Se nga privatizimi i egër, veç ndërmarrjeve të tjera, më së keqi kishte pësuar gjiganti i prodhimit “IGK- Ballkan”, Suharekë. Në këtë proces, duhen të hapen hetimet për privatizimet, të cilat po cilësohen si kriminale që u bënë në shtetin e Kosovës, nga mafio-oligarkët e lidhur me pushtetin, që drejtuan AKP-në, por edhe AKM-në, që sot janë bërë milionerë, kryesisht pra me korrupsione dhe krime të organizuar. “‘IGK-ja Ballkan’, fabrika e prodhimit të shiritave transportues, si dhe e rripave trapezë në Suharekë, ishte gjiganti i vetëm në Evropë që mbante diku 1900 punëtorë.

Siç e dimë, kjo fabrikë është privatizuar në vitin 2004 dhe ish-punëtorët e kësaj fabrike vazhdojnë të kërkojnë kthimin  e borxhit të 20 përqindëshit, edhe rrogave të mbetura, por askush nuk e ka gajlen  kjo fabrikë është shembulli më i mirë i dështimit të privatizimit të ndërmarrjeve publike në Kosovë. “‘Ballkani’ ishte një gjigant botëror, kur shiritat tanë transportues të kësaj fabrike pushtuan të gjithë tregun botëror, në të gjitha kontinentet.

Thënë shkurt, privatizimi i kësaj ndërmarrjeje ka shkatërruar punëtorët e këtij gjiganti. Ky privatizim i mbrapshtë ka bërë që një gjigant i prodhimit të kthehet në një kaos të konsumit, duke dhënë në shfrytëzim hapësirën e kësaj fabrike, dy ndërmarrjeve private, të cilat tashmë kanë përshtatur për interesa të profitit të tyre gjithçka që shohin para syve. Këto dy ndërmarrje private, ‘Elkos Group’ dhe ‘Viva Fresh Store’, kanë në shfrytëzim tash e sa kohë këto hapësira të IGK ‘Ballkanit”.

Blersi i këtij gjiganti, i afërt me të gjitha qeverit të deritanishme,por punët deri këtu i ka kryer me qeverin Thaçi

Ishte shumë i afërt me Qeverinë THaçi, kur Thaçi ishte kryeministër,dhe ende jaraninë, që pronari është një biznismen turk, nuk e kanë prish, dhe as për së afërmi nuk ka kryer obligimet sipas kontratës,dhe edhe atë e kanë liruar nga obligimet,që tani kjo ndërmarrje po shkonë nga një katastrof,që ka detyruar punëtorët,ende në grevë në një tendë,pran SHtëpisë së Kulturës,Ukë  Bytyqi në Suharekë.

Punëtorët e kësaj ndërmarrjeje shumë herë i janë drejtuar AKP-së dhe kanë vizituar edhe Gjykatën për të kërkuar atë çfarë u takon. Edhe sot vazhdojnë grevën për realizimin e të drejtave të tyre, disa prej tyre kanë protestuar edhe në Prishtinë.

Prandaj,duhet ta kemi parasyesh trajtimin me seriozitet të kësaj çështjeje nga organet përgjegjëse, kërkesat e tyre duhet trajtuar, nuk është e drejtë ata të protestojnë qe sa kohë dhe mos të përgjigjet askush. Prandaj, mos të harrojmë se këta janë punëtorë që me mundin e tyre ndërtuan Kosovën. Këta janë ata punëtorë që na mundësuan që të kemi bursa gjatë shkollimit, prandaj një respekt më shumë, një angazhim më tepër për ta.

Procesi i privatizimit pas luftës në Kosovë ka qenë një nga segmentet më të rëndësishme të kalimit të ekonomisë në ekonominë e tregut. Dihet tani nga të gjithë se ky proces i filluar me ndihmën e çmuar të ndërkombëtarëve dhe më pas i vazhduar nga institucionet e Kosovës, padyshim që ka qenë tema më e nxehtë e debatit dhe kritikës përgjatë gjithë zhvillimit të saj.

Janë të dyshimta shumë nga rastet e privatizimit të ndërmarrjeve shoqërore, siç janë fabrika e “Ballkanit” të Suharekës, Fabrika e Radiatorëve në Gjilan, “Sharri” në Han të Elezit e të tjerë.

Për këtë rastë ka shkruar edhe gazeta ”FOKUS”, dhe disa të tjera si në Kosovë, Maqedoni, Mali i Zi, dhe sipas informatave kanë shkruar, apo kanë botuar edhe disa gazeta botërore disa shkrime të mija personale lidhur me temën në fjalë, që mundeni t’i gjeni edhe në internet.

Ky opinion wshtw shkruar nga: Ragip Guraziu.