Tech
Nga 2023 prodhimi dhe transaksionet e kriptovalutave tatohet me 15 për qind në Shqipëri
Nga 2023 prodhimi dhe transaksionet e kriptovalutave tatohet me 15 per qind
Të gjitha bizneset që do të licencohen në aktivitetin e prodhimit të kriptomonedhave në Shqipëri, do të tatohen me 15% prej vitit të ardhshëm.
Propozimin e parashikuar në projektligjin e ri për tatimin mbi të ardhurat, ekspertët e cilësojnë një hap të nxituar dhe pa efekt pozitiv në ekonomi. “Ndoshta në ligj le të theksohet por nuk ka efekte sepse në këto momente ne e dimë që 0% e ndërmarrjeve që potencialisht ushtrojnë aktivitet janë të licencuar.
Porsa kohë ne nuk kemi licenca, edhe efekti apo impakti që do të ketë do të jetë zero”, thotë eksperti i ekonomisë Genti Beqiri, raporton Shqiptarja.com
Eksperti Genti Beqiri thekson se përsa kohë nuk ka kompani të licencuara për këtë aktivitet, por nga ana tjetër ka subjekte që punojnë në mënyrë të paligjshme, vendosja e tatimit mund të nxisë më tej informalitetin.
“Ndoshta është e përshpejtuar 15%, sepse ne kërkonim që ky sektor të zhvillohej të kishim njerëz të interesuar, të regjistruar dhe të formalizoheshin. Vendosja e tatimit 15% vazhdon ti mbaj ato në informalitet dhe nuk do i stimulojë.
Ndoshta ato duhet të ishin pjesë e një ligji më të përgjithshëm por jemi duke i mbajtur në informalitet edhe ato që janë sektor aktualisht duke mos u formalizuar”, shprehet eksperti Beqiri.
Po ashtu do të tatohen të gjitha transaksionet që do të kryejnë bizneset me mjete virtuale.
Sipas projektligjit, kur të ardhurat klasifikohen nga investimet me përjashtim të dividendëve do të tatohen me 15%, ndërsa të ardhurat nga biznesi kanë shkallë të ndryshme tatimi, në varësi të të ardhurave që krijon gjatë një viti.
Prej vitit 2020 në Shqipëri ka hyrë në fuqi ligji “Për tregjet financiare të bazuara në teknologjinë e regjistrave të shpërndarë”, që i hap rrugën përdorimit të kriptovalutave në vend, por deri më tani nuk raportohet për asnjë subjekt të licencuar, pavarësisht se policia ka identifikuar raste të ushtrimit të aktivitetit në paligjshmëri./Media Ndërtimi.
Tech
iPhone i parë i palosshëm i Apple mund të mbërrijë në vitin 2026
Apple vazhdon të punojë në një iPhone të palosshëm, i cili mund të arrijë që në vitin 2026, sipas një raporti nga The Information.
Në shkurt, The Information raportoi se Apple ishte në fazat e hershme të zhvillimit të dy prototipeve të palosshme të iPhone.
Por tani, duket se Apple mund të jetë vendosur në një dizajn, pasi The Information thotë se pajisja ka një pseudonim të brendshëm, V68, që tregon “ideja ka kaluar përtej fazës konceptuale” dhe tani është “në zhvillim me furnitorët”, shkruajnë mediat e huaja, përcjell Telegrafi.
Apple thuhet se është ende duke punuar “për të rrafshuar rrudhat” që shfaqen kur telefoni shpaloset dhe po përpiqet gjithashtu ta bëjë pajisjen më të hollë.
Kjo vërteton raportin e së martës nga DigiTimes, i cili zbulon detaje të ngjashme në lidhje me planet e telefonit të palosshëm të Apple.
