Aktuale

Blerim Kuçi pritet të jetë ministër i Zhvillimit Ekonomik

Published

4 years ago

April 29, 2020

Kryetari i Aleancës për Ardhmërinë e Kosovës , Ramush Haradinaj, nga oborri i Kuvendit të Kosovës, ka deklaruar se tani çdo gjë është e gatshme për tu mbajtur seanca për votimin e qeverisë së re dhe se janë pajtuar me partnerin e tyre LDK-në që partisë së Haradianajt ti takojnë katër ministri dhe zëvendëskryeministri i parë. Ai i ka konfirmuar edhe emrat e kandidatëve të partisë së tij për të qenë ministra.

“Aleanca në këtë qeveri mban përgjegjësi, për politikën e jashtme, ministrinë e punëve të jashtme të drejtësisë të zhvillimit ekonomik dhe të arsimit, janë zëvendëskryeministri Besnik Tahiri, pastaj ministri e jashtme Meliza Haradinaj, nuk është e familjes time,ministri i drejtësisë Selim Selimi, ministri i zhvillimit ekonomik Blerim Kuçi, si dhe Ramë Likaj do të jetë ministër i Arsimit”, tha Haradinaj.

Ai tutje ka thënë se çdo gjë është e gatshme për tu mbajtur seanca, por se kohën kur ajo do të mbahen i takon LDK-së të tregoj.

Haradinaj ka sqaruar tutje se me Mustafën e kandidatin e LDK-së për kryeministër Avdullah Hoti kanë diskutuar për shumë çështje e njëra ndër to ka qenë edhe autostradat e shumë diskutuara si dhe çështja e demarkacionit.

Mirëpo prioritet i qeverisë së drejtuar nga Hoti, sipas Haradinajt duhet të jetë rimëkëmbja ekonomike, për shkak se shumë biznese janë në prag të falimentimit si dhe shumë njerëz kanë mbetur pa punë dhe rrjedhimisht janë në kufijt e ekzistencës, andaj duhet një infuzion ekonomik ka thënë Haradinaj.

Aktuale

Komuna e Prishtinës subvencionon ujitjen e 200 hektarëve tokë të mbjella me kultura bujqësore

Published

3 days ago

May 10, 2024

Ndertimi Media

Kryetari i Komunës së Prishtinës, Përparim Rama ka nënshkruar Memorandumin e Bashkëpunimit me Faruk Mujkën, kryeshefin ekzekutiv të Ndërmarrjes Hidroekonomike “Ibër -Lepenc” për ujitjen e kulturave bujqësore në kryeqytet.

“Përmes këtij Memorandumi, Kryeqyteti do të ofrojë subvencionimin e ujitjes së 200 hektarëve tokë për fermerët në Kryeqytet. Me këtë bashkëpunim synojmë të përmirësojmë dhe të rrisim produktivitetin e bujqësisë së kryeqytetit duke ua lehtësuar punën bujqve tanë.”, deklaroi kryetari Rama./Media Ndërtimi

Aktuale

“Architech Festival” sjell edicionin e 5-të nga muaji Maj dhe do të zgjasë deri në Shtator

Published

3 days ago

May 10, 2024

Ndertimi Media

Festivali i ArchiTech është zyrtarisht duke filluar nga muaji Maj dhe do të zgjasë deri në Shtator 2024.

Çfarë ju pret në këtë Edicion? Këtë Edicion do të ketë aktivitete inovative, projekte për hapësirat publike, takime me arkitektë/dizajnerë të ndryshëm dhe komunitetin, dhe shumë më tepër! Ky është momenti për tu angazhuar në krijimtarinë arkitekturore se si hapësirat publike përceptohen dhe mund të shfrytëzohen si dhe për të hulumtuar rreth sfidave dhe mundësive që ofron mjedisi ynë urban.

Ne jemi të gatshëm për të ndarë me ju ide dhe kohë për tu takuar e biseduar mbi nevojat, kërkesat dhe ide innovative mbi përkushtimin ndaj një hapësire urbane më të bukur, dinamike dhe funksionale./Media Ndërtimi

Aktuale

Gjermanët punuan 1.3 miliard orë jashtë orarit në vitin 2023

Published

4 days ago

May 9, 2024

Ndertimi Media

Punëtorët në Gjermani punuan rreth 1.3 miliard orë jashtë orarit në vitin 2023, tregojnë të dhënat e publikuara nga Instituti për Kërkime të Punësimit (IAB).Sipas tyre, më shumë se gjysma e kësaj kohe, 775 milionë orë, mbeti pa u paguar.

Ministria e Punës e Gjermanisë tha se mesatarisht, secili punëtor punoi 31.6 orë jashtë orarit në vitin 2023, prej të cilave 18.4 mbetën pa u paguar.

Komentet erdhën në përgjigje të një pyetjeje parlamentare nga Susanne Ferschl, ligjvënëse nga partia e majtë Die Linke.

“Punëdhënësit kursejnë miliarda në paga duke mos i paguar orët jashtë orarit, ndërsa punonjësit vuajnë nga zgjatja e orarit të punës dhe kërkesat e vazhdueshme për fleksibilitet” – tha Ferschl, raporton DPA.

Sipas të dhënave, totali i punës jashtë orarit vitin e kaluar korrespondon me 835.000 vende të punës me kohë të plotë.

Totali i orëve jashtë orarit në vitin 2023 ra për rreth 100 milionë orë nga viti paraprak, kur punëtorët regjistruan gjithsej 1.4 miliard orë jashtë orarit./Media Ndërtimi