Infrastrukturë
Ndërmarrjet publike më shumë barrë sesa kontribuues të shtetit
Qeveria e Kosovës ka njoftuar se së shpejti ndërmarrjet publike do të barten në Fondin Sovran të Kosovës. Kjo, sipas tyre, do të rriste mundësinë për investime. Por, njohës të ekonomisë vlerësojnë se ndërmarrjet publike janë më shumë një barrë e shtetit sesa kontribuues të shtetit.
Bartja e ndërmarrjeve publike në Fondin Sovran, do të ishte një eksperiment shqetësues për ekonominë e vendit. Duke folur për Radio Kosovën njohësi i ekonomisë, Safet Gërxhaliu vlerëson se në draftimin e Fondit Sovran kanë qenë të involvuar më shumë ekspertë të jashtëm sesa vendorë, fakt që sipas tij, nuk i njohin mirë parametrat ekonomikë të Kosovës.
“Përmes fondit sovran do të hapet kutia e Pandorës për sa i përket ndërmarrjeve publike, në veçanti Trepçës dhe e treta sot ndërmarrjet publike shumë më tepër janë barrë e shtetit sesa kontribuues të shtetit, prandaj në këtë drejtim, besoj se një eksperiment i tillë do të jetë mjaft shqetësues. Po i shihni efektet që i ka negative, e shikoni se çfarë është duke ndodhur në KEK, Trepçë, KOSTT e shumë ndërmarrje të tjera?! Prandaj depolitizimi është rruga kryesore dhe jo centralizimi. Nuk mund të ketë zhvillim pozitiv me politika majtiste”, konsideron Gërxhaliu.
Sipas planifikimeve të qeverisë, Fondi Sovran do të jetë një fond i pavarur, i cili nuk do t’i japë përgjegjësi as Kuvendit dhe as Qeverisë. Kjo situatë, sipas përfaqësuesit të bizneseve, Agim Shahini, na sjellë në një pozicion të pafavorshëm.
“Për shkak se nuk i japin asnjë përgjegjësi përveç vetes dhe ata nuk mund të krijojnë strategji se cilat ndërmarrje dhe si duhen që fondet të shpërndahen nëpër ndërmarrje. Sipas këtij ligji, ndërmarrjet publike nuk do t’i marrë të gjitha Fondi Sovran, por disa nga to. Dhe kjo neve na thotë se ai do të jetë një fond, i cili do të përcaktojë se kënd ta marrë, kë të zhvillojë dhe kë të financojë dhe këtu mendoj se duhet të jetë një ndërhyrje edhe te menaxhimi, te klasifikimi dhe te përgjegjësia”, tha ai.
Ndryshe, në njoftimin e Qeverisë së Kosovës thuhet se ndërmarrjet publike së bashku me 24 mijë asete të tjera do barten nga Qeveria në Fondin Sovran, që sipas tyre, do të rrisë mundësinë e investimeve dhe përmirësojë edhe më shumë menaxhimin e tyre. Më 7 maj, është mbajtur konferenca për themelimin e Fondit Sovran. Dhe sipas Qeverisë, konsultimet publike tashmë kanë përfunduar dhe shpejt do të miratohet në Qeveri. “Fondi Sovran është projekti më i madh ekonomik ndonjëherë në vend”, thuhet në njoftim./Media Ndërtimi
Infrastrukturë
Bëhet hapi i parë për linjën hekurudhore Fushë Kosovë-Klinë-Pejë dhe Klinë-Prizren
Infrastruktura e Hekurudhave të Kosovës -Infrakos Sh.A, ka hap tender për deizajnimin e linjave hekurudhore Fushë Kosovë-Klinë-Peje dhe Klinë-Prizren.
Sipas dosjes së tenderit tëpublikuar sot në platformën online E-Prokurimi Infrakos i ka i ka paraparë 2 milionë euro për shërbime inxhiniere për ndërtimin e punëve civile inxhiniere, shkruan Indeksonline.
Karakteristikat kryesore teknike të linjës hekurudhore janë paraqitur në tabelën e mëposhtme:
Në dosje thuhet se linja hekurudhore Fushë Kosovë – Pejë dhe Klinë-Prizren ka pësuar dëme të konsiderueshme gjatë periudhës 1990-1999. Niveli i mirëmbajtjes së rregullt gjatë të njëjtës periudhë u reduktua në minimum, duke rezultuar në gjendjen aktuale nën-standard të linjës. Seksioni Fushë Kosovë – Klinë mund të operohet me shpejtësi maksimale 60 km/h, ndërsa pjesa Klinë-Pejë me shpejtësi maksimale 70 km/h. Seksioni Klinë-Xërxë mund të operohet në një shpejtësi maksimale prej 40 km/h, ndërsa seksioni Xërxë-Prizen është jashtë operimit për shkak të gjendjes së keqe të linjës. Seksioni Xërxë – Prizren (me një gjatësi prej 27 km) është jashtë funksionit.
Linjat hekurudhore Fushë Kosovë-Klinë-Pejë dhe Klinë-Prizren kanë qenë një bartës i zhvillimit ekonomik, duke i shërbyer në këtë mënyrë transportit të brendshëm dhe ndërkombëtar të udhëtarëve dhe mallrave. Në këtë linjë hekurudhore ka qarkulluar një numër i madh i trenave të udhëtarëve dhe mallrave, duke lidhur kështu Pejën e Prizrenin dhe pjesët tjera të Kosovës jugperëndimore me nyjën qendrore hekurudhore të Fushë Kosovës.
