Connect with us

Aktuale

Gjykata nuk lëshon urdhrin ndalues për pronën e kontestuar në Veternik

Published

on

Beteja për pronën kontestuese në Veternik po vazhdon. Pasi Prokuroria kishte dhënë urdhër të përkohshëm ndalues lidhur me rreth tre hektarët tokë, të cilët dyshohen se u fituan më dokumente të falsifikuara dhe bëri kërkesë, tashmë Gjykata Themelore në Prishtinë ka refuzuar kërkesën e Prokurorisë për lëshimin e urdhrit ndalues përfundimtar.

Kjo pronë, dyshohet se përmes legalizimit të përmbajtjes së rreme dhe mashtrimit, iu është marrë palëve Nexhat dhe Gursel Sadiku, duke kaluar në emër tani të ndjerës Z.H. dhe më pas prona ka kaluar të djali i saj Ylber Hyseni, i cili edhe po hetohet.

Prona në fjalë, tashmë ka kaluar të disa persona të cilët janë bërë bashkëpronarë, raporton “Betimi për Drejtësi”.

Gjykata Themelore në Prishtinë, në arsyetimin e vendimit të 19 qershorit 2023, për refuzimin e kërkesës së Prokurorisë për urdhrin ndalues përfundimtar, thotë se kërkesa e prokurorit të shtetit nuk është përpiluar në harmoni me nenin 261, par.1, nënpar 1.4 dhe 1.5 të KPP-së. Përkatësisht, prokurori i shtetit në kërkesën për urdhrin ndalues përfundimtar nuk ka cekur në detaje dhe në mënyrë të saktë se në emër të kujt janë të evidentuara këto prona, kush është pronar apo kush ka interes juridik në këto pasuri/paluajtshmëri.

“Për më tepër, kërkesa e prokurorit të shtetit nuk është përpiluar konform nenit 261, par. 1, nënpar 1.5 të KPPK-së, pasi që prokurori i shtetit ka parashtruar kërkesën për urdhër ndalues përfundimtar duke mos i propozuar gjykatës asnjërën prej masave të përkohshme me qëllim të sigurimit të pasurisë për të cilën është kërkuar ky lëshim i urdhrit nga gjykata”, thuhen në arsyetimin e këtij vendimi.

Veç tjerash, në vendim thuhet së prokurori i shtetit nuk ka përmbushur detyrimin ligjor ashtu që gjykata e kishte kthyer në plotësim, duke kërkuar që kërkesa e prokurorit të shtetit për urdhrin ndalues t’iu dorëzohet palëve të treta të cilët kanë interes juridik në këtë pronë.

Prokuroria më parashtresë iu kishte drejtuar gjykatës dukë thënë se pas kërkesë për plotësim, më 25 maj 2023 kanë dërguar të palët këtë kërkesë, duke ia bashkëngjitur gjykatës në kopje edhe regjistrin.

Por, gjykata arsyeton se Prokuroria nuk ka specifikuar se cilave palë iu janë dorëzuar kërkesat, duke bërë kështu shkelje të dispozitave ligjore. Kështu, me këto arsyetime gjykata edhe ka refuzuar kërkesën për urdhrin ndalues përfundimtar.

Ndryshe, Gjykata e Apelit kishte kthyer dy herë çështjen në rivendosje, ku po kërkohej sekuestrimi i përkohshëm i kësaj prone, deri në zgjidhjen përfundimtare të kësaj çështje. Apeli në dy rastet kishte gjetur se aktvendimet e shkallës së parë kishin shkelje esenciale dhe ishin kontradiktore.

Në dy vendimet e Apelit, ishte vlerësuar se Themelorja nuk kishte vlerësuar provat materiale, si dokumenti “Resenje Broj” i vitit 1961, i cili dyshohet se është i falsifikuar, konkretisht nënshkrimi i dhënë në atë dokument nuk është i Milorad Filipoviq, përmes të cilit dokument tashmë e ndjera Z.H, nëna e Ylber Hysenit, kishte fituar të drejtën e kësaj prone.

Ky dokument dhe disa dokumente tjera, përmes disa ekspertizave janë vërtetuar se ishin falsifikuar.

Gjithashtu, thuhej se Gjykata e shkallës së parë, nuk e ka arsyetuar faktin nëse për parcelat të cilat janë paraqitur për sekuestrim të përkohshëm, ka pasur ndërrim të subjekteve si pronarë.

Ndryshe, kjo pronë, dyshohet se iu është marrë familjes Sadiku përmes manipulimeve dhe dokumenteve të falsifikuara, për çka tashmë janë hapur hetime ndaj të dyshuarit Ylber Hyseni, i cili sipas burimeve brenda Prokurorisë gjendet në arrati dhe gjykata ka lëshuar urdhërarrest për të.

Ai dyshohet për kryerjen e veprave penale “Legalizim i përmbajtjes së rreme” dhe  “Mashtrimi”, për çka edhe ishte kërkuar sekuestrimi i pronës së paluajtshme.

Për këtë rast “Betimi për Drejtësi” ka hulumtuar dhe ka mbajtur një debat në emisionin Tempus. Përmes këtij hulumtimi, tregohej se si Dhoma e Posaçme e Gjykatës Supreme, për të njëjtat parcela kishte zhvilluar disa procedura gjyqësore në të njëjtën kohë dhe për lëndën e Nexhat e Gursel Sadikut kishte vendosur pas 7 vjetësh, ndërsa në rastin e Z.H vetëm për 9 muaj, duke e bërë edhe pronare të këtyre parcelave.

