Connect with us

Gjykim

Ish-kryeministri Haradinaj pritet të ftohet si dëshmitar në rastin e 53 milionëshit

Published

on

Pas vendimit të Këshillit Gjyqësorë të Kosovës që të reduktohet puna dhe të vazhdohet vetëm me shërbime esenciale gjatë së enjtes është anuluar seanca ndaj Pal Lekaj për rastin e 53 milionëve euro, ka konfirmuar për Ekonomia Online, avokati i tij Musa Damati, raporton Ekonomia Online.

Ai ka bërë të ditur se janë njoftuar nga gjykata për anulimin e seancës pas vendimit të Qeverisë për uljen e pagave të prokurorëve e gjyqtarëve.

“Seanca e sotme është shtyrë dhe kjo për shkak të vendimit të KGjK-së që t’i bojkotojë të gjitha të seancat gjyqësore si konsekuencë e vendimit të Qeverisë së Kosovës për ulje të pagave në sistemin e drejtësisë”.

Damati ka thënë se në kuadër të kësaj, është menduar të ftohet në cilësinë e dëshmitarit, ish-kryeministri i Kosovës, Ramush Haradinaj.

Avokati Damati konsideron se klienti i tij, ish-ministri Pal Lekaj, në asnjë rast nuk mund të jetë fajtor, pasi që vendimi është marrë në mbledhjen e Qeverisë.

“Klienti im, ish-ministri i Infrastrukturës, Pal Lekaj nuk ka pasur rol të vendimmarrjes në procesin e autorizimit të transaksionit prej 53 milionë euro lidhur me projektin e autostradës. Në këtë rol të vendimmarrjes e ka ushtruar Qeveria e Kosovës e cila në mbledhje të hapur me shumicë votash ka aprovuar autorizimin e transaksionit prej 53 milionë eurove, andaj nuk ekziston as edhe një lidhje kauzale ndërmjet veprimeve të klientit tim dhe shkaktimit të pasojës së veprës penale”.

“Duke u bazuar në të gjitha këto prova, mbrojtja synon që gjatë këtij procesi gjyqësor ta ftojë edhe ish-kryeministrin e Kosovës, Ramush Haradinaj në cilësi të dëshmitarit për të dëshmuar në këtë proces gjyqësor”, tha Damati./Media Ndërtimi.

Anulohet shqyrtimi gjyqësor në rastin e 53 milionëshit për autostradën  “Arbën Xhaferi”

Gjykim

Anulohet shqyrtimi gjyqësor në rastin e 53 milionëshit për autostradën  “Arbën Xhaferi”

Published

on

Sot kur pritej të mbahej shqyrtimi gjyqësor në rastin e 53 milionëshit, gjykata njoftoi që gjykimi ndaj ish- ministrit Pal Lekaj dhe tre zyrtarëve të tjerë do të anulohet, për arsye të vendimit të Këshillit Gjyqësor të Kosovës.

Ish-ministri Lekaj dhe tre zyrtarët e tjerë Eset Berisha, Nebih Shatri dhe Besim Tahiri akuzohen se janë përfshirë në afera korruptive kur ishte vendosur për ndarjen e këtyre mjeteve në emër të vazhdimit të punimeve në Autostradën “Arbën Xhaferi” që lidh kryeqytetin me Hanin e Elezit, raporton Kallxo.com.

Me veprimet e tyre ata akuzohen se buxhetit të Kosovës i është shkaktuar dëm në vlerë prej 38.321.346.00 euro.

Sipas PSRK-së, ndonëse të pandehurit kanë qenë në njohuri që sipas aneks-kontratës kostoja shtesë në emër të shtyrjes së afatit të punimeve të jetë 14 milionë e 778 euro, me dashje kishin nënshkruar një marrëveshje të re pa kosto.

