Connect with us

Aktuale

KGJK nuk gjen përgjegjës për shkelje disiplinore tre gjyqtarët lidhur me pretendimet se kanë ndikuar në rastin “Brezovica”

Published

on

Këshilli Gjyqësor i Kosovës (KGJK), nuk i ka gjetur përgjegjës për shkelje disiplinore Enes Mehmetin, gjyqtar në Gjykatën e Apelit, Ilir Bytyqin, gjyqtar në Gjykatën Themelore në Ferizaj dhe Arben Hoti, gjyqtar në Gjykatën Themelore në Prishtinë, lidhur me denoncimet se të njëjtit kanë tentuar të ndikojnë në rastin e njohur “Brezovica”.

Sipas vendimit të KGJK-së, të nxjerrë më 6 prill 2023, thuhet se gjyqtarët Mehmeti, Bytyqi dhe Hoti, nuk janë gjetur përgjegjës për shkeljet e pretenduara disiplinore nga autoritetet kompetente lidhur me pretendimet për ndikime në rastin “Brezovica”, raporton “Betimi për Drejtësi”.

Ndryshe, “Betimi për Drejtësi” në hulumtimin me titull “Ndikimet në rastin Brezovica”, kishte paraqitur se si ky rast ishte vënë në shënjestër nga një numër i madh personash brenda e jashtë institucioneve, përfshirë sistemin e drejtësisë, të cilët dyshohet se kanë tentuar të shkatërrojnë hetimet.

Në emisionin “Betimi për Drejtësi”, ishin paraqitur pretendimet për ndikime në bazë të raportimeve që ishin bërë përmes kanaleve zyrtare në hierarkinë më të lartë të sistemit gjyqësor dhe prokurorial.

Përveç rasteve të paraqitura në emision, që pretendohet se është tentuar të ndikohet në rastin “Brezovica”, në komunikimet e siguruara nga “Betimi për Drejtësi”, rezulton se nga zyrtarët e sistemit prokurorial ka pasur njoftime për ndërhyrje në këtë rast edhe nga zyrtarë të tjerë si dhe gjykatës të të gjitha niveleve.

Ndër ndikimet që theksohej në këto komunikime ku njoftohen krerët më të lartë të gjyqësorit dhe prokurorisë, ishin ndikimet e pretenduara prej dy gjykatësve Arben Hoti dhe Enes Mehmeti.

Sipas shkresave, rezultonte se të dy këta gjykatës i kanë bërë trysni një zyrtareje ligjore në Gjykatën Themelore në Ferizaj, që të përgatisë leje për vizitë në Qendrën e Paraburgimit nga familjarët e njërit të pandehur, në kundërshtim me rregullat e Qendrës.

“Betimi për Drejtësi” kishte kontaktuar me të dy gjykatësit, të cilët e kishin mohuar këtë pretendim, duke theksuar se kanë punuar për disa vite si gjykatës në Gjykatën e Ferizajt, por që në asnjë formë nuk kanë kontaktuar me asnjë zyrtar të kësaj gjykate, aq më tepër që të tentohet të ndikohet në ndonjë rast.

Të njëjtit, kanë mohuar pretendimet për ndikime edhe në procedurën e zhvilluar disiplinore ndaj tyre në KGJK.

Sipas këtij vendimi, KGJK ka pranuar kërkesë për fillim të hetimeve nga autoriteti kompetent për gjyqtarin Mehmeti me pretendimin se ka kryer shkelje disiplinore sipas Ligjit për Përgjegjësinë Disiplinore të Gjyqtarëve dhe Prokurorëve. Në këtë vendim, thuhet se kjo kërkesë për fillim të hetimeve ishte bazuar në emalin e ish-kryetarit të Gjykatës Supreme, Enver Peci, si dhe në emisionin “Betimi për Drejtësi” të titulluar “Ndikimi në rastin Brezovica”.

Gjatë kësaj periudhe, KGJK kishte pranuar edhe kërkesën për fillimin e hetimeve ndaj gjyqtarit Arben Hoti, duke pretenduar se gjyqtari Hoti, siç është prezantuar në hulumtimin e emisionit “Betimi për Drejtësi”, të titulluar “Ndikimi në rastin Brezovica”, në mes tjerash se nga prokurori i rastit është pretenduar se gjyqtari Hoti përmes disa gjyqtarëve tjerë ka ndikuar që të lëshohet leje për vizitë për të pandehurin L.V, në kundërshtim me rregullat e Qendrës së paraburgimit në Gjilan.

