Connect with us

Aktuale

Inspektorati i MIA-së inspekton punimet e hidrocentralit në Biti të Poshtme

Published

on

Inspektorati i Ministrisë së Infrastrukturës dhe Ambientit gjatë së enjtes ka inspektuar punimet e hidrocentralit në fshatin Biti e Poshtme në komunën e Shtërpcës.

Ky aktivitet ka për qëllim shqyrtimin e të gjitha dokumenteve dhe licencave të këtyre bizneseve, ndërkohë pritet brenda pak ditësh të merrej një vendim konkret. Banorët e fshatit Biti e Poshtme po vazhdojnë të protestojnë duke e kundërshtuar futjen e lumit Lepenc nëpër gypa me arsyetim se po dëmtohen mijëra hektarë të parcelave bujqësore. Së bashku me inspektoratin në vendin e ngjarjes ka dalë edhe zëvendësministri në ministrinë e Infrastrukturës dhe Ambientit Avni Zogiani. Ai ka thënë se ka rekomanduar inspektoratin për t’i shqyrtuar të gjitha dokumentet dhe licencat e hidrocentraleve, ndërkohë do të merrej një vendim konkret.

“Ka pasur lajme se kemi marrë një vendim për ndërprerjen e punimeve të hidrocentraleve, mirëpo një gjë e tillë nuk ka ndodhur. Thjesht është kërkuar nga inspektorati që të dalin në terren dhe ta verifikojnë komplet situatën sepse nuk mund të marrim vendim pa e kuptuar saktë se çfarë po ndodh. Ne i kemi thirr edhe inspektoratin për ujëra dhe të ndërtimit në terren, mirëpo ende nuk ka ndonjë vendim sepse është një rrugë e gjatë deri në marrjen e një vendimi konkret. Ne po flasim për një projekt i cili ka ecur bajagi shumë dhe nuk e kemi të lehtë për të vendosur”, ka thënë Zogiani.

Ai ka bërë me dije se tash e tutje inspektorati mundet t’i pezullojë punimet por, siç tha ai, “nuk mund të paragjykojnë asgjë aktualisht”.

“Avokati i Popullit e pati dhënë një version në një kontest tjetër, ndërkaq ne momentalisht jemi duke i studiuar të gjitha rrethanat duke i parë dokumentet e hidrocentraleve dhe gjendjen fizike. Pra ky proces është në fazën e vlerësimit, andaj do të shohim ndërkohë se çfarë vendimesh po merr inspektorati”, ka thënë Zogiani.

Në anën tjetër banorët e fshatit Biti e Poshtme të komunës së Shtërpcës kanë thënë se janë të shqetësuar se si ministria e Infrastrukturës dhe Ambientit nuk po arrin t’i ndërprenë punimet e hidrocentralit derisa licencat e tyre janë lëshuar në mënyrë të kundërligjshme, ndërkaq punimet po vazhdojnë në kundërshtim me ligjin për mbrojtjen e lumenjve.

“Jemi shumë të shqetësuar sepse kemi pritur që inspektorati i ministrisë t’i pezulloi punimet e hidrocentralit derisa të shqyrtohen të gjitha dokumentet, mirëpo një gjë e tillë nuk ka ndodhur. Me vendosja e lumit nëpër gypa, banorëve po i dëmtohen mijëra hektar të tokës bujqësore, ndërkohë po humbet lumi i cili është pasuria jonë natyrore”, ka thënë Agron Rushiti banor nga fshati Biti e Poshtme.

Sipas tij, inspektorati e ka mjaftë të lehtë marrjen e një vendimi pasi që hidrocentrali është duke u ndërtuar pa pëlqimin e banorëve.

“Debati publik për këtë hidrocentral është mbajtur në komunën e Kaçanikut gjë që fillimisht është në kundërshtim me ligjin, pastaj licencat janë dhënë në kundërshtim me ligjin për ujërat dhe në kundërshtim me ligjet tjera. Po ashtu vendosja e lumit nëpër gypa është në kundërshtim me ligjet e Republikës së Kosovës por edhe në kundërshtim me standardet evropiane. Ndërkohë sa herë që kemi të reshura të shiut ujërat po depërtojnë nëpër oborre të shtëpive sepse shtrati i lumit është degraduar tërësish. Po ashtu inspektorati e ka prapë të lehtë për t’i pezulluar këto punime sepse edhe Avokati i Popullit pati kërkuar të vendosej një masë e përkohshme ndaj hidrocentraleve në Shtërpcë”, ka thënë Rushiti.

