Connect with us

Aktuale

7 hapësirat më të mëdha të parkimit në botë

Published

on

Të pasurit hapësira të mëdha parkimi dhe funksionale në qytete është thelbësore për të lehtësuar jetën e mijëra shoferëve çdo ditë.

Para disa vitesh, nuk ishtenevoja të mendonim për parkingjet dhe të organizonim gjithçka në mënyrë perfekte, sepse kishte shumë më pak makina sesa kemi sot. Në ditët e sotme, njerëzit kanë investuar aq shumë në përdorimin e hapësirës me efikasitet maksimal sa që është ndërtuar çdo lloj parkimi. Kjo na bën të pyesim veten, cilat janë hapësirat më të medha të parkimit në botë?

WEST EDMONTON MALL

Ky parkim është aq i madh sa ju duhet një hartë për të gjetur rrugën tuaj. Ajo është e vendosur në Edmonton, Alberta (Kanada) dhe madje është futur në Librin Guinness të Rekordeve Botërore si vendparkimi më i madh në botë, me kapacitetin e 20,000 hapësirave të parkimit!

SEATTLE- Aeroporti Ndërkombëtar i TACOMA

Ky parkim zë vendin e dytë me kapacitet pak më të vogël se i pari. Nëse planifikoni të parkoni makinën tuaj, mund të jeni i sigurt që do të gjeni një vend të lirë, pasi që ka 13,000 hapësira parkimi në dispozicion.

Aeroporti i DETROIT

Ky aeroport është mjaft mbresëlënës duke pasur aftësinë për të shërbyer më shumë se 35 milion pasagjerë në vit, është një bishë e vërtetë! Epo, parkingu është po aq i mahnitshëm, edhe pse kapaciteti i tij është më i vogël, ai ende mban vendin e 3-të në listën tonë.

DISNEY WORLD

Për 49 vitet e fundit, Disney World ka mirëpritur vizitorët nga e gjithë bota. Fëmijë të shumtë gëzojnë karaktere vizatimesh të preferuara çdo vit dhe megjithëse kjo është gjëja kryesore dhe më e rëndësishmja, të mos harrojmë se prindërit vijnë me fëmijët e tyre me makinë dhe ato makina duhet të shkojnë diku. Epo, falë parkingut me kapacitetin prej 11,000 vendesh.

UNIVERSAL STUDIOS

Universal Studios ndodhet në Florida dhe është një park tematik që mirëpret më shumë se 10 milion vizitorë në vit. Ai mban vendin e të qënit parku i 6-të më i popullarizuar në SH.B.A. dhe parku i 9-të më i njohur i temave në botë. Ky parkim mban vendin e 5-të në listën tonë pasi ka kapacitetin e 10,200 makinave, kështu që vizitorët nuk duhet të shqetësohen për gjetjen e një hapësire parkimi.

DISNEY LAND

Menjëherë pas kapacitetit të Universal Studios vjen parkingu i Disney Land me kapacitetin prej plot 10,000 vende parkimi.

Aeroporti i ÇIKAGOS

Me kapacitetin e më shumë se 9,200 vendeve të parkimit, kjo hapësirë parkimi zë vendin e 7-të në këtë listë. Ekziston një hartë në dispozicion dhe gjithashtu mundësi të ndryshme për të zgjedhur parkimin, prandaj sigurohuni që të merrni kohën tuaj dhe të zgjidhni opsionin që ju përshtatet më shumë.

Aktuale

Shtyhet gjykimi në Prizren ndaj dy gjeodetëve të akuzuar për keqpërdorimin e detyrës

Published

on

Bajram Selmani dhe Luljeta Rizanaj, të akuzuar për keqpërdorim të detyrës zyrtare janë ulur në bankën e të akuzuarve në Gjykatën e Prizrenit.

Seanca e sotme nuk është mbajtur pasi sipas kryetares së trupit Teuta Krusha në mungesë të ekspertit të gjeodezisë Faton Bajselmani nuk janë plotësuar kushte ligjore që të vazhdohej seanca.Gjithashtu, në seancë nuk ishte prezent as përfaqësuesi nga Prokuroria e Prizrenit.

Sipas Prokurorisë i akuzuari Bajram Selmani më datë 10.12.2017 në kohë të pacaktuar në cilësinë e personit zyrtar, gjeodet i licencuar, ka keqpërdorur detyrën e tij duke bërë ndarjen e parcelave pa lejen, dokumentin dhe kërkesën e njërit bashkëpronar, këtu njëherit edhe i dëmtuari Gjek Gjevlekaj, e me ç’rast parashtron kërkesën dhe realizon regjistrimin me ndryshime të pronës.

Sipas dosjes, thuhet që i akuzuari Bajram Selmani “me qëllim që të përfitoj çfarëdo dobie për persona të tjerë, vëllezërit Pran, Gjon dhe Mihil Gjevlekaj, e që pretendohet të ketë shkelur të drejtat e personit tjetër bashkëpronar Gjek Gjevlekaj ka ndërmarrë veprimet e lartcekura”.

Ndërsa, e akuzuara e dytë Luljeta Rizanaj pretendohet se më datë 12.02.2018 në Prizren në kohë të pacaktuar, si gjeodete në Drejtorinë për Gjeodezi dhe kadastër bën regjistrimin me ndryshime të pronës së bashkëpronarit Gjek Gjevlekaj në Kadastral-Map.E akuzuara në fjalë pretendohet që regjistrimin në Kadastral-Map, e ka bërë edhe pse lënda nuk ishte e kompletuar, mungonte dokumenti i identifikimit si dhe kërkesa dhe autorizuari i bashkëpronarit Gjek Gjevlekaj, pa pëlqimin e tij bën ndarjen e parcelave.

