Connect with us

Infrastrukturë

Problem akut mungesa e qasjes për personat me aftësi të kufizuara në Ndërtesat e Prishtinës

Published

1 year ago

on

Mungesa e qasjes për personat me aftësi të kufizuara në mjedisin e ndërtuar në kontekstin kosovar vazhdon të jetë problem akut, përkundër presionit të organizatave të shoqërisë civile dhe të aftësisë së kufizuar, si dhe mbi të gjitha, përkundër ekzistencës së një dokumenti ligjor, i cili përcakton normat e eliminimit të barrierave arkitektonike nga mjedisi i ndërtuar.

Ky është një nga konstatimet e raporitit ‘Qasja për Persona me Aftësi të Kufizuara në Ndërtesat Shumëbanesore në Prishtinë’, e cila u prezantua të premten nga arkitektja Rozafa Basha.

“Në Kosovë, nuk ekziston një statistikë përmbledhëse, që jep saktë numrin e personave me aftësi të kufizuara në nivel vendi, meqë edhe nga regjistrimi i fundit të popullsisë nuk kemi ndonjë të dhënë të besueshme. Por, bazuar në raportet e organizatave të aftësisë së kufizuar, llogaritet që edhe në Kosovë, popullsia me aftësi të kufizuar duhet të jetë e një përqindjeje të ngjashme me atë në nivel global.”, tha autorja e hulumtimit.

“Intervenimet e rralla përmirësuese, me qëllim të rritjes së qasjes së personave me aftësi të kufizuara në këto ndërtesa, janë kryesisht rezultat i përpjekjeve dhe investimeve
private të familjarëve të banorëve me aftësi të kufizuara, ose intervenime modeste komunale të ndihmuara nga donacionet ndërkombëtare përmes organizatave të aftësisë së kufizuar.”, tha Basha.

Në këtë hulumtim janë vlerësuar gjithsej 28 ndërtesa të gjitha lagjet e mëdha të Prishtinës. Përpos ndërtesave të banimit kolektiv, në hulumtim është përfshirë edhe një ndërtese e banimit social dhe 2 konvikte.

Gjatë konferencës, ku u prezantua hulumtimi i arkitektes Basha, u tha se në Kosovë, nuk ekziston një statistikë përmbledhëse, që jep saktë numrin e personave me aftësi të kufizuara në nivel vendi, meqë edhe nga regjistrimi i fundit të popullsisë nuk kemi ndonjë të dhënë të besueshme. Por, bazuar në raportet e organizatave të aftësisë së kufizuar, llogaritet që edhe në Kosovë, popullsia me aftësi të kufizuar duhet të jetë e një përqindjeje të ngjashme me atë në nivel global.

Në panelin të diskutimit marrën pjesë Xhemajl Metolli- zv.udhëheqës i Departamentit për Planifikim Hapësinor, Ndërtim dhe Banim; Afrim Maliqi-Handikos dhe Driton Tafallari- OJQ “Developing Together”.

Përfaqësuesi i Handikos, Maliqi theksoi se në vend nuk ka ligje të mjaftueshme në përputhje me legjislacionin perëndimor aq sa mendohet të jenë nga institucionet përkatëse.

“Nuk ka mungesë të vetëdijes të qytetarëve tanë në krahasim me vendet perëndimore mirëpo problemi kryesor qëndron te mungesa e veprimit nga ana e institucioneve përgjegjëse për parandalim dhe ndëshkim.”, tha Maliqi.

EC Ma Ndryshe ka organizuar konferencën “Qasja për Personat me Aftësi të Kufizuara në ndërtesat shumëbanesore në Prishtinë”, në të cilën kanë marrë pjesë zyrtarë institucionalë, ekspertë, aktivistë, qytetarë dhe mediat.(Festina Rexhaj)/Media Ndërtimi.

Related Topics:

Infrastrukturë

Xhamia e shkatërruar në luftën e Bosnjës ngrihet nga rrënojat

Published

13 hours ago

on

May 14, 2024

By

Për gati 400 vjet, një xhami osmane e shekullit të 16-të ishte në Banjallukë, por u rrafshua nga eksplozivët në mes të natës, më 7 maj, 1993.

Për vite me radhë, copat e saj u mblodhën me durim nga deponi plehrash dhe në lumin Vërbas pranë, me shpresën se një ditë do të ngrihej përsëri.

Dhe, më 7 maj të këtj viti, 31 vjet pas shkatërrimit, xhamia e rindërtuar Arnaudija u rihap.

Kryeimami i saj, Muamer Okanoviq, tha se dyert do të jenë të hapura jo vetëm për besimtarët myslimanë, por edhe për individë të besimeve të tjera.

“Për besimtarët dhe për të gjithë qytetarët, Banjallukës i është rikthyer një nga vendet më të rëndësishme të trashëgimisë së saj”, tha ai, duke shfaqur shpresën se xhamia “do t’i përmirësojë marrëdhëniet mes banorëve të qytetit”.

Sipas Bashkësisë Islame të Bosnje dhe Hercegovinës, restaurimi shtatëvjeçar i xhamisë kushtoi rreth 3.3 milionë dollarë.

Xhamia duket e re, por vizitorët do të mund të shohin edhe pjesë të gurëve origjinalë të shekullit të 16-të dhe detaje të tjera.

“Këto artefakte, këto copa duhet të rikujtojnë çdo vizitor, çdo person që vjen në xhami, se disa gjëra që kanë ndodhur disa dekada më parë, nuk duhet t’i ndodhin më askujt”, tha Okanoviq.

