Connect with us

Art

Klubi i Boksit hap dyert sonte për ekspozitën të çmimit “Artistët e së nesërmes” 2022

Published

on

Këtë të mërkurë, më 9 nëntor, Klubi i Boksit hap dyert për ekspozitën të çmimit “Artistët e së nesërmes” 2022. Punimet artistike të finalisteve Mimoza Sahiti, Valdrin Thaqi dhe Agrina Vllasaliu janë pjesë e ekspozitës që ju ftojmë ta shihni dhe mos humbisni!

Çmimi “Artistët e së nesërmes” 2022

Mimoza Sahiti, Valdrin Thaqi, Agrina Vllasaliu

Puna kuratoriale: Albert Heta dhe Vala Osmani

Arkitektura e ekspozitës: Vala Osmani

09/11/2022 – 10/12/2022

Hapja: 09/11/2022, ora: 19:00

Shpallja e fituesit: 03/12/2022, ora: 19:00

Mbyllja e ekspozitës: 10/12/2022

Adresa: Klubi i Boksit, Mark Isaku 8, 10000 Prishtinë, Republika e Kosovës

Punimet e papërpunuara dhe të gjalla të Mimoza Sahitit sfidojnë konvencionet tradicionale në pikturë. Duke transmetuar një zemërim të caktuar përmes vetë sipërfaqes së bojës, puna e saj pasqyron një feminizëm të ashpër që mbështet qasjen e saj ndaj kapitalizmit, identitetit, traumës personale dhe kolektive. Në përshkrimet e saj të figurës njerëzore, një ndjenjë frike dhe cenueshmërie pasqyron shqetësimet e saj rreth statusit të gruas në shoqëri dhe natyrës së pasigurt të ekzistencës njerëzore në përgjithësi.
Mimoza Sahiti ka lindur dhe është rritur në Offenbach të Gjermanisë. Ajo ka studiuar ekonomi deri në vitin 2018 dhe ka filluar studimet për pikturë në akademinë e arteve të bukura në Vjenë që nga tetori i vitit 2022. Gjatë studimeve të para për ekonomi ka filluar të pikturojë me aril dhe një vjet pikturon me vaj në një eksperiment jotradicional dhe në mënyrë të improvizuar. Gjatë qëndrimit të saj në Kosovë nga viti 2020 – 2022 ajo ka ekspozuar në disa hapësira në Prishtinë, Gjilan dhe ka marrë pjesë në Manifesta 14, në muzeun e artit bashkëkohor të Sofjes, Bullgari dhe tashmë është pjesë e koleksionit në Galerinë Kombëtare të Prishtinës.
Duke përfshirë pikturën, skulpturën, instalacionin dhe ndërhyrjet e llojeve të ndryshme, vepra e Valdrin Thaqit është e frymëzuar nga filozofia dhe ekzistencializmi, dhe ajo që artisti i sheh si absurditete që rrjedhin nga proceset, gjendjet dhe ngjarjet në jetën e përditshme. Puna e tij aktuale fokusohet në ndikimin e njeriut në mjedis, shkrirjen e inteligjencës natyrore dhe artificiale dhe dilemat morale dhe etike që lindin në lidhje me modifikimin gjenetik.
Valdrin Thaqi u lind në vitin 1994, në Skenderaj. Diplomoi në Fakultetin e Arteve në Prishtinë, në vitin 2019, dega e piktures. Praktika e tij artistike përfshin, pikturen, skulpturen dhe artin konceptual. Thaqi, dha një kontribut të madh në skenën e artit kosovar, përgjatë 5 viteve të fundit. Ishte fitues i dy cmimeve prestigjioze: Cmimi i parë në bienalen Muslim Mulliqi (2018) dhe Cmimi i parë Artistët e rinj (2019). Në fund të vitit 2020 u shpërngul në Berlin, ku dhe sot jeton dhe vepron në mes Berlinit dhe Prishtinës.

