Auto
Çmimi i baterive të veturave elektrike shënon rritje për herë të parë në më shumë se 10 vjet
Çmimi i baterive litium-jon u rrit për herë të parë në më shumë se një dekadë këtë vit, pasi kostot në rritje të lëndëve të para pritet të sfidojnë përpjekjet e industrisë së makinave për t’i kthyer automjetet elektrike në një produkt për tregun masiv.
Rritja e çmimeve të metaleve të baterive, si për shembull litiumi, kobalti dhe nikeli, si dhe kostot më të larta të komponentëve, bënë që çmimet e paketave të baterive të arrijnë deri në 151 dollarë për kilovat orë, një rritje prej 7% krahasuar me një vit më parë dhe e para rritje që kur BloombergNEF filloi të kryente studimin e tij të përvitshëm në 2010.
Kompania pret që çmimet të rriten më tej, duke shkuar në 152 dollarë për kWh vitin e ardhshëm. Në vitin 2010, çmimet ishin mesatarisht 1,160 dollarë për kWh.
Industria e makinave i ka konsideruar prej kohësh bateritë prej 100 dollarësh për kWh si pikën e kthesës ku makinat elektrike do të bëhen konkurruese me automjetet që përdorin motor me djegie.
Megjithatë, çmimet e litiumit janë rritur 10-fish që nga fillimi i vitit 2021 dhe nikeli është rritur me 75 për qind, ndërsa çmimet e kobaltit këtë vit kanë qenë më shumë sesa dyfishi i mesatares së vitit 2020.
Si rezultat, BloombergNEF parashikon që niveli prej 100 dollarë për kWh do të arrihet në vitin 2026, dy vite më vonë nga sa pritej më parë. Kjo do të “ndikojë negativisht mundësitë e prodhuesve të automjeteve për të prodhuar dhe shitur automjete elektrike në sasi të mëdha, në ato vende ku mungojnë subvencionet.”
Kompania shtoi se kostot më të larta mund të jenë gjithashtu problematike për projektet e ruajtjes së energjisë të baterive, të cilat janë jetike për stabilizimin e rrjetit në një kohë kur po rritet sasia e energjisë së rinovueshme që përftohet në intervale të çrregullta.
Rritja e çmimeve të paketave të baterive do të kishte qenë edhe më e lartë nëse kompanitë e makinave dhe prodhuesit e qelizave të baterive në tregun kinez nuk do të kishin kaluar te bateritë më të lira të përbëra nga fosfat litium hekuri (LFP), të cilat nuk përdorin kobalt dhe nikel, por kanë një jetëgjatësi më të shkurtër.
Në vitin 2022 kishte 603 gigavat orë kërkesë për bateritë e ndërtuara me litium-jon, pothuajse dyfishi i nivelit të një viti më parë.
Çmimet e paketave të baterive litium-jon ndryshojnë ndjeshëm në rajone të ndryshme. Në Kinë, ato kushtojnë mesatarisht 127 dollarë për kWh, ndërsa në SHBA dhe në Europë, çmimet janë përkatësisht 24 dhe 33 për qind më të larta.
Dallimi shpjegohet me kostot më të larta të prodhimit në tregjet perëndimore më pak të zhvilluara, si dhe me preferencën e tyre për bateritë me jetëgjatësi më të madhe që përdorin nikel dhe kobalt./Media Ndërtimi
Auto
Volkswagen ka një markë dhe veturë të re – kompania gjermane synon tregjet e mëdha
Si pjesë e strategjisë së saj Në Kinë, për Kinën, marka Volkswagen po përpiqet të stabilizojë pjesën e saj të tregut, e cila është në rrezik për shkak të një sulmi frontal nga një sërë markash kineze.
Prodhuesi gjerman i makinave prezantoi modelin e parë të nën-markës së re Volkswagen: ID. UNYX.
Marka e re dhe SUV-ja e re ndajnë një emër, kështu që SUV-i elektrik coupe do të quhet ID. UNYX, si dhe një nën-markë krejt e re makinash, të cilat së shpejti do të pasohen nga automjete të reja.
Volkswagen thotë se makina e re ka një dizajn progresiv, një ndërfaqe inteligjente njeri-makinë (HMI) me një avatar të personalizuar 3D dhe një distancë prej më shumë se 600 kilometrash. ID. UNYX është menduar për tregun kinez dhe është faza më e fundit në zhvillimin e automjeteve inteligjente të rrjetit nga Volkswagen. Me modelin e ri, Volkswagen po hap edhe 40 dyqane në 20 qytete që do të mbajnë emrin UNYX.
Është planifikuar të zgjerohet gama e modeleve të nën-markës së re të Volkswagen ID. UNYX me katër automjete të tjera në tre vitet e ardhshme përveç makinës së re të zbuluar. Kjo do të përfshijë SUV-të, si dhe sedanët.
- UNYX u krijua në qendrën e re të inovacionit dhe zhvillimit të Volkswagen në Hefei, në Kinën lindore. Ky lokacion është i fokusuar ekskluzivisht në zhvillimin e gjeneratës së fundit të automjeteve elektrike inteligjente për tregun vendas. ID. UNYX prodhohet gjithashtu në Hefei, një nga fabrikat më të avancuara të automjeteve elektrike të Grupit Volkswagen.
Vetura fuqizohet nga një motor elektrik 210 kW (286 kuaj/fuqi) në boshtin e pasmë. Motori mundësohet nga një bateri 77 kWh (neto). Sistemi i shtytjes mund të arrijë një distancë deri në 621 km. Është planifikuar gjithashtu një version me të gjitha rrotat me dy motorë elektrikë dhe një fuqi prej 250 kW (340 kuaj/fuqi)./Media Ndërtimi
Auto
Mercedes vjen me një plan të veçantë për karikimin e veturës
Mercedes-Benz ka në mendje një lloj tjetër skenari për karikimin e veturës.
