Connect with us

Infrastrukturë

Si e shkatërroi tokën e Prizrenit qiramarrësi i AKP-së?

Published

on

Kompania “SEDTOURS SH.P.K.”, e cila është në pronësi të afaristit Almir Gashi më mënyrë të jashtëligjshme ishte duke shfrytëzuar/keqpërdorur tokën e NSH “Zhupa Reqan” në Prizren, derisa pavarësisht këtij fakti arriti që të nënshkruante një kontratë me AKP-në.

Kështu thotë zyra e auditorit përmes raportit të fundit ku sipas tyre AKP ka mungesë totale të kontrollit të qirave të aseteve të shtetit. Nga ana tjetër, përfaqësuesit e kompanisë thanë dhënë Insajderin një version tjetër të historisë.

Zyra e Auditimit, përmes raportit të fundit për Agjencinë Kosovare të Privatizimit ka ngritur alarmin për keqpërdorim të aseteve të Ndërmarrjeve Shtetërore. Përmes këtij raporti, Auditori ka identifikuar mangësi në procesin e dhënies me qira të aseteve si dhe në menaxhimin e kontratave nga ana e AKP-së.

Të gjeturat tregojnë se si është shfrytëzuar ilegalisht toka e Ndërmarrjes Shtetërore “Zhupa Reqanë – Prizren” nga qiramarrësi “SEDTOURS SH.P.K.”, e cila është në pronësi të afaristit Almir Gashi.

Në raport thuhet se toka e dhënë me qira për shfrytëzim afarist është përdorur edhe për eksploatim të gurit gëlqeror. Gazeta Insajderi ka kërkuar nga AKP qasje në kontratën mes NSH “Zhupa Reqanë” dhe “Sedtours”.

Në kontratën që ka siguruar gazeta, nuk bëhet e ditur nëse qiramarrësi ka të drejtë të shfrytëzoj tokën për abuzim me gur gëlqeror.

Në kontratë thuhet se qiramarrësi është i obliguar të paguaj shumën prej 548.64 euro për një vit kalendarik për token afariste që gjendet në fshatin Reqanë – Prizren me sipërfaqe prej 54864m2.

 

Me rastin e nënshkrimit të kësaj kontrate, sipas ZKA-ës. qiramarrësi ishte pajtuar që për shfrytëzimin ilegal të paguante qiranë për 10.5 vite nga Tetori 2005 deri në Prill 2016 për 0.69 hektar të kësaj parcele.

“Mirëpo sipas ortofotove të siguruara nga geoportali i Agjencionit Kadastral të Kosovës kemi vërejtur se në vitin 2004 ky qiramarrës ka qenë duke i shfrytëzuar 1.11 hektar, në vitin 2009 ka qenë duke i shfrytëzuar 2.40 hektar, në vitin 2012 ka qenë duke i shfrytëzuar 3.4 hektar dhe jo 0.69 hektar ashtu siç është nënshkruar marrëveshja”, alarmon ZKA

Sipas këtij raporti,  “SedTours” në vitin 2000 kishte të nënshkruar një marrëveshje për ngastrën kadastrale nr. 154 me Komunën e Prizrenit për eksploatimin e rërës dhe zhavorrit ku ishte përcaktuar çmimi i eksploatimit për çdo m3 në vlerë 2 marka.

“Qiramarrësi kishte licencë nga KPMM për eksploatim të gurit gelqeror për periudhat 2005-2017 dhe 2016-2025 por kjo e fundit ishte pezulluar me 05.09.2022 nga KPMM me arsyetimin se qiramarrësi nuk e ka sjellë Kontratën/Aneksin e Kontratës për vazhdimin e shfrytëzimit të pronës me pronarin e tokës – AKP”, thuhet në raport.

Në bazë të raporteve të siguruara nga Komisioni i Pavarur për Miniera dhe Minerale për periudhën 2012-2021 kishte eksploatuar 337,765m3 gurë gëlqeror ndërsa AKP për këtë pronë kishte arkëtuar të hyra nga qiraja në vlerë totale  vetëm 4,511 euro.

ZKA në fund të raporti për këtë kontratë zbulon edhe shkatërrimin e kësaj toke të shtetit deri në nivelin sa nuk mund të kthehet në gjendjen e mëparshme.