“Detyrë e jona është të jemi ndërtues dhe kurrë shkatërrues”, shtoi ai.

Gjatë luftës në Bosnje e Hercegovinë, më 1992-95, në Banjallukë nuk kishte luftime, por qyteti iu nënshtrua një fushate të qëllimshme dhe sistematike të spastrimit etnik, që çoi në dëbimin e popullsisë joserbe dhe zhduku trashëgiminë e saj kulturore.

Më 7 maj të vitit 1993, fillimisht, u hodh në erë Xhamia e Ferhat Pashës, apo Ferhadija – një objekt i trashëgimisë kulturore që mori mbrojtjen e Agjencisë për Kulturë të Kombeve të Bashkuara, UNESCO, në vitin 1950.

Rreth 15 minuta më vonë, të njëjtin fat e pësoi edhe xhamia Arnaudija.

Gjatë luftës në Bosnje më 1992-1995, u shkatërruan gjithsej 614 xhami dhe 307 të tjera u dëmtuan.

Gjithashtu u shkatërruan ose u dëmtuan edhe 353 kisha katolike dhe 125 kisha ortodokse./Media Ndërtimi

Continue Reading

Infrastrukturë

Ndërtimi i rrugës Sapniq – Nashpall merr mbështetje financiare mbi gjysmë milioni euro

Published

13 hours ago

on

May 14, 2024

By

Kryetari i Komunës së Rahovecit Smajl Latifi, bashkë me zëvendësministrin e Ministrisë së Infrastrukturës, Hysen Durmishi, nënshkruan memorandum mirëkuptimi për financimin e projektit: “Ndërtimi i rrugës Sapniq – Nashpall”.

Vlera e përgjithshme e projektit është 661,228.00€.

MMPHI-ja financon me 400,000.00€, ndërsa Komuna e Rahovecit e financon projektin me 261,228.00€./Media Ndërtimi

Continue Reading

Infrastrukturë

ATK fton ndërtuesit të paguajnë tatimet dhe Kontributet Pensionale për punëtorët e tyre

Published

15 hours ago

on

May 14, 2024

By

Administrata Tatimore e Kosovës, ri-kujton të gjithë personat të cilët merren me aktivitete afariste, se në bazë të legjislacionit tatimor janë të detyruar të regjistrohen, pajisen me Numër Identifikues të Biznesit / Numër Fiskal, deklarojnë dhe paguajnë tatimet (bazuar në statusin e tyre) dhe të mbajnë Tatimin në Burim dhe Kontributet Pensionale për punëtorët e tyre.

Bazuar në Planin Strategjik 2015-2020 dhe Planin e Trajtimit të Rreziqeve për vitin 2019, ATK ka hartuar Planin e  Veprimit për realizimin e aktiviteteve te bizneset me veprimtari ndërtimore, ku do të kryejë aktivitete intensive me qëllim të identifikimit të personave, të cilat nuk përmbushin detyrimet e tyre sipas legjislacionit tatimor.

Në fokus të veçantë, do të identifikohet veprimtaria ndërtimore, si në vijim:

Grupi i synuar:

  • Ndërtimi i ulët dhe i lartë

Bizneset, grupet punuese dhe personat fizikë në kuadër të veprimtarisë së ndërtimtarisë, si:

Muratorët, Armaturë punuesit, Betonime, Gërmimet e dheut, Punuesit e kulmeve, Prodhimi dhe montimi i dyerve dhe dritareve, Elektricistët, Instaluesit e ujit dhe ngrohjes qendrore, Montuesit e parketit/laminatit, Montuesit e qeramikës, Suvatuesit – fasada, Prodhimi dhe montimi i olluqeve, rrethojave të ballkonëve, shkallëve dhe rrethojave të oborreve nga metalet e ndryshme dhe druri, etj.

Objektivat:

  • Verifikimi i regjistrimit të aktivitetit
  • Verifikimi i lëshimit të kuponëve fiskal / faturave tatimore
  • Verifikimi i Pasqyrave financiare – Fitimit Bruto / Neto
  • Verifikimi i deklarimeve / qarkullimit real
  • Verifikimi i shpenzimeve reale kundrejt qarkullimit – Fitimit Bruto / Neto të deklaruar
  • Verifikimi i pagesave në Tatimet Direkte
  • Verifikimi i pagesave të TVSh-së
  • Verifikimi i numrit të punëtorëve – Pagesave të Tatimit në Paga dhe Kontribute Pensionale
  • Verifikimi i humbjes së vazhdueshme
  • Verifikimi i kreditimit të vazhdueshëm
  • Verifikimi i pagesave kundrejt fitimit
  • Verifikimi i investimeve
  • Regjistrimi i stokut
  • Identifikimi i mallrave pa origjinë dhe dokumenteve fiktive
  • Etj.

ATK, ju inkurajon që t’i përgjigjeni detyrimeve tatimore, në të kundërtën, do të ndërmerren masat ndëshkuese të përcaktuara me legjislacionin tatimor.

Me kryerjen e detyrimeve tuaja tatimore, ju kontribuoni direkt në ofrimin e shërbimeve publike, arsimim me standarde të larta, shërbime më të mira shëndetësore dhe sociale, mbrojtje ligjore dhe siguri, si dhe infrastrukturë të përgjithshme për një mirëqenie të qëndrueshme ekonomike dhe shoqërore./Media Ndërtimi

Continue Reading

Trending