Connect with us

Aktuale

Arkitekti Bytyçi propozon përmendoren “Nëna e panjohur”, në kujtim të nënave që humbin jetën në lindje

Published

on

Kushdo që do ta vizitojë Klinikën Emergjente të QKUK-së ka mundësi që në hyrje të saj ta pres “Nëna e panjohur”. Është kjo një përmendore që paraqet lidhshmërin e pandashme mes nënës dhe fëmijës, por që ndërthur në vete fetusin si formë.

Lajmi për vdekjen e një gruaje shtatzëne nga koronavirusi, bëri që arkitekti Granit Bytyçi të ideojë këtë përmendore.

Bytyçi për Ndërtimi.info ka treguar se kjo vepër përcjell edhe mesazhin për gjendjen e rëndë të institucioneve shëndetësore në vend.

“Idea e dizajnimit të përmendores filloi në momentin që mora lajmin për vdekjen e nënës nga Gjakova. Mendova që kjo edhe mund të ketë lidhshmëri me gjendjen e vetë institucioneve shëndetësore në vend dhe gjendjen e rëndë që kemi në këtë institucion (siç e dimë të gjithë). Andaj, mendova që kjo përmendore do jepte një mesazh tek organet kompetente dhe do i kthej në kohë që ta kujtojnë këtë rast, sa herë që  e lënë pas dore shëndetësinë”, ka treguar ai.

Ai ka shtuar se në mbarë botën janë pikërisht arkitektët ata që japin ide për shumë sfera të jetës, derisa ka theksuar se ende është duke punuar në idenë e kësaj pērmendoreje.

“Dizajni i përmendores është i thjeshtë në pamje, por i komplikuar në strukturën dhe përmbajtjen e saj. Por,  që si të tillë unë jam duke punuar ende në këtë ide në mënyrë që së shpejti të jetë e gatshme dhe ta percjell tek institucionet si projektpropozim”, ka deklaruar ai.

Mirëpo, ai është shprehur spektik se jetësimi i  kësaj ideje do të gjejë përkrahje institucionale dhe për këtë ka treguar arsyet.

“Sa i përket ndërtimit të saj, pavarësisht mesazhit që percjell, unë nuk mendoj që do ketë interesim te institucioneve për ndërtimin e saj, edhe pse do të duhej. Kjo jo për faktin që nuk do i’u pelqej si ide, por nuk paraqet interes personal për përfitime materiale. Në mënyrë ironike, mendoj që realizimi i saj mund të jetë problematike për shkak që nuk përmbanë as armë të luftës e as dylbi. Do zoti që edhe po të realizohet, të mos ndryshohet përmbajtja e saj nga ‘nëna e panjohur’ në ‘Azem Bejta- luftëtar i lirisë’, nga art minimal në përmendore klasike e shekujve të kaluar”, ka treguar Bytyçi.

Ndërkaq, në rast se ku projekt do të realizohet, baza katrore e tij do të ketë  dimensione 71.12cm x 71.12cm, që është e barabart me 28 INCH  e që paraqet 28 javët e rritjes fëmijës.

E për më tepër, struktura është e bazuar mbi parimin e rregullit numërik të Fibonacci-t, që paraqet modelin e spirales së rritjes në natyrë.

Aktuale

Rritja e kërkesës për rrymë do t’i mbajë gjallë termocentralet me thëngjill

Published

on

Kërkesa për rrymë në botë është duke shënuar rritjen më të shpejtë në gati 20 vjet, për shkak të përdorimit të kondicionerëve, si pasojë e rritjes së temperaturave, ka thënë Agjencia Ndërkombëtare e Energjisë, në një raport të publikuar të premten.

Sipas gjetjeve, ky trend, që pritet të vazhdojë edhe më 2025, nënkupton vazhdimësinë e përdorimit të energjisë me thëngjill, ndonëse do të rriten kapacitetet e energjisë së ripërtrishme.Shumë vende në botë janë duke regjistruar temperature rekorde dhe valë të të nxehtit, shkruan Radio Evropa e Lirë.

Rritja e konsumit global të energjisë pritet të shkojë në gati 4 për qind më 2024 – më e madhja prej vitit 2007.

Rritje e njëjtë është parashikuar edhe për vitin 2025, në krahasim me 2.5 për qind të rritjes së kërkesës më 2023.India pritet të jetë lidere në këtë aspekt, e pasuar nga Kina.Në gjetjet e raportit është përmendur që në këtë periudhë do të rriten edhe kapacitetet për energji të ripërtrishme dhe që kjo energji të tejkalojë atë me thëngjill më 2025.

