Dinamika e punimeve të deritanishme në rivitalizimin e hapësirave publike në zonën e parë historike të Prizrenit përkatësisht sheshin Shadërvan nuk është në nivelin e kënaqshëm, bazuar në rezultatet fillestare të një mini-ankete të realizuar me përfaqësuesit e 33 bizneseve në “Shadërvan” dhe në rrugën “Shaip Spahiu”. Edhe transparenca lidhur me ecurinë e këtyre punimeve është e pamjaftueshme për bizneset e anketuara, teksa aktualisht përballen me efekte negative në veprimtarinë e tyre.

Prej 33 respondentëve, 17 prej atyre kanë bërë të ditur se janë pjesërisht të informuar lidhur me punimet në këtë zonë, derisa 16 të tjerë kanë theksuar se nuk janë të informuar fare.

Bazuar në vëzhgimin e 28 të anketuarve (85%) punimet po realizohen me ndërprerje të pjesërishme, derisa 5 të tjerë (15%) konsiderojnë se puna është ndërprerë në tërësi.

Si sfida më të mëdha të bizneseve janë veçuar pengesat në qarkullim drejt hyrjes së biznesit (94%), menaxhimi jo i duhur i punimeve (85%), ndotja akustike (55%), etj.

Punimet e deritanishme në këtë zonë kanë pasur efekt negativ për operimin e 97% të bizneseve, ndërkohë që 70% të tyre nuk kanë informata se sa do të zgjasin punimet në këtë projekt kapital.

Rekomandimi kryesor i bizneseve për autoritetet e pushtetit lokal është që punimet në këtë zonë të kryhen para sezonit veror, të ketë koordinim më të madh mes punëkryesve, sikurse edhe mbikëqyrje më të madhe nga organet komunale.

Anketat me komunitetin e biznesit në këtë zonë do të vijojnë dhe rezultatet e plota të hulumtimit do të publikohen në javët në vijim./Media Ndërtimi

Renault prezantoi një SUV të ri të quajtur Symbioz. Është një SUV familjar me përmasa të mesme që synon kryesisht tregun e Nissan Qashqai.

Në Renault thonë se Symbioz synon të vazhdojë linjën e gjatë të “veturave për jetën” e Renault që daton që nga Renault 16 nga viti 1965, transmeton Telegrafi.

Renault Symbioz është projektuar për të mbushur boshllëkun midis SUV-së kompakte Captur dhe Austral-it më të madh, në gamën e modeleve me benzinë dhe hibride të markës franceze, duke e çuar numrin e veturave që Renault ka në tregun e veturave shumë konkurruese të segmentit C në pesë.

Symbioz ulet në një version të zgjeruar të platformës CMF-B të përdorur nga SUV i vogël Renault Captur dhe supermini Clio. Secili model ka një motor të plotë hibrid – i njëjti konfigurim hibrid E-Tech 145 që gjendet edhe tek ‘vëllezërit e motrat’ e tij./Media Ndërtimi

Para se ta bleni veturën e parë elektrike, shumë mendoni. Nuk ka asgjë të çuditshme për këtë – është një kalim kohe e shtrenjtë dhe nuk jemi gjithmonë të sigurt nëse do të shpërblehet fare.

Për këtë arsye, automjetet e këtij lloji nuk janë aq të njohura sa supozohej disa vite më parë kur filloi prodhimi i tyre. Prandaj lindin pyetjet, sa humbasin në fakt automjetet elektrike në vlerë? Dhe pse nuk janë as të kërkuara si të përdorura?!

Pse popullariteti i automobilave elektrik nuk është i kënaqshëm? Arsyeja për këtë, ndër të tjera, është mungesa e subvencionimit apo lehtësimi për blerje të tilla në disa vende, mbulimi i dobët me infrastrukturën e karikimit dhe jetëgjatësia e pakënaqshme e baterisë.

Situata është analizuar nga portali iseecars.com, duke marrë parasysh të dhënat nga tregu amerikan. Rezulton se vlera e përgjithshme e makinave ka rënë gjatë vitit të kaluar, por hendeku midis automjeteve me djegie të brendshme dhe veturave elektrike është i madh.

Ndërsa mesatarja ra me 3.6 për qind për të parën, mesatarja për të dytën ra me 31.8 për qind. Pra, në shkurt 2023, automjeti elektrik mesatar i përdorur kushtonte 45,321 dollarë në Amerikë, dhe në shkurt 2024, kushtonte 30,904 dollarë.

Rënia është dramatike, ndaj lind pyetja se sa kuptim ka të blesh një veturë elektrike nëse do ta shesësh relativisht shpejt.

Kuptimi ekonomik i blerjes së një makine elektrike është, padyshim, në shfrytëzim më të gjatë, kosto më të ulëta mirëmbajtjeje dhe (ndoshta) kosto më të ulëta të energjisë./Media Ndërtimi