Në anën tjetër i kontaktuar nga “Koha Ditore”, Ilir Morina, kryeshef në Agjencinë për Mbrojtjen e Mjedisit të Kosovës, ka thënë se vazhdimisht ky institucion ka qenë kundër hidrocentrale për shkak të dëmtimeve të mëdha që po ndodhin brenda zonave të mbrojtura.

“Raportet e agjencisë së mjedisit ia kemi dërguar ministrit sepse asnjëherë në të kaluarën nuk jemi pyetur për hidrocentrale. Agjencia prej 2016-s me shkrim përmes protokollit i kemi dërguar ministrave se jemi kundër hidrocentraleve për shkak të dëmeve të mëdha që shkaktohen. Pra, Agjencia e Mjedisit ka reaguar vazhdimisht kundër hidrocentraleve sidomos në zonat e mbrojtura në parqet kombëtare”, ka thënë Morina.

Ndërkohë ekspertët e këtij institucioni gjatë vjetëve të fundit kanë bërë edhe analiza rreth ndërtimit të hidrocentraleve në zonat e mbrojtura. Ndërkaq, në fund të vitit të kaluar një analizë e tillë i është dërguar ish ministrisë së Mjedisit dhe Planifikimit Hapësinor në të cilën midis të tjerash thuhet se biodiversiteti është themelorë për jetën në tokë dhe për vetë mbijetesën e njeriut ku përfshihen të gjitha llojet biologjike me përmbajtjen e tyre gjenetike si dhe ekosistemet e ndryshme ku ato jetojnë dhe përmbushin funksionimin normal të sistemeve natyrore dhe të vetë jetës.

“Me trendin aktual të zhvillimit ekonomik, biodiversiteti po kërcënohet seriozisht, përfshirë këtu shumë lloje të rëndësishme për mbijetesën e njeriut. Zhdukja e ndonjërit prej këtyre përbërësve mund të jetë me pasoja të rënda për të gjithë ekosistemin e po ashtu edhe për vetë njeriun”, thuhet midis të tjerash në analizën e Agjencisë për Mbrojtjen e Mjedisit të Kosovës të cilën e ka siguruar “Koha Ditore”.

Click to comment

You must be logged in to post a comment Login

Leave a Reply

Aktuale

Amerika dhe Turqia, partnerë kryesorë të Kosovës për eksport dhe import

Published

on

Kosova vazhdon të këtë deficitin e lartë tregtar. Në muajin janar 2024 deficiti ka shkuar në 319,7 milionë euro, krahasuar me deficitin prej 291,5 milionë euro në vitin 2023. Eksporti i mallrave në muajin janar ishe 60,3 milionë euro, ndërsa importi 380,0 milionë euro.

Shtetet e Bashkuara të Amerikës mbeten partneri më i rëndësishëm për raporte tregtare me Kosovën.

Amerika përveç si aleat strategjik është edhe partneri kryesor për eksport të mallrave të Kosovës, raporton Revista Monitor.

Në janar të këtij viti, vlera e mallrave të eksportuara me vendet e botës arritën në 20.1 milionë euro, ose 33.4 për qind.

Eksportet e mallrave me këto shtete kanë një shifër simbolike, mirëpo siç bën të ditur Agjencia e Statistikave të Kosovë, partnerë më të rëndësishëm me vendet e botës për eksport ishin SHBA-të me 14,6 për qind dhe Zvicra me 9,3 për qind në muajin janar 2024.

Të dhënat nga Tregtia e Jashtme të Mallrave në Kosovë tregojnë se eksportet e Kosovës në vendet e BE-së arritën në 18,4 milionë euro, ose rreth 30,5% e eksporteve të përgjithshme, me një rënie prej 6,9%.

