Kryetari i LDK-së, Lumir Abdixhiku, pas takimit me ekspertë të ekonomisë nga ky subjekt politik, ka folur për investime në infrastrukturë, përfundimin e autostradave dhe ndërtimin e Termocentralit me gaz në vlerë 500 milionë euro.

Po ashtu investime sipas Abdixhikut do të ketë edhe në qendrat turistike si në Dukagjin dhe Brezovicë.

Në programin e tyre, po ashtu përshihet dhe rritje e pagave në sektorin publik, me koeficient deri 150 euro.

“Sot mbajtëm takimin e dytë të radhës të departamenteve të lidhjes demokratike të Kosovës, siç e dini LDK ka organizuar 21 departamente të fushave të ndryshme të programit politik “Rruga e re“. Sot mbajtëm takime me profesionistët dhe ekspertët e fushës së ekonomisë ku u diskutuan disa nga zotimet dhe projektet kryesore ekonomike që LDK i ka brenda programit “Rruga e re”, ndër këto zotime, projekte kryesore veçohen dhe dallohen ato të rritjes së pagave në sektorin publik, ku LDK parasheh në bazë të diskutimeve të brendshme, koeficient deri në 150 euro për sektorin publik”, theksoi ai.

Ai ka folur edhe për investimet qindra milionë euro nëse LDK qeverisë me vendin, duke ndërtuar edhe një spital në Prishtinë në vlerë 250 milionë euro.

“Po parashohim investime të mëdha në infrastrukturë, në përfundimin e gjitha rrugëve dhe autostradave në Kosovë, në gazifikimin e Kosovës në ndërtimin e Termocentralit me gaz, një investim 500 milionë euro në Ferizaj dhe parashohim investime në qendrat turistike ne Brezovicë dhe Dukagjin e po ashtu edhe ndërtimin e një spitali të ri në Prishtinë në vlerë prej 250 milion euro. Pra këto janë diskutimet e brendshme që po bëhen brenda LDK-së për të shtruar përpara projektet identitare të rrugës së re dhe Lidhjes demokratike të Kosovës”, tha Abdixhiku.

Në këtë mbledhje morën pjesë ekspertë të ekonomisë, ish-ministra dhe deputetë të LDK-së nga fusha e ekonomisë./Media Ndërtimi

“Data 1 maj zyrtarisht duhet të përkonte zyrtarisht me nisjen e sezonit turistik në plazhin e Velipojës por duket se kur vit, ky plazh nuk është gati për të pritur vizitorët”

Panorama që të ofron sot Velipoja duket shumë lag pritshmërive për të ofruar një shërbim të duhur dhe për të kaluar pushimet pasi përgjatë gjithë vijës ranore kemi ende gërmadhat e objekteve të cilat u shkatërruan nga aksioni i IKMT të nisur pak ditë më parë në plazhin e Velipojës.

Për të mos folur me pas për mbeturinat që kanë pushtuar kudo këtë vijë ranore nga persona apo turistë të papërgjegjshëm të cilët pasi kanë kaluar çaste me shoqërinë e tyre nuk kanë preferuar që mbeturinat ti hedhin në vendin e caktuar.”

Kjo është panorama që të ofron sot Velipoja, aspak gati për sezonin turistik.

Mbetjet e objekteve janë kudo ndërsa punonjësit e bashkisë kanë nisur matjet për ndarjen e hapësirës së shezlongëve .

Pavarësisht kësaj duket se temperaturat e larta kanë tërhequr vizitorët e parë në Velipojë madje të shijojnë edhe detin.

Euronews Albania u interesua pranë bashkisë Shkodër për nisjen e sezonit turistik në Velipojë por deri tani zyrtarisht nuk kemi përgjigje nga ky institucion apo prononcim nga titullarët./Media Ndërtimi

Polonia do të fillojë ndërtimin e centralit të saj të parë bërthamor në Lubiatowo-Kopalino në provincën e Pomeranisë në vitin 2026. Do të ketë deri në gjashtë reaktorë në dy ose tre lokacione, me një kapacitet total gjenerues prej 6–9 GW energji elektrike. Termocentralet pritet të hyjnë në internet në vitin 2040.

Misioni i rishikimit të Agjencisë Ndërkombëtare të Energjisë Atomike (IAEA) ka vlerësuar hapat e ndërmarrë në Poloni për të zhvilluar infrastrukturën e nevojshme për energjinë bërthamore.

Rishikimi, i njohur si Rishikimi i Integruar i Infrastrukturës Bërthamore të Fazës 2, u zhvillua nga 15 deri më 25 Prill me kërkesë të Qeverisë polake me synimin për të kontrolluar gatishmërinë e vendit për të ftuar ofertat ose për të negociuar një kontratë për termocentralin e tij të parë bërthamor.

Ekipi i rishikimit “identifikoi praktika të mira nga të cilat do të përfitonin vendet e tjera që zhvillojnë energjinë bërthamore në fushat e qasjes kontraktuese, qasjes strategjike ndaj financimit, autorizimit të hershëm të organizatave mbështetëse teknike për të mbështetur rregullatorin bërthamor, angazhimit me operatorin e rrjetit elektrik, përfshirjen e palëve të interesuara dhe industriale përfshirje”.

Mehmet Ceyhan, drejtuesi teknik i Seksionit të Zhvillimit të Infrastrukturës Bërthamore të IAEA-s, tha: “Programi polak për energjinë bërthamore (PNPP) u iniciua me objektiva të qarta dhe po përparon drejt fazës së ndërtimit në mënyrë të strukturuar. Ne vëzhguam ekipe të forta dhe të përkushtuara në secilën prej organizatave kryesore që do të ndihmojnë në arritjen e objektivave të qeverisë për PNPP-në.”

Për të ecur nga këtu, Polonia duhet “të rishikojë më tej kuadrin e saj ligjor dhe rregullator dhe të finalizojë punën përgatitore të kërkuar për fazat e kontraktimit dhe ndërtimit”./Media Ndërtimi