Megjithatë, mënyrat për prodhim të energjisë që shkaktojnë më shumë ndotje, siç është ajo me thëngjill, do të vazhdojnë të jenë të qëndrueshme, sidomos në Kinë./Media Ndërtimi

Continue Reading

Aktuale

Pas freskimit të motit, shfuqizohet ndalimi i qarkullimit të kamionëve mbi 7.5T

Published

on

Zëvendësministri i Infrastrukturës, Hysen Durmishi, ka njoftuar se është shfuqizuar vendimi i datës 13 korrik 2024, për ndalimin e qarkullimit në Autoudhë, Rrugë Nacionale dhe Rajonale të automjeteve për transportin e mallrave me peshë më të madhe se 7.5T, shkruan Ekonomia Online.

“Duke marrë parasysh parashikimin e motit nga Instituti Hidrometeorologjik i Kosovës, sipas të cilit parashihen rënie të ndjeshme të temperaturave ditëve në vijim, kemi marrë vendim për shfuqizimin e vendimit të datës 13 korrik 2024, për ndalimin e qarkullimit në Autoudhë, Rrugë Nacionale dhe Rajonale të automjeteve për transportin e mallrave me peshë më të madhe se 7.5T”, ka njoftuar Durmishi.

“Faleminderit për mirëkuptimin tuaj gjatë këtyre ditëve me temperatura të larta”, ka shkruar ai./Media Ndërtimi

 

Continue Reading

Aktuale

ATK mblodhi 50 milionë euro më shumë se vitin e kaluar

Published

on

Administrata Tatimore e Kosovës përmes konferencës për media sot ka prezantuar rezultatet dhe të arriturat për gjashtë muajt e parë të vitit 2024. Drejtori i Përgjithshëm i ATK-së Ilir Murtezaj, gjatë kësaj konference theksoj treguesit kryesorë të mbledhjes së të ardhurave, efikasitetin e shërbimeve dhe progresin në përmbushjen e objektivave strategjike.

Drejtori Murtezaj tha se ATK-ja ka arritur rezultate mbresëlënëse në mbledhjen e të hyrave gjatë periudhës janar-qershor 2024, duke theksuar se të hyrat e mbledhura kanë tejkaluar pritshmëritë, duke arritur në 473.3 milionë euro, që tregon rritje prej 50.1 milionë euro më shumë krahasuar me të njëjtën periudhë të vitit të kaluar.

“Ky sukses i atribuohet përmirësimit të proceseve të mbledhjes dhe angazhimit të shtuar të tatimpaguesve në përmbushjen e obligimeve të tyre. Gjatë kësaj periudhe, ATK-ja ka zbatuar 15,442 aktivitete intensive për parandalimin e evazionit tatimor dhe edukimit tatimor. Këto aktivitete kanë ndihmuar në rritjen e ndërgjegjësimit të obligimeve tatimore, duke kontribuar në përmirësimin e pajtueshmërisë dhe uljen e evazionit fiskal. Këto aktivitete kanë rezultuar me 1.5 milionë euro gjoba, 43.8 milionë euro tatim shtesë, 9.8 milionë euro janë konstatuar mungesë në stoqe, si dhe 3,809 punëtor janë formalizuar si të punësuar”, tha ai.,

Sipas tij, një ndër arritjet kryesore të ATK-së ka qenë avancimi i proceseve të digjitalizimit. Implementimi i platformave të reja elektronike ka thjeshtuar ndjeshëm procedurat për dorëzimin e deklaratave tatimore dhe pagesave, të cilat që nga lancimi i EDI janë: 25.1 milionë E-deklarime, me gjithsej 164,293 tatimpagues të regjistruar në platformë. Kjo ka rezultuar në një rritje të efikasitetit dhe transparencës, duke bërë të mundur që bizneset të përmbushin obligimet e tyre në mënyrë më të lehtë dhe më të shpejtë.

“ATK-ja ka forcuar bashkëpunimin me institucionet e tjera publike dhe organizatat ndërkombëtare, duke krijuar partneritete që kanë për qëllim luftimin e evazionit fiskal dhe përmirësimin e administrimit tatimor. Këto bashkëpunime kanë rezultuar në shkëmbimin e informacionit dhe praktikave më të mira, duke kontribuar në përmirësimin e vazhdueshëm të shërbimeve të ATK-së. Administrata Tatimore e Kosovës mbetet e përkushtuar në vazhdimin e përmirësimit të shërbimeve dhe rritjen e mbledhjes së të hyrave, duke kontribuar kështu në stabilitetin financiar dhe zhvillimin ekonomik të vendit. Ne falënderojmë të gjithë tatimpaguesit për bashkëpunimin dhe mbështetjen e tyre dhe ju inkurajojmë që të vazhdoni të përmbushni obligimet tuaja tatimore”, tha ai./Media Ndërtimi

Continue Reading

Trending