Connect with us

Aktuale

Fasadimi i Fakultetit të Arteve po konsiderohet shpërfytyrim i objektit

Published

on

Fakulteti i Arteve në Universitetin e Prishtinës së shpejti nuk do ta ketë këtë pamje. Kjo pasi pamja origjinale po mbulohet me stiropor. Krejt kjo ndërhyrje në fasadën e jashtme po bëhet për hirë të energjisë efeciente dhe burimeve të ripërtëritshme të energjisë.

Për mbështjelljen me stiropor të fasadës më gurë do të shpenzohen mbi 140 mijë euro, në kuadër të projektit të Ministrisë së zhvillimit ekonomik të mbështetur nga Banka Botërore.

Derisa kjo ndërhyrje ka ngjallur reagime, në Minisstrinë e Zhvillimit Ekonomik kanë thënë për Ndërtimi.info se objekti do të ketë pamje të ngjashme atë aktuale.

“Fakulteti i Arteve- Dega Pikturë është duke renovuar me qëllim të kursimit të energjisë dhe rritjes se komforit termik brenda objektit. Mbështjellësi termik i këtij objekti do të jetë me trashësi prej 10 cm dhe mbi të me projekt janë paraparë të vendosen pllaka guri të cilat vizuelisht do të jenë shumë të ngjashme me pllakat e ekzistuese”, thuhet në përgjigjen e MZHE-së.

Se fasada e jashtme e objektit të Fakultetit të Arteve do të ketë pamje me gurë i është thënë edhe dekanit të këtij fakulteti, Agim Selimi.

Në anën tjetër, arkitekti Arbër Sadiki këtë ndërhyrje e quan shpërfytyrim të objektit. Ai e konsideron fatkeqësi që projektet e tilla po përkrahen nga profesionistët.

Është fatkeqësi që i jepet aminin këtyre maskaradave prej profesionistëve. Dekani i Fakultetit të Arteve ndoshta ka plotësisht ‘të drejtë’  me mbrojt projektin, sepse për fatin tonë të keq e ka mbrojt edhe Fakulteti i Arkitekturës është shpërfytyrua Fakulteti Teknik. E keqja më e madhe po bëhet në emër të së mirës, këtu po bëhet hata në emër të së mirës, në emër të efiçiencës energjetike. Ne të gjithë e dimë se cka është energjia, që duhet të kemi kujdes për të, por duhet të kemi kujdes edhe për identitetin erkitektonik… Fasada prej gurëshq ë sot po mbulohet sot është 100 – 12 euro metri katror, ndërsa nje metër katror i asaj fasadës mund të shkojë deri në 15 euro”, tha ai.

E, për të ndaluar ndërhyrjet e tilla të objekte publike, Sadiki tregon së çfarë duhet të bëhet.

“Ne nuk e kemi qare pa e ndryshu edhe ligjin për prokurim publik ku nuk duhet të zgjidhen ofertuesit më të lirë por duhet të zgjidhen ofertuesi më kualitativ, dhe kur thuhet kualitativ, kjo ka të bëjë me referenca. Duhet të ndërrohet ligji për ndërtim, ligji për planifikim, duhet të parashihet revidimi i projektit, ne kemi jashtëzakonisht probleme, projektet që ne i kemi pa i ka pranu Banka Botërore në emër të licencës. Ato përpos që shpërfytyrojnë objektet, ato nuk kanë të bëjnë asgjë me efiçiencë. Duhet këta njerëz që bëjnë projektet të tilla të fillojnë dhe të marrin përgjegjësi. Përgjegjësi marrin në momentin që ne e rregullojmë me odë të arkitektëve licencimin invidivual ku persona të tillë të cilët bëjnë projekte të tilla marrin përgjegjësi edhe penalë, përpos profesionale”, shprehet Sadiki.

 

Sipas tij duhet të formohen edhe komisione me profesionistë që do të vlerësonin projektet e  ndërhyrjeve  në objekte.

Ndërkaq, me projektin për efiçiencë të energjisë dhe burimeve të ripërtëritshme të energjisë parashihet të ndërhyhet në 30 objekte./Ndërtimi.info/

Aktuale

Kosova përmes AKB-së prezantohet në Panairin e tekstilit në Stamboll

Published

on

Një delegacion i bizneseve nga Kosova i prirë nga Agim Shahini Kryetari i Aleancës Kosovare të Bizneseve po marrin pjesë në Panairin më të madh të tekstilit në Turqi që po mbahet ne Stamboll.

Bëhet e  ditur se në ketë panair po marrin pjesë 750 kompani nga 70 shtete të ndryshme të botës ku edhe Kosova po prezantohet nga Aleanca Kosovare e Bizneseve-AKB.Shahini tha se Kosova është me fat që ka miq nga mbarë bota e në veçanti Turqia është një investitor shumë i madh.