Duke përfshirë pikturën, skulpturën, instalacionin dhe ndërhyrjet e llojeve të ndryshme, vepra e Valdrin Thaqit është e frymëzuar nga filozofia dhe ekzistencializmi, dhe ajo që artisti i sheh si absurditete që rrjedhin nga proceset, gjendjet dhe ngjarjet në jetën e përditshme. Puna e tij aktuale fokusohet në ndikimin e njeriut në mjedis, shkrirjen e inteligjencës natyrore dhe artificiale dhe dilemat morale dhe etike që lindin në lidhje me modifikimin gjenetik.

Valdrin Thaqi u lind në vitin 1994, në Skenderaj. Diplomoi në Fakultetin e Arteve në Prishtinë, në vitin 2019, dega e piktures. Praktika e tij artistike përfshin, pikturen, skulpturen dhe artin konceptual. Thaqi, dha një kontribut të madh në skenën e artit kosovar, përgjatë 5 viteve të fundit. Ishte fitues i dy cmimeve prestigjioze: Cmimi i parë në bienalen Muslim Mulliqi (2018) dhe Çmimi i parë Artistët e rinj (2019).

Në fund të vitit 2020 u shpërngul në Berlin, ku dhe sot jeton dhe vepron në mes Berlinit dhe Prishtinës./Media Ndërtimi.

Art

Hapet ekspozita “Hapësira e përpjekjes politike: Miniera e Trepçës 1989”

Published

on

Të mërkurën në Muzeun e Kosovës, është hapur ekspozita që niset nga përkushtimi për të kuptuar format e reja të angazhimit politik që gjetën artikulim gjatë grevës së minatorëve të organizuar nga 20 deri më 28 shkurt, 1989.

Nëntoka ishte hapësira e përpjekjeve të tyre politike dhe lokacioni nga ku ata krijuan një marrëdhënie tjetër me atë që ishte duke ndodhur politikisht mbi tokë.

Ndërtimi i arkivit të hapur dhe të qasshëm me intervista të historisë gojore me minatorët e përfshirë në grevë ishte pikënisja e hulumtimit. Arkivi gjeneroi një shumësi zërash dhe këndvështrimesh që udhëzuan narrativen mbi ngjarjet që çuan drejt grevës, ndërsa bashkëbisedimet e detajshme me minatorët informuan konceptin e ekspozimit.

Ekspozita do të qëndrojë hapur deri më 28 shkurt, 2023, nga e marta deri të dielën, prej orës 10:00 deri në 18:00, në Muzeun Kombëtar të Kosovës./Media Ndërtimi.

 

Continue Reading

Art

Më 1 shkurt, hapet ekspozita ndërkombëtare “Muslim Mulliqi” 2022

Published

on

Mbrëmja e 1 shkurtit do të sjellë një ekspozitë me koncept tërësisht të ri në Galerinë Kombëtare të Kosovës.

Kuratorët Christian Mosar dhe Raimund Stecker përmes veprave të përzgjedhura do të trajtojnë traditat dhe retrospektivën në art.

Në këtë edicion, i 14-ti me radhë, ku një grup artistësh kanë shpalosur talentin e tyre për artdashësit, do të ndahet edhe çmimi tashmë tradicional “Muslim Mulliqi” 2022.

Ekspozita do të qëndrojë e hapur deri më 26 shkurt./Media Ndërtimi.

Continue Reading

Art

Seria fotografike ‘Rënia e komunizmit’, vazhdon të jetë në muret e Muzeut Kombëtar të Fotografisë “Marubi”

Published

on

Ekspozita me fotoreportazhin e Michel Setboun “Fotoreporteri në kohën e duhur, në vendin duhur”, ku shfaqen imazhe të Shqipërisë së viteve 1980 deri në vitin 1991, me rrëzimin e sistemit komunist, vazhdon të jetë e hapur nga e marta në të shtunë, nga ora 9:00 deri në orën 16:00 dhe çdo të diele nga ora 10:00 deri në orën 15:00, në Muzeut Kombëtar të Fotografisë “Marubi”, në Shkodër.

Fotot që përshkruanin luftën e përditshme të shqiptarëve me varfërinë ishin të rralla. Kjo nuk është rastësi, sepse Sigurimi i Shtetit, organi i konsideruar si “syri i diktatorit” ishte përgjegjës për të gjitha burimet e informacionit, duke përfshirë edhe fotostuditë të cilat u shtetëzuan dhe u kthyen në departamente të shërbimit fotografik.

