Connect with us

Infrastrukturë

“Avonet” kërkon nga Ministria e Infrastrukturës pezullimin e punimeve në projektin “Bashkimi i Qytetit” në Ferizaj

Published

on

Rrjeti i OJQ-ve “Avonet” ka kërkuar qasje në dokumente publike në ministrinë e Infrastrukturës dhe Ambientit, lidhur me projektin katër milionësh të ashtuquajtur “Bashkimi i Qytetit” në Ferizaj.

Njëkohësisht, kjo OJQ, ka kërkuar nga ministri Lumir Abdixhiku t’i pezulloi punimet në këtë projekt me arsyetim se janë bërë një varg shkeljesh ligjore.

Sipas kësaj OJQ-je punimet në këtë projekt kanë vazhduar në mungesë të transparencës, në kundërshtim me Planin Zhvillimor Komunal, në kundërshtim me financat publike dhe nuk është bërë publike as kontrata dhe as projekti në detaje. Po ashtu punimet në këtë projekt po vazhdojnë pa ndonjë studim të fizibilitetit dhe studimit gjeomekanik të tokës, raporton Koha.

“Përmes këtij dokumenti i nderuar ministër Abdixhiku, iu bëjmë thirrje t’i pezulloni punimet e projektit ‘Bashkimi i Qytetit’ i cili është duke u realizuar në Ferizaj në bashkëfinancim me Ministrinë e Infrastrukturës dhe Ambientit dhe Komunën e Ferizajt, për arsyeje se ky projekt nuk ka transparencë dhe nuk është bërë publike as kontrata dhe as projekti në detaje. Deri më tashti ky projekt ka hasur shumë dilema të mëdha si te qytetarët, shoqëria civile dhe partitë politike në Komunën e Ferizajt. Për implementimin e tij nuk është prezantuar projekti në opinion edhe nuk dihet saktësisht shuma financiare e projektit”, thuhet midis të tjerash në shkresën e kësaj OJQ-je.

I kontaktuar, drejtori i kësaj OJQ-je, Kenan Gashi, ka thënë se projekti i ashtuquajtur “Bashkimi i Qytetit” në Ferizaj, ka vazhduar me një varg parregullsish dhe dilemash se si është proceduar dhe iniciuar si projektit e deri te zyra e prokurimit se si është proceduar në prokurim.

Sipas tij, gjatë fillimit të realizimit të projektit një grup i komunitetit të biznesit ka reaguar për mos përshtatjen e projektit me kushtet të cilët janë ballafaquar gjatë fillimit të projektit, ndërkohë ka pasur shqetësime edhe nga qytetarët dhe shoqëria civile.

“Projekti “Bashkimi i Qytetit”, nuk është gjetur në planifikimin buxhetor, as në kodet buxhetore, pastaj nuk është planifikuar në planin e prokurimit dhe nuk është bërë ndonjë studim i fizibilitetit të tokës. Po ashtu ky projekt nuk ofron as siguri për qytetarët derisa ende nuk janë vendosur shtyllat (pilot-sigurie) të cilët janë të domosdoshëm për ta ruajtur bazën e objekteve përreth projektit. Prandaj ne kemi kërkuar të pezullohen punimet derisa të shqyrtohen të gjitha dokumentacionet dhe ligjet në fuqi”, ka thënë Gashi.

Infrastrukturë

Tuneli spirale i ndërtuar në Kinë, njihet zyrtarisht si më i gjati në botë

Published

on

Një tunel spirale në Kinë, i ndërtuar nga gjigandi kinez i ndërtimit China State Construction (CSCEC), është njohur si më i gjati në botë.

Guinness World Records ka lëshuar një certifikatë për të konfirmuar statusin e tunelit Hankou në autostradën Xinxiang-Jincheng, e cila është 4,457 metra e gjatë, si pjesa më e gjatë e tunelit rrugor spirale në botë.

Autostrada Xinxiang-Jincheng përfshin 69.8 km që lidh provincat Henan dhe Shanxi nëpërmjet maleve Taihang.

Sistemi spirale i tunelit të autostradës së shpejtë përbëhet nga nëntë tunele që kalojnë nëpër vargmalin malor, me një gjatësi totale prej 28 km.