Aktakuza thotë se Lekaj kishte caktuar Eset Berishën që të marrë pjesë në negociata për arritjen e marrëveshjes me “Bechtel & Enka” ku ata pajtohen që në emër të zgjatjes së afatit të përfundimit të punimeve, Ministria e Infrastrukturës t’i paguajë koston shtesë në vlerë prej 53 milionë e 100 mijë euro.Sipas Prokurorisë, historia nis në vitin 2017 kur Ministria që drejtohej nga Pal Lekaj nënshkroi një marrëveshje me kompaninë “Bechtel-Enka” për shtyrjen e afatit të përfundimit të punimeve në autostradën Prishtinë-Hani i Elezit për 347 ditë të tjera duke mos përcaktuar koston financiare.

Kjo, sipas aktakuzës, i kishte hapur rrugë kompanisë që më datën 27 nëntor 2017 të paraqes një kërkesë në Ministrinë e Infrastrukturës për pagesë të shumës shtesë “Briefing Package” në vlerë prej 63 milionë euro në emër të “zgjatjes së afatit të përfundimit të punimeve”.

Kërkesa e njëjtë më pastaj ishte zbritur në 53 milionë e 100 mijë euro e cila edhe ishte ekzekutuar më 5 qershor të vitit 2018 nga Qeveria e Kosovës./Media Ndërtimi.

Continue Reading

Gjykim

Gjykimi për pronën e “Infrakos”-it, i akuzuari thotë se e ka mbrojtur hekurudhën e uzurpuar në Prizren

Published

on

Agron Thaçi, ish-shef i ndërmarrjes publike “Infrakos”, ka dalë para Gjykatës së Prizrenit për t’u përgjigjur për akuzat e Prokurorisë.

Pos Thaçit, të akuzuar në këtë rast janë edhe Sadik Paçarizi, Nijazi Kryeziu, Visar Islamaj, Bujar Nerjovaj, Bashkim Krasniqi dhe Naim Avdyli, të cilët ngarkohen se me veprimet e tyre e kanë dëmtuar dhe degraduar pronën dhe infrastrukturën e hekurudhës në komunën e Prizrenit.

Të martën, Agron Thaçi, ka thënë se ka marrë të gjitha veprimet e nevojshme për të mbrojtur pronën nga dëmtimet.

Sipas Thaçit, hekurudha e ndërtuar në vitin 1963 në Prizren i ishte lënë harresës së kohës.

“Hekurudhat ishin në gjendje jo të mirë, një pjesë e tyre ishin lënë jashtë përdorimit sepse janë dëmtuar gjatë luftës e më pas janë lënë në harresë të kohës. Kurse, në kohën e UNMIK-ut, hekurudhat ishin pa mirëmbajtje meqenëse atëherë misioni i huaj nuk ka marrë masa për konservimin e linjës hekurudhore Xërxë-Prizren” – tha i akuzuari.

Ai shpjegoi se për dislokimin e hekurudhës ka marrë njohuri vetëm në vitin 2014.

Ndërkaq, për t’i ndaluar dëmtimet dhe veprimet në infrastrukturën hekurudhore, Thaçi tha se ka ushtruar kallëzime, padi dhe veprime të tjera juridike.

“Meqenëse linja hekurudhore në Prizren ka qenë totalisht e uzurpuar dhe e mbyllur, unë bashkë me bashkëpunëtorët e mi u jemi drejtuar organeve kompetente. Kam kontaktuar kryetarin e Komunës, drejtorët dhe i kemi ngritur shqetësimet tona, i jam drejtuar edhe me shkresa” – deklaroi Thaçi.

Agron Thaçi ka argumentuar se kur problemet 10-vjeçare të hekurudhës nuk gjetën zgjidhje, ai iu drejtua Policisë dhe Gjykatës për tri vite radhazi deri sa u ngrit kallëzimi penal kundër drejtorëve të akuzuar tashmë.

“Falë veprimeve ligjore dhe angazhimit tonë, kemi arritur ta mbrojmë pronën e hekurudhës së Prizrenit, pasi që më nuk ka ndodhur asnjë dëmtim nga palët e treta” – sqaroi i akuzuari, rapoton Kallxo.com.

Thaçi ka përmendur edhe vendimin e Gjykatës së Prishtinës, e cila ka vendosur masën e përkohshme për ndërprerjen e çdo aktiviteti ilegal.

