Infrastrukturë

Çka realizoi në vitin e parë të qeverisjes me Prishtinën arkitekti Përparim Rama?

Published

1 year ago

December 27, 2022

Bërja e planit paraprak të Rrugës A dhe nisja e procedurave sa më parë për ndërtimin e saj ka qenë projekti më i madh kapital i synuar nga Komuna e Prishtinës për vitin 2022.

Ndërsa fillimi i rrugës së re në lagjen Arbëria e cila pritet të lidhë këtë lagje me qendrën e qytetit dhe rrethrrotullimin e Lakrishtës janë disa nga punët kryesore që nisën në qeverisjen një vjeçare të Përparim Ramës.

“Për të marrë vendime të mëdha siç është ajo për ta rikthyer unazën e brendshme në një kahje duhet të bëhen testet sic i kemi bërë. Ne i kemi p[paralajmëruar qytetarët që do t’i bëjmë këto testime dhe i kemi bërë tri teste gjatë vitit 2022. Ne gjatë qeverisjes prej një viti, mburremi me nënshkrimin e kontratës për ndërtimin e 3 shkollave ku në mars të vitit 2023 pritet të nisin punimet, kurse dyert të hapen në vitin 2024. Pra me një dinamikë prej 18 muaj punime do t’i kemi tri shkolla të reja në Prishtinë.”, deklaroi nënkryetari Alban Zogaj për magazinën televizive “Ju flet Prishtina’.

Komuna e Prishtinës ka anuluar një varg të kontratave, ku ka shkëputur 30 kontrata për realizimin e projekteve.

Kontratat janë shkëputur nga kompanitë e sektorit privat për kryerjen e shërbimeve, pasi ato janë nënshkruar me çmimin e vitit 2020-2021, kurse këtë vit çmimi i materialeve ndërtimore pësoi ngritje dhe solli barriera në implementimin e projekteve në terren.

“Është pritur nga kryetari Rama si arkitekt dhe projektues që do të punojë më shumë ne realizimin e disa prej projekteve të cilat vet ai i ka prezantuar gjatë fushatës. Programi me të cilin ka fituar ka pas shumë nënkalime dhe mbikalime për t’u realizuar. Shkoi viti i parë i qeverisjes së tij dhe ne nuk po shohim asgjë në terren. Në buxhetin e vitit të ardhshëm nuk ka projektet të parapara për ndërtimin e nënkalimeve. Ka vetëm për ndërtimin e dy segmenteve të Rrugës A, një km më poshtë se Veterniku dhe një më lartë. Pra nuk ka rrugë që do të ndërtohen për ta shkarkuar komunikacionin” , tha për Klan Kosova, Fahri Gashi, shef i grupit të asamblistëve të AAK-së në Prishtinës.

Sipas Komunës së Prishtinës, 2023-ta, do të jetë vit i investimeve të mëdha kapitale./Media Ndërtimi.

Infrastrukturë

Nënshkruhet marrëveshje për energji më të pastër me MCA-Kosova

Published

14 hours ago

May 3, 2024

Ndertimi Media

Një hap i rëndësishëm në peizazhin energjetik të Kosovës është shënuar, pasi u nënshkruan marrëveshjet kyçe ndërmjet Qeverisë dhe MCA-Kosova.Ministria e Ekonomisë nënshkroi Marrëveshjen e Entit Zbatues (IEA) me MCA-Kosova për Aktivitetin

Multifunksional të Ruajtjes së Energjisë (MFES), ndërsa Ministria e Mjedisit, Planifikimit Hapësinor dhe Infrastrukturës nënshkroi një Memorandum Mirëkuptimi me (Millenium Challenge Acount – Kosova) MCA-Kosova për Energjinë dhe Aktivitetin e Mbështetjes së Politikave Klimatike në kuadër të Programit Kompakt.

Këto marrëveshje janë thelbësore për zbatimin e suksesshëm të aktiviteteve të Kompaktit, të cilat

janë komponentë integrale të strategjisë së Kosovës për rritjen e sigurisë energjetike dhe kalimin në burime më të pastra të energjisë.“Pothuajse 2 milionë njerëz do të përfitojnë nga Programi Kompakt, investim ky në energji, më i madhi në 50 vitet e fundit. Deri në përfundim, Kosova pritet të ketë më së shumti ruajtje të baterive për kokë banori në botë”, tha Florina Duli – Sefaj, kryeshefe ekzekutive e e MCA- Kosova.implementojmë programin me sukses dhe në kohë, e që Kosova të merret si shembull i suksesit kur flitet për programet e MCC-së”, ka theksuar Ministrja e Ekonomisë Artane Rizvanolli.

