Connect with us

Ndërtim

A po keqpërdoret nga dy kompani kosovare monopoli me çimento?

Published

on

Pas inflacionit të madh financiar në Kosovë më së shumti ka pasur ankesa nga qytetarët për rritjen e çmimit të naftës, i cili ka shkaktuar rritje zingjirore të produkteve tjera.

Së fundmi është rritur jashtëzakonisht shumë edhe çmimi i çimentos, i cili vetëm krahasuar me janarin 2022 deri më tash është rritur për 58.27%.

Para dhjetë ditësh, më saktësisht me 8 gusht si shenjë proteste ndaj rritjes së çmimit të çimentos, përfaqësues të bizneseve dhe të sektorit të prodhuesve të betonit kanë vendosur dhjetëra maune në rrugën që shpie tek kompania “Sharr-Cem” në Han të Elezit, duke akuzuar këtë kompani se rritjen e çmimit për herë të tretë po e bën pa arsye dhe po i vendos në pozitë të pafavorshme kompanitë që furnizohen në “Sharr Cem”, raporton Veriu.info.

Mirëpo, përfaqësues të kompanive që furnizohen me çimento, kanë treguar për Veriu.info se për rritjen e çmimit të çimentos fajtor është edhe kompania “Berdica Cement”, e cila është përfaqësues për Kosovë e kompanisë “Kastrati Group” që dihet se është në pronësi të oligarkut miliarder nga Shqipëria, Shefqet Kastrati.

Nga hulumtimet e Veriu.info del se udhëheqës i kompanisë “Berdica Cement” për Kosovë është biznesmeni multi-milioner nga Lipjani Remzi Ilazi, e që konsiderohet “dora e djathtë” e Shefqet Kastratit në Kosovë për shitjen e çimentos, njëjtë sikurse multi-milioneri nga Shqipëria, Behar Berdica, që udhëheq këtë kompanie në Shqipëri, por që ka edhe lidhje familjare me oligarkun Kastrati.

Mësohet se oligarku Shefqet Kastrati ka rënë në ndikimin e kompanisë “Titan Group Company”, pjesë edhe e së cilës është kompania “Sharr cem”, për vendosje të monopolit për ngritjen e çmimit të çimentos, ku për pasojë çmimi ka “fluturuar” deri në 150 euro për tonë.

Akuzat nga furnizuesit me çimento shkojnë deri aty, sa që akuzojnë Shefqet Kastratin se po keqpërdorë me monopolin që ka në furnizim me çimento nga Turqia, për arsye se e ka në shfrytëzim portin Romano në Durrës dhe lehtësirat që ia krijon vetit më rrugën e Kombit, me të cilën menaxhon edhe me taksë rrugore.

Veriu.info mëson se asnjë kompani tjetër nuk mund të sjellë çimento përmes Shqipërisë në Kosovë nga vendet e tjera, pasi që Shefqet Kastrati ka monopol në portin zbarkues./Media Ndërtimi.

Ndërtim

Qeveria jep 6 milionë euro shtesë për punimet e rrugës Prishtinë-Podujevë

Published

on

‘Punët me intensitet të lartë’ në rrugën Prishtinë – Podujevë kanë bërë që Qeveria e Kosovës të ndajë edhe 6 milionë euro shtesë për këtë projekt infrastrukturor.

Më 3 korrik 2023, Ministria e Mjedisit, Planifikimit Hapësinor dhe Infrastrukturës, ka bërë të ditur inauguruar fillimi i punimeve në rrugën Prishtinë-Podujevë.

Kompanitë që kanë fituar kontrata nga Ministria e Infrastrukturës për të ndërtuar rrugën Prishtinë – Podujevë, rezultojnë se në të kaluarën kanë pasur gjoba të shqiptuara nga Komisioni i Pavarur për Miniera dhe Minerale (KPMM), për nxjerrje ilegale të mineraleve.

Të dhënat e siguruara nga KPMM tregojnë se kompanitë ndër vite janë gjobitur për nxjerrje ilegale të zhavorrit, gurit të fortë, rërës apo të reshpes.KPMM ka bërë të ditur për KALLXO.com se kompanitë e gjobitura e që janë duke punuar rrugën Prishtinë – Podujevë janë ‘Pro&Co Group’, ‘2A Group’, ‘Bageri-1’, ‘Bageri’, ‘Kosova Aslfalt’ dhe ‘Beni-com’.