Agjencia Telegrafike Shqiptare – një lloj ‘laboratori i formësimit të Njeriut të Ri’ – kishte kontroll mbi të gjitha fotografitë që dilnin në revista dhe gazeta. Turistët e huaj i nënshtroheshin një kontrolli të tillë sepse monitoroheshin lëvizjet e tyre për të mos lejuar që të fotografonin realitetin. Gjatë viteve të diktaturës, në Shqipëri lejoheshin të vizitonin vetëm delegacionet politike të vendeve mike komuniste, sportistët që garonin në garat ndërkombëtare dhe turistë që plotësonin kërkesat e Albtourism, e vetmja agjenci shtetërore për turizmin.

Michel Setboun ishte vetëm 17 vjeç kur filloi të udhëtonte nëpër botë. Në një nga udhëtimet e tij, ai u ndal në Jugosllavi dhe në Kosovë. Ky moment zgjoi interesin e tij për të vizituar Shqipërinë e izoluar. Setboun mbërriti në Shqipëri për herë të parë në vitin 1981 duke u maskuar si anëtar i një grupi të ri marksist francez që udhëtonte atje si pjesë e një marrëveshjeje miqësie midis dy vendeve.

Kjo mund të shihet në serialin e tij “Shqipëria 1981”, në të cilin nuk ka asnjë fotografi që përshkruan realitetet e burgjeve, kampeve të internimit, shkatërrimit të objekteve të adhurimit apo edhe varfërisë. “Jeta në rrugë gjatë regjimit komunist” është e vetmja fotografi e bërë fshehurazi që kap tronditjen e shqiptarëve kur panë të huajt.

Është e çuditshme që, përveç kësaj fotografie, gjatë gjithë serisë Mishel nuk identifikohet si fotografi. Ajo që vërejmë është një sistem i përpunuar trillimesh të krijuara nga regjimi për ta paraqitur Shqipërinë si një vend të lumtur dhe të begatë. I vetëdijshëm për praninë e një realiteti paralel, ai rikthehet në vitin 1986 dhe çdo vit deri në rënien e komunizmit në 1991.

Udhëtimet e tij në Shqipëri janë dokumentuar në serialet “Shqipëria e pakohë” dhe “Rënia e komunizmit”. Kthimi i tij në 1990 ishte ndryshe nga herët kur vinte i maskuar si turist në një vend të izoluar. Këtë herë, ai është një fotoreporter në aksion, duke pasqyruar rënien e sistemit komunist për agjencitë ndërkombëtare të lajmeve. Nëse e kërkojmë në google emrin e tij, mund ta kuptojmë rëndësinë e tij si fotograf duke parë fotot e arratisjes masive të shqiptarëve në Evropë më 2 korrik 1990, të cilat mund t’i gjeni në serialin ‘Eksodi’, zgjedhjet e para pluraliste në serial’ Fillimi i Demokracisë dhe ngjarjet pas Demonstratës Antikomuniste të 2 Prillit 1991 në Shkodër në serialin “Trazirat dhe funeralet e Prillit 1991”. Shkodra, epiqendra e persekutimit komunist dhe qyteti i kryengritjeve të para demokratike në vitet 1900, zë një vend të veçantë në fotografitë e tij.

Në ndryshim nga serialet e tjera me fokus politik, Michel është i interesuar edhe për fenë. Ai ndjek me vëmendje dokumentimin e ringjalljes së praktikave fetare në serinë “Rilindja e Krishterizmit dhe Islamit”. Dom Simon Jubani, prifti katolik që kaloi 26 vjet në burg dhe organizoi meshën e parë që paralajmëroi rënien e diktaturës, është një figurë qendrore në këto ngjarje. Kjo ekspozitë fokusohet në përfshirjen e Setboun në regjistrimin e rënies së regjimit komunist të Shqipërisë dhe disa ritualeve që ai kapi gjatë viteve 1990; nuk përfshin udhëtimet e tij të mëvonshme në Shqipëri.

Continue Reading

Trending