Connect with us

Aktuale

“Ishujt” e frekuentimit në Tiranë, çfarë solli transformimi i Pazarit të Ri?

Published

on

Tirana është identifikuar gjithmonë me disa “ishuj” ku frekuentimi është mesatarisht më i lartë sesa në pjesën tjetër të qytetit, pra ish-Blloku dhe Sheshi Skënderbej, të dy për arsye të ndryshme.

Listës së këtyre pikave i është shtuar disa kohë më parë ajo që njihet si zona TID Tirana, e mishëruar në projektin e Pazarit të Ri.

“Bashkëpunimi i AADF-së, Bashkisë së Tiranës dhe qeverisë shqiptare bëri që zona të ndryshonte krejtësisht pamje dhe menaxhim. Kësaj iniciative më pas i janë bashkuar bizneset e zonës, të cilat kanë investuar rreth 7.7 milionë USD.

Shifër kjo e angazhuar në biznese të reja dhe në ato ekzistuese. Investimi i lartpërmendur është reflektuar dhe në tregues të tjerë. Investimet e Bashkisë në Tiranë kanë rritur ndjeshëm vlerat e pronave të qytetarëve.

Sipas rezultateve të pyetësorit të realizuar në muajin shkurt 2018 nga shoqata TID Tirana, në zonën e Pazarit të Ri 43% e bizneseve të anketuara pohuan se kanë pasur shitje më të larta dhe 31% e tyre këto rritje në shitje i kanë pasur me mbi 50%.

41% e bizneseve kanë pasur vlera të shitjeve në nivele të njëjta dhe vetëm 16% kanë patur shitje më të ulëta. Një ndër indikatorët më të rëndësishëm të projektit është frekuentueshmëria. Rekordi i regjistruar arriti shifrën e 15 000 vizitorëve në ditë” shkruhet në relacionin e projektligjit “për Përmirësimin e Zonave të Biznesit” që është depozituar në Kuvend.

Në relacion jepen detaje të asaj çfarë ka ndodhur në zonën e Pazarit të ri të Tiranës.

Referuar relacionit, investimi në zonën e Pazarit të Ri duket se ka dhënë efektet e tij edhe në rritjen e vlerës së pronës, e cila, sipas referimeve të Bashkisë Tiranë është 30-40 % më e lartë.

E shprehur ndryshe, nga vlera 700 deri 850 euro/m2 tani vlera e pasurive apo e objekteve të banimit shkon më shumë se 1 300 euro/m2. Në total në hapësirën në fjalë operojnë rreth 374 biznese, nga të cilat 168 ushtrojnë aktivitetin tek markata e fruta-perimeve. Brenda Pazarit operojnë 68% e bizneseve dhe 32% ndodhen jashtë tij.

Tipologjia e bizneseve është e shumëllojshme. Sipas shifrave zyrtare, 54.2 % e tyre janë shitës ushqimorë (bulmet, fruta-perime, peshk etj.) 16.5% e tyre janë biznese të tjera joushqimore dhe 17.5% janë kryesisht restorante, kafe apo takeaway (merr me vete).

Aktualisht, shoqata TID Tirana ofron shërbimet e pastrimit shtesë të zonës, të sigurisë private në zonë, të magazinimit të produkteve të markatës së frutave e perimeve, si dhe të konsulencës për bizneset në lidhje me programet e granteve dhe të shfrytëzimit të hapësirës publike, në koordinim me Bashkinë Tiranë.

Aktuale

Komuna e Prizrenit organizon aksionin pranveror të mbledhjes së mbeturinave të vëllimshme

Published

on

Sektori i Mjedisit dhe Menaxhimit të mbeturinave ju njofton se nga data 1 – 7 Maj organizohet aksioni pranveror i mbledhjes së mbeturinave të vëllimshme.

Ky aksion është falas dhe është një mundësi që të kontribuoni në mbrojtjen e mjedisit të përbashkët, ndaj luteni t’i respektoni datat.

Gjatë kësaj kohe, luteni që t’i vendosni mbeturinat para shtëpisë suaj, për të siguruar shkarkimin e tyre të rregullt.

Banorët e ndërtesave të banimit kolektiv duhet t’i vendosin mbeturinat para pikës më të afërt të mbeturinave.

Këto aktivitete janë një mundësi për ta sensibilizuar komunitetin për rregullat e shkarkimit të mbeturinave dhe për të ndihmuar në ruajtjen e mjedisit./Media Ndërtimi

Continue Reading

Aktuale

Prokuroria Speciale e fton në intervistim zv. ministrin e Infrastrukturës Hysen Durmishin

Published

on

Në korrik të 2023, në emisionin “Kallxo Përnime” ishte publikuar hulumtimi për rrugën Prishtinë – Podujevë, në të cilin tregohej se si Hysen Durmishi kishte nënshkruar kontratat për këtë tender, duke pasur ankesë aktive në Organin Shqyrtues të Prokurimit (OSHP).

10 muaj më vonë, Prokuroria e Speciale e Republikës së Kosovës e ka ftuar zëvendësministrin e Infrastrukturës, Hysen Durmishin për ta intervistuar në lidhje me këtë çështje.

