Connect with us

Aktuale

Banka Botërore: Do të kthehen gurët mbi fasadën e Fakultetit të Arteve

Published

on

Janë bërë disa ditë prej kur u pa që kati përdhesë i Fakultetit të Arteve ka filluar të ketë ndryshime. Gurët e tij në fasadë kanë filluar të mbulohen me stiropor, duke e humbur kujtesën e atij objekti dhe origjinalitetin e tij. E gjitha kjo po bëhet nga një projekt i Bankës Botërore me ish-Ministrinë e Zhvillimit Ekonomik për të rritur Efiçiencën e Energjisë në objektet e vjetra.

Në këtë mes stafi i Rektoratit të Universitetit të Prishtinës dhe Dekani i Fakultetit të Arteve i kanë çuar duart, duke thënë se ky është projekt i Bankës Botërore dhe këtu përfundon gjithçka.

Janë projekte të përzgjedhura prej Ministrisë së Zhvillimit Ekonomik. Edhe pllakatet janë vu përpara, në objektet të cilat kryhen punimet. Por, nuk është investim i universitetit, është investim i Bankës Botërore”, ka thënë dekani i Fakultetit të Arteve, Agim Selimi për Ndërtimi.info.

Në anën tjetër reagimi i profesionistëve të fushës nuk ka munguar. Disa prej tyre kanë qenë të mendimit se ky veprim është një veprim i keq, e të tjerët thonë se s’ka ndonjë vlerë në atë fasadë dhe mund të mbulohet.

Është fatkeqësi që i jepet aminin këtyre maskaradave prej profesionistëve. Dekani i Fakultetit të Arteve ndoshta ka plotësisht ‘të drejtë’ me mbrojt projektin, sepse për fatin tonë të keq e ka mbrojt edhe Fakulteti i Arkitekturës është shpërfytyrua Fakulteti Teknik. E keqja më e madhe po bëhet në emër të së mirës, këtu po bëhet hata në emër të së mirës, në emër të efiçiencës energjetike. Ne të gjithë e dimë se cka është energjia, që duhet të kemi kujdes për të, por duhet të kemi kujdes edhe për identitetin arkitektonik… Fasada prej gurësh që sot po mbulohet sot është 100 – 12 euro metri katror, ndërsa nje metër katror i asaj fasadës mund të shkojë deri në 15 euro”, ishin fjalët e profesor Arbër Sadikit, një nga profesionistët që ka reaguar gjithmonë në raste të tilla. Ishte po i njëjti profesor që në kohën kur Fakulteti Teknik u shpërfytyrua, që fliste e protestonte, por pa sukses.

Por, profesoresha Florina Jerliu ka thënë se ky mbulim me stiropor nuk paraqet fare problem.

Unë konsideroj që nuk është gabim, sepse nuk kemi të bëjmë as me gurë historikë e as ndërtesë historike”, tha profesoresha Jerliu.

Banka Botërore: Do t’ia kthejmë gurët mbi fasadë

Banka Botërore si flamurtare e këtij projekti dha premtimin që do të flasë për kamerën e Ndërtimi.info. Mirëpo, muret jo të pastërta të zyrës, ishte “arsyeja” që nuk mund të bëhej asgjë me kamerë.

Megjithatë, Kreshnik Muhaxheri, që është zyrtar i Bankës Botërore dhe menaxher i këtij projekti, përmes MZHE-së, tregoi me shkrim se çka po ngjan me këtë projekt.

Fakulteti i Arteve- Dega Pikturë është duke renovuar me qëllim të kursimit të energjisë dhe rritjes se komforit termik brenda objektit. Mbështjellësi termik i këtij objekti do të jetë me trashësi prej 10cm dhe mbi te me projekt janë paraparë të vendosen pllaka guri të cilat vizuelisht do të jenë shumë të ngjashme me pllakat e ekzistuese”, ka thënë Muhaxheri, që thotë se projekti është hartuar dhe miratuar nga profesionistë të institucioneve relevante.

Në rastin e kësaj ndërtese, leja për ndërhyrje është marrë në korrik të 2019-s, teksa pritet të përfundojë deri në fund të vitit.

Me projektin për efiçiencë të energjisë dhe burimeve të ripërtëritshme të energjisë parashihet të rehabilitohen 30 ndërtesa të ngjashme.

Aktuale

Ekspertët e AKK-së diskutojnë për zhvillimin e sistemeve kadastrale

Published

on

Menaxhmenti i Agjencisë Kadastrale të Kosovës ka ftuar në një takim gjithëpërfshirës të gjithë ekspertët e institucionit, për të diskutuar në lidhje me projektet e planifikuara për avancim dhe zhvillim gjatë këtij viti dhe vitit të ardhshëm, të sistemeve kadastrale dhe sistemeve tjera me të cilat menaxhon AKK.

Në këtë takim, përveç prezantimit të punës së deritanishme të grupit punues për këtë çështje, u kërkua nga secili që të paraqesë idetë dhe kërkesat për ndryshime në secilin sistem të cilët janë planifikuar të zhvillohen.

