Connect with us

Infrastrukturë

Super Kinemaja Evropiane me 15 salla po hapet në Prishtinë

Published

on

Megaplexi me 15 salla, nga të cilat 4dx dhe gold class, do të jetë kinemaja më e madhe dhe më moderne në Evropën juglindore.CineStar Cinemas, kinemaja më e madhe rajonale do të hapë megapleksin e saj më të madh me 15 salla në Prishtina Mall të premten me 2 Qershor!

Me këtë projekt, qyteti i Prishtinës, në segmentin e shfaqjeve kinematografike, do të renditet krahas qyteteve më moderne në Evropë dhe botë

CineStar, një megapleks i gjeneratës së fundit, do të sjellë në Prishtinë konceptin “Destination Cinema”, i cili është një trend superior në industrinë botërore të kinematografisë dhe do t’ju ofrojë adhuruesve të filmit në Prishtinë dhe rrethinë një përjetim të paharrueshëm kinemaje dhe do t’ua ndryshojë tërësisht mënyrën se si ata janë mësuar të shkojnë në kinema.

Me 15 kino salla të pajisura në mënyrë moderne të dimensioneve dhe identitetit të ndryshëm vizual, me afërsisht 2000 ulëse, CineStar Megaplex në Prishtina Mall do të jetë kinemaja më e madhe, më moderne, por edhe më e bukura në Kosovë dhe më gjerë.

Përveç epërsisë teknologjike që përfshin ekranet Harkness nga muri në mur, projektorët lazer Barco 4K RGB, Real D Ultimate 3D, altoparlantët JBL dhe amplifikatorët audio Crown, brendësia e CineStar-it të Prishtinës do të ketë një shumëllojshmëri materialesh, ngjyrash dhe stilesh të nënshkruar nga dizajnerë të njohur që kanë montuar dhe kinema të tjera CineStar të vlerësuara me shumë çmime, përfshirë çmimin për kinemanë më të mirë të sapondërtuar në Evropë 2018 (CineStar Split).

CineStar Megaplex Prishtina Mall paralajmëron formate ekskluzive premium të kinemasë që do të mundësojnë një eksperiencë filmi krejtësisht ndryshe.

4DX është teknologjia më e fundit e filmit e zhvilluar nga CJ 4DPLEX, lider botëror në teknologjinë 4DX, e cila ofron një përvojë kinematografike gjithëpërfshirëse me shumë ndijime. 4DX përfshin pamjet vizuale në ekran me ulëse lëvizëse të sinkronizuara dhe efekte mjedisore si uji, era, mjegulla, aroma, bora dhe më shumë se 21 efekte speciale shumë realiste, të gjitha për të intensifikuar aksionin në ekran. 4DX krijon ambientin më të jashtëzakonshëm për filmat.

CineStar Cinemas është zinxhiri më i madh i kinemasë në rajon me 28 multiplekse, 182 salla dhe afërsisht 28,000 ulëse në territorin e Kroacisë, Serbisë, Bosnjë e Hercegovinës, e me këtë megaplex në Prishtinë, CineStar tani hyn fuqishëm edhe në Kosovë.

CineStar Cinemas është një lider në ofrimin e përvojës më të mirë të mundshme të kinemasë për audiencën e saj, duke vënë në krye inovacionin e vazhdueshëm, gjë që i ka bërë ata një nga zinxhirët kryesorë dhe me rritjen më të shpejtë të kinemasë në rajon dhe Evropë.

Infrastrukturë

Afera e 53 milionëshit – Gjykata e Prishtinës konstatoi se marrëveshja ishte kundërligjore

Published

on

Gjykata Themelore e Prishtinës në aktgjykimin e datës 20.03.2024, ka konstatuar se ish-ministri i Infrastrukturës, Pal Lekaj, sekretari i përgjithshme i kësaj ministrie, Nebih Shatri dhe ushtruesi detyrës së drejtorit të prokurimit publik, Besim Tahiri, nuk kanë qenë të thirrur për të nënshkruar marrëveshjen për zgjatjen e aftit të përfundimit të punimeve për rastin e ‘53 milionë eurove’ me Bechtel & Enka-n.

Qeveria e Kosovës ishte detyruar që t`i jepte 53 milionë euro kompanisë “Bechtel & Enka” për përfundimin e punimeve në autostradën  “Arbën Xhaferi”, pasi ishte nënshkruar marrëveshja për zgjatjen e afatit të përfundimit të punimeve.Mbi këtë bazë, trupi gjykues me kryetare Violeta Namani, anëtarët Vesel Ismaili dhe Musa Konxheli, kanë ardhë në konstatimin se tre të pandehurit kanë tejkaluar kompetencat e tyre me rastin e nënshkrimit të kësaj marrëveshje.

