Connect with us

Intervista

Blerta Vula Rizvanolli: Arkitektura është sfida që kam qenë në kërkim që në fëmijëri

Published

on

Një përshkrim të shkurtër rreth jush, ku punoni, sa vite eksperiencë keni si dhe fushën e tuaj të ekspertizës

Jam e diplomuar në Fakultetin e Arkitekturës në Universitetin e Prishtinës dhe me Master Shkencor në Arkitekturë dhe Menaxhim të Projekteve nga UBT si dhe Master për Business Administration nga Universiteti i Sheffieldit.

Aktualisht PhD Candidate në Universitetin Politektik të Madridit.

Kam filluar punë si studente në një kompani projektimi në vitin 2005 dhe prej atëherë nuk e kam ndërprerë asnjëherë aktivitetin profesional.

Aktualisht, jam e angazhuar si bashkë-menaxhuese në në kompaninë e  projektimit Anarch Shpk , kurse në Universitet si Asistente Pedagoge. Punoj edhe si konsulente e insitucioneve vendore e ndërkombëtare në fushën e efiçiencës së energjisë dhe ndërtimeve të qëndrueshme.

Pse keni zgjedhur arkitekturën? Cila ka qënë shkëndija që ju drejtoi drej këtij profesioni?

Arkitektura është sfida që kam qenë në kërkim që në fëmijëri. Dizajni si i vetëm, nuk më përmbushte, sepse nuk kishte mister mjaftueshvm, as kombinime matematikore… Arkitektura ndërthur më së miri shpirtin artistik me lëvizjen e përhershme e të pandalshme në kërkim të gjërave të bukura.

Si e mendoni ju arkitekturën dhe cili është projekti juaj i cili ju përfaqëson më së miri?

Arkitektura është njëkohësisht, përgjegjësi dhe privilegj, që na mundësojne të jemi afër njerëzve e shoqërive, e të ndikojmë në mënyrën se si ata rriten, jetojnë e formohen. Do të përmend tre projekte që në mënyra të ndryshme kanë ndikuar në formimin tim (do t’i elaboroj më poshtë arsyet): Tirana Business Park, RESTORE, AP Headquarters/52555.

Tirana Business Park (menaxhim)- si investim ndërkombëtar në Shqipëri, me ka rritur e maturuar në aspektin e menaxhimit të projekteve, fushë kjo e pa prekur shumë në arkitekturë.

RESTORE (research)- ky projekt kërkimor, më ka dhënë mundësinë dhe hapësirën që të bashkëpunoj me shumë universitete Europiane dhe të zhvilloj më tutje aftësitë kërkimore në fushën e ndërtimeve të ëndrueshme.

AP Headquarters/52555 (projektim)- janë dy projekte që kemi punuar së fundmi. Njëra në qendër të Tiranës, kurse tjetra në jug të Shqipërisë. Ndërkohe që e para e portretizon bashkëjetesën e përditshme me median online dhe identifikimin e tyre si kazan (nga Kryeministri), projekti i dytë ndërthur arkitekturën tradicionale shqiptare me zgjidhjet e përparuara bashkëkohore të cilat reflektohen në ujërat e detit Jon.

Cili arkitekt/artist ju frymëzon në punën tuaj?

Më frymëzojnë të gjithë arkitektët të cilët nuk e sfidojnë natyrën në shkëmbim të arrogancës së tyre arkitektonike.

Çfarë këshille do i jepje vetes tënde në fillim të karrieres, i vlefshëm edhe për arkitektet e reja ose ato vajza/gra që duan të bëhen arkitekte?

Kurrë mos u ndal së kërkuari më të mirën nga vetja; mos ki frikë nga paragjykimet dhe mos e kurse veten për të kontribuar në një profesion që ta mbush shpirtin në mënyrë krejt të re çdo ditë./Media Ndërtimi.

Intervistë nga Pikark.com.

Ambienti

Fillon dezinsektimi hapësinor i qytetit të Ferizajt

Published

on

Këto janë zonat të cilat do të dezinsektohen.

Nata 1- QYTETI

Vetura 1.

Parku, Brahim Ademi, rr e Spitalit, Mbrapa spitalit, Rr. Naim Beka, Epopeja e Jezercit, Sejdi Sejdiu, Zenel Hajdini (Skenderbeu),

Vetura 2.

Mbrapa Superviva (te hib lamborgjini), rr. Driton Islami, Cen Dugolli, Arsim Rexhepi, rr. e Reçakut, Fatmir Retkoceri (sh,f, Ganimete Tërbeshi) (Ana e Majtë)

Vetura 3.

Fatmir Retkoceri (sh,f, Ganimete Tërbeshi) (Ana e djathtë), Vëllezërit Gërvalla, Kadri Zeka Rr. Rexhep Bislimi (rr. e Gjilanit) (Ana e majtë)

Vetura 4.

Rr. Rexhep Bislimi (rr. e Gjilanit) (ana e djathtë) rr. e Varoshit, Nikadin, rr. Enver Topalli.

Nata 2 Fshatrat

Vetura 1.

