Connect with us

Aktuale

Prerjet masive, Kosova rrezikon të mbetet pa pyje

Published

on

Pyjet në Kosovë po shkatërrohen. Të dhënat zyrtare tregojnë për degradim të pyjeve në nivele alarmante.

Vetëm brenda një viti, Agjencia Pyjore e Kosovës pranon mijëra fletëparaqitje të ngritura kundërvajtëse dhe penale për prerje ilegale të pyjeve.

Zyrtarët e Agjencisë Pyjore të Kosovës, tregojnë se vetëm gjatë periudhës janar-qershor kanë pranuar 2 mijë e 115 fletëparaqitje të ngritura kundërvajtëse dhe penale nëpër të gjitha komunat e Kosovës.

Prej tyre, vetëm 1 mijë e 781 gjyqësori është treguar efikas ne realizimin e tyre.

Ndërkohë, nga dëmtimi i pyjeve vetëm për periudhën janar-qershor buxheti i Kosovës është dëmtuar gjysmë milioni euro.

Kjo bëhet e ditur nga raporti i përgjithshëm i fletëparaqitjeve për periudhën janar-qershor 2017 nga Agjencia Pyjore e Kosovës, e të cilin e  ka siguruar Gazeta Fjala.

foto pyjet

Ferizaji e Gjilani prin sa i përket dëmtimit të pyjeve

Sipas këtij raporti, qytetarët e Ferizajt del të jenë shkatërruesit më të mëdhenj të pyjeve. Në periudhën janar-qershor, rreth 1 mijë e 296 metër kub është dëmtuar hapësira pyjore në këtë komunë me një humbje prej 169 mijë euro.

Angazhimi i qytetarëve dhe institucioneve për mbrojtjen e pyjeve duket të jetë më i zbehtë, përkundër interesimit për degradimin e tyre në çdo cep.

Edhe në Gjilan zona pyjore është përkeqësuar. Nga janari në qershor janë ngritur 357 mijë fletëparaqitje me dëme prej 101 mijë euro.

Por as komuna e Prishtinës nuk qëndron më mirë. Rreth 354 mijë fletëparaqitje janë paraqitur  me humbje prej 90 mijë euro, shkruan Gazeta Fjala.

Vërehet se intensitet pak a shumë i njëjtë i prerjeve jo të rregullta të pyjeve ka qenë edhe  në komunën e Mitrovicës, Pejës e Prizrenit.

Ministria e Bujqësisë e hedh fajin të komunat

Ndërkohë nga Ministria e Bujqësisë fajin e hedhin tek komunat.

Sipas Leonora Behluli-Arifi, nga kjo ministri, Agjencia Pyjore e Kosovës, realizon kontrolla, vizita dhe aktivitete të shumta, bëjnë edhe konfiskimin e masës drunore të prerë në mënyrë ilegale, si dhe marrin masa ligjore kundrejt dëmtuesve të ndryshëm.

“Në korrik të vitit 2010, është nënshkruar Memorandimi i Mirëkuptimit nga MBPHR-ja – AKP-ja, MAPL-ja dhe 37 komunat e Kosovës, ku përmes këtij Memorandumi, MBPZhR ua ka deleguar komunave përgjegjësitë që ndërlidhen me mbrojtjen e pyjeve dhe dhënien e lejeve për prerjen e trungjeve në nivel lokal”.

Sipas saj, komunat duhet t’u binden kompetencave të caktuara për përmbushjen e përgjegjësive, lidhur me mbrojtjen e pyjeve.

“MBPZHR është organi përgjegjës për menaxhimin dhe administrimin qendror me pyjet, bënë politikat për një zhvillim të qëndrueshëm të pyjeve, me kusht që komunat të ushtrojnë kompetencat e deleguara për përmbushjen e përgjegjësive të kërkuara konform legjislacionit në fuqi”.

Krahas dëmit që po i bëhet pyjeve nga faktori njeri edhe temperaturat e larta në vend kanë ndikuar që të përhapen zjarre në pyjet e Kosovës, por MBPZHR thotë se deri më tani nuk kanë një raport të përgjithshëm për sipërfaqet e dëmtuara.

Click to comment

You must be logged in to post a comment Login

Leave a Reply

Aktuale

Rasti ‘Brezovica’, arrestohen 4 persona, dy të tjerë mbeten në arrati!

Published

on

Prokuroria e Ferizajt, ditën e djeshme ka njoftuar se ka bastisur gjashtë lokacione dhe ka arrestuar katër persona, ndërsa dy të tjerë mbeten në arrati pasi nuk ishin hasur në vendbanimet e tyre.

Ndër të arrestuarit është edhe Bekim Pireva i cili është ortak në një biznes në Ulqin më Idriz Thaçin, vëllain e ish Presidentit Thaçi. Kallxo.com ka kontaktuar me avokatin e Pirevës, Arben Shala, por ai ka qenë shumë i shkurtër.

“I vetmi bashkëpunim i yni me z.Idriz Thaçi është në projektin ndërtimor në Ulqin. Të dhënat e kompanisë dhe aksionarëve janë të gjitha publike dhe online”, pati deklaruar Bekim Pireva, drejtor i kompanisë “Premium Bau Ulqin”.