“Të pandehurit, Pal Lekaj, Nebih Shatri dhe Besim Tahiri, në cilësinë e personave zyrtarë në bashkëveprim dhe me dashje, duke shfrytëzuar detyrën dhe autoritetin zyrtar i kanë tejkaluar kompetencat zyrtare ashtu që e kanë nënshkruar marrëveshjen e datës 27.09.20217 në emër të Ministrisë së Infrastrukturës si punëdhënës në njërën anë dhe kompanisë “Bechtel & Enka” si kontraktor në anën tjetër”- thuhet në Aktgjykimin e Gjykatës, shkrua Kallxo.com

Trupi gjykues tutje kanë ardhë me konstatim se me veprimet e tyre tre të pandehurit kanë vepruar në kundërshtim me rregullat e përcaktuara me statutin dhe kodin e sjelljes i cili parasheh detyrat dhe përgjegjësitë e Komitetit drejtues ndërministror. Ky komitet përbëhej nga pesë ministra me në krye, Pal Lekajn.

“… ku është konstatuar se KDNM është organi kryesor dhe i vetëm vendimmarrës në realizimin e projektit duke përfshirë edhe anën financiare. Pasi që sipas gjetjes së Gjykatës, kompetent për të vendosur për këtë kanë qenë anëtarët e KDNM, pasi që të njëjtit kanë qenë kompetent që në mbledhjen e tyre të bëjnë shqyrtimin dhe vlerësimin e marrëveshjes për zgjatjen e afatit për përfundimin e punimeve dhe më pas të merr miratim nga anëtarët e KDNM-së, kjo ka qenë kompetencë ekskluzive e këtij komiteti për zhvillimin e projektit”- thuhet tutje në Aktgjykimin e përpiluar më 20.03.2024.

Marrëveshjen për zgjatjen e afatit të përfundimit të punimeve edhe për 347 ditë të tjera, Gjykata e shkallës së parë e konsideroi të kundërligjshme, duke dhënë si arsyetim se kur ishte nënshkruar marrëveshja nuk ishte përcaktuar kostoja financiare. Mospërcaktimi i kostos financiare në një marrëveshje sipas Gjykatës është në kundërshtim të plotë me rregullat e prokurimit publik.

Gjykata e Prishtinës më 31.01.2024 kishte gjetur fajtor të pandehurit, Pal Lekaj, Nebih Shatri, Besim Tahiri dhe Eset Berisha.

Gjykata kishte shpallur fajtorë dhe kishte dënuar ish-ministrin e Infrastrukturës, Pal Lekaj me 3 vjet e 8 muaj burgim dhe me dënim plotësues prej 3 vjet e 6 muaj ndalim i ushtrimit të funksionit në administratë publike.

Ndërsa këshilltari i tij politik, Eset Berishën ishte dënuar me 3 vjet e 3 muaj burg dhe dënim plotësues prej 3 vitesh ndalim ushtrimit të funksionit në administratë publike; sekretari i përgjithshëm të Ministrisë së Infrastrukturës për kohën kur ishte ngritur aktakuza, Nebih Shatri dhe drejtorin e prokurimit publik në këtë ministri, Besim Tahiri, janë dënuar secili me nga një vit e tetë muaj burg dhe me dënim plotësues prej 2 vitesh ndalim ushtrimit të funksionit në administratë publike./Media Ndërtimi

Continue Reading

Infrastrukturë

Ulqini drejt zhvillimit të qëndrueshëm turistik

Published

on

Bregdeti i Ulqinit cilësohet si vendi më i preferuar turistik në Malin e Zi. Plazhet me një vijë bregdetare shumë të gjatë dhe me biodiveroistet të pasur ofrojnë vlera të veçanta turistike. Në një intervistë dhënë Zërit të Amerikës, kryetari i Organizatës Turistike të Ulqinit, Qazim Hoxhiqi tha se planifikimi i ndërtimit të urës mbi lumin Buna, e cila do të lidhte Ulqinin me Velipojën, do të zhvillonte turizmin ndërshtetëror duke zvogëluar distancat mes dy vendeve turistike.

Bregdeti i Ulqinit cilësohet si vendi më i preferuar turistik në Malin e Zi. Plazhet me një vijë bregdetare shumë të gjatë dhe me biodiveroistet të pasur ofrojnë vlera të veçanta turistike.

Planifikimi i ndërtimit të urës mbi lumin Buna, e cila do të lidhte Ulqinin me Velipojën, sipas kryetarit të Organizatës Turistike, Qazim Hoxhiqi, do të zhvillonte turizmin ndërshtetëror duke zvogëluar distancat mes dy vendeve turistike

“Ndërlidhja mes dy vendeve shkurton distancën në disa minuta të Plazhit të Madh që është destinacion i rëndësishëm jo vetëm për turistët në rajon por edhe më gjerë. Ura ofron mundësi më të shpejta dhe nuk ka nevojë të kalohet nëpër disa pika kufitare ku ka flukse të mëdha,” thotë zoti Hoxhiqi.

Parakusht i rëndësishëm në zhvillimin e qëndrueshëm të turizmit, sipas zotit Hoxhiqi është edhe vjelja e taksës, e cila në këtë komunë realizohet online duke rritur dukshëm kapacitetet e saja.