“Neni 2.3 i kontratës në mes të AKP dhe qiramarrësit përcakton se: qiramarrësi është i obliguar dhe pajtohet që të mirëmbajë tokën afariste në atë gjendje ekzistuese që ka qenë në fillim të periudhës fillestare”, thuhet në raport, por bëhet me dije edhe se  “duke pas parasysh eksploatimin e gurit gëlqeror pothuajse është e pa mundur të kthehet në gjendjen fillestare”.

Tenderët që fitoi “SedtTours” nga Komuna e Prizrenit

Edhe pse ZKA ngrit alarmin që kompania e vëllezërve Gashi ka shkaktuar një dëm të pariparueshëm në tokën e shtetit që gjendet në komunën e Prizrenit, administrata e atjeshme e ka për një kohë të gjatë “SedTours” SHPK si kompani që e shpërblejnë me tenderë.

Vetëm në një kërkim tek projektet që janë listuar në faqen e komunës, “Sedtours” është shpërblyer me mbi disa tendere.

Disa nga projektet në të cilat “SedTours” SHPK është shpërblyer nga Komuna e Prizrenit janë kryesisht me ndërtimin e infrastrukturës rrugore në disa lagje të Prizrenit, furnizimin me zallë, mirëmbajtja dhe riparimi i infrastrukturës, ndërtimi i rrugëve lokale, rehabilitimi dhe riparimi i rrugëve fushore, etj./Media Ndërtimi.

Infrastrukturë

Komuna e Prishtinës tejkalon vlerën e parashikuar, jep tenderin për ndërtimin e një rrugë kompanisë me ofertën 100 mijë euro me të shtrenjtë

Published

on

Komuna e Prishtinës ka ndarë afro 500 mijë euro për “Ndërtimi i rrugës që lidh rrugën 1 Tetori me rrugën Isa Kastrati”. Ky tender iu dha kompanisë që ishte më e shtrenjtë për 100 mijë euro më shumë krahasuar me ofertat e kompanive të tjera. Komuna tejkaloi edhe vlerën e parashikuar për këtë kontratë, shkruan Insajderi.

Njoftimi për dhënien e kontratës u dha ditën e djeshme.

Në garën për kontratën që u dha afro 500 mijë euro, ishin katër kompani. Ndonëse vlera e parashikuar e kontratës ishte 384,448.50.

Dy kompani të tjera kishin dhënë oferta me të lira.

Grupi i Operatorëve Ekonomik Rexha dha ofertën prej 367 mijë euro. Ndërsa Abedin Rexha prej 377 mijë euro.

Por, komuna shpërbleu me tender kompaninë që kishe çmimin me të lartë për 100 mijë euro, krahasim me dy kompanitë e tjera ofertuese.

“GASHI 3 ING SH.P.K.; GASHI ING SH.P.K” është kompania që mori kontratën prej 487 mijë euro.

Në njoftimin për dhënie të kontratës thuhet se u dha tenderi favorshëm ekonomikisht./Media Ndërtimi

Continue Reading

Infrastrukturë

‘U rrëzua derisa punonte në një skelë ndërtimi’, Sigurimi shëndetësor në sirtar!

Published

on

Përveç dhimbjeve dhe pamundësisë për të lëvizur, Rexhep Gashi brengosej edhe për mbulimin financiar të trajtimit të tij.

I shtrirë prej ditësh në Klinikën e Ortopedisë të Qendrës Klinike Universitare të Kosovës, 52-vjeçari ka këmbën e thyer dhe disa rruaza të shtyllës kurrizore të krisura.

Ai u rrëzua derisa punonte në një skelë ndërtimi.

“Nuk e di se çfarë më ka ndodhur në atë moment. Isha shumë i lodhur. Mendoj se për shkak të lodhjes, edhe jam rrëzuar”, thotë Rexhepi.

Shërbimet që mund t’ia ofrojë QKUK-ja i merr falas, ndërsa të tjerat duhet t’i mbulojë vetë.

Kështu, ai pagoi një jelek për boshtin kurrizor, të cilin ia rekomanduan mjekët.

“Gjithçka është bërë e shtrenjtë… do të ishte mirë po të kishim sigurim shëndetësor nga shteti”, flet shkurt Rexhepi, pa dashur të japë më shumë detaje rreth pagesës që ka bërë.

Sikurse ai, pa sigurim shëndetësor, janë të gjithë qytetarët e Kosovës, përveç atyre që janë të siguruar përmes kompanive private, që ofrojnë sigurime të tilla.