Thashethemet e fundit sugjerojnë se Apple po punon gjithashtu për një pajisje të palosshme të ngjashme me MacBook që mund të fillojë të shpërndahet në vitin 2026./Media Ndërtimi
Tech
Qeveria Kurti ndalon Tik-Tok-un, menjëherë implementohet ndalimi në pajisjet zyrtare
Qeveria e Kosovës në mbledhjen e sotme, më 28.06.2024, ka miratuar propozim vendimin që të ndalojë përdorimin e rrjetit social Tik-Tok në të gjitha institucionet publike.
Sipas këtij vendimi të gjithë zyrtarët publik janë të obliguar ta largojnë aplikacionin në pajisjet zyrtare.
Menjëherë pas miratimit të këtij vendimi, në pajisjet zyrtare është pamundësuar hapja e këtij aplikacioni.
“Bazuar në politikat e qasjes sëë organizatës suaj, qasja në këtë faqe interneti është bllokuar” – është njoftimi që iu del zyrtarëve publikë kur provojnë të kyçen në Tik-Tok.
Kallxo.com ka siguruar një fotografi të një pajisje zyrtare, nga e cila nuk është e mundur të kyçet në rrjetin social Tik Tok./Media Ndërtimi
Tech
Qeveria e Kosovës pritet të marrë vendim për ndalimin e “Tik-Tok-ut” në të gjitha institucionet publike
Qeveria e Kosovës do të mbajë sot mbledhjen e radhës.
Në mbledhjen e sotme e cila pritet të fillojë në ora 14:00, në rend dite janë dhjetë pika.
Ndër të tjera në mbledhjen e sotme të ekzekutivit do të bëhet shqyrtimi i propozim-vendimit për ndalimin e funksionimit të shërbimeve të Rrjetit Social “Tik Tok” në të gjitha Institucionet e Republikës së Kosovës.
Në mbledhjen e sotme po ashtu do të bëhet shqyrtimi i Drafti i Strategjisë Shtetërore Kundër Drogave 2024-2028 dhe Planin e Veprimit 2024-2026, shqyrtimi i Drafti i Strategjisë së Punësimit në Kosovë 2024-2028 dhe Planit të Veprimit 2024- 2025 dhe shqyrtimi i Draftit të Strategjisë së Turizmit të Republikës së Kosovës 2024-2030 dhe Plani e Veprimit 2024-2026./Media Ndërtimi
“Kulla s’asht cool”-qytetarët e Shkodrës po protestojnë kundër ndërtimit të objektit 35 katesh
Si Vladimir Putin krijoi një ‘flluskë’ të pasurive të paluajtshme
Kinezët dhe turqit “gëzojnë” koncesionin e bakrit në Shqipëri
Deodorantë, shishe uji plastike…: Çfarë nuk duhet të lini në vetura në ditët e nxehta?
Një autostradë dixhitale do të ndërtohet mes Tokës dhe Hënës
Develon prezanton ekskavatorin tunelues DX235RTF-7
Liebherr blen 119 hektarë në SHBA për të ndërtuar një qendër logjistike
Epiroc përballet me sfida në tregun e ndërtimit
India do të shpenzojë 132 miliardë dollarë në infrastrukturë
Bulevardi i palmave dhe agrumeve në Vlorë, 3.4 milion euro për projektin
Ndërtuesi thotë se i përfundoi punët sipas kontratës te ‘Prishtina e Re’, 40 familje të një kompleksi mohojnë këtë, mbesin pa kushte jetese
Në Kosovë po prodhohen shtëpi të gatshme me beton të parafabrikuar [video]
Agroturizmi më i madh në Ballkan ndërtohet në Suharekë
Këto janë 5 kompanitë ndërtimore më të mëdha në Prishtinë, prinë Marigona Hill
Kush po i pengon hetimet në rastin “Brezovica” ku u sekuestruan 75 villa
Pa e shkatërruar natyrën, lagjja Area34 vjen me shumë kasolla në liqenin e Batllavës
Lëndohen dy punëtor të ndërtimit pas rrëzimit të një plloçe në Kaçanik
Rruga A del këtë javë në tenderim, do të ketë gjashtë korsi
Kompania kosovare “FORMON” krijon ventilatorë të frymëmarrjes
