Connect with us

Infrastrukturë

Komuna e Gjilanit tejkalon vlerat e kontratave në projektet infrastrukturore

Published

on

Kryetari i Komunës së Gjilanit Alban Hyseni , si duket nuk e dëgjon shefin e tij Albin Kurtin kur flet për korrupsionin. Në të kundërtën Hyseni nuk do t’i menaxhonte taksat e qytetarëve të Gjilanit me aq shumë parregullsi dhe të punësoj personelin duke i cenuar parimet e konkurrencës.

Zyra e Kombëtare e Auditorit (ZKA), ka gjetur se gjatë vitit të kaluar kjo komuna përveç punësimeve pa i respektuar rregullat e konkurrencës, ka gjetur edhe moszbatim të procedurave të duhura të prokurimit, tejkalim të kontratave, menaxhim jo të mirë me kontrata, zbatimin e kontratave me procedura të negociuara etj., raporton IndeksOnline.

Tejkalimi i vlerave të dy kontratave pa arsyetim, sipas ZKA-së ndikon në rritjen e shpenzimeve shtesë të paarsyeshme dhe të paplanifikuara të parasë publike si dhe mund të ndikoi në rritje të obligimeve komunale.

“Komuna kishte bërë tejkalimin e vlerave të  kontratave. Në kontratën publike kornizë me çmim për njësi për “Sanimi, mirëmbajtja dhe zgjerimi i ndriçimit publik në fshatrat e Komunës së Gjilanit” në vlerë 250,000 euro. Sipas raportit të menaxherit të kontratës punë të kryera me këtë kontratë janë 312,575 euro, të cilat ishin paguar. Pra totali i tejkaluar i kontratës është 62,575 euro. Po ashtu edh kontrata e lidhur në prill të vitit 2021, në vlerë prej 60 mijë euro për “Mirëmbajtjen dimërore e rrugëve në Komunën e Gjilanit” , ishin tejkaluar për 18 mijë euro. Për këtë tejkalim nuk ka arsyetim nga menaxheri i kontratës”, thuhet në raport.

Po ashtu edhe  ZKA-ja ka gjetur se si një pagesë për shërbime të zërimit është bërë  pa procedura kontraktuale komuna ka paguar faturën në vlerë prej 5,480 euro, kjo pagesë ishte bërë për shërbimet e zërimit në llogarinë e operatorit ekonomik nga kodi shërbimet teknike me vendim të Kryetarit të Komunës.

Ndërsa komuna kishte lidhur kontrata me negocim pa i përfill procedurat e prokurimit.

“Zyra e prokurimit kishte lidhur dy kontrata për pastrimin e objekteve shkollore, njëra në vlerë mbi 40,262.86 euro dhe një tjetër në vlerë prej 87,377.37 euro deri në zgjidhjen e çështjes së pastrimit të objekteve. duke përdorur procedura të negociuar pa publikim të njoftimit për kontratë. Zyra e prokurimit në këtë rast është dashtë ta përdorë procedurën e hapur për shkak se asnjë nga kriteret e përmendura nga rregulla dhe udhëzuesi operativ nuk janë plotësuar për ta përdorur procedurën e negociuar pa publikim të njoftimit. Kjo ka ndodhur nga pakujdesia e zyrës së prokurimit për ti respektuar kërkesat e parapara ligjore”, thuhet në raport.

Po ashtu ZKA-ja ka gjetur edhe vonesa në pagesa. “Vonesat janë vërejtur në një rast tek shpronësimet ku vlera e obligimit ishte 296,443 euro dhe në 16 raste vonesa në pagesë në vlerë 397,247 euro, ishin për kategoritë mallra, shërbime dhe investime kapitale. /IndeksOnline/

Infrastrukturë

Prokuroria Themelore në Gjakovë në aksion kundër shkatërruesve të mjedisit

Published

on

Një kamion transportues dhe një ekskavator janë sekuestruar për shkak të aktivitetit ilegal të nxjerrjes së zhavorrit përgjatë shtratit të lumit Drini i Bardhë.

