Aktuale
Rregullimi i sheshit në qytetin e Ferizajt nuk përfundon brenda afatit kohor
Derisa banorët e fshatrave të Komunës së Ferizajt po e urojnë pushtetin lokal për asfaltimin e rrugicave të tyre, në anën tjetër banorët e qytetit po ankohen se qeverisja Svarqa i ka lënë anash me investime.
Këto reagime, për kryetarin e Komunës po duken të paarsyeshme, pasi sipas tij, investimet kapitale po realizohen në bazë të prioriteteve. Gjatë një përurimi të asfaltit në Dogana të Ferizajt, Svarqa paralajmëroi projektet që do të nisin shpejt në qytet.
“Investimet janë duke u bërë në qytet, kanë përfunduar procedurat e tenderimit për katër llote në katër pjesë të qytetit, ku në tri llote kanë filluar punë në terren dhe pritet që të fillojnë edhe për lloton e katër dhe beson që ne do të arrijmë që së paku t’i kemi të përfunduara të gjitha procedurat e tenderimit për asfaltimin e të gjitha rrugëve të qytetit. Ky projekt do të vazhdoj edhe në vitin e ardhshëm por që përfundimisht përmbyll ciklin e investimeve rrugore në qytet, sado që qyteti ka nevojë vazhdimisht për investime, pasi që po zgjerohet çdo ditë”, tha Svarqa, raporton Televizioni Tema.
I pyetur nga gazetarë pse sheshi i qyteti nuk u rregullua brenda afateve kohore, Svarqa u arsyetua se përmirësimi i vërejtjeve që kanë dhënë mikëqyrësit e punimeve, ka bërë që punët në këtë projekt kapit të zgjasin më shumë se 140 ditë, sa ishte zotuar ai.
“Unë kam thënë që sheshi do të ndërtohet në segmente, pavarësisht që është tenderuar si tërësi, pasi që vlera e këtij projekti hap një gjatësi të jashtëzakonshme që është 50 % më lirë sesa shuma që ka qenë 50 %më e vogël e sheshit të kaluar, që është ndërtuar nën pushtetin e PDK’së .Është duke u punuar sipas dinamiës së paraprë, menaxherët që merren me kontrollimin e punimeve në vërejtjet që kanë dhënë disa herë kanë ndikuar që një numër i atyre pllakave të zhvendosen prapë dhe kjo ka kushtuar pak në kohë. Por gjithsesi të përmbyllet ky projekt që do ta ketë pamjen me estetike në qytet dhe më estetike në qytet dhe më funksionale”, theksoi Svarqa.
U bë e ditur se në fshatin Doganaj do të asfaltohen 7 rrugica në gjatësi mbi 1 mijë e 350 metra, të cilat do t’iu mundësojnë banorëve të këtushëm të lidhen me lagjet e fshatit edhe me qytetin.
-
Infrastrukturë2 days ago
AVONET: Gjykata Supreme me vendim skandaloz po i shërben ‘mafisë së betonit’
-
Infrastrukturë2 days ago
Komuna e Prishtinës hap tender 6 milionë euro për ndërtimin e nënkalimit në rrugë “Agim Ramadani”
-
Infrastrukturë2 days ago
“Super Kanalizim” i Londrës përfundon ndërtimin e nëntokës
-
Aktuale2 days ago
’53 milionëshi’ – Pse Gjykata e Prishtinës vendosi që kompensimi të zgjidhet në kontest juridiko-civil
-
Infrastrukturë1 day ago
Pas pesë javësh skadon licenca e Terminalit Doganor në Ferizaj
-
Infrastrukturë6 hours ago
Hap dyert ‘Zenova Home’, partneri juaj për mobilimin e shtëpisë
-
Infrastrukturë4 hours ago
Kontraktori kinez i tuneleve pretendon rekord të ri në drejtimin e tunelit të autostradës së Gjeorgjisë
-
Infrastrukturë1 day ago
Hapësirat publike dhe roli i tyre kryesor në ndërtimin e qëndrueshmërisë klimatike
You must be logged in to post a comment Login