Ndërsa jeni duke shijuar një kafe në pikat e Starbucks, ju mund edhe të karikoni veturën në parking.
Nëse gjërat shkojnë sipas planit, përfundimisht do të gjeni karikues të shpejtë Mercedes në mbi 100 lokacione të Starbucks në Shtetet e Bashkuara.
Dhe gjithçka fillon në Bregun Perëndimor me Interstate 5, duke kaluar në veri dhe në jug përmes Kalifornisë, Oregonit dhe Uashingtonit, përcjell Telegrafi.
Duke marrë parasysh se Starbucks u themelua në Seattle, është një vend i përshtatshëm për fillimin e këtij partneriteti.
Bëhet e ditur se karikimi me fuqi të lartë është forca shtytëse e këtij bashkëpunimi.
“Bashkëpunimi midis dy markave kryesore si Mercedes-Benz dhe Starbucks do të përmirësojë përvojën e karikimit për të gjithë drejtuesit e EV”, tha Andrew Cornelia nga Mercedes-Benz.
“Ne parashikojmë një të ardhme ku karikimi i automjetit tuaj është po aq i lehtë sa të shijoni Starbucks-in tuaj të preferuar”, shtoi ai.
Ky partneritet fillon në Bregun Perëndimor, por është një përpjekje mbarëkombëtare që do të shohë rrjetin e karikimit të mbështetur nga Mercedes të zgjerohet gjatë 12 deri në 18 muajt e ardhshëm.
Sa i përket kohës kur karikuesi i parë Starbucks do të fillojë ose ku do të ndodhë, ky informacion nuk është bërë i ditur./Media Ndërtimi
Auto
Audi A4 ‘bëhet’ A5?
Gjenerata e re e modelit të njohur tani ka emër të ri, i cili sjell një karakter sportiv më të theksuar, por edhe veturën e parë hibride në gamë.
Që nga lansimi i tij tre dekada më parë, Audi A4 ka evoluar në një limuzinë ideale për aspiratat e biznesit dhe familjes, së bashku me një model karavan që, me versionin Allroad, përmbushi dëshirat e aventurierëve.
Tashmë me elektrifikimin ka pasur ndryshime edhe në nomenklaturën e modelit, kështu që A4 e ardhshme do të jetë model elektrik, transmeton Telegrafi.
Në të njëjtën kohë, A5 coupe dhe kabriolet hyjnë në histori, ashtu si A5 Sportback i mëparshëm. Nga ana tjetër, ka limuzina dhe karavan të cilët me rritjen e shkallës (emrave) të modeleve kanë marrë një karakter mjaft sportiv.
Ai do të ofrohet në katër variante: si A5 dhe S5 dhe si karavan A5 dhe S5 Avant. Këto janë edhe modelet e para që do të prezantohen në platformën PPC (Premium Platform Combustion).
Më i madh se paraardhësi i tij, A5 i ri hyn në segmentin e klasës së mesme, sipas njoftimit zyrtar. Nuk ka dyshim, pamja e të dy versioneve të trupit është mbresëlënëse, me një karakter të theksuar sportiv, duke ndjekur në mënyrë progresive trendet aktuale në formën e rrotave me diametër më të madh dhe dritave LED të përshtatura në mënyrë tërheqëse.
Motorët ofrohen në një version të butë hibrid MHEV, i cili sjell një reduktim deri në 10 g CO2/km ose 0,38 l/100 km në 2.0 TDI (150 kW, me rrota të përparme/quattro) dhe deri në 17 g CO2 /km ose 0,74 l/100 km në V6 3,0 TFSI (270 kW, quattro), sipas ciklit WLTP./Media Ndërtimi
“Kulla s’asht cool”-qytetarët e Shkodrës po protestojnë kundër ndërtimit të objektit 35 katesh
Si Vladimir Putin krijoi një ‘flluskë’ të pasurive të paluajtshme
Kinezët dhe turqit “gëzojnë” koncesionin e bakrit në Shqipëri
Deodorantë, shishe uji plastike…: Çfarë nuk duhet të lini në vetura në ditët e nxehta?
Një autostradë dixhitale do të ndërtohet mes Tokës dhe Hënës
Develon prezanton ekskavatorin tunelues DX235RTF-7
Liebherr blen 119 hektarë në SHBA për të ndërtuar një qendër logjistike
Epiroc përballet me sfida në tregun e ndërtimit
India do të shpenzojë 132 miliardë dollarë në infrastrukturë
Bulevardi i palmave dhe agrumeve në Vlorë, 3.4 milion euro për projektin
Ndërtuesi thotë se i përfundoi punët sipas kontratës te ‘Prishtina e Re’, 40 familje të një kompleksi mohojnë këtë, mbesin pa kushte jetese
Në Kosovë po prodhohen shtëpi të gatshme me beton të parafabrikuar [video]
Agroturizmi më i madh në Ballkan ndërtohet në Suharekë
Këto janë 5 kompanitë ndërtimore më të mëdha në Prishtinë, prinë Marigona Hill
Kush po i pengon hetimet në rastin “Brezovica” ku u sekuestruan 75 villa
Pa e shkatërruar natyrën, lagjja Area34 vjen me shumë kasolla në liqenin e Batllavës
Lëndohen dy punëtor të ndërtimit pas rrëzimit të një plloçe në Kaçanik
Rruga A del këtë javë në tenderim, do të ketë gjashtë korsi
Kompania kosovare “FORMON” krijon ventilatorë të frymëmarrjes
