Connect with us

Infrastrukturë

Arkitekti Andrija Mutnjakovič konsulltohet për rinovimin e Bibliotekës Kombëtare

Published

on

Në kuadër të restaurimit të Bibliotekës Kombëtare të Kosovës “Pjetër Bogdani”, ALB-Architect zhvilloi një takim mjaft frytdhënës me autorin kroat të kryeveprës arkitektonike Andrija Mutnjakovič.

“Përderisa autori fliste me shpirt për veprën e tij, përfaqësuesit e ALB-Architect përfituan shumë nga konsulenca e Mutnjakovič, për të bërë më të duhurën dhe më të mirën gjatë restaurimit të Bibliotekës Kombëtare.

Përveç mirëpritjes nga autori, na u premtua që bashkëpunimi i tij me ALB-Architect do të vazhdojë deri në përfundimin ideal të projektit.”, shkruan në njoftimin e studios ALB-Architect.

Andrija Mutnjakovic është një prej arkitektëve më të rëndësishëm kroatë të shekullit të 20-të. Në Prishtinë ai bëri një nga ndërtesat më të shquara të Bibliotekës Kombëtare dhe Universitare të Kosovës.

Koncepti arkitektonik i autorit u ndikua thellë nga elementet arkitekturore rajonale si kubi dhe kupola, dy forma kryesore gjeometrike që vijnë nga tradita bizantine dhe osmane shumë e pranishme në Kosovë.

Konsorciumi ALB-Architect & A.C.T.I Studio do të hartojë projektin e renovimit të tërësishëm të Bibliotekës Kombëtare të Kosovës “Pjetër Bogdani”, objekt ky me vlera historike dhe kulturore./Media Ndërtimi

Infrastrukturë

Ndryshojnë rregullat për lejet e ndërtimit në Shqipëri

Published

on

Qeveria ka vendosur që të ndryshojë rregullat për regjistrimin e lejeve dhe kontratave të porosive që firmosen paraprakisht mes palëve.

Janë jo të pakta apartamentet që shiten pa përfunduar përmes kontratave të porosisë, apo rastet kur zhvilluesi i pronës (investitori) hyn në një marrëveshje paraprake me pronarët e truallit, ndaj Qeveria ka vendosur që të ndryshojë edhe rregullat për regjistrimin e këtyre lejeve dhe kontratave që firmosen paraprakisht mes palëve.

Në udhëzimin e botuar në fletoren zyrtare përcaktohet qartë, që regjistrimi i lejes do të bëhet nga Kadastra, kur akti notarial ndërmjet zhvilluesit dhe pronarit të tokës përmban të dhëna të plota, ç’ka nënkupton numër pasurie, zonë kadastrale, sipërfaqe, kufij, pozicion gjeografik për evidentimin e pasurisë, të cilat përputhen me të dhënat e pasqyruara në regjistrin kadastral.

Po ashtu, duhet që të dhënat në përmbajtje të aktit për njësitë të jenë të individualizuara sipas planimetrive, të miratuara me lejen e ndërtimit.

Kur gjatë shqyrtimit të kërkesës për regjistrim rezulton, se aktet noteriale të lidhura ndërmjet investitorit dhe pronarit të truallit apo porositësve kanë mangësi, bëhet njoftimi i tyre duke iu lënë 30 ditë afat për plotësimin e dosjes, shkruan SCAN tv.

“Nëse pas kalimit të afatit këto të meta nuk plotësohen, nga ASHK-ja refuzohet regjistrimi i aktit”, theksohet në dokument.

Regjistrimi refuzohet po ashtu edhe kur në kontratën e porosisë ka devijime nga planimetria.

