Connect with us

Aktuale

Arkitekti Korab Kraja pjesë e “Archikomb”

Published

on

Asociacioni i Arkitektëve të Kosovës, që do të organizoj konferencën kombëtare të Arkitekturës “archiKomb”, ka njoftuar se pjesë e Konferencës Kombëtare do të jete arkitekti ulqinak, Korab Kraja.

Korab Kraja u lind më 16 prill 1993. Shkollimin fillor dhe të mesëm i kreu në Ulqin. Ndërsa, shkollimin e lartë në Prishtinë, në Fakultetin e Arkitekturës, pranë Universitetit të Prishtinës, ku merr titullin Master i Shkencave Teknike të Arkitekturës.

Ka marrë pjesë në ligjërata, punëtori dhe trajnime të ndryshme profesionale, ku mund të veçohen pjesëmarrja në trajnimin “Analiza e vlerës së përfitimit për arkitektët dhe inxhinierët e ndërtimit”, të organizuar nga Universiteti Ndërkombëtar Veror në Prishtinë 2017; “Konferenca Ndërkombëtare për Arkitekturë dhe Urbanizëm”, të organizuar nga Insitituti Amerikan i Arkitektëve; Kampi i 45-të Regjional i Restaurimit për “Konservim të objekteve muzeale dhe interpretim”, të organizuar nga CHwB Albania; “Restaurimi dhe mirëmbajtja e parqeve dhe kopshteve historike” pranë UNESCO-s, të organizuar nga European Heritage Volunteers dhe Klassik Stiftung Weimar; “Konservimi i mozaikut romak”, të organizuar nga European Heritage Volunteers dhe Këshilli i Kosovës për Trashëgimi Kulturore; pjesëmarrja në aktivitetin e përbashkët nga CHwB Kosova dhe ILUCIDARE mbi hulumtimin dhe studimin e kullave dhe të trashëgimisë kulturore të tyre; pjesëmarrës në konferencën “Shqiptarët në Malin e Zi gjatë tri dekadave të fundit (1990-2020)”, të organizuar nga Art Club (Ulqin), ku trajton temën “Arkitektura përballë llojshmërisë shfrytëzuese”; pjesëmarrës në konferencën “Playground: Guralec, moving rocks”, të organizuar nga ILUCIDARE dhe CHwB Kosova, ku trajton temën “Trashëgimia ndërtimore e krahinës së Plavës dhe Gucisë”, mentor i kampit të “Evidentimit të dëmeve në zonat kulturore të Letnicës dhe Puset e Nikës”, të organizuar nga YARL; koordinator i grupeve gjatë rilevimit të shkollës së vjetër në Junik, të organizuar nga CHwB Kosova, në bashkëpunim me Fakultetin e Arkitekturës (UP).

Po ashtu, pjesë e kësaj konferencë është edhe Enis Jakupi  Doktor i shkencave teknike (2012), Magjistër i shkencave teknike nga lëmi i ndërtimtarisë (2009), Inxhinier i diplomuar i arkitekturës (2003), ështëpedagog universitar i Konstruksioneve Arkitektonike dhe Teorisë së Konstruksioneve në Universitetin e Tetovës, Fakulteti i Shkencave të Aplikative, programet studimore Arkitekturë dhe Ndërtimtari.

Jakupi ka marrë pjesë në ndërtimin, projektimin, mbikëqyrjen dhe realizimin e mbi 200 objekteve me dedikime të ndryshme (banim individual dhe kolektiv, qendra tregtare dhe afariste, objekte fetare. Ka botuar mbi 50 punime dhe artikuj shkencor nëpër revista prestigjioze shkencore dhe konferenca ndërkombëtare. Enis Jakupi ka qenë editor dhe kontribues në zhurnale/revista shkencore, borde shkencore dhe koordinator konferencash, anëtar i shumë asociacioneve dhe shoqatave në vend dhe rajon.

Enis Jakupi është fitues i çmimit “Goce Dellçev” për vitin 2017, me librin universitar KONSTRUKSIONET ARKITEKTONIKE 1, si një mirënjohje shoqërore për arritje shkencore të rëndësishme dhe në interes të Republikës së Maqedonisë Veriore.

Archikomb organizohet më 30 Maj në Teatrin AAB Prishtinë dhe 31 Maj 2023, në Prizren./Media Ndërtimi

Aktuale

Banka Botërore me projekt për avancimin e të drejtave pronësore në Kosovë

Published

on

Nisma për të Drejtën e Pronës është projekti i radhës që ka përfituar Kosova nga Banka Botërore, përkatësisht nga Fondi për Paqe dhe Shtet-Ndërtim që zbatohet nga ATRC. Ky projekt i cili ka filluar të implementohet nga viti i kaluar ka për qëllim që përmes avokimit publik t’i njoftojë qytetarët me të drejtat e tyre pronësore që u takojnë, e po ashtu edhe të reduktojë pabarazitë ekzistuese mes grupe të ndryshme, përfshirë pjesëtarët e komuniteteve, gratë dhe të rinjtë. Kështu bënë të ditur për KosovaPress, zyrtarja për Komunikim dhe Informim Publik në Projektin PIAKOS, të Bankës Botërore në Kosovë, Adelina Nitaj.