Në vijim të gjykimit, ish-shefi i “Infrakos”-it ka konsideruar se ndërtimet në afërsi të hekurudhës nuk e kanë dëmtuar infrastrukturën.

“Në qoftë se i përmbahemi infrastrukturës ligjore, nëse kemi profil 2 metra nga aksi binar nga njëra anë, dhe në zonat urbane ka qenë 6 metra, nëse këto dyja përmbahen hekurudha është funksionale. Pra rezulton se nuk kemi probleme në zhvillimin e transportit hekurudhor” – tha ai.

I akuzuari ka mohuar se me veprimet e veta ka dëmtuar pronën e “Infrakos”-it, për të cilën edhe po akuzohet.

“Me këmbëngulësinë më të madhe e kam mbrojtur pronën, ku pas më shumë se 5 vitesh degradim dhe uzurpim hekurudhat kanë qenë për t’u dislokuar, por ne fituam rastin dhe arritëm marrëveshje dhe bëmë që hekurudha të mbetet aty ku ishte” – u shpreh Thaçi.

Sipas aktakuzës, tre nga shtatë të akuzuarit e lartcekur Sadik Paçarizi, Nijazi Kryeziu, Visar Islamaj, janë ish-drejtorë të Komunës së Prizrenit në kohën e qeverisjes së PDK-së.

Sipas Prokurorisë, Sadik Paçarizi, Nijazi Kryeziu, Visar Islamaj në cilësi të personave zyrtarë,  ngarkohen se kanë lëshuar leje për ndërtim në kundërshtim me Ligjin për Hekurudhat.

Të akuzuar tjerë nga Prokuroria janë edhe ish-drejtori për Inspeksion, Bujar Nerjovaj,  ish-inspektori komunal Bashkim Krasniqi, ish-kryeshefi i “Infrakos”-it Agron Thaçi dhe bashkëpunëtori profesional Naim Avdyli./Media Ndërtimi.

 

Continue Reading

Gjykim

Ish-drejtoresha e Inspeksionit e Komunës së Suharekës gjykohet për ndërtimin pa leje të “Viva Fresh”

Published

on

Ish-drejtoresha e Inspeksionit e Komunës së Suharekës, Jehona Rrafshi-Lumi dhe inspektori i ndërtimit, Hafir Maliqaj, të hënën janë përballur me deklarimin e dëshmitarit, në gjykimin ndaj tyre.

Jehona Rrafshi-Lumi nga Prokuroria po akuzohet se nuk ka ndërmarrë veprime për rrënimin e objektit, ndërkaq inspektori Maliqaj pos kësaj akuzohet se nuk e ka penguar një investitor që të vazhdojë ndërtimin e një objekti, ndonëse i njëjti nuk posedonte leje ndërtimi.

Dëshmitari Xhevdet Rexhepi ka sqaruar se “Viva Fresh” ka qenë investitor për objektin e ndërtuar në fshatin Reshtan të Suharekës.

Rexhepi ka mohuar të ketë dijeni nëse kanë ardhur inspektorët gjatë fazës së ndërtimit.“Gjatë ndërtimit të objektit unë nuk kam marr pjesë fare e as që kam qenë në vendin e ngjarjes. Po ashtu theksoj se edhe sot e kësaj dite nuk kam qenë tek ky objekt”-tha dëshmitari, raporton Kallxo.com.

Përpara trupit gjykues ai ka deklaruar se si pronar i “Viva Fresh” nuk merret me rregullimin e dokumentacionit e as me ndërtimin e objektit.

“Me punët administrative dhe teknike merren personat e tjerë të autorizuar pasi që kompania jonë operon në shumë pika. Lidhur me çështjen përgjegjës në atë kohë ka qenë një person tjetër i cili ka nderuar jetë”-tha dëshmitari.

Në fund, gjykata ka aprovuar propozimin e prokurorit për dëgjimin e Sinan Vrellajt, zyrtar i Drejtorisë së Urbanizmit në Suharekë.

Seanca e radhës u caktua për më 12 dhe 23 dhjetor.