“Vitin e kaluar kemi realizuar një aplikacion online, ku jemi të parët si komunë në Malin e Zi që është në funksion. Kjo mënyrë e vjeljes së taksës, vitin e kaluar kishte një sukses të madh ku 10-15% të taksapagueseve e kanë përdorur këtë aplikacion, ndërsa këtë vit besojmë dhe punojmë për të realizuar 40-50 % të pagesave”, thotë Hoxhiqi.

Në bregdetin e Ulqinit turizmi sportiv është mjaft i popullarizuar dhe sipas zotit Hoxhiq “Plazhi i Madh” është ndër dhjetë plazhet më të mira në botë për sportin “kitesurf”.

Zoti Hoxhiqi vlerëson se falë angazhimit dhe menaxhimit bashkëkohorë, Ulqini është shndërruar në një qendër të njohur turistike duke i ndjekur gjithnjë e më shumë trendët globale të turizmit./Media Ndërtimi

Continue Reading

Infrastrukturë

Shoqata e Ndërtuesve në Shqipëri kërkon në Kushtetuese shfuqizimin e vendimit për rritjen e referencës së apartamenteve

Published

on

Rritja e çmimeve të referencës së apartamenteve për Tiranën jo vetëm shtoi detyrimin e qytetarëve për taksën e ndërtesës, por dha efekt të menjëhershëm te kostot e aktivitetit të ndërtimit, pasi mbi këto çmime përcaktohet vlera e taksës në infrastrukturë.

Shoqata e Ndërtuesve ka kërkuar në Gjykatën Kushtetuese shfuqizimin e pjesshëm të vendimit të miratuar korrikun e kaluar me rritjen e çmimeve të referencës. Seanca e parë që do të jetë publike është përcaktuar të zhvillohet më 18 Qershor 2024, shkruan Monitor.al

Referuar objektit të padisë nga Shoqata e Ndërtuesve kërkohet shfuqizimi i aneksit 1 të vendimit ku përcakton çmimet e ndryshuara të referencave të shitblerjes së apartamenteve dhe shkronjës “dh” të aneksit 2 të vendimit që përcakton veprime prapavepruese për “çmimi për metër katror sipërfaqe ndërtimore për ndërtimet e reja regjistruar sipas lejes së përdorimit në ASHK, pas hyrjes në fuqi të këtij vendimi, do të indeksohet me koeficientin 0.2 (zero pikë dy) herë më i lartë se çmimi i sipërfaqes së apartamentit të banimit sipas listës së përcaktuar aneksin 1 që i bashkëlidhet këtij vendimi, për 5 vitet e para pas regjistrimit të lejes së përdorimit në ASHK.

“Shfuqizimin e pjesshëm të vendimit nr. 457, datë 26.07.2023 të Këshillit të Ministrave “Për disa ndryshime në vendimin nr. 132, datë 07.03.2018 të Këshillit të Ministrave “Për metodologjinë për përcaktimin e vlerës së taksueshme të pasurisë së paluajtshme “ndërtesa”, e bazës së taksës për kategori specifike, natyrën dhe prioritetin e informacionit dhe të dhënave për përcaktimin e bazës së taksës, si dhe të kritereve dhe rregullave për vlerësimin alternativ të detyrimit të taksës”, të ndryshuar” (VKM nr. 457/2023) shkronjës “dh” të Aneksit 2, si dhe në pjesën që ka emërtuar të përcaktoje në Aneksin 1, pika a.2) se çmimet mesatare referuese të shitblerjes së ndërtesave që përdoren për qëllime banimi për Bashkinë Tiranë, do të zbatohen për lejet e ndërtimit të dhëna pas hyrjes në fuqi të këtij vendimi, si të papajtueshëm me Kushtetutën.

 

  1. Pezullimin e zbatimit të shkronjës “dh” të Aneksit 2, si dhe pikës a.2) të Aneksit 1, për lejet e ndërtimit të dhëna përpara hyrjes në fuqi të VKM-së nr. 457/2023 deri në hyrjen në fuqi të vendimit të Gjykatës Kushtetuese”, citohet në objektin e padisë dërguar Gjykatës Kushtetuese.

 

Shtoi 40% detyrimet e taksës së infrastrukturës dhe deri 300 euro/m2 çmimet

Taksës së ndikimit në infrastrukturë nga ndërtimet e reja i nënshtrohen të gjitha subjektet që kërkojnë të pajisen me leje zhvillimore dhe leje ndërtimi për objekte banimi, administrative, prodhimi, shërbimi e tjera. Taksa paguhet nga ndërtuesit para zbardhjes së lejes së ndërtimit.

Për Tiranën është në nivelin 8% dhe llogaritet për metër katror mbi çmimet e referencës të cilat nga gushti i vitit të kaluar u rritën nga 5 deri 76% për 32 zonat kadastrale të Tiranës./Media Ndërtimi

Continue Reading

Trending