Connect with us

Auto

Cilat janë makinat më efiçiente të vitit që nga viti 1975

Published

on

Cili është faktori më i rëndësishëm që kërkoni kur doni të blini një makinë të re? Sipas Statista, nuk është dizajni, cilësia apo siguria, por eficienca në konsum.

Për këtë arsye, shtëpitë automobilistike kërkojnë gjithnjë mënyra inteligjente për të përmirësuar konsumin e karburantit të makinave të tyre.

Të mundësh konkurrencën edhe me një marzh minimal mund të japë të drejtën për t’u mburrur brenda një segmenti.

Në këtë infografik kemi përdorur të dhënat e Raportit mbi Tendencat Automobilistike 2022 të EPA (2022 Automotive Trends Report) për të renditur makinat më eficiente nga viti 1975 e deri më sot.

Panorama e të dhënave

Të gjithë informacionet në infografikun e mësipërm renditen në tabelën e mëposhtme. Të dhënat ishin të disponueshme vetëm në intervale 5-vjeçare deri më 2005, pastaj ato paraqiten në vjetore.

Ridimensionimi

Para vitit 2000, mënyra më e mirë për shtëpitë automobilistike që të arrinin eficiencë të mirë të konsumit ishte ridimensionimi (downsizing). Makinat më të vogla (më të lehta) mund të pajiseshin me motorë më të vegjël.

Për shembull, Chevrolet Sprint e vitit 1985 kishte konsum 49,6 MPG*, por kohë nisje nga 0- 60 prej 15 sekondash.

Makinat hibride

Vitet 2000 panë përhapjen në treg në masë të makinave hibride si Honda Insight dhe Toyota Prius.

Duke përfshirë një bateri të vogël për të mbështetur motorin me djegie, shtëpitë automobilistike mund të arrinin MPG të mira, duke mos sakrifikuar shumë përmasat.

Edhe pse Insight arriti të kursejë më mirë karburantin krahasuar me Prius, ishte kjo e fundit që u shndërrua në sinonimin e termit “hibrid”. Kjo vjen kryesisht nga dizajni praktik me 4 dyer i Prius.

Tabela e mëposhtme krahason të dhënat vjetore të shitjes në Shtetet e Bashkuara të të dy modeleve. Shitjet e Insight janë luhatur në mënyrë drastike, pasi Honda e ka prodhuar modelin në periudha të ndryshme të shkurtra  (1999-2006, 2009-2014, 2018-2022).

Prius e ka dominuar tregun hibrid për shumë kohë, por edhe ajo vetë ka pasur probleme. Shitjet janë në rënie që prej vitit 2014, duke arritur minimumin historik në vitet e fundit.

Arsyet e kësaj tendence janë të shumta, duke përfshirë më shumë modele hibride të markave të tjera. Ndër të tjera, nuk mund të mos merret në konsideratë dalja e Tesla Model 3, që filloi t’u dërgohej klientëve prej vitit 2017.

Makinat elektrike

Aktualisht jemi në mesin e një tranzicioni historik drejt makinave elektrike. Megjithatë, duke qenë se automjetet elektrike nuk përdorin karburant, EPA ka zhvilluar një sistem të ri, i quajtur MPGe*.

Kjo metrikë e re na jep mundësinë të krahasojmë efikasitetin e makinave elektrike me atë të makinave tradicionale me gaz. Një supozim në bazë të MPGe është se 33.7 kilovat/orë (kWh) energji elektrike është e krahasueshme me përmbajtjen e energjisë të një galon karburanti.

Makina më efikase në konsum që mund të blini sot është Lucid Air 2023, e cila arrin 140 MPGe. Pas saj është Tesla Model 3 RWD e vitit 2023, e cila vlerësohet në 132 MPGe. Monitor/Media Ndërtimi

Auto

Për shkak të rregullave të reja, ekranet e mëdhenj do të zhduken nga veturat?