Continue Reading

Aktuale

Aktakuzë ndaj dy zyrtarëve të Komunës së Suharekës për projektin e Ndërtimit dhe renovimit të objekteve sportive e kulturore

Published

on

Prokuroria Themelore në Prizren, Departamenti i Krimeve të Rënda, sot më datë 20.06.2024, ka ngritur aktakuzë kundër të pandehurve B. B., dhe B. K., për shkak se sipas Prokurorisë në bashkëkryerje kanë kryer veprën penale “Keqpërdorimi i pozitës apo autoritetit zyrtar”.

Sipas aktakuzës, të pandehurit B. B., dhe B. K., kanë cilësinë e personave zyrtarë.

Sipas Prokurorisë i pandehuri B. B. në cilësinë e menaxherit të kontratës, për projektin: “Ndërtimi dhe renovimi i objekteve sportive dhe kulturore”, ndërsa i pandehuri B. K. në cilësinë e Mbikëqyrësit të projektit të njëjtë.

Gjithnjë sipas aktakuzës prej datës 22.05.2018  e deri më datë 22.10.2018, në Suharekë, të akuzuarit i kanë tejkaluar detyrat e tyre zyrtare lidhur me këtë projekt.

“Gjatë kësaj kohe në kundërshtim me Rregullat dhe udhëzuesit operativ të Prokurimit Publik, pa miratimin e kryetarit të Komunës së Suharekës, i pandehuri B. K., ndryshon, ndërsa i pandehuri B. B., i aprovon paramasat dhe parallogaritë gjatë ekzekutimit të punimeve”.

Tutje, në aktakuzë thuhet se të akuzuarit – poligonet sportive në fshatin Peqan, Sllapuzhan dhe Buzhalë, në vend të rrethojave të poligoneve sportive me profil metalik të plastifikuar ndryshojnë paramasat në rrethoja – profile metalike të zinkuara, në poligonin sportiv në fshatin Buzhalë, ndryshojnë paramasën dhe parallogarinë, ashtu që në vend të shtrimit të fushës sportive me beton, bëjnë shtrimin e fushës sportive me barë natyror.

“Me këto veprime Komunës së Suharekës i shkaktojnë dëm të material në shumë prej 6 mijë e 839 euro, ndërsa operatorit ekonomik me seli në Prishtinë, i mundësojnë përfitim të dobisë materiale në shumë prej 6 mijë e 839 euro|.

Lidhur me çështjen, prokurori i ka propozuar Gjykatës që pas mbajtjes së shqyrtimit gjyqësor, administrimit të provave dhe vlerësimit të tyre, të pandehurit e lartcekur për veprën penale për të cilën akuzohen të shpallen fajtorë dhe të dënohen sipas ligjit./Media Ndërtimi

Continue Reading

Aktuale

Shpëlarja e parave e financimi i terrorizmit, rrezik nga Projektligji për kripto-asetet – BQK-ja do t’i mbikëqyr

Published

on

Komisioni për Ekonomi, Industri, Ndërmarrësi dhe Tregti të enjten ka mbajtur dëgjim publik për Projektligjin për kripto-asetet, me ç’rast u theksua nevoja për  miratimin e ligjit në Kuvend, raporton Ekonomia Online. Anëtarja e Komisionit për Ekonomia, Mimoza Kusari-Lila, tha se ky projektligj ka filluar nismën me dëgjimin e parë publik në muajin gusht të vitit 2021, ndërsa ka vazhduar në korrik 2022, teksa shtoi se këtë projektligj e ka mbështetur edhe Këshilli i Evropës.

“Janë bërë më shumë se dy vite kur nisma për kripto-asetet është filluar, deri më tani në këtë proces janë mbajtur dy dëgjime publike, i pari është mbajt në gusht 2021 për të diskutuar për idenë, i dyti është mbajt një vit më pas në korrik 2022-ës për një draft. KE-ja, përmes ekspertëve ka mbështetur grupet e punës, fokusi ka qenë të punohet kundër pastrimit të parave. Ky ligj ka për qëllim ruajtjen e kripto-aseteve”, tha Kusari-Lila.

Përfaqësuesi i BQK-së, Ervin Mala, tha se kanë filluar diskutimet për organizimin dhe ndarjen e resurseve dhe akteve ligjore.“Banka Qendrore do të ketë rolin për monitorimin e të gjithë operatorëve që do të merren në këto asete”, tha ai.

Deputeti nga AAK-ja, Pal Lekaj, tha se Qeveria duhet të ketë monitorimin e kësaj paraje në mënyrë që të mos keqpërdoret.

“Sa i përket kriptove, janë globale dhe ne duhet patjetër t’i standardizojmë ligjet në fjalë, ne duhet të kemi një licencim të tyre e kontroll, nuk besoj se ka dikush kompetencë tjetër përveç BQK-së. Qeveria duhet të ketë monitorim të parasë, të mos ketë shpëlarje të parave dhe të mos financohet terrorizmi. Duhet të regjistrohen individët qe kanë të bëjnë me asetet të mbrohen të dhënat dhe të ruhen transaksionet”, tha Lekaj.

Vyrtyt Ibrahimaga, avokat, tha se në draftin e parë janë përfshirë kushte që iu mungon rregullimi me akte nënligjore./Media Ndërtimi

Continue Reading

Trending