“Kur në regjistrin kadastral, në kartelën e pasurisë “truall”, rezultojnë të regjistruara përpara hyrjes në fuqi të këtij udhëzimi akte noteriale ndërmjet pronarit të truallit dhe zhvilluesit të pronës, në cilësinë e investitorit, në të cilët nuk është individualizuar pasuria që do të përfitojë pronari i truallit,

ASHK-ja në momentin e paraqitjes për regjistrim në regjistrin e lejes të kontratave të sipërmarrjes/porosisë apo premtimshitjes ndërmjet investitorit me pronarin e truallit apo me të tretë, verifikon nëse të dhënat mbi njësitë në këto akte janë të individualizuara sipas planimetrive, që i bashkëlidhen lejes së ndërtimit.

Në rast mospërmbushjeje të këtij detyrimi, regjistrimi i tyre refuzohet.”, përcaktohet në udhëzim./Media Ndërtimi

Continue Reading

Infrastrukturë

Aliu: Në vjeshtë nisin ndërtimet e objekteve banesore për banim social

Published

on

Ministri i Mjedisit, Planifikimit Hapësinor dhe Infrastrukturës, Liburn Aliu, ka thënë se gurthemeli për ndërtimin e katër objekteve banesore për banim social dhe të përballueshëm do të vihet në vjeshtë.

Pas miratimit të projektligjit për banim social dhe të përballueshëm, ministri Aliu ka thënë se deri tash kanë aplikuar 13 komuna për identifikimin e lokacionit për ndërtimin e objekteve banesore, ku në katër sosh do të hapet tenderi në shtator, kurse në nëntë komuna të tjera janë ende në fazën e dizajnimit të projektit.

Duke arsyetuar realizimin e këtij projekti në fundin e mandatit të qeverisë, Aliu ka theksuar se s’kanë mundur të hyjnë në fazën e realizimit të projektit pa pasur studime dhe fazë përgatitore.

Aliu ka theksuar se banesat për banim social do të mbeten në pronësi të shtetit dhe do të menaxhohen nga komunat, kurse te banimi i përballueshëm mund të aplikojnë çiftet e reja dhe punëtorët e administratës nga komunat përkatëse./Media Ndërtimi

Continue Reading

Infrastrukturë

Pronat e sekuestruara të Radoiçiqit i kalojnë Policisë së Kosovës

Published

on

Me ndryshim-plotësimet e një udhëzimi administrativ, të miratuara të mërkurën nga Qeveria e Kosovës, pronat e sekuestruara të biznesmenit serb nga veriu i Kosovës, Millan Radoiçiq, do t’i jepen në shfrytëzim Ministrisë së Brendshme të Kosovës, përkatësisht Policisë së Kosovës.

Radoiçiqin, Kosova e kërkon si të dyshuar për organizimin e sulmit të armatosur në fshatin Banjskë të Zveçanit, shtatorin e kaluar.

Në këtë sulm mbeti i vrarë një polic i Kosovës, ndërsa në përleshjet e armatosura që pasuan, u vranë edhe tre sulmues serb.

Radoiçiq besohet se është i lirë në Serbi.

Gjatë një aksioni në prill, Agjencia për Administrimin e Pasurive të Sekuestruara ose të Konfiskuara e Kosovës sekuestroi dy prona të paluajtshme në Mitrovicën e Veriut, një restorant dhe një banesë, si dhe një vilë në komunën e Zubin Potokut – që të gjitha në pronësi të Radoiçiqit.

Duke folur në mbledhjen e Qeverisë të mërkurën, ministrja e Drejtësisë e Kosovës, Albulena Haxhiu, tha se këto prona, aktualisht, janë nën menaxhim të ministrisë që udhëheq ajo, përkatësisht Agjencisë për Administrimin e Pasurive të Sekuestruara ose të Konfiskuara të Kosovës.

Haxhiu tha se ndryshimet në udhëzimin administrativ janë të rëndësishme, sepse i eliminojnë procedurat e tejzgjatura për dhënien me qira të pasurive të sekuestruara dhe të konfiskuara, kur ato i kërkon një institucion publik ose organ shtetëror./Media Ndërtimi

Continue Reading

Trending