Ministri i Infrastrukturës, Liburn Aliu në debatin e organizuar nga Ec Ma Ndryshe theksoi se autoritetet luajnë rol të rëndësishëm në ndryshimet në kornizën ligjore në fushën e planifikimit hapësinor, megjithatë
Aliu shtoi se Ministria nuk ka një mekanizëm kredibil që i vlerëson këto ndryshime nga fusha e planifikimit hapësinor. Neni 18 i këtij ligji përbën elementin themelor që i paraprin ndryshimit që ka ndodhur, tha ai.
“Por si erdhi deri te kjo reformë? Origjina e ligjit të ri është e dyshimtë dhe nuk ka as legjitimitet e as kredibilitet se mbi çfarë bazë është sjellë ky ndryshim përkundër faktit se është votuar dhe aprovuar me shumicë parlamentare. Fakti i mungesës së studimeve e hulumtimeve kredibile nga kjo fushë shfaq në të njëjtën anë edhe nevojën e madhe për krijimin e autoriteteve profesionale që shqyrtojnë të gjitha anët e planifikimit hapësinor. Zgjidhja konkrete në praktikë kërkon krijimin e Institutit të Planifikimit Hapësinor të pavarur, kredibil dhe profesional në kuadër të Ministrisë, roli i të cilit nuk do të jetë vetëm rol vëzhgues por komponentë kryesore për hulumtime serioze e cila do shërbejë për nxjerrjen e të dhënave të qarta dhe kredibile nga kjo fushë. Krijimi i një databaze për hulumtime që i shërben Insitutit të Planifikimit Hapësinor, do të ishte zgjidhja e duhur për problem shumëdimensionale të kësaj natyre”.
Nga ana tjetër, anëtarja e Komisionit Parlamentar për Infrastrukturë, Mjedis dhe Planifikim Hapësinor , Albena Reshitaj tutje, theksoi se ka vullnet të madh të bashkëpunimit mes Kuvendit, Komisioneve dhe Ministrisë, por që në disa raste shihet mungesa e përkushtimit politik.
Në kuadër të pjesës së Planifikimit Hapësinor nga Programi Qeverisës në kuadër të Komisionit Parlamentar për Bujqësi, Pylltari, Zhvillim Rural, Infrastrukturë, Mjedis dhe Planifikim Hapësinor janë të parapara çështjet si: adresimi i tokës dhe shpronësimit, kadastri, aerofotografimi i territorit të Kosovës, ridizajnimi i gjeoportalit, përditësimin e të dhënave hapësinore si dhe zhvillimi i aplikacionit për menaxhimin e të dhënave të shpronësimit. Po ashtu, znj. Reshitaj tha se të gjitha çështjet e lidhura me planifikim hapësinor dhe mjedis shqyrtohen në Komision si çështje me prioritet të lartë.
Në debati e organizuar nga EC Ma Ndryshe është bërë prezantimi i hulumtimit “Reforma ligjore e planifikimit hapësinor të Kosovës në qorrsokak?!” ka vënë në pah sfidat e shumta sa i përket legjislacionit dhe funksionimit të mekanizmave të planifikimit hapësinor.
Në panelin diskutues ishin z. Liburn Aliu, Ministër i Mjedisit, Planifikimit Hapësinor dhe Infrastrukturës, znj. Albena Reshitaj, anëtare e Komisionit Parlamentar për Bujqësi, Pylltari, Zhvillim Rural, Infrastrukturë, Mjedis dhe Planifikim Hapësinor nga radhët e AAK-së, z. Sazan Ibrahimi, drejtor Ekzekutiv i Asociacionit të Komunave të Kosovës, z. Shkëlqim Daci, arkitekt dhe planer dhe znj. Flaka Xërxa Beqiri./Media Ndërtimi.