Connect with us

Infrastrukturë

AKP-ja lëshoi pronë shoqërore me qira me çmim 1 cent për metër katror

Published

on

Me vetëm 1 cent për metër katror Agjencia Kosovare e Privatizimit (AKP), kishte lëshuar një pronë shoqërore me qira, në Prizren në vitin 2016.

Një raport i Zyrës Kombëtare të Auditimit (ZKA), ka zbuluar se në gusht të vitit 2016 përmes negocimit direkt AKP-ja në Reçan të Prizrenit e kishte dhënë me qira tokën afariste me sipërfaqe prej 54 mijë e 849 metra katror me qera mujore prej 548 euro, apo vetëm 1 cent për metër katror.

Raporti zbulon se procedura e negocimit direkt ishte aplikuar pasi që ky qiramarrës kishte qenë duke e shfrytëzuar në mënyrë ilegale që nga vitit 2005 këtë pronë.

Për më tepër, përcaktimi i çmimit të qirasë ishte bërë më vendim të bordit të AKP-së, i cili ishte bazuar në një rekomandim të dhënë nga komisioni për hulumtimin e çmimit të tregut të qirave.

Tutje, raporti në fjalë thekson se Komisioni më 28 qershor 2016 i kishte rekomanduar bordit të AKP-së çmimin e qirasë prej 100 euro për hektar.

Në arsyetimin e Komisionit thuhet se nuk ka pasur të dhëna të disponueshme të çmimit të qirasë për pronat përreth, andaj vlerësimi i çmimit të tregut nga ana e Komisionit, sipas raportit, ishte bërë duke iu referuar Rregullores komunale të Prizrenit, por që nuk ishte specifikuar numrin e rregullores dhe tarifën referente, raporton Kallxo.com.

Në fakt, sipas raportit, Rregullorja komunale në fuqi në atë kohë theksonte se përdorimi i pronës komunale nga individët për afarizëm i nënshtrohet pagesës së qerasë mujore për: zonën I – 4 euro për metër katror; zonën II – 3 euro për metër katror; dhe zonën III – 2 euro për metër katror.

“Komisioni edhe pse iu kishte referuar rregullores komunale, nuk kishte dhënë asnjë sqarim në raportin e tij se pse është bërë përcaktimi i çmimit prej 0.01€/m2 apo 100€/ha e jo ndonjë tarife refente të rregullores” – thuhet në raportin e ZKA-së./Media Ndërtimi.

Infrastrukturë

Filloi instalimi i njehsorëve smart në pjesën veriore të Kosovës

Published

on

Kontraktori i KEDS-it, Elektrosever, ka filluar vendosjen e njehsorëve smart (të mençur) në pjesën veriore të vendit. Këta njehsorë, që janë fjala e fundit e teknologjisë, do të rregullojnë tutje distribuimin dhe furnizimin me energji elektrike për konsumatorët kosovarë të asaj pjese.

“Në procesin që ka filluar sot do të vendosen gjithsej 5 mijë njehsorë smart me fokus te konsumatorët që kërkojnë lidhje të reja dhe tek ata që nuk kanë njehsorë. Operimi me njehsorët smart është treguar tejet efikas dhe ka avancuar në mënyrë të vazhdueshme shërbimet dhe sigurinë e shpërndarjes dhe furnizimin me energji elektrike për konsumatorët. Rrjedhimisht, avantazhet dhe mundësitë që ofrojnë këta njehsorë janë të shumta”, njofton zyra për informim e kësaj kompanie.

KEDS-i njofton se deri tash ka vendosur mbi 100 mijë njehsorë të tillë anekënd territorit të vendit.

Ky shërbim është pjesë e sistematizimit edhe të konsumatorëve në veri të vendit dhe paraqet një hap të madh përpara për funksionimin në mënyrë të plotë dhe gjithëpërfshirës për tërë rrjetin distributiv të Kosovës.

KEDS, thotë se integrimi elektroenergjetik i pjesës veriore të vendit filloi në pjesën e parë të dhjetorit të vitit të kaluar kur KEDS kishte nënshkruar kontratën me Elektroseverin me qëllim normalizimin e shpërndarjes dhe furnizimit me energji elektrike në komunat Zubin Potok, Leposaviq, Zveçan dhe Mitrovicë Veriore.

“Kjo kontratë përkon me ligjin e Kosovës dhe kornizën rregullative, në përputhje me Marrëveshjet në lidhje me Energjinë të datës 8 shtator 2013 (“Marrëveshjet e Energjisë 2013”) dhe Konkluzionet e Lehtësuesit të BE-së për zbatimin e Marrëveshjes së Energjisë të vitit 2013, të datës 25 gusht 2015 (“ Marrëveshjet për Energjinë të vitit 2015”), si dhe Udhërrëfyesin për Zbatimin e Marrëveshjeve Energjetike të 21 qershorit 2022”, thuhet në njoftimin e KEDS-it./Media Ndërtimi

Continue Reading

Infrastrukturë

Fillojnë punimet për ndërtimin e rrugës së re në Skenderaj

Published

on

Kanë filluar punimet për ndërtimin e rrugës së re, që lidh rrugën “17 Shkurti” me “Sala e Hamit Jasharin” në Skenderaj.

Lajmin për këtë e ka bërë të ditur kryetari i komunës së Skenderajt, Fadil Nura, i cili ka thënë se kjo rrugë është duke u ndërtuar me gjithë infrastrukturën e nevojshme përcjellëse, sipas planit urbanistik dhe Hartës Zonale.

“Krijon infrastrukturë të re për banorët e ndërtesave në rrugën “17 Shkurti”, diçka që u ka munguar.”, ka shkruar Nura./Media Ndërtimi

Continue Reading

Infrastrukturë

Prezantohet printeri 3D më i madh në botë që mund të ndërtojë një shtëpi të vogël në vetëm 80 orë

Published

on

Universiteti i Maine ka thyer rekordin e tij botëror duke krijuar printerin më të madh polimer 3D.

Në vitin 2019, ata lëshuan printerin e parë 3D rekord që ndërtoi një shtëpi prej 55 metrash katrorë të bërë nga materiale të riciklueshme.

Por shteti i Maine ka nevojë për 80,000 shtëpi të tjera gjatë gjashtë viteve të ardhshme me mungesë të fuqis punëtore për ta realizuar atë.

Andaj, ata kanë sjellë Printerin 3D më të madh dhe më të mirë “Factory of the Future 1.0 (FoF 1.0)” për të ndihmuar paraardhësin e tij të arrijë këtë qëllim – me një kohë shumë më të shpejtë, përcjell Telegrafi.

FoF 1.0 printon katër herë më shpejt, që do të thotë se mund të printojë një shtëpi në rreth 80 orë.

Sipas autoriteteve, qëllimi nuk ishte ndërtimi i një shtëpie të lirë, por ndërtimi i një shtëpie në të cilën njerëzit donin të jetonin.

Të pranishëm në zbulimin zyrtar të FoF 1.0 ishin përfaqësues nga Departamenti Amerikan i Mbrojtjes, nga Energjia, Autoriteti Shtetëror i Strehimit të Maine, si dhe palë të tjera të interesuara që planifikojnë të përdorin këtë printer 3D./Media Ndërtimi

Continue Reading

Trending