“Partnerët kryesorë për eksportin e mallrave në BE ishin: Gjermania (8,8%), Italia (4,7%), Holanda (3,1%), etj”.

Ndërsa, importet e Kosovës nga vendet e BE-së ishin rreth 164,4 milionë euro, ose 43,3% e importeve të përgjithshme, me një rritje prej 10,1%.

“Importet me pjesëmarrje me të lartë ishin nga: Gjermania (12,8%), Greqia (7,2%), Italia (3,7%), etj.”.

Ndërsa, Turqia edhe këtë vit vazhdon të mbetet partner kryesor për import të mallrave.

Vetëm gjatë muajit janar 2024, importet e Kosovës me vendet e tjera të botës arritën në 158 milionë euro, ose 41.6 për qind.

“Vendet me pjesëmarrje më të lartë për import në këtë grup ishin: Turqia (15,4%) dhe Kina (11,3%)”, thuhet në raportin ASK-së për Tregti me jashtë.

Ndërsa, eksportet e Kosovës me vendet e CEFTA-s arritën në 21.8 milionë euro, ose 36,1 për qind të eksporteve të përgjithshme, me një rënie prej 16,2 për qind.

“Partnerë kryesorë për eksport nga vendet e CEFTA-s ishin: Maqedonia e Veriut (12,4%), Shqipëria (11,8%), Serbia (6,3%), Mali i Zi (3,9%)”, thuhet në raportin e ASK-së për muajin janar.

Ndërsa, importet nga vendet e CEFTA-s arritën në 57,7 milionë euro, ose 15,2% të importeve të përgjithshme, me një rënie prej 5,8 për qind.

“Vendet me pjesëmarrje më të lartë për import ishin: Shqipëria (7,6%), Maqedonia e Veriut (4,7%), Serbia (1,9%)”, thuhet në raport.

Ndërkaq, ajo që mbetët shqetësues është se edhe këtë vit ka nis një rënie e vlerës së mallrave të eksportuara në vend.

Eksporti i mallrave në muajin janar të këtij viti kishte vlerën 60.3 milionë euro, ndërsa importi 380 milionë euro, që është një rënie prej 3 për qind për eksport, si dhe një rritje prej 7.4 për qind për import, duke krahasuar me periudhën e njëjtë të vitit 2023.

Sipas të dhënave të grupeve kryesore të eksportit: 25,4% e përbëjnë metalet bazë dhe artikujt prej tyre; 19,3% e përbëjnë artikuj të ndryshëm të prodhuar; 13,1% e përbëjnë plastika, goma dhe artikujt prej tyre; 8,3% e përbëjnë ushqimet e përgatitura, pijet dhe duhani; 6,2% e përbëjnë makineria dhe pajisjet mekanike dhe elektrike, etj”, thuhet në raportin “Statistikat e Tregtisë së Jashtme (STJ), Janar 2024”.

Sipas raportit të Agjencisë së Statistikave të Kosovës, të dhënat nga Tregtia e Jashtme të Mallrave në Kosovë tregojnë për një deficit tregtar më të lartë për 9.9 për qind në muajin janar 2024, në raport me periudhën e njëjtët të vitit 2023, gjegjësisht në vlerë prej 319,7 milionë euro, krahasuar me deficitin prej 291,5 milionë euro në vitin 2023. Sipas ASK-së, eksporti mbulon importin me 15.9 për qind.

Sipas të dhënave të grupeve kryesore për import: 17,2% e përbëjnë produktet minerale; 11,6% e përbëjnë ushqimet e përgatitura, pijet dhe duhani; 11,6% e përbëjnë makineria dhe pajisjet mekanike dhe elektrike; 11,2% e përbëjnë mjetet e transportit; 9,3% e përbëjnë metalet bazë dhe artikujt prej tyre, etj./Media Ndërtimi

Continue Reading

Aktuale

Suedia interesohet për fushën e minierave të Kosovës

Published

on

Suedia interesohet për fushën e minierave të Kosovës

Ministrja e Ekonomisë, Artane Rizvanolli ka pritur sot në takim ambasadorin e Suedisë në Kosovë, Jonas Westerlund dhe zëvendësshefin e Misionit, Henrik Riby.