Tuneli Hanko varion në lartësi nga 784m deri në 893m, me një diferencë maksimale në lartësi ndërmjet hyrjes dhe daljes së tunelit prej 109m, dhe ka një rreze minimale prej 70m.

CSCEC përdori BIM për projektin, si dhe kodet e identifikimit për materialet në kantierin e ndërtimit për të minimizuar humbjet. Ai përdori gjithashtu sensorë IoT në të gjithë vendin e ndërtimit për të mbledhur të dhëna në kohë reale mbi vendosjen e tokës, uljen e harkut dhe matje të tjera.

Autostrada e shpejtë u hap në vitin 2022./Media Ndërtimi

Continue Reading

Infrastrukturë

Marrëveshje prej 302 milion € për ndërtimin e fabrikës hekurudhore zvicerane

Published

on

Një konsorcium i udhëhequr nga kompania zvicerane e ndërtimit CSC Costruzioni ka fituar një kontratë me vlerë 302 milionë euro (327 milionë dollarë amerikanë) për të ndërtuar një fabrikë të re hekurudhore në Zvicër.

CSC Costruzioni, një degë e Webuild, mban një aksion prej 67% në konsorciumin që do të ndërtojë projektin Nuovo Stabilimento Industriale Ferroviario (NSIF) në Ticino, Zvicër.

Konsorciumi i quajtur Consorzio Officine Ticinesi OFT do të zbatojë punimet përgatitore dhe punimet e gërmimit për FFS (Ferrovie Federali Svizzere) përpara se të ndërtojë godinën kryesore, ndërtesat teknike pranë dhe të gjitha punimet për zonat e jashtme.

Puna pritet të nisë në korrik të këtij viti, përpara përfundimit në vitin 2027./Media Ndërtimi

Continue Reading

Infrastrukturë

Korsi për autobusët dhe rehabilitimi i stacioneve në Tiranë, lidhet kontrata

Published

on

Projekti për ndërhyrjen në disa rrugë në Tiranë për të mundësuar korsi të dedikuar për autobusët si dhe rehabilitimin e disa stacioneve ka tashmë një kontratë të finalizuar.

Bashkia e Tiranës njoftoi në sistemin e prokurimeve se procedura që ka këtë objekt është fituar nga kompania “Liqeni VII” për një vlerë 95.2 milionë lekë me TVSH dhe punimet do të kryhen në harkun kohor të 9 muajve.

Referuar dokumenteve të bëra publikë në fazën e parë të prokurimit parashikohen ndërhyrje në disa segmente. Kështu projekt zbatimi i korsive të dedikuara për autobus përfshin rrugët:

– Unaza e mesme (nga kryqëzimi i “Brrylit” deri te ura “Vasil Shanto” në të dyja anët e lumit “Lana”).

– E “Kavajës” (segmenti nga sheshi “Mustafa Qemal Ataturku” – kryqëzimi me “Ibrahim Rugova”)

– “Muhamet Gjollesha” (segmenti nga ura “Vasil Shanto” – sheshi “Karl Topia”)” thuhet në dokument.

Të njëjtat dokumente parashikojnë edhe rehabilitim të stacioneve ku përfshihen 3 korridoret e linjave të transportit publik qytetës si dhe zonën përreth qendrës ku dhe përqendrimi i udhëtarëve dhe kërkesa për transit është më e madhe:

– Linja “Kinostudio Kombinat”

– Linja “Tirana e Re”

– Linja “Unaza,

“Rrugët janë kryesisht në gjendje të mirë. Ka dëmtime të riparueshme në pjesën e asfaltit në disa segmente ku aktualisht janë vend parkime për automjete.

Sipas detyrës së projektimit rrjeti i kanalizimeve te ujërave dhe bardha dhe te zeza është funksional dhe ne gjendje te mire.

Në stacionet e urbaneve mungojnë tabelat informuese për qytetarët. Në mungesë të një korsie të dedikuar autobusëve kemi vonesa në frekuencën e tyre, trafik, tejmbushje e tyre.

Gjithashtu është i nevojshëm rehabilitim i kurorave të gjelbërta përgjatë segmenteve të projektit, vend grumbullim të mbetjeve urbane dhe elementit ndarës/mbrojtës të kësaj korsie të përshtatshme për evitimin e “kërcimit të gomave” nënvizonte dokumenti./Media Ndërtimi

Continue Reading

Trending