Ndërsa, lidhur me gjyqtarin Arben Hoti, KGJK konstatoi se përfshirja e tij në këtë rast disiplinor është e pabazuar, pasi as gjyqtari Mehmeti e as gjyqtari Bytyqi nuk e kishin përmendur me asnjë zyrtar të Gjykatës Themelore në Ferizaj emrin e gjyqtarit Hoti. Ndërsa, zyrtarja kur ishte pyetur se pse e ka përmendur emrin e gjyqtarit Hoti, e njëjta kishte deklaruar se e ka përmendur vetëm emrin Arben, siç i kishte thënë gjyqtari Ilir Bytyqi, e të cilën gjë gjyqtari Bytyqi e ka mohuar.

Tutje, sipas këtij vendimi, KGJK vërtetoi se pretendimi i zyrtares ligjore se bashkëpunëtori profesional i gjykatës i kishte thënë se “hajt a po e lëshon qat leje se po më shkruan gjyqtari Enes”, nuk qëndron, sepse sipas KGJK-së bazuar në dëshminë e bashkëpunëtorit profesional, i njëjti kishte deklaruar se me përgjegjësi penale, morale dhe profesionale nuk e ka thirrur askush dhe nuk kishte kërkuar asgjë askush lidhur me këtë rast.

Këshilli, në seancën për këshillim dhe votim, në mënyrë unanime ka konstatuar se gjyqtarët e lartcekur nuk janë përgjegjës për shkeljen disiplinore sipas nenit 5, paragrafit 2, nënparagrafët 2.9 dhe 2.15 të Ligjit për Përgjegjësinë Disiplinore të Gjyqtarëve dhe Prokurorëve, sa i përket pretendimit për ndikim në rastin penal të quajtur “Brezovica”, andaj vendosi që t’i lirojë nga përgjegjësia disiplinore./Media Ndërtimi.

Aktuale

Ekspertët e AKK-së diskutojnë për zhvillimin e sistemeve kadastrale

Published

on

Menaxhmenti i Agjencisë Kadastrale të Kosovës ka ftuar në një takim gjithëpërfshirës të gjithë ekspertët e institucionit, për të diskutuar në lidhje me projektet e planifikuara për avancim dhe zhvillim gjatë këtij viti dhe vitit të ardhshëm, të sistemeve kadastrale dhe sistemeve tjera me të cilat menaxhon AKK.

Në këtë takim, përveç prezantimit të punës së deritanishme të grupit punues për këtë çështje, u kërkua nga secili që të paraqesë idetë dhe kërkesat për ndryshime në secilin sistem të cilët janë planifikuar të zhvillohen.

Gjatë ditëve në vijim, Agjencia Kadastrale e Kosovës do të mbajë takim edhe me palë tjera të interesit me qëllim të informimit mbi punën, projektet dhe aktivitetet e AKK-së./Media Ndërimi

Continue Reading

Aktuale

Ministria e Financave rekruton staf për mbledhje të tatimit në pronë

Published

on

Me qëllim të grumbullimit të mjeteve në tatimin në pronë, ministria e Financave dhe Transfereve ka shpall tender për gjetjen e një “profesionisti” i cili ka traget mbledhjen e detyrueshme të tatimit në pronë.

Sipas vendimit të bërë publik në Komisionin Rregullativ të Prokurimit Publik (KRPP) nga tre aplikonte, Ramiz Ramadani është vlerësuar me pikë maksimale dhe e ka fituar punën.

Ai për 12 muaj për mbledhje të tatimit do të paguhet 9 mijë e 840 euro, raporton IndeksOnline.

Ministria e Financave, Punës dhe Transfereve udhëhiqet nga ministri Hekuran Murati, nga e cila IndeksOnline nuk ka marrë përgjigje si zakonisht për pyetjet e dërguara.

