Klubi futbollistik Manchester City ka ndërmarrë një iniciativë të madhe për instalimin e pothuajse 11,000 paneleve diellore në qendrën e tyre stërvitore dhe në stadiumin Joie.

Ky projekt ambicioz ka për qëllim të bëjë klubin një nga prodhuesit më të mëdhenj të energjisë së rinovueshme në botën e futbollit dhe është një hap i rëndësishëm drejt qëndrueshmërisë mjedisore.

Panelet diellore do të instalohen në të gjithë sipërfaqet e mundshme, duke përfshirë çatitë e ndërtesave dhe hapësirat e hapura të qendrës stërvitore. Kjo do të ndihmojë në uljen e gjurmës së karbonit të klubit, duke prodhuar energji të pastër dhe të rinovueshme për të përmbushur nevojat energjetike të objekteve të tyre.

Kjo iniciativë është pjesë e përpjekjeve të përgjithshme të klubit për të promovuar praktika të gjelbra dhe për të kontribuar në mbrojtjen e mjedisit. Projekti i paneleve diellore pritet të prodhojë një sasi të konsiderueshme të energjisë elektrike, e cila do të përdoret për të fuqizuar stadiumin, qendrën stërvitore dhe pajisjet e tjera të klubit.

Kjo energji e prodhuar nga burimet diellore do të zvogëlojë varësinë e klubit nga burimet e energjisë fosile dhe do të ndihmojë në reduktimin e emisioneve të gazrave serrë.

Përveç përfitimeve mjedisore, ky projekt gjithashtu do të sjellë përfitime ekonomike për klubin. Duke përdorur energji diellore, Manchester City do të mund të ulë kostot e tij operacionale dhe të investojë më shumë në përmirësimin e pajisjeve dhe në zhvillimin e lojtarëve.

Ky projekt është një shembull i shkëlqyer i mënyrës se si klubet sportive mund të marrin një rol aktiv në luftën kundër ndryshimeve klimatike dhe në promovimin e qëndrueshmërisë mjedisore. Ky hap i Manchester City është pritur me entuziazëm nga tifozët dhe komuniteti më i gjerë futbollistik./Media Ndërtimi

Rendimenti (yield) i qirasë, kthimi vjetor nga dhënia me qira e një prone, është thelbësor për investitorët e pasurive të paluajtshme. Rendimente më të larta, do të thotë kthime më të mira.

Kur bëhet fjalë për investime në pasuri të paluajtshme, rendimenti i qirasë – i përcaktuar si kthimi vjetor nga dhënia me qira e një prone – është një metrikë kritike.

Rendimentet më të larta të qirasë, tregojnë kthime më të mira nga investimi, thelbësore për çdo investitor të zgjuar.

Për ta ilustruar, le t’i zbërthejmë fjalët në shifra: blerja e një prone për 500,000 € dhe fitimi i një qiraje mujore prej 2,000 € (ose 24,000 € në vit), rezulton në një rendiment bruto vjetor të qirasë, prej 4.8%. Pas llogaritjes së taksave dhe shpenzimeve të tjera administrative, yield-i neto do të jetë më i ulët.

10 vendet më të mira në Europë sipas rendimentit të qirasë

Letonia, Irlanda dhe Italia kryesojnë listën e vendeve me rendimente mesatare shumë të forta të qirasë, duke sinjalizuar mundësi kryesore për investitorët. Letonia, me rendimentin e qirasë 8.06%, shquhet si më e larta në Europë.

Nëse rendimentet aktuale të qirasë, mbeten të qëndrueshme, do të duheshin afërsisht 12 vjet të ardhura nga qiraja, për të rikuperuar një investim fillestar të pronës në Letoni. Në Irlandë dhe Itali, sasia e viteve të nevojshme, do të ishte përkatësisht trembëdhjetë dhe katërmbëdhjetë.

Letoni – 8.06%

Irlandë – 7,85%

Itali – 7.38%

Rumani – 6.63%

Lituani – 6,44%

Turqi – 6.36%

Mbretëria e Bashkuar – 6.21%

Spanjë – 6.17%

Maqedonia e Veriut – 6.00%

Mali i Zi – 5,95%.

10 qytetet më të mira në Europë sipas rendimentit të qirasë

Dublini kryeson, me rendiment mesatar të qirasë 7.33%. Brenda Dublinit, apartamentet me dy dhoma gjumi, përfaqësojnë një investim fitimprurës.

Stambolli dhe Riga, janë gjithashtu opsione tërheqëse, me rendiment mesatar të qirasë 6.6% dhe 6.5%.