Gjatë ditëve në vijim, Agjencia Kadastrale e Kosovës do të mbajë takim edhe me palë tjera të interesit me qëllim të informimit mbi punën, projektet dhe aktivitetet e AKK-së./Media Ndërimi

Continue Reading

Aktuale

Ministria e Financave rekruton staf për mbledhje të tatimit në pronë

Published

on

Me qëllim të grumbullimit të mjeteve në tatimin në pronë, ministria e Financave dhe Transfereve ka shpall tender për gjetjen e një “profesionisti” i cili ka traget mbledhjen e detyrueshme të tatimit në pronë.

Sipas vendimit të bërë publik në Komisionin Rregullativ të Prokurimit Publik (KRPP) nga tre aplikonte, Ramiz Ramadani është vlerësuar me pikë maksimale dhe e ka fituar punën.

Ai për 12 muaj për mbledhje të tatimit do të paguhet 9 mijë e 840 euro, raporton IndeksOnline.

Ministria e Financave, Punës dhe Transfereve udhëhiqet nga ministri Hekuran Murati, nga e cila IndeksOnline nuk ka marrë përgjigje si zakonisht për pyetjet e dërguara.

Po ashtu nuk dihet nëse ministria që drejton Murati e ka shuar departamentin e tatimit të pronës, ku në të kaluarën ka pasur të punësuar./Media Ndërtimi

Continue Reading

Aktuale

Mungesa e inventarit në vlerë të 80 mijë eurove për QKMF-në Gjilan, të dhënat dërgohen në hetuesi

Published

on

Kryetari i Gjilanit, Alban Hyseni, ka thënë se të gjitha të dhënat që janë raportuar për inventarin në vlerë të 80 mijë eurove për në QKMF-në në Gjilan, i ka dërguar në hetuesi.

Hyseni, fillimisht tha se në momentin kur është bërë auditimi në QKMF është konstatuar që ka mungesë të inventarit në raport me blerjet që janë bërë.

“Tash së fundmi kam parë disa lajme nëpër portale me fotografinë time dhe me zhdukjen e këtyre 80-mijë eurove. Unë kam deklaruar publikisht, të gjitha të dhënat sa i përket këtij rasti do t’i dërgoj në hetuesi, dhe këtë e kam bërë. Është një polic i krimeve ekonomike ose i hetuesisë së krimeve ekonomike që ka ardhë në zyre te unë dhe i ka marrë këto materiale, edhe të printuara si raport, por edhe si USB, pra material elektronik. Në raportin e auditorit të brendshëm të Komunës së Gjilanit, kur është bërë auditimi i Qendrës Kryesore të Mjekësisë Familjare është konstatuar që ka mungesë të inventarit në raport me blerjet që janë bërë. Pra gjendje faktike me gjendjen që ka qenë e deklaruar përmes faturave”, tha ai në emisionin “Këndi i Debatit” në Tëvë1.

Ai tha se si parti kanë mbërri në momentin kur është bërë vetëm kalimi i stafit nga objekti i vjetër në atë të riun.

“Kur kemi qenë në qeverisje QKMF ka qenë në objektin e vjetër, ndërkohë tranzicioni është bërë në qershor të vitit të kaluar dhe kemi dalë nga objekti i vjetër në objektin e ri. Të gjitha porositë për inventarizim të objektit të ri kanë qenë tashmë të bëra, pra kanë qenë porosi të mëhershme. Ka komision për inventarizim, ka zyrtarë për pranim. Ne e kemi mbërri vetëm kalimin e stafit nga objekti i vjetër në të riun. Pjesa e porosive për këto materiale inventarizimi është kryer më herët, nga një komision paraprak. Ndërkohë, ajo çfarë ka ndodhur në vitin 2021 dhe 2022 është vetëm pranimi i mallit. Menaxhmenti ka qenë i njëjtë qysh ka qenë më herët, pa asnjë ndryshim të vetëm. Vetëm kryeinfermierja është me ushtrues detyre tani, sepse ajo që ka qenë më herë ka dalë në pension, dhe nuk është hapur ende konkursi”, tha i pari i Gjilanit.

Hyseni, tha se tashmë janë porositur mbi 500 tavolina, por që mungojnë më shumë se gjysma e tyre.

“Ajo çfarë ka ndodhur tash është se kemi mbi 500 tavolina që i kanë porositur dhe mungojnë më shumë se gjysma e tyre. Pse? Këtë duhet ta thotë hetuesia. Në raportin e auditorit të brendshëm thuhet se janë porositur kaq tavolina, kaq dollape e kështu me radhë, dhe janë evidentuar në vendin e ngjarjes kjo, kjo, kjo. Kjo temë është politizuar shumë shpejtë. Unë kam kërkuar nga drejtoresha e Shëndetësisë, që këtë rast të ia lëmë në dorë hetuesisë dhe të mos merremi fare me këtë punë”, tha kryetari nga radhët e Lëvizjes Vetëvendosje.

Kryetari i Gjilanit tha se vlera e inventarit arrin afro 100 mijë euro, jo vetëm 80 mijë.

“Ka vlerë, nuk është vetëm 80 mijë, ka më shumë. Sepse, raporti i auditorit të jashtëm që ka nxjerrë këtë informacion është për vitin 2022, por këtu ka porosi edhe për vitin 2021, ka edhe për 2020. Shuma është afërsish 100 mijë eurove. Mandej, çfarë ka ndodhur? Janë porositur disa materiale për korridore dhe është thënë se këto janë kompensuar me ato, vlera është e njëjtë, e kështu me radhë”, shtoi ai./Media Ndërtimi

Continue Reading

Trending