Po ashtu nuk dihet nëse ministria që drejton Murati e ka shuar departamentin e tatimit të pronës, ku në të kaluarën ka pasur të punësuar./Media Ndërtimi

Continue Reading

Aktuale

Mungesa e inventarit në vlerë të 80 mijë eurove për QKMF-në Gjilan, të dhënat dërgohen në hetuesi

Published

on

Kryetari i Gjilanit, Alban Hyseni, ka thënë se të gjitha të dhënat që janë raportuar për inventarin në vlerë të 80 mijë eurove për në QKMF-në në Gjilan, i ka dërguar në hetuesi.

Hyseni, fillimisht tha se në momentin kur është bërë auditimi në QKMF është konstatuar që ka mungesë të inventarit në raport me blerjet që janë bërë.

“Tash së fundmi kam parë disa lajme nëpër portale me fotografinë time dhe me zhdukjen e këtyre 80-mijë eurove. Unë kam deklaruar publikisht, të gjitha të dhënat sa i përket këtij rasti do t’i dërgoj në hetuesi, dhe këtë e kam bërë. Është një polic i krimeve ekonomike ose i hetuesisë së krimeve ekonomike që ka ardhë në zyre te unë dhe i ka marrë këto materiale, edhe të printuara si raport, por edhe si USB, pra material elektronik. Në raportin e auditorit të brendshëm të Komunës së Gjilanit, kur është bërë auditimi i Qendrës Kryesore të Mjekësisë Familjare është konstatuar që ka mungesë të inventarit në raport me blerjet që janë bërë. Pra gjendje faktike me gjendjen që ka qenë e deklaruar përmes faturave”, tha ai në emisionin “Këndi i Debatit” në Tëvë1.

Ai tha se si parti kanë mbërri në momentin kur është bërë vetëm kalimi i stafit nga objekti i vjetër në atë të riun.

“Kur kemi qenë në qeverisje QKMF ka qenë në objektin e vjetër, ndërkohë tranzicioni është bërë në qershor të vitit të kaluar dhe kemi dalë nga objekti i vjetër në objektin e ri. Të gjitha porositë për inventarizim të objektit të ri kanë qenë tashmë të bëra, pra kanë qenë porosi të mëhershme. Ka komision për inventarizim, ka zyrtarë për pranim. Ne e kemi mbërri vetëm kalimin e stafit nga objekti i vjetër në të riun. Pjesa e porosive për këto materiale inventarizimi është kryer më herët, nga një komision paraprak. Ndërkohë, ajo çfarë ka ndodhur në vitin 2021 dhe 2022 është vetëm pranimi i mallit. Menaxhmenti ka qenë i njëjtë qysh ka qenë më herët, pa asnjë ndryshim të vetëm. Vetëm kryeinfermierja është me ushtrues detyre tani, sepse ajo që ka qenë më herë ka dalë në pension, dhe nuk është hapur ende konkursi”, tha i pari i Gjilanit.

Hyseni, tha se tashmë janë porositur mbi 500 tavolina, por që mungojnë më shumë se gjysma e tyre.

“Ajo çfarë ka ndodhur tash është se kemi mbi 500 tavolina që i kanë porositur dhe mungojnë më shumë se gjysma e tyre. Pse? Këtë duhet ta thotë hetuesia. Në raportin e auditorit të brendshëm thuhet se janë porositur kaq tavolina, kaq dollape e kështu me radhë, dhe janë evidentuar në vendin e ngjarjes kjo, kjo, kjo. Kjo temë është politizuar shumë shpejtë. Unë kam kërkuar nga drejtoresha e Shëndetësisë, që këtë rast të ia lëmë në dorë hetuesisë dhe të mos merremi fare me këtë punë”, tha kryetari nga radhët e Lëvizjes Vetëvendosje.

Kryetari i Gjilanit tha se vlera e inventarit arrin afro 100 mijë euro, jo vetëm 80 mijë.

“Ka vlerë, nuk është vetëm 80 mijë, ka më shumë. Sepse, raporti i auditorit të jashtëm që ka nxjerrë këtë informacion është për vitin 2022, por këtu ka porosi edhe për vitin 2021, ka edhe për 2020. Shuma është afërsish 100 mijë eurove. Mandej, çfarë ka ndodhur? Janë porositur disa materiale për korridore dhe është thënë se këto janë kompensuar me ato, vlera është e njëjtë, e kështu me radhë”, shtoi ai./Media Ndërtimi

Continue Reading

Trending