Konsorciumi i organizatave të shoqërisë civile i përberë nga Group for Legal and Political Studies, Institute for Development Policy (INDEP) dhe Instituti GAP, në kuadër të projektit: “Mbështetje për Shoqërinë Civile për të Rritur Mbikëqyrjen Publike dhe Llogaridhënien e Institucioneve Publike të Kosovës”, shpreh shqetësimin e thellë për shkeljet e njëpasnjëshme ligjore në procesin e prokurimit “Zgjerimi i rrugës nacionale Prishtinë – Besi – Podujevë” nga Ministria e Mjedisit, Planifikimit Hapësinor dhe Infrastrukturës.

Edhe përkundër rekomandimeve të KRPP-së, si dhe shkeljeve të evidentuara, MMPHI ka vazhduar jashtëligjshëm me nënshkrim të kontratave dhe operatorët ekonomik kanë filluar punën. Ne kërkojmë që të rishqyrtohen dhe të anulohen vendimet e marra në mënyrë të jashtëligjshme, si dhe ju bëjmë thirrje organeve kompetente ta hetojnë këtë aktivitet të prokurimit./Media Ndërtimi

Continue Reading

Ndërtim

Vazhdon ndërtimi dhe renovimi i shtëpive të shqiptarëve në Veri të Kosovës

Published

on

Në Mbledhjen e 162-të të Qeverisë, miratuam vendimin për vazhdimin e mëtutjeshëm të Rindëritimit dhe Renovimit të Shtëpive individuale të familjeve, të cilëve u janë dëmtuar shtëpitë gjatë periudhës kohore 1998/1999.

Gjatë luftës së fundit, vendit tonë i janë shkaktuar dëme masive shkatërruese nga Serbia, që vazhdojmë t’i vuajmë ende edhe sot.

Bazuar në situatën e gjendjes faktike të familjeve në Veriun e Republikës se Kosovës, dhe sipas Raportit të Komisionit Vlerësues të Komunës së Mitrovicës mbi dëmet e shkaktuara të luftës gjatë viteve 1998/99, në kuadër të Ministrisë së Mjedisit, Planifikimit Hapësinor dhe Infrastrukturës në bashkëpunim me organin kompetent komunal, është marrë vendimin për vazhdimin e projektit për rindërtimin dhe renovimin e shtëpive të dëmtuara gjatë asaj periudhe kohore./Media Ndërtimi

Continue Reading

Ndërtim

Pezullohet ndërtimi i linjës hekurudhore Budapest-Beograd

Published

on

Puna e ndërtimit në linjën hekurudhore Budapest-Beograd është pezulluar pasi konsorciumi kontraktor kinezo-hungarez përpiqet të përmbushë standardet e sigurisë të Bashkimit Evropian (BE).

Konsorciumi, i udhëhequr nga konstruktorët kinezë dhe homologët e tyre hungarezë, po përballet gjithashtu me tejkalime buxhetore, vonesa të projektit dhe negociata politike mbi projektin, i cili shihet si një komponent kryesor i Iniciativës së Rripit dhe Rrugës së Kinës.

Fillimisht i nisur me një buxhet prej 2.1 miliardë euro, projekti është goditur me një sërë pengesash, më e fundit prej të cilave është dështimi për të siguruar një sistem sigurie që përputhet me standardet e BE-së. Kjo ka ngecur aktivitetet e ndërtimit në linjën hekurudhore.

Një nga kërkesat kryesore për projektin është të mundësojë që trenat të udhëtojnë me shpejtësi deri në 160 km në orë. Për ta arritur këtë, linja hekurudhore duhet të jetë në përputhje me sistemin e sigurisë të standardizuar nga BE, i njohur si Sistemi Evropian i Kontrollit të Trenit (ETCS).

Përpjekjet e konsorciumit për të përmbushur këto kërkesa thuhet se kanë rezultuar të pasuksesshme deri në këtë pikë.

Sipas raporteve nga rrjeti lokal i gazetarëve Telex, projekti gjithashtu tani ka nevojë për fonde shtesë, kryesisht për shkak të rritjes së kostove të ndërtimit.

Kompania hungareze në konsorcium, RM International, ka tërhequr fuqinë punëtore dhe makineritë e saj nga kantieri.

Raportohet se ata janë ricaktuar për rinovimin e linjës kryesore hekurudhore të Hungarisë midis Budapestit, Gyor dhe Vjenës.

Përmirësimi i linjës hekurudhore Budapest-Beograd është një projekt hekurudhor me shpejtësi të lartë prej 350 km i financuar kryesisht nga Exim Bank e Kinës, e cila po kontribuon me 85% të investimit total të projektit.

Continue Reading

Trending