Në mars të vitit 2024, Qeveria e Kosovës ndërmori një hap të rëndësishëm duke krijuar strukturën e pronësisë së Ndërmarrjes Publike “Korporata për Ruajtjen e Energjisë” (KRE).

KRE është vendosur të zotërojë dhe operojë rreth 125 MW për dy orë (ekuivalente me 250 MWh) të një ose më shumë sistemeve të ruajtjes së energjisë së baterive dhe sistemeve të tjera potenciale të ruajtjes së energjisë elektrike.

Ministri Liburn Aliu ka theksuar se bashkë me Ministrinë e Ekonomisë dhe MCC-në, po fillojmë bashkëpunimin për një qasje sistematike për llogaritjen e gazrave serrë, kështu për të ndihmuar për Agjencinë për Mbrojtjen e Mjedisit të Kosovës dhe sektorin e tyre të ri për inventarin e GS./Media Ndërtimi

Infrastrukturë

Gjysmë milioni euro për infrastrukturën e Artanës

Published

14 hours ago

May 3, 2024

Ndertimi Media

Zëvendësministri i Infrastrukturës, Hysen Durmishi, ka thënë se po vazhdojnë nënshkrimin e memorandumit për komunën e Artanës, të cilën komunë e kanë financuar 502,000.00€.

Ai ka bërë me dije se qëllimi i këtij memorandumi është bashkëfinancimi i projekteve infrastrukturore të cekura si më poshtë:

“Ndërtimi i Urave në fshatrat Llabjan (Brus-Abazaj-Zebincë-Makresh / lagjja Bajraj); Asfaltimi i rrugëve lokale për fshatrat: Parallov; Llabjan; Kufcë; Makresh i Ulët; Makresh i Naltë; Pasjak; Vllasali; Novobërdë; Koznic; si dhe Bushincë”, ka treguar Durmishi./Media Ndërtimi

Infrastrukturë

Italianët zgjedhin Shqipërinë si destinacionin ideal për t’u çlodhur buzë detit

Published

15 hours ago

May 3, 2024

Ndertimi Media

Ekzistojnë ende disa vende ku ju mund të shkoni me pushime në plazh sa herë të doni gjatë gjithë verës me çmime të përballueshme, shkruan Antonio Pilato në një artikull të botuar në revistën italiane “Solo Finanza”.

Vera po afron dhe për ata që nuk kanë planifikuar ende asgjë, ne rekomandojmë të zgjidhni dhe eksploroni Shqipërinë. Pa shpenzuar shumë para ju mund të pushoni në breg të detit dhe të shijoni çdo lloj rehatie.

Kjo është një mundësi ‘e bujshme’ e zbuluar nga portali i njohur (pirateinviaggio.it) i cili ditët e fundit ka ndarë me ndjekësit e tij destinacionet më të mira për vitin 2024, që nuk duhen humbur.

Shqipëria, një nga destinacionet në trend – edhe verën e kaluar – ofron për udhëtarët diell, det të kristaltë, plazhe që të lënë pa frymë dhe shumë shërbime të tjera me kosto dukshëm më të ulëta se ato që ofrohen në Itali, transmeton ATSh.

Saranda, një qytet i bukur bregdetar ofron hotele (me tre yje) ku mund të akomodoheni si “zotërinj të vërtetë”. Akomodohuni në hotelin “Vila Era Beach” për vetëm 20 euro nata. Hoteli është praktikisht në plazh dhe gjithashtu në paketë përfshihet vakti i mëngjesit. Vendndodhja mbetet padyshim ‘një pikë e fortë’, por edhe dhomat kanë hijeshinë e tyre. Ato janë të mëdha, komode dhe ideale si për çifte ashtu edhe për grupe turistësh. Disa nga hotelet, gjithashtu kanë një kopsht ose një tarracë të vogël.

Koha më e mirë për të vizituar Shqipërinë është fundi i majit deri në fund të shtatorit. Tashmë turistët italianë dhe jo vetëm kanë zgjedhur Shqipërinë si destinacionin ideal për t’u çlodhur buzë detit falë çmimeve të saj të përballueshme./Media Ndërtimi