Një nga objektivat e vendosur në Strategjinë Kombëtare të Transportit Multimodal (2015-2025) është krijimi i lidhjeve me rrjetin evropian të transportit dhe ofrimi i një rrjeti hekurudhor me prioritet që lidh portet e transportit me zonat e rritjes potenciale ekonomike. Linja Hekurudhore 10 dhe Linja Lindje-Perëndim (përfshirë linjën e planifikuar hekurudhore (Kosovë-Shqipëri) janë pjesë e këtij rrjeti hekurudhor me prioritet./Media Ndërtimi
Infrastrukturë
Mbi 14 milionë euro për projekte infrastrukturore për Deçanin
Zëvendësministri i Infrastrukturës, Hysen Durmishi, ka thënë se gjatë mandatit të tij deri më sot ka investuar mbi 14 milionë euro për projekte infrastrukturore për komunën e Deçanit.
Durmishi në rrjetin social “Facebook” ka shkruar se “në kuadër të nënshkrimit të memorandumeve të sotme, tani jemi në Deçan, të cilën komunë po e financojmë shtesë edhe me 400 000 euro”.
“Projektin të cilin jemi duke e bashkëfinancuar është: Zgjerimi i rrugës, urave dhe strukturave nga Deçani dalja për Pejë, segmenti Lëbush – Qendra e Strellcit”, ka treguar Durmishi./Media Ndërtimi
Infrastrukturë
E vetme, në karrocë, banon në katin e tretë pa ashensor
Duke qenë me aftësi të kufizuara dhe duke jetuar vetëm, Sabina Lloqani nga Prishtina, thotë se i është vështirësuar jetesa për shkak se kompleksit të saj banesor i mungon ashensori, raporton Radio Evropa e Lirë/
Ajo thotë se ka nevojë për një asistent, të cilin nuk po mund ta angazhojë me pensionin e vogël që ia jep shteti.
https://www.evropaelire.org/a/sabina-lloqani-vetme-karroce/32922105.html
Bëhet hapi i parë për linjën hekurudhore Fushë Kosovë-Klinë-Pejë dhe Klinë-Prizren
Mbi 14 milionë euro për projekte infrastrukturore për Deçanin
Cyrihu planifikon që popullsia e tij të arrijë shifrën prej 2 milionë
E vetme, në karrocë, banon në katin e tretë pa ashensor
Delta e paprekur e Vjosës kërcënohet nga turizmi masiv
Ngecin punimet për ndërtimin e urës te Liqeni i Badovcit
Hoteli ‘Four Seasons Istanbul’ votohet si më i miri në botë
Në maj hapet gara për ndërtimin e aeroportit të Gjirokastrës
Markat e njohura të modës “Zara” dhe “H&M” akuzohen për shpyllëzimin dhe grabitjen e tokava në Brazil
Neom siguron mbështetje financiare prej 2.7 miliardë dollarësh
Ndërtuesi thotë se i përfundoi punët sipas kontratës te ‘Prishtina e Re’, 40 familje të një kompleksi mohojnë këtë, mbesin pa kushte jetese
Në Kosovë po prodhohen shtëpi të gatshme me beton të parafabrikuar [video]
Agroturizmi më i madh në Ballkan ndërtohet në Suharekë
Këto janë 5 kompanitë ndërtimore më të mëdha në Prishtinë, prinë Marigona Hill
Kush po i pengon hetimet në rastin “Brezovica” ku u sekuestruan 75 villa
Pa e shkatërruar natyrën, lagjja Area34 vjen me shumë kasolla në liqenin e Batllavës
Lëndohen dy punëtor të ndërtimit pas rrëzimit të një plloçe në Kaçanik
Rruga A del këtë javë në tenderim, do të ketë gjashtë korsi
Kompania kosovare “FORMON” krijon ventilatorë të frymëmarrjes
Rinovohen disa ndërtesa banimi në Gjakovë, shpenzojnë më pak energji elektrike
-
Infrastrukturë9 hours agoHekurudha Vorë-Hani i Hotit? E gjitha elektrike, trenat do mund të lëvizin me shpejtësi deri në 120 KMH
-
Infrastrukturë7 hours agoMbi 74 milionë euro do të investohen në Kramovik për Parkun Solar
-
Infrastrukturë8 hours agoNjë rolete e projektuar mirë përmirëson efikasitetin energjetik të një ndërtese
-
Infrastrukturë1 hour agoBëhet hapi i parë për linjën hekurudhore Fushë Kosovë-Klinë-Pejë dhe Klinë-Prizren
-
Infrastrukturë5 hours agoNë maj hapet gara për ndërtimin e aeroportit të Gjirokastrës
-
Ambienti7 hours agoMarkat e njohura të modës “Zara” dhe “H&M” akuzohen për shpyllëzimin dhe grabitjen e tokava në Brazil
-
Infrastrukturë9 hours agoMbretëria e Bashkuar përballet me një mungesë ‘brutale’ të aftësive të ndërtimit!
-
Infrastrukturë7 hours agoNeom siguron mbështetje financiare prej 2.7 miliardë dollarësh