“Një delegacion i bizneseve nga Kosova i prirë nga z. Agim Shahini Kryetari i AKB-së po marrin pjesë në Panairin më të madh të tekstilit në Turqi që po mbahet ne Stamboll. Në ketë panairi po marrin pjesë 750 kompani nga 70 shtete tê ndryshme të botës ku edhe Kosova po prezantohet nga Aleanca Kosovare e Bizneseve-AKB. Kryetari Shahini tha se Kosova është me fat që ka miq nga mbarë bota e në veçanti Turqia është një investitor shumë i madh në Kosovë si në sektorët financiar, energjisë ,infrastrukturës, ndërtimit dhe tregtar, ku bilanci tregtar arrin vlerën mbi 800 milionë euro për vitin 2023. Ju ftoj të vini në Kosovë si vendi me i mirë  dhe potencial për investitorët në Ballkan”, njofton AKB-ja./Media Ndërtimi

Continue Reading

Aktuale

Ministria e Ekonomisë dhe Komuna e Gjilanit nënshkruajnë Marrëveshjen për realizimin e Projektit “Qyteti i Mençur”

Published

on

Ministrja e Ekonomisë, Artane Rizvanolli dhe kryetari Komunës së Gjilanit, Alban Hyseni, kanë nënshkruar Marrëveshjen e mirëkuptimit, për realizimin e Projektit “Pilotimi i konceptit të Smart City (Neutral Host)”, në Komunën e Gjilanit.

Ministrja e Ekonomisë, Artane Rizvanolli dhe kryetari Komunës së Gjilanit, Alban Hyseni, kanë nënshkruar Marrëveshjen e mirëkuptimit, për realizimin e Projektit “Pilotimi i konceptit të Smart City (Neutral Host)”, në Komunën e Gjilanit.

Projekti “Pilotimi i konceptit të “Smart City (Neutral Host)” do të jetë bashkëfinancim i Ministrisë së Ekonomisë dhe Komunës së Gjilanit dhe ka vlerën financiare 550,000,00 euro.

Ministrja Rizvanolli ka theksuar se duke adoptuar teknologji të reja të bazuara në Internet of Things (IoT), po mundësojnë zgjidhje të ndryshme për shfrytëzimin efiçient të energjisë elektrike, sistemin digjital për menaxhimin e trafikut, mbeturinave dhe ofrimin e shërbimeve digjitale komunale.

“Suksesi i këtij projekti do të shërbejë si model për komunat e tjera në Kosovë, për të ofruar zgjidhje të mençura për qytetarët e tyre përmes teknologjive të avancuara”, ka thënë Rizvanolli.

Projekti i “Qytetit të Mençur” i mundëson komunës që të menaxhojë më mirë resurset dhe të ofrojë shërbime më të mira, duke u bazuar në të dhënat të cilat vijnë nga senzorët e ndryshëm dhe në përfundimet që vijnë nga interpretimi i tyre.

Teknologjia e “Qytetit të Mençur” është një mënyrë e lehtë dhe e shpejtë që komunat të ofrojnë shërbime të qëndrueshme dhe të nevojshme për të përcjellë në mënyrë efektive zhvillimin urban, por edhe atë rural.

Po ashtu, teknologjitë ekzistuese me mundësi të zgjeruara, sigurojnë një infrastrukturë të mençur të menaxhimit të sensorëve dhe kontrollit të tyre, e cila lejon qytetet të mbledhin dhe analizojnë të dhënat nga shumë pajisje të lidhura në një mënyrë të efektshme, në mënyrë që autoritetet të marrin vendime të duhura rreth shërbimeve që duhet të ofrojnë.

Continue Reading

Aktuale

Para disa vite punonte në ndërtim, ai mori ftesën nga Kroacia! Kush është sulmuesi që do sfidojë Shqipërinë në Euro 2024?

Published

on

Marco Pasalic është zgjuar nga ëndrra dhe po jeton realitetin. Sulmuesi anësor i Rijekas ka marrë ftesën për të qenë pjesë e Kroacisë në Europianin 2024 që zhvillohet nga 14 qershori – 14 korrik në Gjermani.

Historia e 23-vjeçarit është e denjë për një film, ku në fund mundi dhe djersa triumfojnë përballë sfidave të jetës. I lindur në Karlsruhe (Gjermani), Pasalic u rrit mes jetesës së vështirë dhe dëshirës për futbollin.

I riu, me mbarimin e shkollës së mesme nuk kishte dëshirë të vijonte universitetin, paçka se i ati e këshilloi të ndiqte shkollën. Në të tilla kushte, në moshën 17-vjeçare ai u detyrua të punonte në ndërtim dhe këtë e ka treguar vetë sulmuesi.

“Kam filluar në vitin 2017. Babai më regjistroi në fakultet pas gjimnazit, por unë nuk doja ta mbaroja për shkak të futbollit, më tha që nëse nuk shkoja në shkollë, duhet të shkoja të punojë në ndërtim. Çdo mëngjes në orën 8 mblidheshim unë, vëllai dhe dy punëtorë”, tha ai.

Më pas 23-vjeçari ka treguar edhe vështirësitë e punës.

“Gjëja më e keqe për mua ishte të punoja kur ishte dimër si dhe verës kur jashtë ishte 35 gradë. Pas gjashtë apo shtatë muajsh, fillova të mësohesha. Në fund, bëhet fjalë për të pasur bukë në shtëpi. Kur nuk e bëra si duhet, më goditën me grusht në hundë. Nuk kam kryqëzuar kurrë rrugët me ndërtimtarinë. Po të isha tani në Gjermani dhe vëllai im të kishte nevojë për ndihmë, do ta ndihmoja”, tha Pasalic.

Nga të rinjtë e Karlstruhes, ai kaloi në ekipin e dytë të Stuttgart dhe më pas te Dortmund 2, para se në verën e 2023 të kalonte te Rijeka në Kroaci. Në Grupin B të Euro 2024 Kroacia ka përballë Shqipërinë, Spanjën dhe Italinë./Media Ndërtimi

Continue Reading

Trending