Gjatë takimit, Ministrja Rizvanolli dhe përfaqësuesit e ambasadës suedeze, kanë diskutuan për zhvillimin ekonomik të Kosovës dhe rritjen e bashkëpunimit ekonomik mes dy vendeve.

Me theks të veçantë diskutuan për potencialin ekonomik që ofron Kosova në fushën e minierave dhe forcimin e lidhjeve të Kosovës dhe Suedisë në këtë sektor.

Republika e Kosovës qysh nga kohët më të vjetra ka qenë e njohur për pasuritë e saj të nëntokës. Pasuritë minerale të Republikës së Kosovës janë te shumëllojshme në sasi dhe në cilësi dhe kanë rëndësi të madhe ekonomike.

Rezervat e resurseve minerale kryesore janë linjiti me 12.5 miliardë ton,plumbi dhe zinku 59 milionë ton, nikeli 13 milionë ton, boksitet 2.7 milionë ton, magnezitet 4.1 milion ton./Media Ndërtimi

Continue Reading

Aktuale

Asahi Glass Company, fabrika më e madhe në botë e qelqit, zgjedh Kosovën për samitin e saj në nivel ballkanik

Published

on

E njohur si AGC, prodhuesi kryesor i xhamit në botë, Asahi Glass Company rrallë zgjedh Kosovën si mikpritëse për Samitin e nivelit ballkanik. Selia evropiane e kompanisë është e vendosur në Belgjikë dhe është e njohur për projektet e rëndësishme globale që përfshijnë xhamin e saj, që shtrihen nga Nju Jorku në Tokio. Z. Ivan Zaykov, menaxher për tregjet ballkanike në AGC Flat Glass në Evropë, e thekson samitin si një nga takimet më të rëndësishme dhe më të vlefshme për fabrikën në lidhje me marrëdhëniet me klientët.

Ai thekson se Kosova tradicionalisht nuk është konsideruar si vend stabil për takime të tilla të nivelit të lartë. Duke marrë parasysh shitjet mbresëlënëse prej 12 miliardë dollarësh të AGC në treg, rëndësia e ngjarjes është parësore, duke inkurajuar pjesëmarrjen e të gjithë aktorëve në biznesin e ndërtimit. Z. Zaykov thekson se zgjedhja e vendit pritës luan një rol të rëndësishëm në suksesin e takimit. Duke e njohur këtë arritje, z. Zaykov ia atribuon suksesin bashkëpunimit efektiv ndërmjet AGC dhe partnerit të tyre GITOR LLC në Kosovë. Ai pranon rezultatet e paparashikuara të tregut të dy viteve të mëparshme, duke ia vlerësuar arritjen e përpjekjeve të përbashkëta me Bledianin, një sipërmarrës vizionar dhe një biznesmen shumë i aftë, si dhe motrën e tij Bleonën.

  1. Zaykov thekson, “Unë angazhohem shpesh në diskutime me Bledin, duke e njohur atë si një biznesmen të frikshëm në kuptimin më pozitiv të termit dhe një sipërmarrës vizionar,” ndërsa shton njohuri për pronarin e kompanisë me bazë në Kosovë. Z. Zaykov thotë se takimi i ardhshëm synon të kapërcejë ngjarjen e një viti më parë duke prezantuar teknologjinë më të fundit globale në ndërtim, veçanërisht në xhami. Fokusi do të shtrihet në diskutimin e politikave të gjelbra evropiane dhe mbarëbotërore, duke shfaqur prezantime mbi ndërtimin e shtëpive pasive dhe qytetet me energji pozitive.

Duke parashikuar mbi 200 të ftuar specialë nga Shqipëria, Maqedonia e Veriut, Bullgaria, Serbia dhe Mali i Zi, z. Zaykov përmend profilet e ndryshme, duke përfshirë biznesmenë, përpunues xhami, arkitektë, inxhinierë, përfaqësues të shtetit dhe stafin drejtues të AGC në Evropë.

 

Continue Reading

Trending