Connect with us

Aktuale

Kundërshtohet ndërtimi i Lagjes së Re e cila ka marrë leje nga Komuna e Ferizajt

Published

on

Rrjeti i Organizatave Joqeveritare AVONET njoftonë se nga data 17.05.2023 deri në realizimin e kërkesave dhe shqetësimeve, do të bëhet ngritja e tendave duke u zhvilluar protesta nga qytetarët e shqetësuar përpara Komunës së Ferizajt, Prokurorisë Themelore të Ferizajt dhe Drejtorisë Rajonale të Policisë në Ferizaj.

“Ju shkruajmë me këtë lajmërim për të ngritur një çështje të rëndësishme dhe të shqetësueshme për komunitetin tonë në lidhje me ngritjen e tendave para Komunës së Ferizajt, Prokurorisë Themelore të Ferizajt dhe Drejtorisë Rajonale të Policisë në Ferizaj.

Shqetësimi ynë themelor përshkallëzohet për shkak të Komunës së Ferizajt që vazhdon të lëshoj leje ndërtimi me kundërshtim flagrant të ligjit të planifikimit hapësinor, duke i shkelur në mënyrë totale ankesat dhe sugjerimet e banorëve në lidhje me lejen e ndërtimit të një ndërtese në rrugën Gëzim Sahiti.

Kjo sjellje e padëshiruar e Komunës ka pasoja negative në zhvillimin urban të qytetit tonë dhe shkel drejtat tona ligjore me një përbuzje të tmerrshme.”, shkruan në komunikatën e AVONET, e cila shkruan se “Edhe më shqetësuese është indiferenca e pamëshirshme e Prokurorisë dhe Policisë për të mbrojtur ligjshmërinë.

Alarmet e banorëve për shkeljen e ligjit nga Komuna e Ferizajt janë injoruar dhe nuk janë ndërmarrë masa të nevojshme për të zgjidhur këtë çështje të marramendshme.

Kjo mos përgjigje institucionale na rrit frikën se rendi ligjor dhe interesat tona ligjore janë vendosur në harresë të plotë. Në dritën e shqetësimeve të mprehta, ju njoftojmë se do të zhvillohet një protestë në datën 05.06.2023.”, shkruan tutje në njoftim.

Pjesëmarrësit do të dalin në sheshin e Ferizajt për të shprehur në mënyrë të hidhur zhgënjimin dhe kundërshtimin ndaj vazhdimit të këtyre ndërtimeve arrogante që i tronditin thellë komunitetin tonë.

“Ju lutemi t’i jepni vëmendje serioze këtij lajmërimi dhe të tregoheni të angazhuar në përpalljen e kësaj çështjeje me një përgjegjësi të menjëhershme dhe të vendosur.

Ne nuk mund të injorojmë më tej shqetësimet tona, dhe kërkojmë me vendosmëri respektimin e ligjit, përgjegjësinë institucionale dhe mbrojtjen e të drejtave tona si qytetarë të kësaj komune.

Është e mprehur që institucionet tona të merren me këtë çështje me përgjegjësi të plotë dhe në përputhje me interesat dhe nevojat e komunitetit.

AVONET dhe banorët ju kanë informuar pa pushim se Komuna e Ferizajt po vepron në kundërshtim të skajshëm me ligjin e planifikimit hapësinor, ashtu siç është interpretuar edhe nga MMPI.

Ju jeni vetëdijesuar se Komuna e Ferizajt ka pasur PZHK që nga viti 2017 dhe sipas ligjit të planifikimit hapësinor, Komuna duhet të kishte hartuar hartat zonale, 9 muaj pas përpilimit të PZHK-së. Jeni të vetëdijshëm se për të vazhduar me procesin e marrjes së lejes ndërtimore duhet të respektohen kushtet ndërtimore, kushtet ndërtimore nuk mund të jepen me PZHK, por duhet të lëshohen me PRRU ose hartat zonale.