Ka 17 vjet që është miratuar një ligj për sigurime shëndetësore, por çështja është zvarritur vazhdimisht.

Zyrtarë të Ministrisë së Shëndetësisë thonë se një projektligj i ri tani “i ka kaluar fazat e konsultimeve publike” dhe se “grupi punues është në proces të inkorporimit të komenteve”.

Kosova nuk ka sigurime shëndetësore, ndonëse në vitin 2007 u miratua ligji për këtë çështje, por asnjëherë nuk hyri në fuqi, pasi shefi i atëhershëm i Misionit të Kombeve të Bashkuara në Kosovë nuk e nënshkroi.

Pas pavarësisë së Kosovës në vitin 2008, ishin vetë qeveritë e Kosovës ato që e tërhoqën ligjin, për shkak të implikimeve buxhetore.

Kuvendi i Kosovës arriti ta miratonte Ligjin e ri për sigurime shëndetësore në vitin 2014, mirëpo as ai nuk u zbatua.

Zbatimit të tij u tha se do t’i paraprinte një periudhë prej gjashtë muajsh për mbledhjen e fondeve, e cila do të niste nga 1 korriku i vitit 2017.

Mungesa e sigurimit shëndetësor nuk është e vetmja sfidë që mundon punonjësit në Kosovë.

Sipas Inspektoratit të Punës, shumë prej tyre – sidomos në sektorin privat – ankohen edhe për orare të stërzgjatura të punës, paga të ulëta, mungesë kontratash, punë në fundjavë etj.

Dita Ndërkombëtare e Punëtorëve që shënohet çdo 1 maj, punëtorët në Kosovë i gjen me pagë mesatare prej 520 eurosh dhe me minimalen që sillet nga 130 deri në 170 euro./Media Ndërtimi

Continue Reading

Infrastrukturë

Kryeministri Kurti ua dorëzon çelësat e banesave 56 familjeve në Graçanicë

Published

on

Kryeministri i Kosovës, Albin Kurti, në ceremoninë e përfundimit të banesave si pjesë e projektit të strehimit të familjeve që kanë banuar në qendra kolektive.

Kryeministri i Kosovës, Albin Kurti dhe ambasadori i Bashkimit Evropian në Kosovës, Tomas Szunyog, kanë marrë pjesë në ceremoninë e përfundimit të banesave në lagjen “Suvido” në Graçanicë si pjesë e projektit të strehimit të familjeve që kanë banuar në qendra kolektive.

Në këtë lagje të Komunës së Graçanicës është bërë ndërtimi i dy ndërtesave banesore, hapësirave komunale dhe zonave rekreative.

Kryeministri Kurti gjatës fjalës së tij ka theksuar se janë mbledhur për t’ua dorëzuar çelësat e 35 banesave.

Ndërsa, ambasadori i BE-së, Szunyog, ka thënë se ky projekt ka mbështetur 56 familje nga komunitetet jo shumicë, duek shtuar se sot për ta fillon një jetë e re.

“Është ditë e veçantë për juve dhe për neve. Ky projekt është iniciative e përbashkët e financiar nga BE-ja dhe Ministria për Komunitete dhe Kthim. Ai nuk do t’ ishte i mundshëm pa mbështetjen e Komunës së Graçanicës. Në kornizën e këtyre projekteve kemi mbështetur 56 familje nga komunitetet jo shumicë. Kjo riafirmon rolin e BE-së si donatori më i madh në Kosovë. Sot fillon një jetë e re për juve, shpresoj qe te gjeni fuqi dhe inspirim që ta bëni këtë projekt të banimit social storie suksesi”, është shprehur ai.

Pjesëmarrës ka qenë edhe ministri për Komunitete dhe Kthim, Nenad Rashiq, i cili ka thënë se 34 banesat e ofruara nga ky projekt janë për 84 persona, dhe se për secilën familje ministria ka ofruar pajisjet elektrike, mobile dhe ushqim që do tua lehtësojë jetën atyre.

“Atyre u është ofruar edhe hapësirë për rekreacion. Përkushtimi ynë mbetet në nivelin më të lartë sepse ministria dhe qeveria e kuptojnë se sa të rëndësishëm janë shembujt e tillë”, ka thënë ai.

Ndër të tjera, ai ka shtuar se tashmë kanë shpallur konkurs për zhvillim ekonomik dhe qëndrueshmëri në vlerë 1 milion euro./Media Ndërtimi

Continue Reading

Trending