Connect with us

Aktuale

Inatet politike lënë Shtimen pa drejtor të Planifikimit Urban, Ndërtim, Kadastër e Gjeodezi

Published

on

Nga sot Shtimja nuk ka drejtor për Planifikim Urban, Ndërtim, Kadastër dhe Gjeodezi. Mehdi Salihu, që deri sot ka mbajtur këtë post, ka dhënë dorëheqje. Këtë ai zgjodhi ta bëjë nëpërmes një postimi në Facebook.

“Të nderuar qytetarë të Shtimes, mediume lokale dhe qendrore! Sot më 15. 08. 2017 jap dorëheqje nga pozita e drejtorit të Drejtorisë për Planifikim Urban, Ndërtim, Kadastër dhe Gjeodezi në komunën e Shtimes, si dhe nga pozita e Këshillit të PDK-Dega në Shtime”, ka shkruar Salihu.

Sipas tij, arsye të dorëheqjes janë “keqpërdorimet e mëdha të buxhetit të taksapaguesve shtimjanë dhe qytetarëve të Kosovës, krijimi i pasurive të mëdha në Komunën e Shtimes dhe jashtë saj, uzurpimi i institucioneve komunale në të gjitha fushat e dhënia e tenderëve pa kriter ndaj kompanive me të cilat ka lidhje kryetari”.

Mirëpo ai nuk është përgjigjur pyetjes së Ndërtimi.info se nëse e ka paraqitur kryetarin Naim Ismajli në organet e së drejtës. Madje ai nuk është përgjigur as në lidhje se kryetari Ismajli i është përzier ndonjëherë në punët e tij si drejtor. Por, nga ajo që është kuptuar, Salihu është dorëhequr për t’iu futur garës për të parin e Shtimes.

Përpos që këtë e ka paralajmëruar në llogarinë e tij në Facebook, Salihu në komunikim për Ndërtimi.info ka folur vetëm për punë e Ismajlit. “I apostrofuari 4 vite ka thënë së nuk do hyjë në garë se edhe e ka njohur veten. Kemi dorëheqjen e nënkryetarit të komunës dhe anëtarëve tjerë të kryesisë. Ia kam thënë sy me sy mjaft se na e fundose anijen. Ka munguar guximi i të tjerëve se edhe vëlla ta kem ia them. Po mundohemi ta ndryshojmë gjendjen o burrë se kam qenë për 13 vite dhe jam kthyer që t’i sjell përvojat nga atje. Por 4 vitet e fundit nuk ka dëgjuar për askënd. Por po du prapë me hy me kryeneqesi duke ditur që nuk po qeverisë si duhet. Drejtorët mbetën si kuklla”, ka thënë Salihu.

 

Click to comment

You must be logged in to post a comment Login

Leave a Reply

Aktuale

UNOPS Kosova organizoi trajnim dy ditor për sigurinë në kantiere ndërtimi  

Published

on

UNOPS Kosova organizoi një Trajnim 2 ditor për Shëndetin, Sigurinë, Socialin dhe Mjedisin (HSSE) me pjesëmarrës nga Zyra e Bashkimit Evropian në Kosovë, Universiteti i Prishtinës.

Qëllimi kryesor i trajnimit ishte pajisja e pjesëmarrësve me konceptet kryesore të shëndetit dhe sigurisë në projektet e ndërtimit.

Vështrimet kryesore nga trajnimi:

Kuptimi gjithëpërfshirës dhe respektimi i rreptë i Rregullave të Artë të UNOPS për trajtimin e rreziqeve fatale ose të rëndësishme

Zbatimi i aftë i vlerësimeve dhe inspektimeve të plota të rrezikut në terren

Duke dhënë prioritet sigurinë dhe mirëqenien e çdo individi të përfshirë në projekt.

Ky trajnim u organizua në kuadër të projektit për ndërtimin e objekteve të reja për Fakultetin e Shkencave Matematiko-Natyrore të Universitetit të Prishtinës, i bashkëfinancuar nga Bashkimi Evropian në Kosovë dhe Universiteti i Prishtinës dhe me mbështetjen e UNOPS HSSE Unit.

Siguria është prioriteti ynë kryesor dhe ne jemi të përkushtuar të krijojmë një mjedis të sigurt pune për të gjithë./Media Ndërtimi

 

Continue Reading

Aktuale

Rama paralajmëron se Tirana do të jetë metropoli me atraktiv i Ballkanit

Published

on

Kryeministri Edi Rama i ftuar në një ceremoni në kryeqytet, foli për Tiranën dhe transformimin e saj ndër vite.