Bekim Pireva, gjithashtu e kishte pranuar se ka qenë aksionar edhe me qytetarë serbë, por kishte deklaruar se ato nuk janë bërë asnjëherë aktive. Ai pati deklaruar se është aksionar me 70% të aksioneve në biznesin “Energy Power” Sh.P.K. me seli në Zubin Potok, në të cilën janë aksionarë edhe Bojan Jakshiq (20% të aksioneve) dhe Millovan Simiq (10% të aksioneve).

“Jemi vetëm tre aksionarë atje në Ulqin, unë bashkë me Arben Jetullahun dhe Idriz Thaçin, që të dy i njoh në Prishtinë kohë më parë. Po, Idrizi është vëllai i Hashim Thaçit, unë kam pas edhe një kompani tjetër me disa serbë të Zupqit por nuk është më sepse nuk kemi mujtë me hapë fabrikën”, theksoi Pireva.

Emisioni KallxoPernime i titulluar ‘Veriu dhe investimet në Ulqin’, të transmetuar vitin e kaluar mund ta ndiqni në linkun e mëposhtëm.

Sipas njoftimit të Prokurorisë në Ferizaj, personat e arrestuar janë me inicialet Xh. B., I. F., Xh. Sh., dhe B. P. Ata janë ndaluar për shkak të dyshimit se të njëjtit kanë kryer veprat penale “Marrja e ryshfetit” “Ushtrimi i ndikimit” dhe “Dhënia e ryshfetit”./Media Ndërtimi.

Continue Reading

Aktuale

Nexhat Krasniqi mbetet pa pozitën e shefit të Prokurimit në Ministrinë e Infrastrukturës

Published

on

Shefi i Prokurimit në Ministrinë e Mjedisit, Planifikimit Hapësinor dhe Infrastrukturës, MMPHI, Nexhat Krasniqi nuk mban më pozitën udhëheqëse të këtij divizioni.

Në një përgjigje të MMPHI për Kallxo.com bëhet e ditur se më datë 24 maj Ndriçim Mustafa është caktuar zyrtar përgjegjës për menaxhimin e Divizionit të Prokurimit.

“Më datë: 24.05.2022, Ndriçim Mustafa, është caktuar zyrtar përgjegjës për menaxhimin e Divizionit të Prokurimit, në kuadër të MMPHI-së, si rezultat i bashkimit të Ministrisë së Mjedisit, Planifikimit Hapësinor dhe Infrastrukturës, me qëllim të koordinimit të aktiviteteve të dy Divizioneve të Prokurimit, deri në hyrjen në fuqi të rregullores së re për organizimin e brendshëm të MMPHI-së”, thuhet në përgjigjen e tyre.

MMPHI nuk kanë treguar se cilat kanë qenë arsyet e largimit të Krasniqit dhe nëse do mbajë ndonjë pozitë tjetër brenda ministrisë ku udhëhoqi divizionin e Prokurimit.

Në emisionin “KallxoPernime” më 27 prill 2022, zëvendësministri i Infrastrukturës Hysen Durmishi ka folur për raportet e tij me tashmë ish shefin e prokurimit Nexhat Krasniqi, ku deklaroi se nuk takohet çdo ditë me të.

“Jo, nuk rri natë e ditë në zyrën time. Në zyrën ku punoj unë, çdo drejtor i departamentit, çdo shef i divizionit, çdo zyrtar që punon në ministri, e ka derën çelur sa unë jam aty. Ai (Nexhat Krasniqi), nuk vjen shpesh te unë. Ai vjen vetëm kur ka nevojë për m’u konsultu me mua. Së pari, unë përveç që jam zëvendësministër jam edhe inxhinier dhe për ashtu unë nuk duhem me bo kurrgjë e veç duhet me pritë kur të ma sjellin ndonjë dokument me e nënshkru”, deklaroi Durmishi.

Durmishi ka thënë se Krasniqi ka ardhur 2-3 muaj në punë para se të vinin në qeverisje, kjo pasi ky i fundit ka qenë i suspenduar./Media Ndërtimi.

Continue Reading

Aktuale

Anulohet vendimi për miratim të Planit Zhvillimor Komunal të Gjilanit

Published

on

Anulimi i vendimit për miratim të Planit Zhvillimor Komunal, sipas kryetarit Alban Hyseni i hap rrugë plotësim ndryshimit të materialit bazë dhe garanton mundësi zhvillimi për Komunën e Gjilanit.

“Bartja e dy aktiviteteve, atij të mirëmbajtjes dhe sigurimit të objekteve komunale, objekteve të arsimit dhe atyre të shëndetësisë në kuadër të ndërmarrjes “Tregu” siguron shërbime me të mira për komunën dhe i jep fund një problemi shumëvjeçar për të cilin asnjëherë nuk është gjetur vullneti politik për t’u trajtuar dhe zgjidhur.

Falënderoj asambleistët e Kuvendit Komunal të Gjilanit për mbështetjen e këtyre dy propozimeve tejet të rëndësishme për Komunën dhe qytetarët.”, deklaroi kryetari i Gjilanit, Alban Hyseni./Media Ndërtimi.

Continue Reading

Trending