Published

on

Rritja e popullaritetit të ekraneve gjigante në vetura ka ardhur në kurriz të butonave, duke e bërë të vështirë për shumë shoferë përdorimin e funksioneve të caktuara gjatë vozitjes, por kjo mund të ndryshojë së shpejti.

Butonat fizikë mund të kthehen nëse prodhuesit e automjeteve duan të marrin vlerësimin maksimal të sigurisë nga Euro NCAP për automjetet e tyre. Me fjalë të tjera, rregullat e reja që duhet të hyjnë në fuqi në janar të vitit 2026 do t’u heqin pikë automjeteve që nuk kanë kontrolle të caktuara tradicionale, shkruan Motor1.

Programi Evropian i Vlerësimit të Sigurisë së Makinave të Reja synon të ulë vlerësimin e volumit për automobilat që nuk kanë pulla, butona ose çelësa për funksionet e mëposhtme: sinjalizues, dritat e rrezikut (të katër treguesit), bori, fshirëse dhe thirrje emergjente./Media Ndërtimi

Continue Reading

Auto

Vetura “më e përballueshme” e Mercedes-Benz do të vazhdojë prodhimin

Published

on

Mercedes-Benz A-Class duket se do të qëndrojë në treg më gjatë se sa pritej, edhe pse marka gjermane po largon shumë nga modelet e saj më të përballueshme dhe më pak fitimprurëse.

Shefi i Mercedes-Benz, Ola Källenius, tha se barazia e kostos së automjeteve elektrike dhe atyre me derivate është “vite larg”.

Kompania kohët e fundit ka vonuar objektivin e saj që automjetet elektrike të përbëjnë 50 për qind të shitjeve të saj globale, dhe ky synim ka ndryshuar për të përfshirë veturat hibride plug-in, shkruajnë mediat e huaja, përcjell Telegrafi.

Gjithashtu, Mercedes ka konfirmuar se do të ofrojë katër automjete të reja në arkitekturën e tij MMA, megjithëse kjo pritet të përfshijë variante elektrike.

Kjo gamë e veturave ‘Entry Luxury’ do të përfshijë një coupe me katër dyer, një shooting brake, dhe dy modele SUV. Automjeti i parë i prodhuar me arkitekturën MMA pritet të debutojë këtë vit.

Marka ka konfirmuar se synon të regjistrojë fitime më të mëdha nga ato vetura, si pjesë e një shtytje nga kompania për të arritur kushte më të favorshme tregu.

Ndryshe, A-Class ishte automjeti më i shitur i Mercedes në Australi gjatë vitit 2023 me gjithsej 2,392 shitje./Media Ndërtimi

Continue Reading

Auto

Volkswagen prodhon një veturë për fermerë, por nuk është ‘pick-up’

Published

on

Volkswagen Polo do të mbushë 50 vjet, shumë për një veturë që ka marrë me kalimin e viteve forma të ndryshme, shkruan Motor1.

Që nga lansimi në vitin 1975, është shitur si “hatchback”, limuzinë apo “crossover” – mbani në mend Polo Cross?

Këtë vit, kompania gjermane që ka fabrikën në Brazil është duke e shqyrtuar idenë për një version “më të egër dhe më të ngritur”, transmeton Telegrafi.

Fjala është për Polo Robust, një veturë supermini e dedikuar nga inxhinierët enkas për fermerët. VW Brazil pretendon se vetura është zhvilluar dhe testuar për klientët e segmentit bujqësor.

Duke marrë parasysh se ata lëvizin nëpër terrene më të ashpra, vetura është më e ngritur paksa sesa versionet bazike.

Kabina është e veshur me materiale të veçanta që e bën më të lehtë pastrimin, duke marrë parasysh se fermerët shumicën e rasteve janë me rroba të punës.

Por kur bëhet fjalë për ngarkesa të mëdha, kjo veturë nuk do ta ketë këtë përparësi pasi ka një motor të vogël 1 litërsh me benzinë, që prodhon vetëm 84 kuaj-fuqi.

Fuqia motorike bartet në rrotat e përparme falë ndërruesit manual me pesë shpejtësi./Media Ndërtimi

Continue Reading

Trending