Rama tha se në 5-6 vitet e ardhshme, këto që shohim do të jenë një pjesë dhe jo shumica e asaj që do të shohim, duke theksuar se ka shumë projekte, dëshirë, ambicie dhe shpirti i sipërmarrjes është futur në një garë për ndërtuar ndërtesa jo vetëm të mira, por edhe të bukura.

Ai shton se Tirana kështu do të bëhet një destinacion edhe arkitektonik.

Sipas, Ramës gjatë viteve në vazhdim shqiptarët do të jenë banorë dhe qytetarë të njërit prej kryeqyteteve më të bukur të Evropës, duke specifikuar se Tirana do të jetë metropoli me atraktiv i Ballkanit dhe do të jetë kryeqyteti evropian i të gjithë Rajonit tonë.

“Kjo është historia e një qyteti që nuk i ka thënë të gjithë. Unë besoj që në 5-6 vitet e ardhshme, këto që shohim do të jenë një pjesë, jo shumica e atyre që do të shohim, sepse ka shumë akoma projekte, dëshirë, ambicie dhe një lloj gare që është futur në shpirtin e sipërmarrjes që të bëjmë ndërtesa jo thjeshtë të mira, por edhe të bukura, duke i dhënë Tiranës mundësinë që të bëhet një destinacion arkitektonik.

Një vend mes Ballkanit që do të disponojë një koleksion veprash të arkitekturës të mbledhura së bashku nga arkitektët më të mirë të kësaj kohe dhe do të krijojë një trashëgimi të denjë për gjeneratat e tjera.

Unë nuk dyshoj, që nëse sot në ndjejmë kënaqësinë që kemi dalë nga ai llum i tmerrshëm ku e hapëm shekullin e ri në Tiranë, nesër do të jemi banorë dhe qytetarë të njërit prej kryeqyteteve më të bukur të Evropës. Tirana do të jetë metropoli me atraktiv i Ballkanit dhe do të jetë kryeqyteti evropian i të gjithë Rajonit tonë.”, deklaroi kryeministri Rama./Media Ndërtimi

Continue Reading

Aktuale

“Brenda shtëpisë së zbrazët, ajo jeton mes kujtimeve dhe dëshmon forcën e Nënës”

Published

on

Në rrugën “Martirët Qerkezi”, në shtëpinë-muze qëndron Nëna Ferdonije. Brenda shtëpisë së zbrazët, ajo jeton mes kujtimeve dhe dëshmon forcën e Nënës. Shtëpia e familjes Qerkezi, në Gjakovë dëshmon gjenocidin dhe spastrimin etnik të Serbisë në Kosovë.

Nga aty, 25 vite më parë, forcat policore të Serbisë ia rrëmbyen dhe zhdukën të katër djemtë: Artanin, Armendin, Ardianin e Edmondin, si dhe bashkëshortin Halimin. Nga ajo shtëpi u rrëmbyen edhe Vegim Qerkezi, Shpejtim Ymeraga, Skender e Myrteza Dylhasi, dhe Shpend e Fatos Jetishi.

Në Dardaninë e Pejës, më 27 mars 1999 forcat e armatosura serbe, policë të njësive speciale dhe serb lokal, brenda tri orëve i masakruan 40 civilë shqiptarë të kësaj lagje.

Ne i kujtojmë çdoherë e nuk do t’i harrojmë kurrë.

Në këtë 25 vjetor i përkujtojmë edhe 75 të vrarët në masakrën në Klladernicë të Skënderajt, 18 të vrarët në Mamushë, dhe 10 anëtarët e familjes Rama të vrarë në Obiliq. Sot, në Fushë Kosovë përkujtohen 168 shqiptarët e vrarë nga forcat e armatosura serbe.

Me mall e dhembje, i kujtojmë sot dhe ҫdo ditë, të gjithë të vrarët dhe të zhdukurit me dhunë nga Serbia.

Sakrifica e popullit tonë është themeli i Republikës sonë të lirë.

Lavdi të gjithë të rënëve në rrugën e gjatë për çlirimin e Kosovës!

Albin Kurti, kryeministër i Kosovës. Prishtinë, 27 mars 2024./Media Ndërtimi

Continue Reading

Trending