Familja Sadiku kishte thënë se kjo pronë është e tyre për gati një shekull dhe se përmes ekspertizave kanë gjetur se dokumentet me të cilat Z.H. i kishte kaluar në emër të saj janë të falsifikuara dhe se përmes vendimeve të kundërligjshme atyre u janë marrë rreth 3 hektarë tokë në Veternik,  vlera e të cilëve kapë shifra të mëdha. Sipas tyre, të përfshirë në këto dallavere janë zyrtarë e persona me ndikim, duke përfshirë gjykatës, prokurorë, policë, avokatë si dhe zyrtarë të tjerë./Media Ndërtimi

Aktuale

Si të bëheni arkitekt në Inteligjencën Artificiale?

Published

on

Inteligjenca artificiale është larg të qenit një koncept i huaj dhe i ri. Arkitektët kanë eksploruar AI që nga vitet 1960, duke u thelluar në koncepte të tilla si shkrimi, arkitektura parametrike, algoritmet evolucionare, automata celulare, fraktale dhe sistemet L. Skriptimi është i ngjashëm me krijimin e një ekuacioni që gjeneron rezultate të projektimit në vend të vlerave numerike.

Në arkitekturë, një arkitekt i AI është përgjegjës për zhvillimin e skripteve, studimin e algoritmeve, sigurimin që rezultatet e projektimit plotësojnë nevojat e projektit dhe krijimin e algoritmeve kur është e nevojshme. Me fjalë të thjeshta, AI Architects janë projektues që ndërtojnë sisteme të inteligjencës artificiale për të zgjidhur problemet. Kompanitë në ditët e sotme varen nga arkitektura gjeneruese dhe mjetet e AI për të përfunduar projektet e tyre komplekse; Këtu nevojiten arkitektë të AI që kanë një kuptim të qartë në teknologjinë e informacionit dhe inteligjencën artificiale për të kontrolluar zgjidhjet e AI brenda organizatës duke siguruar që projekti të funksionojë pa probleme.

Roli i përgjithshëm i AI Architects është të përmirësojë operacionet e biznesit duke hartuar plane të detajuara për sistemet e AI, duke bashkëpunuar me anëtarët e ekipit si inxhinierë dhe shkencëtarë kompjuterikë për të siguruar një proces të qetë dhe për të mbikëqyrur zbatimin duke siguruar që zgjidhjet e AI që ata ofrojnë janë në përputhje me projekti duhet të prodhojë rezultate të sakta dhe të dobishme.

Është e rëndësishme të pranohet se inteligjenca artificiale nuk mund të zëvendësojë kurrë intuitën dhe ndjeshmërinë njerëzore në arkitekturë. Gjithmonë mbani mend se ju e kontrolloni mjetin, jo anasjelltas. Prandaj, është e nevojshme të shfrytëzojmë përparimet e vazhdueshme në teknologji, e cila ka qenë e vazhdueshme për 70 vitet e fundit, në dobinë tonë duke krijuar asistentë robotikë që na ndihmojnë të arrijmë të pamundurën duke ndikuar pozitivisht në mjedis, i cili ka nevojë të dëshpëruar për t’u marrë në konsideratë. dhe kujdesi./Media Ndërtimi

Continue Reading

Aktuale

Rritja e kërkesës për rrymë do t’i mbajë gjallë termocentralet me thëngjill

Published

on

Kërkesa për rrymë në botë është duke shënuar rritjen më të shpejtë në gati 20 vjet, për shkak të përdorimit të kondicionerëve, si pasojë e rritjes së temperaturave, ka thënë Agjencia Ndërkombëtare e Energjisë, në një raport të publikuar të premten.

Sipas gjetjeve, ky trend, që pritet të vazhdojë edhe më 2025, nënkupton vazhdimësinë e përdorimit të energjisë me thëngjill, ndonëse do të rriten kapacitetet e energjisë së ripërtrishme.Shumë vende në botë janë duke regjistruar temperature rekorde dhe valë të të nxehtit, shkruan Radio Evropa e Lirë.

Rritja e konsumit global të energjisë pritet të shkojë në gati 4 për qind më 2024 – më e madhja prej vitit 2007.

Rritje e njëjtë është parashikuar edhe për vitin 2025, në krahasim me 2.5 për qind të rritjes së kërkesës më 2023.India pritet të jetë lidere në këtë aspekt, e pasuar nga Kina.Në gjetjet e raportit është përmendur që në këtë periudhë do të rriten edhe kapacitetet për energji të ripërtrishme dhe që kjo energji të tejkalojë atë me thëngjill më 2025.

Megjithatë, mënyrat për prodhim të energjisë që shkaktojnë më shumë ndotje, siç është ajo me thëngjill, do të vazhdojnë të jenë të qëndrueshme, sidomos në Kinë./Media Ndërtimi

Continue Reading

Aktuale

Pas freskimit të motit, shfuqizohet ndalimi i qarkullimit të kamionëve mbi 7.5T

Published

on

Zëvendësministri i Infrastrukturës, Hysen Durmishi, ka njoftuar se është shfuqizuar vendimi i datës 13 korrik 2024, për ndalimin e qarkullimit në Autoudhë, Rrugë Nacionale dhe Rajonale të automjeteve për transportin e mallrave me peshë më të madhe se 7.5T, shkruan Ekonomia Online.

“Duke marrë parasysh parashikimin e motit nga Instituti Hidrometeorologjik i Kosovës, sipas të cilit parashihen rënie të ndjeshme të temperaturave ditëve në vijim, kemi marrë vendim për shfuqizimin e vendimit të datës 13 korrik 2024, për ndalimin e qarkullimit në Autoudhë, Rrugë Nacionale dhe Rajonale të automjeteve për transportin e mallrave me peshë më të madhe se 7.5T”, ka njoftuar Durmishi.

“Faleminderit për mirëkuptimin tuaj gjatë këtyre ditëve me temperatura të larta”, ka shkruar ai./Media Ndërtimi

 

Continue Reading

Trending