Nitaj thotë se me aktivitete të ndryshme dhe në bashkëpunim edhe me institucionet vendore, projekti do të ketë shtrirje në 27 komuna të Kosovës, në të cilat qytetarët do të informohen në mënyra të ndryshme se si të mbrojnë dhe përfitojnë nga të drejtat pronësore.

Mes tjerash, me Nismën për të Drejtën e Pronës, synohet të rritet edhe përqindja e grave që janë pronare të pronës së paluajtshme.

“Nisma për të drejtën e pronës është në linjë me kornizën kombëtare për partneritet të Bankës Botërore me Republikën e Kosovës dhe si qëllim i projektit është avancimi i të drejtave pronësore. Këtë presim ta arrijmë përmes avokimit të drejtpërdrejtë për gratë, grupet e cenueshme dhe të rinjtë, dhe gjithashtu përmes kampanjave të ndryshme mediale, të cilat do të ngrisin vetëdijen qytetare për pronën dhe do të rrisin gjithashtu edhe numrin e pronarëve, titullarëve të pronës së paluajtshme. Bazuar në statistikat zyrtare, aktualisht vetëm 19.8 për qind të grave janë pronare të pronës së paluajtshme. Ne si projekt presim që deri në përfundim të aktiviteteve, kjo përqindje të rritet, dhe që të krijojmë pak a shumë një barazi mes regjistrimit të pronës, mes grupeve të ndryshme, mes gjinisë dhe të krijojmë një kohëzion social mbi të gjitha”, bënë të ditur Nitaj.

Continue Reading

Aktuale

Firmat më të mëdha të arkitekturës në Australi nuk arrijnë të përmbushin hendekun e pagave gjinore

Published

on

Të dhënat për herë të parë mbi boshllëqet e pagave gjinore në Australi kanë zbuluar se 22 firmat më të mëdha të arkitekturës në vend i paguajnë burrat midis 5 dhe 27 për qind më shumë se gratë, duke dështuar të përmbushin diapazonin e synuar të qeverisë për diferencën e pagave.

Të publikuara dje në një mjet online nga Agjencia për Barazi Gjinore në Vendin e Punës (WGEA), një agjenci federale e qeverisë, të dhënat përfshinin shifra nga të gjitha kompanitë private në Australi me njëqind punonjës ose më shumë. Ishte hera e parë që boshllëqet gjinore të pagave nga punëdhënësit individualë ishin publikuar në vend.

Nga një total prej rreth 5,000 kompanish, 22 ishin studio arkitekturore dhe arkitekturore peizazhi, duke përfshirë Grimshaw, Hassell dhe Woods Bagot.

Të 22 studiot kishin një hendek total mesatar të pagave gjinore në favor të burrave dhe nuk kishin diferenca pagash brenda kufirit të synuar prej plus ose minus pesë për qind, gjë që lejon “luhatjet normale të biznesit dhe lëvizjet e punonjësve”, sipas CEO të WGEA, Mary Wooldridge.

Shumica e kompanive raportuan boshllëqe në paga mbi pesë për qind

Në krahasim, 62 për qind e të gjitha kompanive në të dhëna kishin boshllëqe mesatare të pagave gjinore prej më shumë se pesë për qind në favor të burrave.

Nëntë nga studiot kishin diferencë pagash gjinore më të mëdha se mesatarja kombëtare prej 19 për qind.

Është hera e parë që publikohenn boshllëqet gjinore të pagave nga punëdhënësit individualë. Në 10 vitet e mëparshme, organizata publikoi boshllëqet mesatare të pagave gjinore në industri dhe profesione të ndryshme.

Continue Reading

Aktuale

Fakulteti i Inxhinierisë dhe Ndërtimit kujton konstruktorin e shquar shqiptar Gjovalin Gjadri

Published

on

Në ambientet e FIN do të organizohet një ngjarje e veçantë në kujtim të 50-vjetorit të ndarjes nga jeta të shkencëtarit dhe patriotit të shquar, Gjovalin Gjadri, i cili ishte profesor, inxhinier, konstruktor i shquar në projektimin dhe ndërtimin e urave.

Me nder dhe respekt, Fakulteti i Inxhinierise së Ndërtimit (FIN) dëshiron të njoftojë të gjithë stafin dhe bashkëpunëtorët se në datën 13 mars 2024, duke filluar nga ora 10:00, në ambientet tona do të organizohet një ngjarje të veçantë në kujtim të 50-vjetorit të ndarjes nga jeta të shkencëtarit dhe patriotit të shquar, Gjovalin Gjadrit.

“Ngjarja, e cila do të mbahet nën titullin “Dita e Kujtimit për Gjovalin Gjadri”, synon të nderojë trashëgiminë e shkëlqyer të Gjadrit, për historinë tonë. Këtë rast, do ta përdorim për të reflektuar në kontributin e tij të jashtëzakonshëm në fushën e shkencës dhe si një patriot i përkushtuar për zhvillimin e kombit tonë.

Ju lutemi të jeni të pranishëm në këtë ngjarje të veçantë për të përjetuar momente të rëndësishme të reflektimit dhe për të ndarë kujtime dhe përvoja për Gjovalin Gjadrin.

Ju ftojmë të merrni pjesë dhe të përfaqësoni një pjesë të rëndësishme të komunitetit tonë në këtë rast të veçantë.”, shkruan në njoftim./Media Ndërtimi

Continue Reading

Trending