Reading

Ambienti

Organizohet debat publike për zgjerimin e shtigjeve të Gërmisë

Published

on

Drejtoria e Hapësirave Publike dhe Parqeve po organizon një seri të dëgjimeve publike rreth zgjerimit dhe shenjëzimit të shtigjeve të Gërmisë.

Ky është një projekt i rëndësishëm për qytetarët tonë, sepse do t’u mundësoj qytetarëve nga zonat periferike të qasen më lehtë në park në këmbë dhe me biçikletë.

Ftojmë të gjithë qytetarët dhe organizatat rekreative që të na bashkohen në dëgjime publike, për të diskutuar detajet e projektit dhe të dëgjojmë mendimet dhe sugjerimet tuaja.

📍Hajvali, 5 qershor, Shkolla ‘‘Shkëndija’’, ora 14:00

📍Vranjevc, 12 qershor, Shkolla ‘‘Asim Vokshi’’, ora 14:00

📍Mramor, 13 qershor, Shkolla ‘‘Avni Rrustemi’’, ora 14:00

📍Mat, 14 qershor, Shkolla ‘‘Mitrush Kuteli’’, ora 14:00./Media Ndërtimi

Continue Reading

Ambienti

Hulumtimi që shpërfaq nxjerrjen e zhavorrit ilegalisht në lumin “Drini”, fitues për gazetari të gjelbër

Published

on

Gazetari i Kallxo.com, Behar Mustafa ka fituar çmimin e parë për gazetari të gjelbër, në kuadër të Javës për Zhvillim të Qëndrueshëm në Kosovë (KSDW).

Gazetari Mustafa publikoi hulumtimin me titull “Ujërat e korrupsionit” në KallxoPernime më 31 janar 2023, hulumtimi shpërfaq gjendjen e lumit “Drini” duke përfshirë ndotjen e tij por edhe nxjerrjen e zhavorrit në mënyrë ilegale.

Mustafa tha se degradimi i lumenjve po ndodh në sy të institucioneve.

“Përmes këtij hulumtimi ne kemi dashur të tregojmë se sa të bukura dhe të pasura ishin kanë lumenjtë e Kosovës sikur mos të kishte ekzistuar ky krim dhe korrupsion këtij lumi. Degradimi i lumenjve të Kosovës po ndodh në sytë e institucioneve të cilat që më shumë se 20 vite po e lejon me ndodhë atë. Shkatërrimet që i janë bërë lumit “Drini” janë të pa riparueshme për një kohë të gjatë. Ju falënderoj për vlerësimin”, deklaroi gazetari Behar Mustafa.

/Media Ndërtimi

Continue Reading

Trending