Lajmin e ka bërë të ditur Prokuroria Themelore në Gjakovë, përmes një njoftimi për media, teksa ka bërë të ditur se në disa fshatra të Komunës së Rahovecit, është duke u degraduar ambienti për shkak të aktivitetit të tillë ilegal.

“Prokurori koordinator për hetimin e krimeve kundër mjedisit, Kastriot Memaj, ka urdhëruar inicimin e rastit për veprën penale ‘Ndotja, degradimi ose shkatërrimi i mjedisit’ nga neni 338 i KPRK-së. Njëkohësisht, në koordinim me policinë, janë duke u ndërmarrë veprime aktive në drejtim të kapjes së kryesve të kësaj vepre penale”, thuhet në njoftim.

Tutje, thuhet se prokuroria mbetet e përkushtuar maksimalisht në luftimin e dukurive të tilla të kundërligjshme që degradojnë ambientin dhe u bëhet thirrje qytetarëve për bashkëpunim në luftimin e këtyre dukurive./Media Ndërtimi

Continue Reading

Infrastrukturë

Ura e Kukësit pritet të hapet më 1 qershor

Published

on

Segmenti tre kilometra i aksit Kukës-Morinë, pjesë e Rrugës së Kombit nga mbikalimi i Gostilit deri te ura e Kukësit tashmë është hapur për qarkullimin e mjeteve.

Plot tri javë iu deshën kompanisë koncensionare për vendosjen e shtresave të stabilizantit dhe asfaltimin e njërit segment rrugor që lidh dy anët e Urës së Re me Rrugën e Kombit, ndërsa po punohet për përgatitjen për asfaltimin e segmentit tjetër rrugor në hyrje të Urës së Re.

Konstrukti metalik i urës së re mbi Drin, tashmë është pozicionuar në bazamentin përfundimtar të saj ndërsa po punohet për montimin e pjesëve dhe vendosjen e shtresave të nevojshme drejt përmbylljes së projektit dhe vënien në funksion të plotë brenda muajit qershor, e gatshme për sezonin e verës.

I gjithë trafiku i mjeteve nga Shqipëria drejt Kosovës dhe anasjelltas, përgjatë tri javëve u devijua në qytetin e Kukësit përmes tri hyrjeve dhe një dalje.

Gjatë gjithë kësaj periudhe, nuk u shënuan incidente që kishin të bënin me pengesa në qarkullim për shkak të fluksit, ndërsa u arrit të mirëmenaxhohej siç duhet e me një orar të paracaktuar për mjetet e vogla dhe ato të transportit të mallrave.

Ura e Madhe lidh Rrugën e Kombit dhe dy brigjet e liqenit të Fierzës dhe konsiderohet si një nga urat me hapësirën më të madhe në Ballkan në tipologjinë e saj./Media Ndërtimi

Continue Reading

Infrastrukturë

Inspektorati aksion për lirimin e hapësirave publike në Prishtinë

Published

on

Kryetari i Komunës së Prishtinës, Përparim Rama, ka njoftuar se Inspektorati i Kryeqytetit po vazhdon me lirimin e hapësirave publike.

Rama përmes një postimi në ‘Facebook’, ka bërë me dije se po lirohen hapësirat që janë zënë me terrasat e lokaleve, në qendër në afërsi të “Pallatit të Rinisë”.

“Nuk lejohet uzurpimi i pronës publike! Inspektorati i Kryeqytetit po vazhdon me lirimin e hapësirave publike të cilat ishin nxënë dhe po shfrytëzoheshin si pjesë (terrasa) të lokaleve. Këto ditë një e tillë është duke u larguar në zonën qendër në afërsi të “Pallatit të Rinisë””, ka shkruar Rama./Media Ndërtimi

Continue Reading

Trending