Dublin, Irlandë – 7.33%

Stamboll, Turqi – 6.63%

Riga, Letoni – 6.46%

Bukuresht, Rumani – 6.36%

Podgoricë, Mali i Zi – 5.7%

Lisbonë, Portugali – 5.65%

Londër, MB – 5.59%

Bruksel, Belgjikë – 5.54%

Varshavë, Poloni – 5.51%

Vilnius, Lituani – 5.47%.

10 vendet më të këqija në Europë për nga rendimenti i qirasë

Luksemburgu, që ofron rendimentin më të ulët 2.67%, është më pak tërheqës për të ardhurat nga qiraja e pronave.

Në Luksemburg, një apartament me dy dhoma gjumi, ka një çmim mesatar blerjeje prej 1.2 milionë euro. Megjithatë, me një qira mesatare mujore prej 2,800 €, ky investim jep një kthim bruto nga qiraja prej vetëm 2.7%.

Në Luksemburg, një investitori do t’i duheshin mesatarisht 37 vjet për të shlyer investimin fillestar të strehimit nëpërmjet qirave, duke supozuar rendimente të vazhdueshme. Zvicra e ndjek nga afër, e cila kërkon 33 vjet.

Investitorët e pasurive të paluajtshme, që synojnë të maksimizojnë kthimet, mund të dëshirojnë të largohen nga këto tregje.

Luksemburg – 2.67%

Zvicër – 3.05%

Austri – 3,59%

Maltë – 3,66%

Gjermani – 3.74%

Norvegji – 3,79%

Republika Çeke – 3,95%

Danimarkë – 4,16%

Belgjikë – 4.20%

Finlandë – 4,24%.

10 qytetet më të këqija në Europë nga rendimenti i qirasë

Oslo ka rendimentin më të ulët, 2.46%. Për shembull, një apartament me një dhomë gjumi, do t’i kushtonte një investitori 379,731 €, dhe vetëm merr një qira mesatare mujore € 894, duke rezultuar në një rendiment prej vetëm 2.83%.

Zyrihu renditet si qyteti i tretë më pak tërheqës, për të ardhurat nga qiraja e pronave. Investitorit do t’i duhet të investojë 1.1 milion €, për të blerë një apartament me dy dhoma gjumi në Zyrih, por me një qira mesatare mujore prej 2,538 €, rendimenti vjetor bruto është vetëm 2.8%.

Oslo, Norvegji – 2.46%

Luksemburg, Luksemburg – 2.71%

Zyrih, Zvicër – 2.79%

Vjenë, Austri – 3.64%

Valleta, Maltë – 3,67%

Helsinki, Finlandë – 3.8%

Berlin, Gjermani – 3.83%

Sofje, Bullgari – 4.04%

Pragë, Republika Çeke – 4,05%

Bratislavë, Sllovaki – 4,11%. /Media Ndërtimi

Stadiumi i deritashëm i Rahovecit “Jahja Danuza” sot ka parë makineritë e para në tribuna dhe ka nisur të rrënohet. Kjo, pasi që Komuna e Rahovecit ka për qëllim të ndërtojë shesh qendror për qytetin në fjalë pikërisht në vendin ku gjindej stadiumi.

Ndërkaq, KF Rahoveci ka dalë me një komunikatë lidhur me rastin në fjalë, derisa ka uruar që të kryhen sa më shpejt punimet në qendrën e re sportive të qytetit, pasi që shkolla e futbollit ku stërviten fëmijët nuk mund të funksionojë pa stadium.

Komunikatë zyrtare e klubit

Ju njoftojmë që sot në orët e para të ditës ka filluar tê rrënohet stadiumi i qytetit ,,Jahja Danuza” nga punëkryesi që është i kontraktuar nga Komuna e Rahovecit, me qëllim të ndërtimit të sheshit qëndror të qytetit tonë.

Ne si klub kishim një marëveshje paraprake me Komunën e Rahovevit të cilët na kishin premtuar dhe janë zotuar që stadiumi i qytetit nuk do të rrënohet pa u krijuar një alternativ tjetër për të zhvilluar garat dhe për të stërvitur, ne në vazhdimsi kemi komunikuar me DKRS-në të cilët janē të njoftuar mirë me kërkesat tona elementare për të na mundësuar kushte optimale për të zhvilluar gara dhe për tu stërvitur.

Realishtë komuna na ka mirëkuptuar dhe priti përfundimin e kampionatit që ne ta përfundojmë në shtëpinë tonë, por që tani brenga jonë është shkolla e futbollit ku janë të anëtarësuar qindra fëmijë e që fatëkeqësishtë nga sot nuk kanë ku të stërviten perderisa nuk përfundojnë punimet në qendrën e re sportive!

Lutemi dhe urojmë në një zgjidhje sa më të shpejtë ti bëhet shqetsimeve tona./Media Ndërtimi