Nikadin Varosh Rakaj Gaçkë Greme Doganaj

Vetura 2.

Jezercë, Neredime, Manastircë, Balaj Zaskok. Pleshinë

Vetura 3.

Gërlicë, Komogllavë, Fshati i vjetër (Bibaj), Sojevë,

Vetura 4.

Talinovc i M, Sazli, Softaj – Pojatë – Papaz

Nata 3 Fshatrat

Vetura 1.

Talinoc i J., Muhoc, Prelez i J., Prelez i Muhaxherëve,

Vetura 2.

Cërnillë, Mirash, Rahovicë, Mirosalë,

Vetura 3.

Tërrn, Bablak Zllatar, Dardani,

Vetura 4.

Slivovë Koshare, Lloshkobare, Dremjak, Kosinë

Continue Reading

Aktuale

Bizneset kosovare duan hapjen e zyrës doganore në portin e Durrësit

Published

on

Bizneset kosovare konsiderojnë se plani për të hapur një zyrë doganore të Kosovës në portin e Durrësit në Shqipëri do të lehtësojë shumë procedurat doganore, do të kursejë kohë dhe do të rrisë vëllimin e tregtisë.

Komuniteti i bizneseve të Kosovës thanë për BIRN se ata e mirëpresin marrëveshjen midis qeverive të Shqipërisë dhe Kosovës për “bashkëpunim dhe ndihmë reciproke në çështjet doganore”, e cila eventualisht do të nënkuptonte që Kosova të ketë zyrën e saj doganore në portin shqiptar të Durrësit në Adriatik.

Sipas tyre, zyra do të lehtësojë procedurat doganore dhe do tu kursejë kohë bizneseve.

“Ne kemi miratuar një projektligj për ratifikimin e marrëveshjes me Kosovën për lehtësirat e ndërsjella në procedurat doganore, si dhe kontrollin e produkteve që hyjnë dhe dalin jashtë vendit”, tha të mërkurën ministrja e Financave e Shqipërisë, Delina Ibrahimaj.

“Duke iu referuar marrëveshjes së arritur nga dy vendet në nëntor 2021, marrëveshja parashikon hapjen e pikës doganore të Kosovë në portin e Durrësit”, shtoi Ibrahimaj.

Besir Cmega, pronar i  kompanisë së transportit në Kosovë, Railtrans LLC, i tha BIRN se një doganë e Kosovës në Durrës do ta ndihmonte kompaninë e tij në përshpejtim të mbërritjes se mallrave në Kosovë.

“Procedurat e zhdoganimit do të kryheshin derisa kontejnerët janë ende në port”, tha Cmega për BIRN, duke shtuar se kostot do të reduktohen gjithashtu sepse aktualisht të gjitha inspektimet e mallrave që mbërrijnë në Shqipëri për në Kosovë duhet të bëhen veçmas nga dogana e Kosovës dhe ajo e Shqipërisë.

Astrit Panxha, nga Klubi i Prodhuesve të Kosovës, tha për BIRN se hapja e portit të Durrësit për doganat e Kosovës do të ndihmonte qarkullimin e mallrave.

“Do të shkurtojë procedurat dhe kohën e pritjes sepse kamionët nuk do të kenë nevojë të ndalojnë në pikën e kalimit kufitar”, shpjegoi Panxha./Media Ndërtimi.

Continue Reading

Arkitekturë

Panairi i Dizajnit në Paris shtyhet për në mars 2022

Published

on

Organizatorët e panairit të dizajnit Maison&Objet në Paris kanë njoftuar se eventi i tij i janarit do të shtyhet deri në mars për shkak të rritjes së rasteve të koronavirusit në të gjithë Evropën.

Edicioni i ardhshëm i shfaqjes tregtare dyvjeçare do të zhvillohej nga 18 deri më 22 janar 2022, por tani do të mbahet nga 24 deri më 28 mars 2022.

Është hera e dytë që Maison&Objet ndikohet nga pandemia Covid-19, pas anulimit të eventit fizik të shtatorit 2020, i cili u zëvendësua me një botim online.

Pjesëmarrësit “nuk duan që punonjësit e tyre të marrin rreziqe”

Organizatorët e Maison&Objet thanë se vendimi vjen pas “valës së re të Covid-it, të përforcuar nga zgjerimi i shpejtë i variantit Omicron”, i cili ka parë një rënie të të pranishmëve të regjistruar.

Për më tepër, kufizimet e reja të prezantuara nga qeveria franceze për të frenuar transmetimin e virusit kanë numër të kufizuar që mund të marrin pjesë në ngjarje të mëdha të brendshme.

“Të ndikuar nga kjo rritje, shumë kompani në mesin e 1700 kompanive që kanë konfirmuar se do të marrin pjesë, tregojnë se nuk duan që punonjësit e tyre të rrezikojnë dhe tani janë duke alarmuar për ndërprerjet që po përjetojnë në operacionet e tyre”, thuhet në një deklaratë nga Maison&Objet./Media Ndërtimi.

Continue Reading

Trending