Komuna e Ferizajt jep kushte ndërtimore nëpërmjet PZHK dhe ligjit të ndërtimit, një gjë që është krejtësisht kundërthënëse me ligjin e planifikimit hapësinor dhe paraqet një akt të tmerrshëm kundër ligjor.”, shkruan në njoftim./Media Ndërtimi.

Aktuale

Dëshmon Haradinaj në rastin e njohur si 53-milionëshi

Published

on

Kryetari i AAK-së Ramush Haradinaj do të dëshmojë në rastin e njohur si 53-milionëshi, në të cilin është i akuzuar bashkëpartiaku i tij, Pal Lekaj dhe të tjerë.

Në këtë rast të akuzuar për keqpërdorim të detyrës zyrtare janë ish-ministri i Infrastrukturës Pal Lekaj, Eset Berisha, këshilltar i lartë politik i tij, Nebih Shatri, ish-Sekretar i Përgjithshëm në Ministrinë e Infrastrukturës (MI) si dhe Besim Tahirit, drejtor i Prokurimit Publik në këtë ministri. Haradinaj, është dëshmitar i propozuar nga mbrojtja.

Prokuroria Speciale e Republikës së Kosovës (PSRK) më 4 shkurt 2022, ngriti aktakuzë ndaj Pal Lekajt, Eset Berishës dhe Nebih Shatrit.

Ndërsa, më 9 shkurt 2022, PSRK njoftoi se lidhur me këtë rast, më ç8 shkurt është ngritur aktakuzë edhe ndaj Besim Tahirit.

Sipas aktakuzës së ngritur më 4 shkurt 2022 nga Prokuroria Speciale e Republikës së Kosovës, Pal Lekaj, në cilësinë e ministrit të Ministrisë së Infrastrukturës (MI), Eset Berisha, këshilltar i lartë politik i tij, Nebih Shatri, si sekretar i Përgjithshëm në këtë ministri, në bashkëveprim dhe me dashje edhe me të pandehurin Besim Tahiri, drejtor i Prokurimit Publik në MI, akuzohen për keqpërdorim të detyrës zyrtare./Media Ndërtimi

Continue Reading

Aktuale

Inspektorati i Kryeqytetit gjobit për mosrespektim të urdhrit të ndërtimit në Lagjen Bregu i Diellit

Published

on

Inspektorati i Kryeqytetit njofton gjithë opinionin se ka zhvilluar procedurat inspektuese lidhur me rastin e publikuar nëpër disa medie dhe rrjete sociale që ndërlidhet me sanimin- rinovimin e një Pullazi – Kulmi në lagjen “Bregu I Diellit” i cili ishte i dëmtuar nga zjarri.

Inspektorati ka urdhëruar palën që të sanoj gjendjen përkatësisht pjesët e dëmtuar nga zjarri duke respektuar formën, lartësinë dhe gjitha pozicionet e mëparshme ndërkaq për mosrespektim të urdhrit të inspektoratit të ndërtimit i njëjti me dt.18.09.2023 me procesverbal ka urdhëruar palën që kulmin të kthej në gjendjen e mëparshme dhe ka shqiptuar gjobë mandatore për shkeljet e gjetura.

Në ditët në vijim inspektorati i ndërtimit do të ndërmarrë të gjitha veprimet e duhura ligjore duke eliminuar të gjitha shkeljet e bëra nga pala në këtë rast./Media Ndërtimi

Continue Reading

Aktuale

Tjetërsimi i pronës 10 milionëshe, i vazhdohet edhe për dy muaj arresti shtëpiak të dyshuarit

Published

on

Gjykata Themelore në Prishtinë ia ka vazhduar edhe për dy muaj masën e arrestit shtëpiak të dyshuarit Afrim Gashi, i cili u arrestua pas hulumtimit të “Betimi për Drejtësi“, nën dyshimin për tjetërsimin e pronës në Veternik, në vlerë rreth 10 milionë euro përmes dokumentit të falsifikuar.

