Connect with us

Auto

Hyundai makina më efikase në ruajtjen e energjisë në motorët elektrikë

Published

on

Motorët elektrikë janë shumë më efikas se motorët me benzinë dhe naftë, por problemet lindin gjatë karikimit. Humbjet e energjisë të motorëve me benzinë dhe me naftë janë mjaft të mëdha dhe kjo i referohet kryesisht energjisë termike. Por edhe makinat elektrike nuk janë pa humbje.

Motorët elektrikë janë shumë më efikas, por problemet lindin gjatë karikimit. Konsumi i makinave elektrike nuk konsiston vetëm në energjinë elektrike që harxhon automjeti për lëvizje gjatë ngasjes.

Gjithashtu, duhet të keni parasysh të ashtuquajturat humbje të karikimit, pra energjinë elektrike që paguhet gjatë karikimit, por që nuk arrin në baterinë e makinës. Kjo humbje nuk është e njëjtë për të gjitha automjetet.

Ekspertët nga Auto Club Austriak (ÖAMTC) analizuan katër modele automjetesh dhe rezultati tregoi se humbjet gjatë karikimit të makinave elektrike mund të jenë deri në dhjetë për qind.

Humbjet e karikimit ndodhin në pika të ndryshme të zinxhirit midis stacionit të karikimit, kabllos së karikimit dhe automjetit, dhe pjesa më e madhe humbet kur konvertohet AC nga rrjeti në DC për bateritë.

Sipas studimit, kjo është një nga arsyet pse karikuesit DC të sektorit publik priren të kushtojnë më shumë se karikuesit AC. Operatorët e karikuesit DC përfundimisht do t’i kalonin humbjet e konvertimit tek klienti fundor përmes një çmimi më të lartë.

Gjatë karikimit me rrymë alternative, shndërrimi i nevojshëm bëhet vetëm në automjet, në të ashtuquajturin karikues në bord (OBC). Sipas studimit, ato humbje në OBC ishin rreth shtatë deri në nëntë për qind, në varësi të cilësisë dhe efikasitetit të karikuesit të automjetit.

Nëse merret parasysh i gjithë zinxhiri i humbjeve në proces, studimi tregon se ka humbje karikimi prej rreth dhjetë për qind kur ngarkohet me rrymë alternative.

Gjatë karikimit me rrymë alternative, Peugeot pësoi përqindjen më të lartë të humbjeve të karikimit, 4.59 kWh që përbën 9.92 për qind.

Hyundai humbi 8.79 për qind (6.68 kWh), VW 8.25 për qind (4.84 kWh), ndërsa karikimi Tesla Model 3 ishte më efikasi me një humbje prej 6.69 për qind (në 4.84 kWh).

Hyundai ishte më efikasi në përgjithësi kur bëhej fjalë për karikimin DC. Humbja në anën e karikuesit ishte 5.66 për qind, dhe ajo e veturës 0.41 për qind.

Tesla ishte e dyta këtu me 6.09 për qind ose 0.46 për qind, VW ishte e treta me më shumë me 8.07 për qind në anën e rrjetit dhe 2.55 për qind në anën e veturës, dhe Peugeot ishte gjithashtu i fundit këtu me një humbje prej 9.02 për qind në stacionin e karikimit dhe 3.56 për qind në vetë veturën./Media Ndërtimi.

Auto

BMW Skytop drejt prodhimit?

Published

on

Ashtu si prezantimi i konceptit të Touring Coupe vitin e kaluar, BMW ka zbuluar një tjetër koncept, atë të Skytop.

Megjithatë, marka luksoze gjermane mund të vendosë që ta prodhojë konceptin, por njerëzit duhet të jenë të gatshëm të paguajnë një shumë të madhe parash.

Shefi i dizajnit të BMW Group, Adrian van Hooydonk, ka njoftuar se një version prodhimi i Skytop është duke u konsideruar, përcjell Telegrafi.

Ai beson se mund të prodhohen diku nga 20 deri në 25 njësi.

Çmimi nuk është bërë i ditur, por Skytop me siguri thuhet të ketë një çmim më të lartë se Seria 8 e cila kushton mbi 100 mijë dollarë.

Hooydonk beson se ekziston një treg për Skytop bazuar në shumën e parave që njerëzit janë të gatshëm të paguajnë këto ditë për modele të reja./Media Ndërtimi

Continue Reading

Auto

Golf ndan imazhe të modelit të ri GTI

Published

on

Volkswagen Golf GTI Clubsport i ri debuton zyrtarisht më 31 maj.

Tani marka ka ndarë disa imazhe të modelit.

VW premton se Clubsport do të jetë GTI më i fuqishëm me rrotat e përparme, përcjell Telegrafi.

Ai vjen me një modalitet të veçantë të lëvizjes që synon pista si Nurburgring.

Ndërsa ende saktë nuk dihet se sa kuaj fuqi do të ketë, thuhet se ai do të fuqizohet nga më shumë se 241 kuaj fuqi, sa ka aktualisht GTI./Media Ndërtimi

Continue Reading

Auto

Në vendet e Bashkimit Evropian në muajin prill janë regjistruar 913.995 vetura të reja.

Published

on

Kjo është 13.7 për qind më shumë se i njëjti muaj i vitit të kaluar, njoftoi sot Shoqata e Prodhuesve Evropianë të Automobilave (ACEA).

Në të gjitha tregjet kryesore evropiane u shënua një rritje e ndjeshme e shitjeve nga viti në vit, në Spanjë me 23,1 për qind, Gjermani me 19,8 për qind, Francë me 10,9 për qind, Itali me 7,7 për qind, transmeton Telegrafi.com

Në muajin prill, numri më i madh i automjeteve të reja me benzinë u regjistrua me 36 për qind, pasuar nga automjetet elektrike hibride (HEV) me 29,1 për qind, makinat me naftë me 12,9 për qind dhe automjetet elektrike me bateri (BEV) me 11,9 për qind.

Numri i automjeteve elektrike me bateri të regjistruara në prill u rrit me 14,8 për qind nga viti në vit, në 108,552 vetura.

Pjesa e automjeteve hibride-elektrike (HEV) u rrit ndjeshëm në bazë të vitit në vit, pasi ajo arriti në 24.9 për qind në prill të vitit 2023.

Nëse analizojmë të dhënat për katër muajt e parë të 2024, arrijmë në përfundimin se numri i automobilave të reja të regjistruara në BE u rrit me 6.6 për qind nga viti në vit në pothuajse 3.7 milionë automjete, sipas ACEA në faqen e saj të internetit./Media Ndërtimi

Continue Reading

Trending