Connect with us

Aktuale

Japonia jep 350 mijë euro për projekte më pesë komuna të Kosovës

Published

on

Ambasada e Japonisë në Kosovë ka njoftuar se në kuadër të skemës për projekte bazike dhe siguri njerëzore të Qeverisë Japoneze, ka nënshkruar pesë grant projekte me një total të granteve 348,084.00 euro me qëllim të implementimit të projekteve për qytetarët e Kosovës në pesë komuna.

Sipas komunikatës së ambasadës, projektet të cilat Ambasada Japoneze në Kosovë do t’i mbështesë në vitin fiskal 2019/20.

“Projekti për Rinovimin e Ndërtesës së Institucionit Parashkollorë “Gëzimi Ynë” Prishtinë (73,963.00 Euro) Qëllimi i përgjithshëm i projektit është të përmirësojë mjedisin arsimor për fëmijët e moshës 1-3 vjeç, duke ndërhyrë në infrastrukturën e përgjithshme të parashkollorit. Projekti për sigurimin e një automjeti zjarrëfikës për Komunën së Podujevës në vlerë prej 69,920.00 euro. Qëllimi i projektit është dhurimi i një kamion zjarri sulmues që do të përmirësojë shërbimin e zjarrëfikësve dhe shpëtimit në Komunën e Podujevës, do të përmirësojë kohën e reagimit, të rris efikasitetin përsa i përket mbulimit dhe kohës së reagimit dhe ndërhyrjeve të zjarrit dhe shpëtimit në këtë Komunë.  Projekti për ndihmë në pajisje, për sigurimin e një traktori shumëfunksional për Komunën e Novobërdës në vlerë prej 74,056.00 euro. Projekti do të përmirësojë transportin publik dhe komunikacionin gjatë sezonit të dimrit përmes rritjes së kapaciteteve për heqjen e borës dhe sezonit veror për furnizimin me ujë në rrugët lokale të Komunës së Novobërdës. Projekti për ndihmë departmentit të zjarrëfikësve në komunën e Suharekës përmes sigurimit të një kamioni të ri zjarrëfikës në vlerë prej 70,000.00 euro. Kjo do të bëjë të mundur që departamenti i zjarrëfikësve të jetë në gjendje t’i përgjigjet nevojave të qytetarëve në rast zjarri, në zonat urbane dhe periferike të Suharekës, si dhe duke përfshirë edhe Autostradën nacionale Prishtinë – Prizren. Projekti për ndihmë në De-minimin në Komunën e Mitrovicës, përkatësisht në fshatin Bare në vlerë prej 60,145.00 euro. Ky projekt implementohet nga Norëegian People’s Aid po synon konkretisht fshatin Bare në mënyrë që të shmangen aksidentet e mundshme në të ardhmen dhe të bëjë të mundur zhvillimin e bujqësisë dhe turizmit në këtë anë. Në Kosovë, Japonia tashmë ka implementuar projekte qysh përpara se vendi të fitonte pavarësinë. Shuma totale e granteve të Projekteve Japoneze që nga 2010 deri më sot arrinë në 2,711,985 EUR për projekte në të gjithë vendin”, thuhet në komunikatë.

Në kuadër të kësaj skeme mbështeten projektet e propozuara nga organe të ndryshme si organizata joqeveritare (OJQ) dhe autoritetet e qeverisjes vendore, lokale apo qëndrore. Ky instrument i ndihmës së granteve siguron mbështetje për sektorët e ndryshëm në Kosovë. Ky program ka marrë një reputacion të mirë në mbarë botën, për ofrimin e ndihmës në mënyrë efektive dhe në kohë. Përmes këtij instrumenti, Japonia ka ofruar ndihmë, duke filluar nga ndihma humanitare e menjëhershme që ofron mbështetje për komunitetet për nevojat e tyre të menjëhershme emergjente si dhe ri-ndërtimin e vendeve në zonat pas konfliktit.

Ndihma e Grantit në kuadër të GGP u prezantua për herë të parë nga Qeveria e Japonisë në 1989 me qëllim plotësimin e nevojave të ndryshme socio-ekonomike në vendet në zhvillim. GGP siguron ndihmë të pakthyeshme financiare për OJQ-të, spitalet, shkollat, shoqata të tjera jofitimprurëse për të ndihmuar në zbatimin e projekteve të tyre të zhvillimit. Fondet në kuadër të GGP mundohen të kenë ndikim të drejtpërdrejtë në mirëqenien e komunitetit.

Kriteret për përfitim ç’do lloj organizate jofitimprurëse ka të drejtë të jetë përfituese e granteve të GGP. Kërkesa e vetme është që ato të jenë organizata jofitimprurëse që zbatojnë projekte me bazë zhvillimin në komunitet.

