Connect with us

Aktuale

Bizneset kërkojnë nga Qeveria tri vendime të shpejta

Published

on

Oda Ekonomike e Kosovës, ajo Ekonomike Amerikane në Kosovë, ajo e Afarizmit, Klubi i Prodhuesve dhe Shoqata e Kontabilistëve dhe Auditorëve, përmes një konference për media, kanë prezantuar kërkesat e komunitetit të biznesit karshi masave të marra nga qeveria për përballje me koronavirusin.

Berat Rukiqi, kryetar i Odës Ekonomike të Kosovës, ka thënë se pika kryesore është që të mos ndalet prodhimi, teksa u ka bërë apel punëtorëve të veprimtarive që s’janë të ndaluara me vendim të qeverisë, të dalin në vendet e tyre të punës, duke qenë të vëmendshëm me masat parandaluese.

“Pritet që kjo situatë, pavarësisht sa zgjatë, do të ketë pasojat e veta në sektorin privat. Kemi pas takim dje me një pjesë të qeverisë. Por ajo që sot u mblodhëm ishte nevoja që të vetëdijesohen kompanitë dhe punëtorët sa i përket obligimeve që kanë pas vendimeve të Qeverisë. Po i referohem pjesës ku Qeveria ju rekomandon kompanive që punët që munden të kryhen nga shtëpia të organizohen si të tilla. Por çka ka ndodh dje? Ka qenë diçka e jashtëzakonshme. Ka pas refuzime masive të punëtorëve që të dalin në punë, duke iu referuar këtyre vendimeve. Aq më keq edhe komunat e kanë keqlexuar këtë pikë. Kanë mbyll pikat pa nevojë. Është rasti i disa kompanive prodhuese ku inspektorët kanë shkuar. Ne iu bëjmë thirrje edhe kompanive që të marrin masat. Kjo pikë e vendimit ka shkaktuar jashtëzakonisht konfuzion. I tërë ky konfuzion dhe ajo ndërprerja e punëve ndikon edhe komplet zinxhirin e furnizimit. Janë shumë shpërblime jetike, përfshirë internetin edhe telefoninë, duhet të kuptojmë që kujdesi është i nevojshëm dhe domosdoshëm. Masat për të preventuar janë të domosdoshme, por jeta nuk ndalet në asnjë vend. Fabrikat tani punojnë edhe në Itali, që ka marrë masat më dramatike. Edhe në Kinë ka ndodhur njëjtë. Nuk ndalet jeta, s’ndalet prodhimi sepse kjo e rrezikon vetë furnizimin në kohë krize, por mund të sjellë pasoja të pariparueshme për ekonominë”, ka thënë ai. “Apeli është i drejtpërdrejtë, punëtorët në ato veprimtari që s’janë të ndaluara, duhet të dalin në vendin e punës e të kryejnë punët me masat e duhura. Inspektorët e komunat duhet të mos shkelin ligjin”.

Tri vendimet e shpejta që ai ka propozuar janë:

  1. Shtyrja apo riprogramimi i kredive në mënyrë që të mos ketë presion te biznese dhe qytetarët për pagesën e tyre në kohën kur mund të rrezikohen të arhdurat e tyre. Ka premtim nga BQK-ja që të hënën do të ketë vendim, siç kanë vepruar të tjerat.
  2. Shtyrja e raportimit financiar. Edhe për TVSH-në, por edhe ato vjetore.
  3. Qartësimin apo një qarkore që do të jepte një drejtim të duhur për implementimin e dispozitës për punën e njërit prind në atë mënyrë që njëri prind të jetë në kujdes të prindërve.

Rukiqi ka thënë po ashtu se kanë propozuar një pako stimuluese që të sanohen disa nga pasojat, ku është përmendur pagesa e qirave, mungesa e punëtorëve apo të paktën paga minimale për bizneset që pësojnë.

Është kërkuar po ashtu që Qeveria të dalë me fushatë të gjerë vetëdijesimi për qytetarët për të mos lejuar panik e veprime të pakontrolluara nga qytetarët e bizneset.

 

 

Click to comment

You must be logged in to post a comment Login

Leave a Reply

Aktuale

Prokuroria e Pejës sekuestron ekskavatorë e kamionë nga një eksploatues i zhavorrit

Published

on

Pesë bagerë, tre nga ta ekskavatorë dhe dy lugë ngarkuese si dhe katër kamionë janë sekuestruar gjatë një aksioni që është realizuar të mërkurën, më 12.06.2024, me urdhër të Prokurorisë së Pejës.