Lajmin e ka konfirmuar për “Betimi për Drejtësi“, avokatja e palës së dëmtuar, Saranda Keqekolla-Sadiku.

Ndryshe, Policia e Kosovës më 25 gusht njoftoi për arrestimin e të dyshuarit, në bazë të urdhëresës së gjykatës.

“Policia e Kosovës, respektivisht Sektori për Hetime Financiare nga Drejtoria për Hetimin e Krimeve Ekonomike dhe Korrupsionit (DHKEK), me datë 25.08.2023 ka zbatuar urdhëresën e gjykatës kompetente me ç ‘rast është realizuar kontroll në dy lokacione të ndryshme, në një shtëpi dhe në një lokal, nën dyshimin se janë shfrytëzuar për përpilimin e dokumenteve të falsifikuara”, thuhej në njoftim.

Prokurorja e rastit, Nebahate Salihu e kishte konfirmuar se bëhet fjalë për pronën në Veternik, rast ky që është hulumtuar nga “Betimi për Drejtësi”.

“Betimi për Drejtësi” kishte hulumtuar se si një pronë në Veternik  dyshohet se përmes legalizimit të përmbajtjes së rreme dhe mashtrimit, iu është marrë palëve Nexhat dhe Gursel Sadiku, duke kaluar në emër tani të ndjerës Z.H. dhe më pas prona ka kaluar te djali i saj Ylber Hyseni, i cili edhe po hetohet.

I dyshuari Gashi ishte ndaluar nën dyshimin për kryerjen e veprave penale “Falsifikim i dokumenteve”, “Legalizimi i përmbajtjes se rreme”, “Mashtrim”, dhe “Mbajtja në pronësi, kontroll ose posedim të paautorizuar të armëve”.

Sipas Policisë, hetimi lidhur me këtë rast ka filluar bazuar në autorizimin e Prokurorisë Themelore në Prishtinë pas dyshimeve të bazuara se i dyshuari Afrim Gashi në bashkëveprim me të dyshuarin Ylber Hyseni, i cili gjendet në arrati, kanë falsifikuar dokumente dhe dyshohet se kanë arritur të tjetërsojnë një parcelë me sipërfaqe prej 9 (nëntë) hektarësh me vlerë të përafërt të tregut rreth 10,000,000.00 euro (dhjetë milionë euro), me ç’rast të njëjtit pasi që kanë bartur pronat në emër të tyre i kanë parcelizuar dhe më pas i kanë shitur ato tek personat e tretë duke i mashtruar.

“Lidhur me rastin gjatë kontrollit të kryer në shtëpinë e të dyshuarit janë sekuestruar dëshmitë si në vijim: 1 (një) pistoletë,  1 (një) karikator me 9 (nëntë) fishekë, 50 (pesëdhjetë) fishekë,  2 (dy) pistoleta me gas,  4 (katër) pushkë ajrore,  2 (dy) llaptopë, 1 (një) shtëpizë kompjuteri, 1 (një) telefon celular, 5680 (pesëmijë e gjashtëqind e tetëdhjetë) euro para të gatshme, 685 (gjashtëqind e tetëdhjetë e pesë) dollar amerikan,  100 (njëqind) franga zvicerane, si dhe rreth 500 (pesëqind) dosje të lëndëve të ndryshme në brendësi të të cilave kishte: Fletë poseduese, autorizime, kopje të planeve, historik të pronave, harta kadastrale (kryesisht të Regjionit të Prishtinës), vendime, kontrata të ndryshme të noterizuara të cilat dyshohet të jenë të falsifikuara”, thuhej më tej në njoftimin e Policisë.

 

Ndryshe, kjo pronë, dyshohet se iu është marrë familjes Sadiku përmes manipulimeve dhe dokumenteve të falsifikuara, për çka tashmë janë hapur hetime ndaj të dyshuarit Ylber Hyseni, i cili sipas burimeve brenda Prokurorisë gjendet në arrati dhe gjykata ka lëshuar urdhërarrest për të.

Continue Reading

Trending