Lista e mëposhtme janë shembujt e përfituesve të mundshëm:

(a) OJQ ndërkombëtare ose lokale (b) Organizatat me bazë komunitare (CBO) (c) Autoritetet lokale (d) Institucionet shëndetësore (e) Shkollat fillore dhe shkollat profesionale (trajnuese) (f) Shoqata të tjera jofitimprurëse

Aktuale

Reagon Përparim Rama për akuzat e ministrit Faton Peci

Published

on

Përmes këtij reagimi, institucionet e Kryeqytetit përgënjeshtrojnë pretendimet e Ministrit të Bujqësisë, Pylltarisë dhe Zhvillimit Rural për vonesat e shkaktuara nga organet e Kryeqytetit për t’u pajisur me kushtet ndërtimore për ndërtesën e Ministrisë.

Më tutje, sqarojmë se dokumentacioni i dorëzuar nga Ministria është i pakompletuar sepse i mungon dokumenti i matjeve gjeodezike, i cili është i domosdoshëm për lëshimin e kushteve ndërtimore.

Përndryshe jemi të habitur me aftësinë dhe kohën që gjen një ministër i Qeverisë së Republikës së Kosovës për t’u marrë me gjendjen shëndetësore të familjarëve dhe pushimet personale të stafit të Kryeqytetit./Media Ndërtimi

Faton Peci akuzon Përparim Ramën: Po e bllokon ndërtimin e objektit të Ministrisë së Bujqësisë!

Continue Reading

Aktuale

INDEP shënon Ditën e Tokës përmes aktivitetit Atelie 2024

Published

on

INDEP sot, më 22 Prill për të shënuar Ditën e Tokës ka organizuar aktivitetin Atelie 2024 me nxënësit e Shfmu “Mihal Grameno” Fushë Kosovë. Ky aktivitet është pjesë e projektit “Të rinjtë për një të ardhme të qëndrueshme”.

Nxënësit e shkollës prezentuan në panair veprat e tyre artistike të realizuara me materiale të ricikluara. Për pesë nga punimet më të dalluara janë ndarë çmime. Qëllimi i këtij aktiviteti është të ndërgjegjësoj të rinjtë e kësaj komune rreth ndotjes së ambientit si dhe të rrisë vetëdijen mbi ripërdorimin dhe riciklimin e materialeve.♻️

INDEP së bashku me Milieukontakt Albania do të punojnë në #BashkitëLushnje dhe #FushëKosovë për përmirësimin e mjedisit dhe zhvillimin e qëndrueshëm të tij.

Ky projekt mbështetet nga Programi Rajonal për Demokracinë Vendore në Ballkanin Perëndimor 2, financuar nga #BashkimiEvropian dhe zbatuar nga #UNDP./Media Ndërtimi

Continue Reading

Aktuale

Festivali të Arkitekturës dhe Dizajnit ‘Concéntrico’, shënon edicionin jubilar në Spanjë

Published

on

Nga 25 prilli deri më 1 maj 2024, në qytetin spanjoll Logroño, Concéntrico përgatitet për edicionin e tij të 10-vjetorit. I parashikuar si një soditje e ndryshimit të mjediseve urbane dhe një mundësi për të ndarë njohuri rreth këtyre proceseve, Festivali Ndërkombëtar i Arkitekturës dhe Dizajnit të këtij viti përfshin formate të reja për të angazhuar një audiencë më të gjerë dhe për të eksploruar kohën si një katalizator për ndryshimin në dizajnin urban dhe social.

Festivali zgjeron programin e tij, duke shfaqur 21 instalime nga dizajnerë të 20 kombësive të ndryshme, përveç disa nismave dhe eksplorimeve të tjera.

Instalacionet urbane përfaqësojnë ndoshta aspektin më të dukshëm dhe më tërheqës të festivalit, duke eksploruar temën përmes dizajnit dhe duke synuar të gjenerojë ndërveprime midis arkitektëve dhe publikut më të gjerë. Që nga viti 2015, festivali ka krijuar mbi 120 instalime urbane.

Këtë vit, arkitektët dhe projektuesit e ftuar propozojnë një shumëllojshmëri të gjerë qasjesh, nga rinatyrëzimi i hapësirave publike, tek riinterpretimi i metodave popullore, ripërdorimi i materialeve nga botimet e mëparshme, krijimi i eksplorimeve përmes lëvizjes ose sfidimi i konceptit të strehimit. Eksploroni listën e plotë të instalimeve urbane të ardhshme të përgatitura për këtë edicion.

Edicionet e mëparshme të festivalit mirëpritën ndërhyrje nga dizajnerë të njohur dhe të ardhshëm, duke përfshirë Studio Ossidiana, Tudor Vlāsceanu Architect, Rintala Eggertsson Architects ose Piovenefabi. Duke hapur biseda rreth komunitetit dhe identiteteve lokale, si dhe çështjeve të përfshirjes, ndryshimit të përkufizimeve të familjeve apo sfidave të ekologjisë, festivali përfaqëson një mundësi për eksplorim përmes dizajnit./Media Ndërtimi

Continue Reading

Trending