Ligji i Prokurimit Publik e përcakton se në momentin kur ka ankesë aktive nga një operator ekonomik që ka marrë pjesë në tender, aktiviteti i prokurimit pezullohet dhe autoriteti kontraktues nuk ka të drejtë të procedojë me nënshkrim të kontratave.

Continue Reading

Aktuale

AVONET: Prokurori i rastit të dërgohet në procedurë disiplinore

Published

on

Bordi drejtues i Rrjetit të organizatave jo-qeveritare AVONET dënon me vendosmëri kërcënimin dhe tentim sulmin ndaj Drejtorit Ekzekutiv të Organizatës sonë, z. Kenan Gashi.

Ky rast është raportuar menjëherë tek organet kompetente, megjithatë, ende nuk është ndërmarrë veprim nga Prokuroria Themelore e Ferizajt për të zgjidhur situatën.

Kërcënimi ndaj z. Gashit vjen nga një person i përfshirë në një proces gjyqësor në mes të AVONET dhe Komunës së Ferizajt dhe një kompanie. Është e rëndësishme të theksohet se ky kërcënim është pasojë e përpjekjeve të shoqërisë civile për të përfaqësuar dhe për të ndihmuar komunitetin, një mision që organizata jonë përpiqet të përmbushë me përkushtim çdo ditë.

Kërcënime të tilla ndaj aktivistëve të shoqërisë civile nuk mund të tolerohen dhe tregojnë mungesën e respektimit për të drejtat themelore dhe lirinë e shprehjes në shoqërinë tonë, të garantuara në nivel kushtetues.

Këto mosveprime të prokurorisë janë duke krijuar një precedent tejet të rrezikshëm për shoqërinë civile. Në vend që prokuroria të përcjell një mesazh të fuqishëm ndaj të gjithë atyre individëve që tentojnë të pengojnë dhe rrezikojnë punën e shoqërisë civile, publiku informohet se rasti po trajtohet në procedurë të rregullt. Në këtë mënyrë prokuroria ju mundëson këtyre personave “imunitet penal”.

𝐏𝐞̈𝐫 𝐤𝐞̈𝐭𝐨 𝐚𝐫𝐬𝐲𝐞, 𝐁𝐨𝐫𝐝𝐢 𝐃𝐫𝐞𝐣𝐭𝐮𝐞𝐬 𝐢 𝐀𝐕𝐎𝐍𝐄𝐓, 𝐩𝐞̈𝐫𝐦𝐞𝐬 𝐤𝐞̈𝐬𝐚𝐣 𝐤𝐨𝐦𝐮𝐧𝐢𝐤𝐚𝐭𝐞, 𝐧𝐣𝐨𝐟𝐭𝐨𝐧 𝐩𝐮𝐛𝐥𝐢𝐤𝐮𝐧 𝐬𝐞 𝐩𝐞̈𝐫 𝐬𝐡𝐤𝐚𝐪𝐞 𝐭𝐞̈ 𝐬𝐢𝐠𝐮𝐫𝐢𝐬𝐞̈ 𝐣𝐮𝐫𝐢𝐝𝐢𝐤𝐞, 𝐤𝐚 𝐮𝐫𝐝𝐡𝐞̈𝐫𝐮𝐚𝐫 𝐞𝐤𝐳𝐞𝐤𝐮𝐭𝐢𝐯𝐢𝐧 𝐞 𝐨𝐫𝐠𝐚𝐧𝐢𝐳𝐚𝐭𝐞̈𝐬 𝐩𝐞̈𝐫 𝐭𝐞̈ 𝐞 𝐝𝐞̈𝐫𝐠𝐮𝐚𝐫 𝐩𝐫𝐨𝐤𝐮𝐫𝐨𝐫𝐢𝐧 𝐞 𝐫𝐚𝐬𝐭𝐢𝐭 𝐳.𝐁𝐞𝐬𝐧𝐢𝐤 𝐍𝐮𝐫𝐞𝐝𝐢𝐧𝐢 𝐧𝐞̈ 𝐩𝐫𝐨𝐜𝐞𝐝𝐮𝐫𝐞̈ 𝐝𝐢𝐬𝐢𝐩𝐥𝐢𝐧𝐨𝐫𝐞 𝐩𝐞̈𝐫 𝐝𝐞̈𝐬𝐡𝐭𝐢𝐦 𝐭𝐞̈ 𝐦𝐚𝐫𝐫𝐣𝐞𝐬 𝐬𝐞̈ 𝐯𝐞𝐩𝐫𝐢𝐦𝐞𝐯𝐞 𝐩𝐫𝐨𝐤𝐮𝐫𝐨𝐫𝐢𝐚𝐥𝐞.

Bordi drejtues i AVONET dhe organizatat e shoqërisë civile, të përkushtuar për të përfaqësuar interesat e komunitetit dhe për të luftuar për drejtësi, bëjnë thirrje për një hetim të plotë dhe të drejtë në lidhje me këtë rast dhe kërkon solidaritetin e organizatave jo-qeveritare të tjera të cilat ndajnë të njëjtat vlera që janë të përkushtuara për të mbrojtur të drejtat e njeriut./Media Ndërtimi

Continue Reading

Trending