Ish-drejtoresha e Inspeksionit e Komunës së Suharekës gjykohet për ndërtimin pa leje të “Viva Fresh”

Ish-drejtoresha e Inspeksionit e Komunës së Suharekës, Jehona Rrafshi-Lumi dhe inspektori i ndërtimit, Hafir Maliqaj, të hënën janë përballur me deklarimin e dëshmitarit, në gjykimin ndaj tyre.

Jehona Rrafshi-Lumi nga Prokuroria po akuzohet se nuk ka ndërmarrë veprime për rrënimin e objektit, ndërkaq inspektori Maliqaj pos kësaj akuzohet se nuk e ka penguar një investitor që të vazhdojë ndërtimin e një objekti, ndonëse i njëjti nuk posedonte leje ndërtimi.

Dëshmitari Xhevdet Rexhepi ka sqaruar se “Viva Fresh” ka qenë investitor për objektin e ndërtuar në fshatin Reshtan të Suharekës.

Rexhepi ka mohuar të ketë dijeni nëse kanë ardhur inspektorët gjatë fazës së ndërtimit.“Gjatë ndërtimit të objektit unë nuk kam marr pjesë fare e as që kam qenë në vendin e ngjarjes. Po ashtu theksoj se edhe sot e kësaj dite nuk kam qenë tek ky objekt”-tha dëshmitari.

Përpara trupit gjykues ai ka deklaruar se si pronar i “Viva Fresh” nuk merret me rregullimin e dokumentacionit e as me ndërtimin e objektit.“Me punët administrative dhe teknike merren personat e tjerë të autorizuar pasi që kompania jonë operon në shumë pika. Lidhur me çështjen përgjegjës në atë kohë ka qenë një person tjetër i cili ka nderuar jetë”-tha dëshmitari.

Në fund, gjykata ka aprovuar propozimin e prokurorit për dëgjimin e Sinan Vrellajt, zyrtar i Drejtorisë së Urbanizmit në Suharekë.

Seanca e radhës u caktua për më 12 dhe 23 janar 2023.Jehona Rrafshi- Lumi po akuzohet nga Prokuroria se duke shfrytëzuar autoritetin zyrtar, në cilësinë e drejtoreshës së Drejtorisë së Inspeksionit të Komunës së Suharekës pasi që paraprakisht kishte nxjerrë një konkluzion lidhur me disa parcela kadastrale pronë e të dëmtuarës “Agro Kosova-Holding”, më pastaj në kundërshtim me frymën e konkluzionit nuk e kishte rrënuar në tërësi objektin afarist të investitorit B. G., të ndërtuar pa leje.

Ndërsa Hafir Maliqajn, Prokuroria po e akuzon se si person zyrtar – inspektor i ndërtimtarisë, nuk i ka ndërmarrë masat ligjore për pengimin e rindërtimit të objektit afarist në lagjen Shirokë të Suharekës, objekt ky i ndërtuar nga investitori B. G., që ishte pronë e të dëmtuarës “Agro Kosova – Holding”./Media Ndërtimi.

janar 2023.Jehona Rrafshi- Lumi po akuzohet nga Prokuroria se duke shfrytëzuar autoritetin zyrtar, në cilësinë e drejtoreshës së Drejtorisë së Inspeksionit të Komunës së Suharekës pasi që paraprakisht kishte nxjerrë një konkluzion lidhur me disa parcela kadastrale pronë e të dëmtuarës “Agro Kosova-Holding”, më pastaj në kundërshtim me frymën e konkluzionit nuk e kishte rrënuar në tërësi objektin afarist të investitorit B. G., të ndërtuar pa leje.

Ndërsa Hafir Maliqajn, Prokuroria po e akuzon se si person zyrtar – inspektor i ndërtimtarisë, nuk i ka ndërmarrë masat ligjore për pengimin e rindërtimit të objektit afarist në lagjen Shirokë të Suharekës, objekt ky i ndërtuar nga investitori B. G., që ishte pronë e të dëmtuarës “Agro Kosova – Holding”./Media Ndërtimi.

Continue Reading

Trending