Makineritë e rënda për përpunimin e zhavorrit e gurit dyshohet se janë përdorur për të shkatërruar apo degraduar natyrën.

Kallxo.com ka kontaktuar me zëdhënësin e Prokurorisë së Pejës, Shkodran Nikçin, i cili konfirmoi aksionin e të mërkurës.

Sipas tij, një kompani po kryente vepër penale në seperacionin i cili gjendet në fshatin Ozdrim të Pejës.

Pronari i kompanisë dyshohet se ka kryer veprën penale të ndotjes, degradimit ose shkatërrimit të mjedisit.

Në fotografitë të cilat i ka siguruar Kallxo.com janë disa prej makinerive që janë sekuestruar nga njëri nga prokurorët e Pejës në një rast që ka trajtuar ditëve të fundit.

“Janë në kuadër të veprimeve të shumta hetimore që janë bërë në lidhje me këto çështje që prekin degradimin e natyrës. Mund të ju konfirmoj se janë sekuestruar makineri nga një kompani në lidhje me këtë rast” – tha Nikçi./Media Ndërtimi

 

Continue Reading

Aktuale

Pritet marrëveshja për ndërtimin e objektit për degën e Farmacisë në hapësirat e QKUK-së

Published

on

Ministria e Shëndetësisë dhe Universiteti i Prishtinës, Hasan Prishtina, do të nënshkruajnë marrëveshje për ndërtimin e objektit të degës së Farmacisë të Fakultetit të Mjekësisë, raporton Ekonomia Online. Kjo u bë e ditur pas një takimi që ka pasur ministri i Shëndetësisë, Arben Vitia, me takim Rektorin e Universitetit të Prishtinës, Prof. Dr. Qerim Qerimi dhe drejtues të QKUK-së e Fakultetit të Mjekësisë.

“Gjatë takimit, Rektori i Universitetit të Prishtinës, Dr. Qerimi dhe U.D. Dekani i Fakultetit të Mjekësisë, Dr. Fatos Sada, i dorëzuan Ministrit Vitia kërkesën për lejimin e shfrytëzimit të hapësirës brenda QKUK-së për ndërtimin e objektit për degën e Farmacisë të Fakultetit të Mjekësisë.

Gjithashtu, në këtë takim është diskutuar dhe dakorduar që të nënshkruhet një marrëveshje bashkëpunimi, e cila do të rregulloj punën e integruar të stafit akademik brenda dy institucioneve gjegjëse (FM-UPHP dhe SHSKUK-së)”, thuhet në njoftimin e Ministrisë së Shëndetësisë./Media Ndërtimi

Continue Reading

Aktuale

Kosovë – Shqipëri, nis zbatimi i regjimit të lirë të trafikut ndërkufitar

Published

on

Ministri i Brendshëm i Shqipërisë Taulant Balla njoftoi se sot (e mërkurë) ka hyrë në fuqi regjimi i lirë i trafikut në kufirin mes Shqipërisë dhe Kosovës, pjesë e marrëveshjeve të nënshkruara mes dy qeverive.

Balla, përmes një postimi në rrjetet sociale Facebook, se në pikat e kalimit kufitarë në Morinë dhe Vermicë do të ketë korsi të dedikuara për kalimin e lehtësuar të kufirit.

“Sot fillon zbatimi i regjimit të lirë të trafikut lokal të kufirit në hapësirën prej 30 km nga të dy anët e kufirit mes Shqipërisë dhe Kosovës, në pikat e veçanta të kalimit kufitar. Ndërsa në Pikat Kufitare të Morinës dhe Vermicës do të ketë korsi të dedikuara për kalimin e lehtësuar të kufirit”, shkruan Balla në Facebook.

Në bazë të kësaj marrëveshjeje të nënshkruar më 26 nëntor 2021, zona kufitare e lëvizjes së lirë të banorëve me leje të trafikut lokal kufitar është deri në 30 km brenda territorit të palëve nënshkruese.

Marrëveshja parashikon ekzistencën e një entiteti territorial-administrativ, 30 km në brendësi të Shqipërisë dhe 30 km në brendësi të Kosovës, ku shtetasit në të dyja anët do të përfitojnë shërbime të njëjta si në Kosovë, ashtu edhe në Shqipëri, sikur të jenë shtetas të të dyja vendeve.

Nga kjo marrëveshje përfitojnë rreth 300 mijë banorë, të cilët mund të ndjekin lirisht shkollën që nga fillorja e deri në të mesmen, në varësi të vendndodhjes së institucioneve arsimore në të dy anët e kufirit. Mund të shkojnë të punojnë në të dy anët e kufirit./Media Ndërtimi

Continue Reading

Trending